hoinli的个人专页

同朋友兩個黎到呢間好居酒屋feel既日本餐廳，我地揀左吧台位坐，可以望住師傅係廚房羅野出黎同切下魚生。雜錦魚生 - 每一種魚生都好新鮮，又夠厚身，好好味。甜蝦好大隻、爽口。海膽正！鹽燒喜之次 - 魚本身好新鮮，就甘鹽燒，已經好好味。魚肉好甜，就算唔點汁已經好鮮味。什錦天婦羅 - 食日本野最中意食天婦羅，一睇就知d粉漿有點兒厚，不過好彩本身d蔬菜都新鮮，天婦羅炸得唔會好多油。蕃薯夠甜脆身。個粉漿可以薄身少少會更好。餐廳果然係無改錯名，漁獲真係好新鮮、美味。下次應該專注食魚同海鮮。…查看更多

打電話book左5位，去到個職員安排左一張4人台，仲要無講任何野，話坐個張4人台。之後問個職員，點解5人要坐4人台，佢先話個日full booking，無曬位。好心你接booking個時講一句，連一句'唔好意思'都唔講。個下真係好嬲。間野咩韓式菜都有，上至燒肉，下至普通拌飯都有。佢一開始有免費小菜，有好多款，但份量好少，少到一定唔係比5個人食，問職員有無得加，佢話加要加錢。見到呢到難得有薯仔豬骨鍋，諗住一嚐，點知中曬伏。職員一上就係呢個樣，無錯，好真實的樣子。以為佢叫鍋，應該會一路煲住，一路食，最後可以加個拉麵，好似係韓國甘。點知，就甘一鍋放住到，其實同普通湯無分別。d豬骨係一字肉骨，d肉'鞋'到連'趙'都難。個湯好'杰'，好似落左好多調味湯，得d菜乾係正常。而我不知道韓國野係甘中式，用菜乾。真係唔知自己食緊咩。叫左個飯卷，即係點整都唔會難食既野，呢到都整到好差，蔬菜唔爽脆，d飯一pat野，連一點麻油味都無，但收緊你68蚊一條。不過，間野d牛肉幾好食。最後，因為同朋友慶祝生日，買左個蛋糕上黎食。呢到要收100蚊，都算正常既。但最唔正常既係，佢真係就甘羅個蛋糕出黎，連個蠟燭都唔點，比個火機你自己點。真心打左一個突。呢間餐廳真係無需要再去。除左野食唔店，服務更加唔店。…查看更多

咖啡弄係香港都開左有一段日子，不過人氣依然高企。食餐飯至少要排成個鐘。所以，我一般都選擇係週末下午茶先黎食，條隊會少d人。另外，我覺得佢既野食比較適合下午茶。同朋友兩個人黎排隊，想節省排隊時間所以選擇左搭台，但因為星期六，都要等半個鐘。幸運地，上到去佢比左張獨立二人台我地坐。因為想食個鬆餅，所以就算幾想食多幾款野，都忍住唔叫，只係叫左個總匯三明治。總匯三明治 （4/5分）次次黎都係必選呢個三明治，雖然其他三明治/麵包都好吸引，但呢個比較多野食，如果只叫一份，都會選擇叫呢個。呢個除左三明治，仲有蛋沙律、薯片，真係好滿足。三明治入面塊肉，好嫩好多汁，偏甜。個人太愛甜野，麵包焗到好脆。三層麵包夾住甘多新鮮既餸，好正。蛋沙律好紮實，多蛋。鮮果冰淇淋鬆餅 （4/5分）朋友選擇左呢個鮮果，真係好多生果，冰淇淋係菠蘿味既。鬆餅真係好厚實，因為佢係完全無加水只加左少少奶，所以真係好紮實，每塊都甘厚，真係食一塊都飽。鬆餅好香蛋味，單獨唔會甜，加上cream食幾好。印象中香蕉個款係有一球custard，加落鬆餅食岩岩好。個汁係黃色小球個隻生果既汁，好酸，我唔鍾意陣味。(雖然每次都會想食個厚實鬆餅，但真係只能夠食得落一塊。所以真係有4個人先好叫鬆餅）餐廳規定一人一定要叫一杯野飲。最出名既飲品應該係冰滴咖啡，真係好飲既。但因為我飲完會訓唔到，所以叫左都好出名既冰鮮果茶。最後，不得不讚呢到既侍應醒目同好服務。話說呢到每張台既分隔位置比較細。隔離台有個女仔經過張台坐入去梳化位既時候，整瀉左我地張台杯水，d杯仲倒左去我地份三明治到（仲有成半份未食，三明治濕曬）。個侍應見到甘，好醒目甘話換過一份比我地，真係好好服務！…查看更多

