orangex2的个人专页

咁啱見到openrice book位有七折，唔理三七二十一即刻訂位食飯。既然有七折當然唔執輸叫咗個最貴嘅蟹盛同埋普通價位的鰻魚釜飯。鰻魚飯配置的前菜很快便到，相信係早已預備好，蟹盛的前菜則是即叫即整，所以要等，慢工出細貨不打緊，最緊要好食。蟹盛前菜有蟹腳同天婦羅，一上枱賣相贏晒冇得輸，味道不錯，炸物亦唔係多油。但之後問題就嚟啦⋯⋯前半段感覺到店鋪係用心整作食物，擺位，賣相樣樣都拍得住係日本當地鋪頭咁，但始終輸在身處香港，趕時間嘅習性係點都戒唔到，我地都未食完，職員就係咁要我地combine D碟，因為佢要出主菜，原本美味嘅一餐飯，雅興即時跌咗一半，係咁比人趕住食，由前菜上到食完成餐飯半個鐘左右，趕到頭暈。至於質素就不錯，釜飯唔係齋白飯，有淡淡的味道，飯粒亦粒粒分明有飯焦，鰻魚入口即溶，蟹飯拆晒肉，有誠意。…查看更多

有老細請食飯，當然絕不手軟叫咗個$398加10%的招牌龍蝦鰻魚便當啦。雖然價錢跟兩三年前一樣沒漲價，但之前好像是把整隻龍蝦起肉後連殼放進便當中，現在就應該祗有半隻龍蝦肉而殼就不見踪影。至於味道方便，算是保持水準了，不竟日本嘢新鮮便是至勝之道…查看更多

由於我地家族小朋友比較多, 平時比較小出街食飯, 因為怕麻煩, 影響到其他食客. 是晚因為紀念日, 而酒樓話一圍都可以有房, 所以勉強BOOK咗一圍原本平平無奇既三仟蚊普通飲酒食既菜式. 酒樓安排咗一間可以擺得落兩三圍枱既房比我們, 本來已經覺得賺咗, 勁多地方比小朋友走動, 點知好戲在後頭.侍應唔知係見我地人多定係阿媽嗰封利是既關係, 主動話壽包加多兩隻等我地夠分, 抵讚,食物味道算正常OK, 冇驚喜位, 翅都足料, 彈位係第一度菜-乳豬,比較肥同埋唔熱唔脆, 心諗算啦, 三仟蚊貨仔想點呀. 但食到炸子雞就覺得微暖, 似整咗一排咁, 我地見侍應入嚟, 便順便反應吓, 點知侍應姐姐即劇call咗經理入嚟問我地有乜唔好, 仲當場攞走咗已經比我食咗隻肶既雞話入去整過, 嘩....算係咁囉,起碼都肯整番熱呀, 點知轉頭返入嚟嗰碟雞係新呀, 兩隻肶都整晒呀, 勁有heart囉, 驚喜一浪接一浪, 轉個頭, 仲有人拎多隻乳豬入嚟, 話補番比我地, 我地成班人當場O晒嘴, 可能我見得世面小, 今時今日竟然有D咁優良既服務態度, 真係世間小有, 下次有機會一定要再嚟過, 大家記住有機會揾阿經理雄哥勁好服務.…查看更多

第一次嚟呢間食肆食宵夜, 一試難忘, 肯定以後都唔會再嚟.$38碟炒菜,個碟都己經細, 仲要得鋪唔滿而且"砵"過底既高度, 夾埋兩"著"都冇, 味道ok, 但份量真係小得離奇, 家陣d菜好貴咩, 唔洗咁誇張呀.$42蝦餅, 得四片, 記住係四片而唔係四舊, 肯定唔係自己打, 係一碌碌咁買番嚟切成一片片半煎炸.嗰片所謂既蝦餅SIZE係大過片紅腸小小小小小乍, 厚度就同紅腸差不多.$46蔗蝦, 有三條,唔夠彈牙, 仲衰過快餐店嗰D, 唔好為條蔗幼到似筷子就好抵食, 舊蝦肉祗不過係一幢五蚊銀咁大條乍.$38生牛河 (大), 係全晚最抵食既食物, 份量夠, 味道亦自中上, 河粉幾滑.$35蒜蓉牛油雞翼, 五隻雞中翼, 好明顥食得出係冇落粉就咁樣加係咁E炸過下,就加牛油同蒜蓉兜兜佢即上碟, 個皮好重牛油味, 內面係冇味的.$20青檸梳打: 收得廿雞, 比罐汽水都唔過份啦吓話, 竟然係比支裝, 仲係細支嗰隻, 得嗰2XXML, 兩啖就KO佢啦, 唔洗咁小家吓話.總括來說, 完全唔知食咗D乜落肚, 祗知道食咗啖風同啖氣囉.…查看更多

