myfancom2的个人专页

又一城一間老牌餐廳，挨過疫情仍然健在的，一定有實力，有佢存在既理由，價錢雖然偏貴，但係質素有保證，今次襯侄女溜冰比赛完在又一城揾食，週六去都近乎滿座，所以限時1.5小時用攴，套餐份量十足，其中卡邦尼意粉10分好味，抵讚👍，海鮮捲麵d海鮮全部攪爛拌汁放在面，感覺怪怪的，影響正個口感，甜品不錯水準以上，待應服務速度好快，一叫就立刻有反應，一個小插曲，我地柯打一份青口，到差不多吃完都未到問了待應，坦白說忘記落單，有過來道歉，當然說立即做一份，但我地覺得差不多了所以決定取消，我喜歡真誠的道歉，總好過答你做緊就到！…查看更多

此次主題很多鮑魚,海参和花膠的菜式,花膠海参等份量都好多,其中炸海参好特別,位上燉湯內裡有齊鮑參翅肚,但飲完好口乾,泠盤海鮮方面生蟓新鮮但無咩蠔味,長脚蟹則太咸了,是浸太耐鹽水了嗎?刺身好新鮮,帶子同甜虾都好大只,仲有現場即劏藍鰭吞那魚,總括太多野食我連牛扒羊扒都沒有試上,補充食物的速度也很快,整體表現對得起呢个價.…查看更多

一行7人去完玩諗住食埋晚攴至返香港，在官也街揾食吾訂位真係几危，好在呢間晚市開6点，去到有廿三十人排隊中，好彩都食到頭圍，由於午攴吃自助攴真的吾肚餓，不過一場去到澳門點都要食下葡國菜，叫了四個菜1-白洒煮蜆，洒味令蜆肉十分鮮甜2-焗鸭肉钣，鸭肉係删絲的，所以啖啖饭都能吃到鸭肉3-什菜炒馬介休，就咁食偏咸，若送钣吃還可4-燒牛仔肉，個人認為比牛仔骨更好食，肉質鮮嫩而且有特配的肉汁點薯條食一流飲品叫了一小瓶红洒賓治，紅洒散發淡淡水菓香味不錯的選擇。最後埋單都11253元，比想像中便宜，人均160，的確抵食。…查看更多

今天一行8人去食點心放題，人多嘅好處就係可以試多幾款不同嘅點心，店員都有講解如何落柯打，是用QR code來下单的，每款點心一件起，每10分鐘可以再次柯打， 食物質素中規中矩，蝦餃皮太厚，黑松露燒賣好大粒但吃不到黑松露味，另外都有一些特別嘅點心值得推介例如咖哩蒙古羊肉餅，大良鮮奶一口酥，而銀湖天鹅酥就係打咭首選，涼拌小菜方面推介鎮江水晶肉同泡椒魚皮絲，出面洒樓少有，我地落左兩次柯打已經食到飽飽而其他食家說的漏单情況就末有出現，服務方面上點心同執枱都好快手，叫拿牙籤同幫我們影相都10分樂意。最後而加惠顧滿1000元還送片皮鸭！:)…查看更多

誰說過節一定要食中餐 ,今次我們就走去試西班牙菜,Mikiki裏面的Tapas brew( 其實門口在大街外), 店裏亦分室內和室外位置， 天氣較涼爽的話坐室外也不失另一種風味 ,訂位時他們說可以給c區 ，但其實店內很細只有數張枱所以只是將兩張細枱拍在 一起坐而巳，食物方面烤豬手口感同外觀 更似是炸的， 皮脆肉嫩不太乾，烤乳豬今次呢件有d肥 以為好難入口, 怎知出奇地好食，肥豬肉入口亦不覺油膩頗滑口的，牛小扒同西班牙海鮮飯中規中矩, 青口肉質鮮嫩 但係奶油就鹹左小小了， 美中不足， 最大驚喜係燒羊架， 連我唔食羊嘅都試食完全食唔到騷味👍， 飲品方面 沙冰大大杯質感一流， 埋單時店員主動送上氣球給小朋友 ，夠貼心 👍…查看更多

同弟婦慶祝生日， 預約一個月終於試到The Market, 由於我是經openrice訂位所以是4+2， send咗email畀佢哋將兩個order combined埋一張枱, 效率很快第二天已經致電給我，原本以為係兩張枱拼埋加一塊膠板嗰種， 點知去到原來成間房畀咗我係一張大圓枱 題外話可以坐六人表示所有員工打曬針， 夠曬驚喜加私隱，食物方面冷盤生蠔今天是澳洲的，很細只畀一個一蚊還要小， 長蟹腳有驚喜比出面的buffet大很多而且很有海水味，刺身方面北海道帶子很大隻，唔使排隊問佢攞三四份佢都畀冇托手踭 ，熱葷一般貨色， 燒牛扒同羊架 比較細件 不夠大方啊， 反而燒鵝肝一畀就畀兩三件， 燉湯好夠味，而蟹粥亦夠入味 ，今期主打係榴槤D24, 但係全部都係集中在甜品同雪糕上, 到最後唯一失敗地方 ，五大一小收了我們全部大人錢，結果要搞退款， 不過還算有禮貌地道歉,848+ 呢個價錢總結性價比一般,名副其實食名氣.…查看更多