放工約朋友去鬆一鬆， 最好就係飲番杯德國生啤， 呢到既有好多款選擇， 麥啤就最岩女仔飲， 麥味比較重， 酒味比較淡。$68蚊就算無happy hour都抵飲。飲啤酒就當然要食d煎炸野， 兩者相輔相乘， 食煎炸野既時候就唔會甘內疚。西班牙烤乳豬配炸薯絲 （4／5分）乳豬好脆， 好似食薯片甘， 完全唔會油膩，不過乳豬就無咩肉。 薯絲好鬆脆，條條都好細，加上少少味粉，好惹味。主菜就叫左個西班牙海鮮飯。西班牙海鮮飯 （4／5分）雖然呢個海鮮飯好似幾細下，但有齊曬各種海鮮：蝦、青口、帶子、蜆，好豐富，海鮮都算幾新鮮，青口唔會有沙。蝦就有兩隻新鮮蝦同幾隻雪藏蝦，原隻蝦好彈牙，其實有新鮮蝦就會將雪藏蝦比下去，雪藏蝦完全唔應該出現。用另一種海鮮，如魷魚代替左佢會更好。個飯濕濕地，有蕃茄粒，都算有味。…查看更多

銀座藏人好食係人都知，但午餐時間要排隊都係出曬名。今日見lunch比較得閒，就決定黎呢到排一排隊等位。神奇地，一點鐘左右到既時候，去到即刻有2人台，真係太幸運啦。雖然餐牌d餐幾年都無變（價錢都好似無變），但每一次要選擇，都仲係好困難，因為真係太多選擇，可以烏冬配飯，壽司配烏冬，真係想點都得。呢到個lunch set最令人開心既就係有兩樣主食可以選擇，甘就可以食均曬想食既主食。海老天婦羅炸年糕撈烏冬壽司併盤定食- 海老天婦羅炸年糕撈烏冬： 蝦新鮮彈牙，天婦羅個炸粉好薄，正。個炸年糕好煙'銀'，好似食緊麻糬甘，好正，有成3件，會好飽，但會食唔停口。烏冬彈牙，配上清清地汁，好開胃- 茶碗蒸： 蛋好滑，入面好多配料 （有茶碗蒸係我叫呢個set既主要原因）- 壽司併盤：一般壽司既質素，個帶子好大塊，好鮮甜，係最好食牛肉烏冬鍋六件壽司定食牛肉烏冬鍋：牛肉比較'鞋'同瘦，烏冬算彈牙，都唔錯六件壽司： 三文魚同吞拿魚就普通d，但帶子真係好好食，又大塊又鮮甜另外，仲送餐飲同紅豆雪糕。紅豆雪糕好creamy，好好味。呢到set lunch份量多，又多款選擇，又好食，性價比奇高。真係讚讚讚！（不過，對女仔黎講其實一個set都真係幾大份下，係唔會食得曬，但我無試過同人share 一個lunch set食，唔知餐廳比唔比甘做）…查看更多

