同同事食飯，有訂枱，唔洗等。同事推介一個 "時令"壽司拚盤午餐，完全由師傅利用當日0既材料決定，所以都幾期待。 先0黎前菜，有沙律，蒸蛋同埋有蝦頭0既麵豉湯。沙律新鮮，蒸蛋十分之滑同埋有鮮味，而且熱度剛剛好，好食。到左主菜，先0黎一份四件0既魚壽司，而係白色0既魚肉，例如鱆紅同油甘魚。都真係幾新鮮，如果有埋油甘魚腩就好喇 !!! 跟住就０黎第二份０既壽司，有瀨尿蝦壽司，海膽壽司，中拖羅同肥拖羅壽司。個瀨尿蝦壽司非常之美味，皆因０係瀨尿蝦上面放左一Ｄ蟹膏同埋一Ｄ炸蝦仔，完全係一個完美０既配搭。真係好想食多幾舊。同樣０既情況出現０係舊肥拖羅壽司上，完全唔需要點任何０野，而最奇妙０既事就係舊肥拖羅Ｄ魚油會係０個口入面保留住，非常之正 ！！！ 之後好野但最後一道菜就繼續０黎，拖羅碎手卷！！！ 料足，鮮味，０係手卷入面加左幾小塊０既Ｔｅｍｐｕｒａ。所以好有口感！！而且Ｄ拖羅碎食到最未都仲有，絕不欺場。雖然寫到明Ｄ魚唔係由日本０黎，但係都真係唔錯喎！！！埋單亦有驚喜，有八折，因為希望會有多Ｄ人去幫襯。侍應們都好好，好親切同埋好耐心地為我０地去解釋我０地所食０既壽司。真係麻煩晒！會有下一次，亦會推介 ！ …查看更多
以上食记乃用户个人意见 , 并不代表OpenRice之观点。
赞好
推介美食
瀨尿蝦壽司，(中)拖羅壽司，拖羅碎手卷
用餐日期
2011-05-27
用餐途径
堂食
人均消费
$160 (午餐)
薄餅 - 非常好味，好軟，好香晚牛油味，雖然唔係好大塊，但都值得推介一下。芒果軟殼蟹米紙卷 - 每次都會食既前菜，一定要連埋個好特別既汁一齊食。冇得唔推介。
蒜蓉包 - 普通, 0黎到個時個包凍左，硬左。要叫返個waitress 整返熱。:(燒鱸魚青咖哩 - 如果唔鍾意有魚腥味，唔建議叫呢道菜。但魚煎得幾香。蜜糖雞翼 - 冇乜特別既雞翼。泰式炒米 - 好味道，非常泰式既sauce, 鍾意個蝦。冬陰功湯 - OK 啦，唔覺得有乜鮮味。