週五晚上觀塘區工廠區人來人往 ， 很多樓上食肆 ，今天來幫襯歡喜燒 ，疫情關係，朋友相隔年半才一起聚會， 我們一行十人， 給了我們一間vip房， 分了三張枱自成一角， 燒肉款式很多調味適中， 燒肉放上爐就會自動轉不用動手， 只需一路聊天一路等著吃就可， 每枱贈送蒜蓉燒茄子一碟， 詢問店員可否再來一客， 他們也很有禮貌地說今天是週五比較爆場 ，先問問廚房有沒有足夠存貨 ，幸好最終也送多我們每檯一碟👍 另外有一些寫紙仔的和 熱葷的食物算中規中矩， 反而台式甜品不太甜很好吃😋， 還有香港品牌海鹽雪糕 一定要試一試， 由於限聚令十點鐘關門大約九點半左右便會通知last call同埋單， 記得生日出示身份證有九折啊…查看更多

終於取消限聚令，約番班老友出嚟食番餐飯，久仰賜哥大名 ，今次食佢最平嗰圍菜$6880😜， 乳豬沒有太鹹味道適中 ，雞煲翅看得到煲得很濃郁，上臺前還會先將魚翅拿出來給客人看一看份量十足，鮑魚今天個別有些炆得未夠火喉不夠林，又要扣分囉，當紅炸子雞手勢一流剛剛好超滑漏，全場唯一失敗嘅就係紅荳沙，太稀我還以為喝紅荳水，題外話，原本訂了兩只日本蟹$1800一只，最後因為不夠新鮮，叫我們不要，我想說疫情期間不為只做生意而埋沒良心這一点值得表揚。👍👍👍…查看更多

老公生日🎂出去吃個晚餐，近近地去屋企附近，疫症當前這一家人氣上海菜往日不到6點已經爆滿，今天到我們吃完埋單依然有一半未有入座, 今天吃的都是我老公喜歡的菜式， 每次到嚟都會點他最喜歡的清燉雞湯 ，雞湯味濃郁，雞件吃得出連骨都入口融化， 夠曬火爐， 椒鹽小黃魚 炸得恰到好處香脆可口， 椒鹽排骨拉麵 今天比較鹹 要扣少少分囉， 生煎包個底煎到好脆 ，但今次個size又縮水了，都明白生意難做有排捱，不能加價就唯有在分量上想辦法， 最後祝各位身體健康💪，抗疫成功。…查看更多

又同奶奶食生日飯今次試好評如潮既自助山，兩星期前訂位仍有講左窗口位欠奉，到前一天confirm booking 問他如有人cancel可否轉去窗口位, 說盡量最後都畀到我地有少少驚喜, 我哋揀咗五點九至八點呢段時間，入座前見到靚靚嘅黃昏到走嘅時候又可欣賞到美麗嘅香港夜景，正！ 食物方面質素好高 ，亦有一些貴價嘅食物如鵝肝，佛跳牆，海膽魚生飯等， 刺身今天嘅吞拿魚十分新鮮好正 ，帶子好大粒， 甜品有榴槤嘅布甸同糯米糍， 臨近中秋更 有25年陳皮豆沙月餅， 陳皮好香豆沙不太甜不錯 ，總括畀一些五星級自助餐質數還要高， 價錢方面望住個靚景食自助餐貴唔貴則見仁見智啦！…查看更多

先前試過在這裏食下午茶 點心同碟頭都做得不錯 ，於是帶奶奶來這裏吃飯， 由於他在精品酒店內有三層 所以我們被安排在二樓的一個房間內，叫了六人套餐， 先來一個杏汁豬肺湯 ，牛奶般的白實在太好味飲曬唔記得影相 菜式跟其他食肆的套餐 少少一樣， 有蝦多士， 和牛粒，燒汁大蝦 等而魚， 雞，飯大致一樣，甜品係凍的楊枝甘露，這裏的侍應十分貼心見我奶奶年紀大叫廚房特登做一個 熱的焗布甸給她吃，大大的一個讚，食物質素很好，廚師功力不錯， 最後我是經openrice 訂位的，他們找了好耐才找到我的booking，也跟我道歉因為新開張沒幾個月沒有經驗還在學習中， 我覺得他們的態度很好起碼肯認自己的不足，不錯。…查看更多