朋友想試呢間特色西餐，因為唔可以訂位，所以一放工就黎左羅位。好彩好多人都選擇唔等位而走左，所以就等左半個鐘就有位啦。間餐廳完全係一間小店，面積真係好小，隔離台同你係唔超過一個手掌位，係呢個有土地問題既香黎講，大家都已經習慣。餐廳既裝潢好別致，可惜因為太細太趕，無咩心情欣賞。因為太多人排隊，所以得個半鐘進餐時間。餐廳主要食意大利菜，主打意粉、飯，有set dinner。因為我同朋友都想食pizza，所以就決定左叫pizza加小食，而唔叫set dinner。雙重芝士脆薄餅 （4/5分）薄餅好脆身，但又唔會好似薯片甘，得一陣風，不過就食唔到有墨魚汁既味。芝士味好濃，加上蕃茄醬，好清爽，唔會膩。不過，個pizza好大個，兩個人食會太多，如果有二人份會更好藍青口 （4/5分）青口新鮮肉好嫩，個汁有少少蕃茄碎、蒜蓉，比較清淡，個汁再重味d會更好。青口比較細隻，份量比較少黃金炒薯條 （4/5分）朋友話呢個好特別，一定要試。其實就好似黃金蝦既味，但主角變左薯條，薯條外面有一層咸蛋黃。因為甘，薯條會比較硬同唔夠脆。加上青口汁食唔錯。如果就甘齋食，會比較'流'，因為好蛋咸蛋黃下。整體黎講，食物都幾好，見到其他人食既意粉都幾吸引。可惜，就係坐得比較迫同食得比較趕。…查看更多

星期五晚去開上環探朋友，朋友介紹左佢屋企樓下既拉麵店。一去到，岩岩有人走，所以可以直接入去坐。呢到拉麵有幾款，其實睇清d，係一樣，只係配料唔同，要唔要玉子，要咩肉，要咩配料，懶得選擇，就決定左要No.1拉麵，咩都有齊。呢款有肥瘦叉共4塊，有糖心蛋同3種配菜：木耳，蔥同酸菜（唔知係咩，因為其實無咩味）呢個湯底好濃味，食得出得煮出黎，唔係溝唔黎。個拉麵係白白地色個隻，比較林身，無咩口感。呢到既叉燒好好食，肥叉燒一層肥一層瘦甘，食落唔會好油，同埋肥叉有用火燒過，所以特別香口，唔肥膩。瘦叉都唔錯，唔會好乾身。一肥一瘦甘間住食，岩岩好。隻糖心蛋就普通d，個蛋黃唔夠流心，同埋唔太夠甜，好彩仲好滑。有3種配料令到食拉麵個時無甘齋，木耳切到細細條，可以增加食拉麵時既口感。唔夠配料，仲可以有任食既辣豆芽。好爽口，不過有少少辣，個辣味會影響個湯底，所以千其唔好直接加落碗麵到。雖然拉麵既質地我唔係特別鍾意，不過個湯底同配料都好正，朋友果然無介紹錯。（一路食既時候都見到好多人排隊等位，質素真係有番甘上下）…查看更多

睇蘋果見到呢間餐廳有抵食海膽飯，趁去旺角買完野，就順路去食dinner。餐廳原來係細細間既地鋪，個門口都幾大，所以坐近門口都會幾熱。餐廳得幾張細台同一邊有幾多單邊既長台位。如果一大班人去就唔太適合。去到已經成8點幾，一心諗住食既海膽飯已經賣曬，甘唯有食另一招牌 - 生煮蟹黃拉麵。生煮蟹黃拉麵拉麵係有成原隻蟹，有好多蟹黃膽蟹膏，真係好鮮甜，另外，蟹腳仲有好多肉，蟹肉唔會軟林林，蟹係好新鮮既。拉麵係黃色個種比較硬身，湯底都幾濃味，好似有少少胡椒既味道另外，原來呢到提供好多串燒選擇。三文魚燒飯團（$28） - 個飯團燒到外面飯好脆，加上少少甜甜地既汁，入面有d熟既三文魚碎，都幾夾燒扇貝 （$28） - 叫左香蒜牛油同芝士味，個扇貝好新鮮，幾大隻，個汁係甜甜地，加埋蒜蓉/芝士，就更濃味秘製汁燒茄子 （$18） - 個秘製汁係甜甜地，似燒汁，唔似豉油，茄子燒到d肉軟曬，加埋汁，好味。（不過個人都係覺得有蒜蓉同豉汁會好食d)仲有好多串燒選擇，有日本迷你蕃薯，牛肉，雞肉，個d都好香口，質素同一般日式放題店差唔多。…查看更多

