aquaricky的个人专页

上星期日,到女友家裡探望生病的她,她住在大圍村內的看過她之後,見閒來無事,便相約朋友出來吃飯看openrice,附近較好的餐廳只有這一家,便試試吧下午2時,不算太多人餐廳十分大,座位多而舒適,裝修亦相當講究我們點了一個韓式便當,樣子非常有趣,像是我們學生時代的產物味道不是太特別,煎蛋味道普通,上來時候不是太熱了紅腸味道不錯,但僅此而已紫菜都5是脆口,拌進飯一起吃不錯韓式壽司味道則不錯,跟日本壽司不同之處便是比日本的大舊和多了芝士別看輕芝士,令壽司的味道變了另一層次每人5舊,相當飽肚牛肉蛋鍋仔飯,這個反而不錯,蛋比剛剛的香,牛肉也十分好吃特別是鍋飯會令飯的熱度保持,所以吃起來十分可口酸辣韓式炸雞是我最喜歡的,炸雞十分香脆,酸辣醬亦相當惹味不過份量較小,只有3塊,只能當做小吃…查看更多

今晚要OT,放工就跟同事係附近食埋飯,我地行上第三街俾佢既特色裝修吸引左入去,我叫左個韓式拌飯配黑松露煙三文魚同岩漿蛋,賣相就好吸引,三文魚好入味,但份量就嫌細左d,可能做完成日野覺肚餓啦 飲品方面佢地有果茶同韓式涼茶可供選擇。每種味道都標榜有不同功效,我就揀左韓山什飲,可以抗衰老 易入口又吾會好甜,送甜品就最好,吾會甜上加甜。…查看更多

每星期我最少出去食飯一次，因為辛苦左咁多日一定要食番d好嘢慰勞自己～～今晚選擇左去尖沙咀搵食。上年既聖誕我第一次嚟試哩間餐廳 我仲依稀記得d 食物都幾有水準。可惜到今日已經保持吾到！！難食到吾識去形容！！率先上枱既係海南雞飯，賣相都吾錯, 雞既質地都幾滑令人食肉大增。油飯真係好多好多油 多到食左半碗已經滯左，另外仲附上一碗好油既湯…唉～之後上既係喇沙，味道平平無奇 未見突出 椰香又不夠只食到咸同辣…食到中間先到串燒同菜煲，串燒吾熱（啱啱先聽到隔離枱投訴完，我果碟都係無改善到）d豬肉係梅既而牛肉就硬到咬吾開（d串燒我見佢都係放係走廊通道，衛生既情度真係可想而知）菜煲只屬普通貨色而味道就好似辣味肉骨茶（此口味對本人嚟講不太合適）。…查看更多

難得有一日假期就同老婆出去行街兼撐枱腳，今次就去左荃灣搵食…咁啱行到荃新天地 一去就見到“魚米家”三個字，心諗好耐都無幫襯過就入去試下佢既米線。原來而家既魚米家已經多左好多嘢食，吾一定要食米線。吾洗等位但係要搭枱，初時都覺得ok既 食個tea啫～點知d位逼到手踭貼手踭 OMG   算啦…都係點完餐食完就走，2：10落單等左半個鐘先有食 已經無乜人入座但係都要等半個鐘先有嘢食。都算喇…講番d食物個黑椒牛柳飯，牛柳好韌好難先咬得開，而且味道一般。另外就係咖哩雞扒撈公仔麵，沒有咖哩味只有咸味，出前一丁既味粉都香過佢！！仲有個麵未淋就上碟，好彩雞扒既味道都正常… 不過哩一餐真係令人失望！！…查看更多