最初開的時候真係值得一讚， 足料， 但係尋晚再去食，就覺得差咗好多。叫咗四樣嘢: 兩個雜西, 一雜果嚤嚤喳喳同一個芒果紫糯米。味道都KEEP到, 但生果就少咗, 以前粒粒生果都係圓的, 依家粒粒都係得一半, 仲要由三粒變咗做兩粒，以後仲點幫襯呀。…查看更多

一行四大人加一個BB (三歲以下免費)，仲一套膠製的餐具，可惜個BB得三個月大享用唔到呢個優惠。今次食了很多嘢:冷盤: 龍蝦 - 好難先搶到大隻的，貨源絕對充足，有膏的好吃好妤多。生蠔 - 好細隻，海水味重，TODAI的比較好食。加菲蟹 - D膏好好食，但肉就同一般蟹冇分別。帶子 - 鮮甜但細小。赤貝 - 好新鮮。三文魚 - 好有三文魚味並唔係一般日本餐廳仔水準。熱盤:花膠 - 女人必食，好大隻，好滋陰。咖喱魚 - 超好味，惹味。蝦丸 - 蒜味的，食得出係新鮮打出來的。蒸魚 - 好滑。甜品:雪糕 - 竟然八點半就冇晒士多啤梨味，好過份。PUFF - 朱古加味勁正，D朱古加好食到似GOVIDA其他甜品都好一般，得個甜字，唔好食，但生果亦都唔夠甜，芝士配脆脆餅就好好食。包埋一杯餐飲，當然係飲貴嘢咖啡啦，都唔錯。…查看更多

第三次嚟食，感覺差咗好多，可能係因為冇咗份新鮮感又或者之前食凍食未見真章。第一次嚟時有份新鮮感，我鐘意佢的豆腐係列，尤其芝麻豆腐西米露，好好食好，有芝麻咪同豆腐味，加上一粒粒西米有得咬吓唔"淋"，幾好。第二次嚟食檸檬雪沙，酸酸地幾開胃，幾好。但第三次嚟，食到唔知食乜，叫了杏仁茶，又未去到杏霜咁差但飲得出唔係即磨，麻麻地。…查看更多

我們兩個人七點半去到唔洗等，但要坐出面馬路，有得食就乜都唔緊要,共叫了四樣嘢:麵包蟹($188)比想橡中細隻但膏都算多，蟹肉尚算新鮮。個醋最出色，配合蟹肉食一流。翡翠螺($48)半打，大隻，好鮮甜兼彈牙，加埋個汁極好食，非常抵食。芝士焗龍蝦配伊麵底($58)，以為有芝士伊麵底先至叫，點知係普通蠔油撈麵底，極之失望，鹼水味重唔好食。龍蝦得半隻，呢個價錢預咗係咁上下，加上一心諗住食芝士伊麵才叫，對隻龍蝦冇期望過所以冇失望。蒜蓉蒸象拔蚌仔($68)得三隻貴咗少少，但食得出好新鮮，但蒸得過久老咗少少。呢間店最唔掂的地方就係請咗過唔識做的伙計，坐低冇比餐牌，叫咗三次至肯落單，又叫咗三次至肯斟水，但叫埋單就一次搞掂，勁。…查看更多

由於有半價，今次一行八人亂咁叫, 食咗好多野小籠包2客: $28 - 有四粒, 皮簿餡OK, 可以一試醉雞: $5X - 6X - 冇酒味, 雞都幾滑芥末海哲頭: $6x - 好食, 幾爽, 有口感水晶肴肉: $4x - 我冇食到, 唔知吊燒雞: $180 - 好滑, 入味, 好好食片皮鴨: $280 - 唔好食, 由於皮肉一齊片好鞋松子黃花魚: $128 - 細條, 味道一般, 魚肉好散瑤柱蛋白炒飯: $68 - 預期的味, 好食但冇特別乾扁四季豆: $$5X - 6X - 美心的水準, 好食擔擔麵2客: $15 - 得個辡字, 冇乜味好一般龍井蝦仁$98 - 唔夠清, 偏咸.拔絲香羔蕉: $48 - 六粒, 來的時候己凍了, 有一粒拔咗三分鐘先拔到出來, 笑爆咀, 糖裝厚了一點香蕉高力豆沙: $48 - 六粒, 又係美心的水準, 幾好食但冇特別豆沙鍋餅: $38 - 好油,餅底脆得滯好似煎得耐得滯桂花拉糕: $20 - 四件, 好甜但好有桂花味我覺得呢度有少少食裝修, 因為個場好多水晶燈, 門口個盞大得跨張.半價咗之後$863.…查看更多