雖然夏天已經黎左好耐，但個人有時都會想食下煲仔飯。星期六個日宵夜時間，心血來潮想食煲仔飯，就去左陳漢記。名店果然係名店，宵夜時間黎都要等位，好彩好快就有位啦。叉燒腸腸粉皮好薄，好滑，入面包住好多叉燒粒，加埋甜豉油，正。（叉燒粒係全瘦叉，好健康，不過就無甘肥美）田雞滑雞煲仔飯不嬲好鍾意田雞既口感，難得有田雞。有加蔥薑調味，個飯仲特別香。飯粒粒分明，正。係d田雞同雞比較多骨，食得唔太方便排骨臘腸煲仔飯排骨同臘腸係煲仔飯必食既料，呢到好健康，臘腸係瘦肉，少左d油香。呢個飯真係啖啖肉食煲仔飯好熱，但餐廳d冷氣好足，所以大熱天食煲仔飯都可以好開心。…查看更多

以私房菜形式開係商廈既餐廳， 食之前一定要book定位。間餐廳好細間， 擺設令到餐廳好似一間有藝術氣式既屋甘樣， 有好多畫。燈光昏暗， 情調唔錯。因為私房菜， 無得自己選擇菜式，感覺都幾特別。好重蕃茄味同橄欖油味既toast，可惜唔脆，咬落去軟林林呢款係凍湯， 好重spices既味道，味道令人諗起墨西哥菜既香料，一開始飲唔太辣，但會越飲越辣。味道好新鮮燒墨魚既墨魚好彈牙， 每粒大細適中， 加上有香草醬， 更加惹味。個醬比較特別，係泡沬cream既口感， 香草加上有少少生蒜味，會越食越好食，想不斷食蒜頭煎蝦， 上菜時新鮮熱辣， 油充滿左蒜味， 蝦新鮮彈牙，但就比較普通終於到左主角﹣ Paella，雖然一眼望落去唔係平時見開黃色個隻paella，飯上面又唔係布滿曬海鮮，以為paella唔足料，但一食就發現原來飯入內有粒粒墨魚，都幾足料，海鮮飯好重味，每粒飯都入曬湯既味。係個飯可以再焗乾番少少，就會更好一開始以為係普通creme brulee， 點知原來係檸檬味為主，唔會好甜，係清新既甜品， 加上脆脆既焦糖，食多多都得杯仔既甜品係tiramisu，但口感唔同一般既做法，呢個食落似食泡沬，下面餅就脆既，幾得意朋友話個berries雪糕幾好食， 唔太甜（個人唔好berries既野，所以無食到）如果甜品可以係西班牙既， 就更好啦餐廳收費係每人＄530， 唔收加一， 都算幾貴。但難得可以食到用心製作既西班牙海鮮飯同特色tepas都算物有所值。 …查看更多

係夏天既星期五去厚福街個幢樓既餐廳，根本係一場惡夢，好彩朋友訂到位，唔使等位，只需要排個條長長人龍既電梯隊。一開始以為呢間餐廳專食西班牙菜同Waffle，一睇餐牌發現原來係一間咩都有既西餐廳。西班牙海鮮飯 個樣係幾靚，但d飯好硬，好似未熟甘，飯本身又無咩味。海鮮就有蝦、青口同魷魚，急凍質素。好一般下。黑松露醬薯條 薯條係新鮮炸起，鬆脆，加上重味既黑松露醬，好好食。（不過就有少少"流"，好快飽）香脆咸豬手入到黎餐廳見到好多台都叫，所以就叫左。皮好脆，好多肉，肉都係嫩既，瘦肉為主，所以有少少乾，可以點番燒汁會好食d。個酸菜有少少奇怪，唔係一般既德國餐廳。個mustard就係普通mustard 個人覺得最好食既係卡邦尼煙肉意粉($78)，呢個意粉真係好難會唔好食。叫左兩set half既waffle （$68），一個係花生醬味，一個係紫薯味。（waitress係落單既時候話，因為叫half，所以出黎個樣唔會好似full set甘，的確full set係靚d for影相）Waffle 好鬆軟，好似空氣甘，入即就化。餐後甜品黎講品會太heavy。不過就比較貴。整體黎講，呢間餐廳好多選擇，菜式都唔錯，都幾抵食。係難d羅位，一定要book台。…查看更多