細妹剛剛搬到油麗邨在油塘內不停找新點子 ，剛好弟妹都在五月生日就在這裏吃飯慶祝 ，我也是第一次幫襯 ，說實在就是一般燒肉放題， 屋邨附近性價比十分高，要有嘅都有不多說，反而熱食有驚喜，是晚有燒鴨，紅酒燴牛尾，清汤牛腩，唯人參雞湯好淡， 豬腳薑 好稀不夠甜加太多水了, 刺身部分有三文魚，魚，劍魚腩算是落本了 ，另外做緊promotion 加18蚊可以加半隻波士頓龍蝦，來的時候已經是熟了可以當冷盤食 ，侍應亦建議可放在爐上加上蒜蓉燒才吃，我選擇後者，聞到龍蝦香味才吃確實不錯，甜品款式须少 但是樣樣都好精緻同好好味 ，雖然沒有貴價雪糕但也 有韓國雪條食，而換鐵盤亦十分之快， 唯一要扣分的地方就是放在食物下面的碟好多油有立痴痴的感覺，洗得不夠乾淨。…查看更多

朋友吃素打開開飯 ，首先是搜尋素食的，竟然出了這一家有機食店，儘管入去看一看食評，看看餐牌 ，也有很多素食者合適的菜式於是便訂了來試一試， 餐廳 入口比較隱蔽 ，要經過一堆有機食品用品店 才到， 幸好門口有一位置客大路不然也難找到， 由於有一位未到先叫了一個栗子小食， 很大一碗最後也沒有吃完， 松露蒜蓉包賣相像一個印度薄餅 ，很鬆脆 ，松露醬是另上的， 雖然聞得到松露味 但是放落口就覺得偏淡， 韓式藜麥泡菜壽司 ，(但是為何寫在沙律的menu內)， 壽司一般反而韓式甜辣醬很好味 ，主菜分別點了紅花粉雨衣甘藍松子意大利飯同海鮮牛角脆餅, 意大利飯一般 牛角脆餅內的海鮮餡 不太乾 味道不錯。 每個主菜都會跟一小掇沙律菜，用的意大利醋調得很到位好好味， 服務方面雖然唔夠主動但係都有求必應 好像我們一坐低他們忘記給我們麵包後来問他們也立即補回， 問他要熱水也会成壺放在枱面給我們。…查看更多

生日當天是閒日，近近哋去屋企附近，來一個任食火鍋先， 火鍋有幾個價錢選擇但係需要大家同時選擇同一 款，控製成本無可厚非，但缺彈性了， 由於海鮮只有蝦同蜆選擇，所以放棄了, 我們選擇了$189的牛肉, 鍋底方面 選擇了壽喜燒 同海帶湯， 服務員都很誠實地告訴我們海帶湯就只是滾水加海帶比較清淡 ， 我們兩人總共吃了九碟牛肉， 可能閒日客人比較少， 補充亦很快， 整體都有多款食物選擇 ，但係畀中式火鍋的選擇相對地就少很多了，其他熱食有湯有飯,甜品有雪糕佰零蚊算係相宜， 一試無妨。 最後網上好多食評都說服務好差， 但我今次去到見到d員工 ，全部都好好笑容喎 。 溫馨提示七點半前埋單有85折.…查看更多

一行十一人浩浩蕩蕩去食倫哥 ，由於人多要分 幾次才到齊， 所以我哋先食雞煲， 總共食咗七個 ，由冇辣，bb辣，中辣，大辣， 去到廚師都要出馬整個地獄辣我哋試， 真心講真係可以由吾辣食起，食出不同程度辣味同層次感， 齊人後分別上咗熱盤， 花膠鮑魚同蒜蓉蒸蟶子， 今次啲花膠又細又碎要扣分， 蟶子可以見到有大細差別， 但係都明白好難隻隻都一樣大細， 然後上刺身拼盤夠新鮮，火鍋嘅湯底除咗麻辣之外其餘四個我哋都叫了， 蕃茄薯仔鍋 ，芫茜皮蛋鍋 ，牛乳豬骨鍋比較杰，最有特色係椰子雞煱， 中間放有一大件冬瓜 ，吃火鍋前先來一碗椰子雞湯， 喝得到鮮椰子汁的凊甜， 終於進入火鍋階段 海鮮盤份量十足 ，美中不足蜆同蟶子都有沙，吐沙功序做得唔夠 ，牛肩脊冇得輸， 其他配料中也有深海龍躉肉任食， 要自己比錢既我推介黑毛豬肉片非常有口感， 我哋由七點半開始一直坐到十二點半足五個鐘， 最後埋單時信用卡機壞咗碌唔到卡 ，要現場籌旗太搞笑了， 最後溫馨提示生日有優惠， 生日前後及正日去， 壽星公可以免費啊，金牌冇咗喇。…查看更多