or#Tm66316699的个人专页

服務態度簡直惡劣，我哋一行五人去餐廳食嘢，等咗超過一個半鐘頭，眼見佢係咁比一至二人或三至四人入去，五至七人嘅枱完全未郁過。咁我哋就去問前枱嗰個人佢同我哋講五人以上台係得一張。我哋表明唔介意坐三至四人枱再加櫈，佢叫我重新取飛。我哋多次同前台解釋冇可能叫我哋重新取飛係你哋餐廳安排唔到但係亦不獲理會。之後我哋終於叫到我哋個張飛，我哋嗰張飛係8號，職員已經叫緊我哋入去，突然間7號飛又返咗嚟，職員又要我哋出返去，呢度完全唔識得點樣管理人客同編排枱號，我哋同佢理論佢仲鬧翻我哋轉頭，前台嗰個男人買所謂嘅經理男人態度非常惡劣，好似想同人打交咁。食物質素非常一般，絕對唔食得排咁耐隊去食，亦絕對唔值得去試…查看更多

垃圾餐廳，自己開創法例，打齊三針用針紙都唔俾入公司要見客，我Book咗呢間餐廳夜晚打邊爐。咁一行人去到餐廳準備掃安心出行入去，我哋其中一位客人，打齊三針有掃安心出行以及scan到針卡。但係餐廳話佢出示打針針紙（正本）間餐廳話唔俾入。佢話冇辦法核實到張針卡嘅真偽，我個客人即出示身份證俾佢核對，佢話佢哋唔係司法機構唔可以查閱同核實身份證。咁我就直接同佢講根據香港法例係可以容許人用針紙進入餐廳，個經理話佢哋餐廳有權拒絕任何客人。咁我話我都係根據香港法例用返同埋保留自己嘅權利，佢個經理同我講話佢哋餐廳都有自己一套嘅規例。個經理態度極之差， 好話唔好聽呢間餐廳係新開嘅你如果唔想接受客人嘅話咪直程唔好做生意囉。我哋作為客人奉公守法咁樣掃安心出行跟住scan埋針紙，你部機都讀到冇問題你都要拒絕人入去食。或者可能你唔係好在乎啲客人，但係我又唔見你間餐廳好爆喎😂咁我都喺度祝你早日唔使再做生意…查看更多

當然同老婆咁啱係旺角有嘢做，見到呢間咁多好評就試下啦。點知道間嘢真係勁伏，好懷疑d食評既真實性。先講服務，之前見到有食評講過個廚師係咁𥄫女，冇諗過真係咁癲。唔係佢serve我地成餐飯都全程不停望住我老婆，令到我地成餐飯都食得勁唔舒服（佢係擺明望住你個隻）。再講下食物質素，我哋叫咗《滿》嗰個餐，正常諗住食Omakase梗係會想食新鮮/生既壽司。我呢個套餐入邊有10件手握壽司，9件係炙燒既壽司，得一件係生既，我唔明白食omaske食熟既壽司黎做咩？我不如自己去百貨公司買壽司翻屋企用火槍燒黎食？d魚生已經唔覺新鮮佢d醋飯仲要係勁差，淋到好似爛飯咁，真係勁難食。之後有一個鵝肝mousse海膽脆脆，呢個先經典。作為一個Omakase廚師可以唔識整，整到個mousse鵝肝勁大pat，漏晒出嚟跟住仲要俾我哋食翻，另外一個師傅當住我地面話佢唔識整，係到教佢整…作為一個omakase 師傅點解可以唔識整都可以出黎整壽司俾客人…海膽鵝肝簡直係想嘔，仲要因為係咁漏搞到我地食到成手都係…有損禮儀（如果係同客傾生意肯定勁尷尬）。不過我覺得最大嘅問題都係omakase竟然全部係食熟嘅壽司，佢啲配搭仲要同某大型連鎖店元X一模一樣…放啲辣椒脆片喺面。完全唔值得呢個價！個蒸蛋又係用d勁劣既蟹柳搞到成個蛋都勁大雪藏味，個感覺就好似你咬緊個冰箱入面d雪咁。最後個甜品係薑汁雪糕…係出面買到個隻，你收得咁既價錢，俾d出面現成買到既甜品俾人食真係勁有問題。叫左杯啤酒埋單$2900，呢個價錢食十舊熟壽司真係匪夷所思。奉勸大家唔好去，食物過咁多間omakase真係最伏呢間。…查看更多