約左一班朋友係尖沙咀happy hour，朋友見早放就約我去隔離條韓國街食個拉麵打個底先再飲野。間拉麵店係條韓國街既盡頭位，門口都幾細下，唔係朋友帶去，都幾容易搵唔到。好彩早放，間鋪頭仲有位。原來間店除左門口好細，入面都好細下，好似得7，8個位。一字排開甘坐。每個人都有足夠既位，唔會同隔離個個人好近。拉麵都有幾個湯底可以揀，之後可以自選湯底既濃淡、麵條既粗幼同埋個麵質既軟硬。方便每個人唔同既口味。店員會推介重口味人可以揀醬油同黑蒜油。朋友同我都比較重口味，所以揀左醬油同黑蒜油豬骨湯底。之後，再share左隻溏心蛋（$10)。個人比較重口味，鍾意黑蒜油多d，夠濃味。呢到既麵同其他拉麵店有d唔同，比較特別。叉燒係薄既肥瘦叉，d肉好嫩，加上層肥肉，夠油分，好好味。唔會好似瘦叉甘好乾。不過，就只得2塊，比較少。好彩加左隻溏心蛋，隻蛋好甜，蛋黃好流心，正，所以一定要加。個拉麵睇落好似幾細蜿甘，但原來食落都有幾多拉麵下，相比上黎d料就比較少左d，要自己加料。整體黎講，都算係不錯既拉麵。…查看更多

羅野去朋友公司比佢，朋友見天口甘熱，就話請我食佢公司樓下間出曬名既朱古力專門店既雪糕。食左Amazon chocolate （店員介紹話係無糖chocolate)同埋焦糖布甸味。我揀左好耐，但店員都唔offer比我試食，明明其他店我見到可以試食。呢到有好多種朱古力味揀，最後揀左呢隻個名甘特別既，其實食落係似dark chocolate，但就無dark chocolate甘濃味。雖然呢間店朱古力出曬名好食，個朱古力雪糕又無話特別好食，比想像中普通。（之前食過dark chocolate都幾好食）焦糖布甸比想像中淡味，唔太甜，淡淡既布甸味，焦糖味更加係唔重。係清淡既焦糖布甸雪糕，算幾特別。可能有期待，就有失望。呢間店有埋位可以坐，可以坐低慢慢食完個雪糕先走。…查看更多

返工返到悶悶地，心血來潮想食扒， 就埋兩個八婆朋友黎呢間扒房据扒。呢幢大廈成幢都係餐廳，所以晚餐時間黎等𨋢都要一兩部， 因為𨋢都幾細部。上到去見餐廳四四方方，暗暗地， 都幾有情調。有個開放式廚房， 都幾驚會有燒扒d油煙味，好彩通風做得好，係完全無味。呢到原來都有幾多食物種類選擇， 除左各式燒扒之外，仲有意粉， 頭盤同甜品。另外，除左散叫之外，仲有dinner set， 有齊頭盤、主菜同甜品。仲可以同款飲品買一送一，都幾抵食。由於我地食肉獸今次主打係食肉， 所以我地決定左要一個dinner set再加多兩個燒扒。頭盤：Salmon TT ﹣ 有細細粒三文魚，加上清新他他醬， 同新鮮既蔬菜，加埋塊脆麵包片食， 好開胃主菜：Angus Rib Eye - Angus 牛肉真係無得輸，叫左5成熟， d牛肉好嫩，好juicy, 好重牛味，加上炭燒既香味，真係一啖一享受。齒夾留香。點埋個燒汁，個味會再重d。點唔點汁都好好食。個薯蓉都好好食， 好creamy,好滑，重牛油味， 真係入口即溶。Roast Lamb Rack - 叫左7成熟， d羊唔會太生，又唔太乾， 羊架比想像中多肉， 一d都唔騷，好食， 連朋友唔太鍾意食羊都話好食。另外，配菜有煎薯仔、蘆荀同煎原隻蒜頭。蒜頭煎熟左， 一d都唔辣，口感有d似薯仔，好特別。食到最尾， 鍋底有d油， 所以配菜油油地，無甘油會好dPork Ribs ﹣ ribs 燒得太乾身， 無咩肉汁， 雖然有好多BBQ醬係ribs上面， 可惜都係太乾身，肉係柴既。好彩個薯條好好食， 新鮮炸起， 外脆內軟， 上面仲加左松露，好香，好好食。（待應提醒我地個日係星期二， 可以任食ribs，但只限於每一個人都order ribs， 所以我地甘樣order就唔可以任食，甘我地唔打算只食ribs，所以無所謂。可能因為個日要大量製作ribs，所以ribs有點失色）甜品：Choc Mud Truffle & Macaron Mess ﹣ macaron好好食， 唔會太甜，餅食到有杏仁碎，但唔會太重杏仁味， 個filing好rich,做得好好。個朱古力蛋糕有d似brownie，好重朱古力味， 唔會太甜， 加埋個香草雪糕，正…查看更多