今日有好幾位同事生日, 所以就選擇去左outback 同十月之星慶祝喇…今次每人都揀左自己既心頭好，我就揀左五成熟既西冷牛扒。嚟outback吾食牛真係太浪費喇，因此見到餐牌有提供就要叫嚟試一下～上枱時見西冷仲滲出少少血水，入口卻煙煙韌韌 咬都咬吾開 真係可惜可惜……晚餐既質素一向都好高，每次叫一份Eye Steak兩、三個人總會覺得吾夠喉。今次哩個午餐既西冷牛扒真係令人大失所望我地仲叫左個爆炸洋蔥圈share,呢個小食就好食好多,可能我鍾意食香口野啦!…查看更多

今日既下午茶同左老婆去食大元街市上面果個平台HIGH TEA, 翻新左之後真係多左好多嘢食揀。有台灣、泰國同中式。好多鋪頭都好多外面都好多人排隊, 只見到”佳佳” 就冇乜人仲吾洗等有卡位坐, 我就一個箭步入左去…哩間鋪真係吾錯有炒粉麵飯食之外仲有粥同炸兩及腸粉。而我就揀左個比較大眾化既干炒牛河, 老婆就話冇咩謂口叫左個炸兩。干炒牛河味道都算OK,可惜有少少燶味，牛肉份量都算多但係就有D 韌, 可能炒到過左火喉。炸兩不過不失, 油炸鬼都幾脆腸粉就太厚。但係一個茶餐有埋嘢飲都係 25蚊就真係好化算～～…查看更多

每年中秋聚餐家人都會選擇以中餐為團年飯, 不過今年就搞搞新意思 去左食BUFFET。我地今次就揀左Holiday Inn 既 Bistro on the Mile, 聽聞哩間Buffet 既嘢食好多款式 今次就要去試下d 嘢食係咪咁抵讚!! 6:00 就已經可以入座, 所以家人就6:30 左右就到達。 我地亦安排坐係一個好安靜既角落。至於地方我都吾講太多喇, 總之就四四正正啦。嘢食方面就真係有好多回本菜: 新鮮生蠔、龍蝦、蟹及好多種類既刺身。另外熱食都好多選擇, 味道都好正。而甜品大致上都係以tart 、cake 同朱古力噴泉為主, 驚喜不大。…查看更多

今日係中秋正日 一班朋友下晝由大圍踩單車入大尾篤。大約5點零就去到 交車之後我地諗住燒野食, 有朋友仔就提議去巴希雅,佢話之前同班fd試過覺得吾錯。未夠六點已經有兩成入人座, 我地亦被好大既煙重重包圍。當日既收費每位 $198 包一隻海蝦、金菇、菠籮一煲蜆同蕉, 而以上食物都係每枱限量既。其餘食物就任食 當然包括bbq必食既牛肉、雞翼、粟米、雞腎啦。。。:)每枱另收開爐費蚊,呢樣收費我都覺得合理,但調味料佢都係提供左半杯豉油同半杯好似水既嘢。蜜糖,牛油呢d 最基本嘢要額外收費, 我就覺得好不爽囉!食材方面我地覺得一般, 尚算新鮮。可惜食物種類選擇不多。:(…查看更多

今晚心血來潮想食雞煲, 就拖埋d 屋企人一齊去試下”八妹雞煲”。平時好早就要大排長龍,所以我地提早6:30就去到 等左一陣就有位。首先梗係叫侍應介紹下有咩好食啦。佢就推介我地食手切肥牛、牛肉粒、滑牛、日本蠔同埋萵筍。我地班牛魔王一定吾會放過d 牛啦…..哈哈哈~~ 同埋我都係第一次用萵筍打邊爐咋, 口感好清爽,味道都吾錯。當雞煲一滾起就聞到好香,而且d 雞好入味又好滑。個辣度都OK又吾會好嗆喉。好彩我地叫左半隻雞咋, 如果吾係點食d 火鍋料一定食吾晒。食完雞再加湯打邊爐, 一嚟就搶先試下侍應都推介既手切肥牛、牛肉粒同滑牛啦。D 牛真係好鮮好嫩。另外其他嘢食都吾錯, 侍應既服務態度都好好。下次再去既時侯希望有更多新既嘢食揀啦。…查看更多