今日家庭聚餐，其實已經早在一個星期前book位，我估當時該名員工話因為Booking好滿，我哋book 7:30佢話唔得，得返七點或者八點呢兩個時間選擇。咁我哋去到舖頭，間餐廳空到得幾台客，唔明白點解我哋book位佢可以話已經full左。啱啱去到攞位嗰陣，嗰位韓國裔女員工態度非常差，一直話我哋冇book到位所以無位，但係間餐廳係幾乎空，之後佢先搵返到我哋嘅Booking出嚟。我地叫了大概五碟肉，水冷麵，及其他小吃等等。依間舖頭啲員工真係非常之差，長期都冇人服務，有都扮睇唔到，水又唔肯加，碟佢哋又唔收。跟住啲蛋漿又係非常之水，完全成唔到型，起碼煮20分鐘先煮到一個round，芝士佢哋又俾得好少，唔知以為係金嚟。跟住食到最後嗰碟肉，叫個韓國女經理加蛋，但係佢唔肯加，佢話我哋啲肉就食晒，肉只係一個side dish，要叫主菜先可以再比蛋你，但係我哋嗰陣碟上面仲有少量生肉未燒完。其實係咪真係要做得咁核突，你話我哋唔消費就話啫，都叫咗咁多肉，啲肉都未食完都唔肯加蛋。服務態度真係咁多間入邊最差係呢間。…查看更多

好多年前一直都有幫襯呢間餐廳，因為當年水準下降已經差不多10年冇幫襯過。今日經過灣仔諗住懷緬下以前所以入咗去食，點知食物質素仲差過以前，啲薄荷雞完全唔同咗以前，而家似酸菜雞多少少又酸又難食。另外一個椰汁雞完全好似飲緊湯咁，最後我叫咗燒牛仔骨硬到好似乾屍咁。服務睇唔係好，啲嘢又難食，以後請都唔會再黎。講真呢間野係我父母嘅年代都係一間好出名嘅餐廳但係今日我帶佢哋重有舊地感覺完全係差到冇得再講，亦都唔會再嚟食，連我父母以前當呢度係飯堂都話唔會再嚟。因為真係好大分別，個侍應又一直吹我哋買單因為佢趕住收工。…查看更多

老實講今次係我第一次寫食評，亦都應該係唯一一次。首先一直都好期待去呢間餐廳食飯，個人亦都十分喜歡懷石料理。先講一下呢間餐廳book 位嗰陣每位客人要俾$500留位費（個人覺得好合理，前提係食材保證新鮮的話）去到先同帶位女士說明會使用K11 coupon，Reception女士面色明顯不爽，可能覺得我地cheap但係由於我地係K11 長期客戶，亦無理由唔用coupon。咁我地先作簡單登記然後準備入座，因為我哋有位朋友因為交通擠塞可能遲多5分鐘先可以到達（其實亦都未到我哋正式入座時間）當時帶位女士已經問第一次剩低個位客人大概幾耐到，我哋好清楚講明係樓下上緊來。然後我哋正式坐低後個位女士亦再次過嚟問我哋最後一位客人是否5分鐘內到達，我哋回答佢只是在升降機上緊來。再過多1分鐘呢位帶位女士指示另外一位員工問我哋剩低第一位客人確實地點喺邊度能否盡快上來。我當場簡直驚呆！點解米芝蓮一星餐廳可以有咁嘅服務態度，需要直接知道客人嘅詳細地點，食過咁多間米芝蓮嘅餐廳/高級酒店都未見過人係咁催客。同場另一個客人因為遲到，廚師決定唔等佢哋直接上菜，此舉亦都真係未曾見過。食物亦非常普通完全無特別，唯一係賣相唔錯。大部分海鮮都唔係好新鮮，亦比普遍omakase遜色。唯一期待嘅海膽卷亦都非常腥同孱。成餐飯有驚喜嘅地方只有燒鰻魚，外脆內軟，同場有廚師相熟嘅顧客佢哋食鰻魚就係可以獲得中間魚腩位而且比較大的份量我哋一行五人就食魚頭同魚尾部位，老實講作為一間高級餐廳此舉極為不應該。成餐飯都係啲極為普通嘅食材同煮法，收$2500一位真係一啲都唔值得。好多湯物一係就極鹹一係就毫無味道。甜品份量亦極為細小。佢哋最基本嘅米飯亦都未合格！頭嗰幾碗飯質感都算唔錯但係下面已經開始見水，成碗飯亦唔覺有米香最後嗰幾道菜餐廳亦都係好趕嘅速度同時間之下完成，俾啲咁嘅價錢冇諗過要食得咁趕亦都唔係舒適。另外一個亦都係比較嚴重嘅問題就係依間餐廳入邊竟然有蚊蟲。日本餐廳最講究嘅就係衛生，作為米芝蓮一星及高級日本餐廳我亦都係第一次感受到有蚊喺旁邊一直飛來飛去，完全對成個experience大打折扣。如果要我比分，滿分100分的話呢餐飯應該只有20分，下次亦唔會再幫襯因為用咗$2500一個人食飯都唔知食咗啲乜嘢，亦冇一款餸菜才可以留低深刻印象。…查看更多