同爸爸慶祝父親節，當然要食好西。因為爸爸鍾意食日本野，就黎左朋友介紹既呢間日本野。為左唔同人迫同平d，就揀左平日黎，居酒屋有一個日式餐廳吧台，好有日本居酒屋味道。因為一家人黎，所以就坐左係四人台。爸爸鍾意食刺身，所以叫左刺身盛。刺身盛（5款） - 5/5分有三文魚、油甘魚、蝦、帶子、海膽刺身好新鮮，好鮮甜，三文魚膽油甘魚更加係肥美，好好食前菜叫左個沙律溫泉蛋嫩豆腐沙律 - 4/5分豆腐本身已經好滑、加埋隻溫泉蛋，成個沙律好滑，個芝麻醬又好甜，菜爽口，好開胃黎到主菜啦，當然要食燒物。因為要同爸爸慶祝，所以要食豪d。鹽燒喜知次 - 5/5分魚王不愧為魚王，魚肉好嫩好鮮甜，鹽燒更加帶出佢既味道，好惹味。個人覺得喜知次比刺身更好食。燒魚本身已經好夠味，唔太需要點個汁。燒粒貝 - 5/5分其實唔太知粒貝係咩，但爸爸想試下，就order左。粒貝切成一片片，好爽口，食完d肉之後，可以倒d湯出黎飲，好鮮甜。味噌燒龍蝦 - 5/5分一開始見到得甘少味噌醬，仲以為隻龍蝦會無咩味。點知原來個味噌醬好濃味，龍蝦好入味，每啖龍蝦肉都充滿味噌醬既濃味，龍蝦唔再係一般食既龍蝦味，味道完全被提升至另一個層次。因為龍蝦肉夠厚身，食食下，你會以為自己好似食緊扒類甘，但又無肉既羶味，只有海鮮既鮮甜味。呢個真係與眾不同既龍蝦仲有居酒屋不可或缺既串燒。呢到既串燒有好多款，令到有選擇困難既我好難選擇。好彩多人黎食，甘就可以每樣叫一兩串，款款都試下。明太子雞翼 （HK$58/串）雞翼燒到好香口，皮好脆，內面有超多明太子，好滿足免治雞肉棒 （HK$58/串）D雞肉唔係攪碎既，食得出係人手切碎，所以食落好有咬口，仲食到有少少菇粒，增加個口感同味道。呢個唔可以唔介紹個生雞蛋。日本生雞蛋出左名特別好食，加豉油攪拌，個生雞蛋汁再加雞肉真係不得了。厚切牛舌 （HK$58/串）食日本串燒，牛舌一定要食，呢款牛舌仲要好厚身，一開始咬落去以為係牛肉，但一趙，好嫩，好正。呢餐雖然係貴左d，但d野食甘好食，爸爸又食得甘開心。真係貴一貴都抵。…查看更多