davis888's Profile

除咗打冷最鐘意就係打邊爐! 可能本身喜歡三五知己飲下酒吹下水慢慢食,而打邊爐就最fit啦!真係唔係好明點解咁多人話此店好食但係貴..... 其實我就幾唔同意, 講真依家出去食餐正常晚飯點都要二百蚊以上。而我覺得三百蚊以下可以食到一餐有海鮮而又高水準嘅火鍋就係好合理嘅! 怎可能因為佢响深井就話佢貴呢?我覺得如果佢開係九龍的話佢應該會幾出位!因為自己幾鐘意食海鮮, 而之前佢地未有魚池之前就真係唔係咁多選擇! 依家就唔同喇! 海鮮種類多, 由其係魚類真係有幾多選擇! 而佢地就明碼實價寫明咩魚幾錢條任揀, 唔同海鮮檔佢話八蚊两但係幾重就得佢先知囉!潮周湯 拼 味菜胡椒湯手切手頸牛肉 : 如果食牛肉嘅話依樣一定要食好食又大碟三秒腐皮 ： 雖然唔係咩新出品, 但係因為佢地D湯底做得好而此菜主要係索D湯味所以好夾!蝦丸 : 好足料超多蝦肉墨魚滑 ： 好爽囗好重墨魚味一D都唔粉青班魚半條： 我諗條魚成條有三斤重, 半條收$180 。我覺得超平! 最緊要係新鮮!黑沙刺身 : 大約斤半重。$200 老板强調話係海。但係我就分唔出海魚同養魚。反正真係幾好食,果條魚尾上抬時重識郁架!鮑魚仔 : 新鮮醉蝦 ： 此店D蝦係一份份計嘅 應該係$69份 D 蝦好大隻好新鮮生抄糯米飯 : 抄得好靚! 好好味!蝦膠釀油條 ： D油條脆卜卜，好味!除此之外點咗D菜同配料 total $12** 五個人每人二百五! 好滿足!…Read More

本身好鐘意打冷同打邊爐! 所以今次我會一次過介紹兩間我最喜歡的給大家!我可以話試過大部分有名嘅潮周打冷。有D 得個貴字, 有D 平但係水準奇差! 而此店就價錢合理,好食! 唯一係坐得無咁舒服,但係大排檔又真係幾有香港風味嘅!鵝頸起骨 : 超好味每次我一定叫! D鹵水好入味! 正!韮菜豬紅 ：一樣好傳統嘅潮周菜式, 但係要做到D 豬紅入晒味就真係唔係到到做到喇! 此店此菜式做得幾好, 唯一缺陷係另一主角韮菜次次都好老! 炸餅 : 此菜做得好好! 雖然係炸物, 但係一D都唔油! 大家不妨試下!以上三樣是本人覺得做得幾好的! 但除此之外實佢地所有嘅滷水野都做得好好!大家可以放心 order 自己喜歡嘅滷水菜式，應該不會失望! 但千其唔好叫小抄! 一來等得耐, 二來水準麻麻!價錢大約$140 一位食飽飽!…Read More