見到恆生卡有半價，所以我同D Friend四個人去試, 裝修似茶餐廳唔夠其他店高貴，價錢唔平，味道OK。食了七樣嘢: 葱油海哲頭花雕醉雞魯家冷麵怪味雞炒鱔糊沙律明蝦球火腿津白白飯一個海哲頭: $6x - 唔係平時食個D一舊舊, 係一片片的群, 爽口但冇咗口感得十多片花雕醉雞: $6x - 有酒味, 雞都幾滑, 係最好食的魯家冷麵: $36 - 係最抵食, 麻醬味, 有點辡, 值得推介怪味雞: $5x - 真係好怪, 有人食到甜味, 有人食到咸味. 係最大碟的食物少鱔糊: $88 - 細碟到暈, 三啖可以食晒成碟咁滯沙律明蝦球: $108 - 有六粒，都幾大粒同埋新鮮,半價都值得食火腿津白: 四塊火腿六片津白，記住係六片唔係六棵.半價咗都要$347蚊埋單.…查看更多

我們二十多人想係聖誕節食餐好，於是搵呢間餐到呢間自稱全球五十閒必試的餐廳食lunch，點知...不單祗唔好食仲慢到你唔信，由於我們二十多人，故此訂枱時己fax了聖誔menu給我們per-order了,十二點九去到諗住會有得食，點知佢話要逐個逐個再落一次，落完己經係一點四了，一點八來頭盤，兩點至飲湯，食完成餐飯己經係兩點十...頭盤:蠔，由於唔需要煮，加上幾新鮮湯:龍蝦湯:我個碗好正常，但隔離個碗得D泡仲係得半碗主菜:魚:完全冇味，我都知法國人食魚係冇乜味，但都唔洗"鞋"成咁呀甜品:本來話係雪糕，但來到時變了樹幹蛋糕伴一糕小小小雪糕，仲係好難食好以細個係荼餐廳食個D蛋糕加牛公司甘脆雪糕，真係可憐…查看更多

當行到門口時，看見名轉了有點失望，但看看門外的餐牌竟然跟以前的一模一樣，細問之下原來之前那間餐廳己賣盤，業主自己接手來做。今次點了蕃茄醬伴法國飽、翡翠海螺、煙三文魚凱撒沙律、茸露忌廉帶子扁意粉及House Red Wine。蕃茄醬伴法國飽的蕃茄醬雖然好簡單但因為用鮮蕃茄粒整成，第二間鋪頭食唔到。翡翠海螺好新鮮，亦食到海水味，唔係雪藏的，但美中不足的是，大家也知道出來食飯海螺殼會reuse，但大廚竟然幫我們把海螺的尾部清理好才放入去，雖然細心，但感覺唔係幾好。煙三文魚凱撒沙律好食，但其實唔需要特別技巧，冇乜好講。茸露忌廉帶子扁意粉個汁好好足夠，好怕有些鋪頭的意粉醬汁唔夠，令意粉太乾唔好食。最重要的是，依家食物份量比以前多少一半，但價錢一樣，好抵。…查看更多

我唔知甚麼是註冊食家，我祗知到食過呢間鋪頭的人，見到”心領神會”四個字都想出聲。我唔知呢位人兄有沒有食過這間鋪頭的出品，但點都好，食評係人家的食後感，亂咁講野好唔尊重別人。我上次兩個人去食了三個甜品：紅粉佳人，綠茶紅豆燉蛋白及香蕉班戟。紅粉佳人絕對係士多啤梨迷的至愛，出面的鋪頭食士多啤梨的製品一般都會有假假地的感覺，但呢度就感覺好新鮮，好好食，但可能用新鮮士多啤梨的關係，故價錢貴了少少，成二十多元。綠茶紅豆燉蛋白：綠茶溝蛋白去燉，上面鋪上甜的紅豆，成碗蛋白就係靠紅豆的甜去帶出蛋白及綠茶味，真係唔太甜，值得一試。香蕉班戟：係三個甜品之中最失望的一個，可能因為標榜低糖，故班戟皮內包著少之有少的cream及1/3條香蕉，外型及太小跟真的斬件香蕉差不多，沒有特別。…查看更多

餃子宴, 使唔使咁update 呀, 本身己經買左飛睇三更二之餃子的我, 真係有點怕,但為了增加稍後睇戲的氣氛, 拼死一試.先不看食物,每位三十六元有大約五款餃子及品漿(二位起),加上凡惠顧午市或晚市便送的口水雞,免加一,七十二元正埋單, 一個字"抵"食物方面都幾好,份量也足夠,但地方有點遠,故建議在尖沙咀碼頭那幾間戲院看完餃子,再來品嚐,感覺會更佳.…查看更多