今天，難得跟太太從老遠走過來灣仔逛一逛，參觀完闊別多年的 188商場後，正跟太太煩惱著 食晚飯的問題，突然見到一間食䦉，馬上被它的名字吸引住，於是，在好奇心推使下，走過去望一望 ~~~ 原汁原味 ！！！ 首先，時間已是 9 點，不用等位，但其實店舖內依然其門如市，然後由店員帶領下，坐上了閣樓，古舊既設計，綠白色既小磚地，很有懷舊既感覺。點菜了，因為第一次光顧，還不知道什麼是招牌菜，結果，跟太太還是決定叫二人套餐，單是套餐已有十多款選擇，首先有兩碗老火湯(好味，不過無問係咩湯)，然後是兩個前菜，有日本海草加螺肉 同埋 青瓜加鵝片，當然是小碟上，不會令到你飽啦，主菜就係：原個南瓜焗雞 加 上湯浸魚腐白菜什菌㷛，一個清淡，一個味濃，配搭一流，最重要，最重要既一個賣點係，所有既食物裡面，真係沒有一單點兒 味精，以現今食䦉黎講，可謂 難能可貴，到最後，再黎一個 紫米露，唔太杰，亦唔太甜，我覺得就連糖水亦是上佳之作，最後埋單，多謝 $262，以平民食駟黎講，價錢屬中等，不過以 食物質素，租金以及食物材料昂貴 等等計算，我覺得這個價錢已經係合理，我會選擇再次光顧，嘗試其它菜式。…查看更多
話說 , 我地一行6個 去食 Lunch , 我同個 同事 兩個入坐先 , 其餘4個去左食煙 , o係 Mega Box 食煙係好麻煩 , 要落街先可以食 , 而間野o係 8樓 , 咁我同個同事o係 12點07分入坐 , 咁好正常 我地咪去坐低先囉 ..........入坐前 , 門口帶位都同我地講 , 要人齊至可以入坐 , 咁我都同佢地講 , 啲同事去食煙 , 轉頭就到 , 咁佢都比我地入坐. 咁我同個 同事 咪叫野食囉 , 點知個經理就不斷問 啲人幾時到 , 再唔到 就安排其他客坐落黎 , 咁當時我都未有火既 , 如是者 , o係短短 15分鐘 就問左我4-5次 , 咁我同事都打左3個電話比啲同事叫佢地快d到 ..........個經理都見到我地打比佢地 , 直到 12點22分 , 佢就好大聲同門口個 帶位講 , 再有客就安排坐我地張枱 , 咁個帶位就回應佢 : 佢啲人去左食煙 , 轉頭到 ... 咁個經理就答佢 , 佢地食左 25分鐘啦 .... 佢一講呢句 , 我啲火就黎 , 佢重要o係我隔離好大聲咁講 , 我一聽到佢講呢句 嬲到我呢 , 唔係我著住公司衫 , 我真係同佢開波啦 , 跟住啲同事 已經o係 12點23分 到左喇 , 咁我就好大聲同我啲同事講 : 咁遲架你地 , 我比人串呀 , 佢話你地去左食煙 食左25分鐘呀 .............我唔夠膽話我啱哂 , 但係 第一 , 過門都係客 , 洗唔洗咁串呀 , 第二 , 我地都係著公司衫 , 擺到明係放飯 , 阻得你幾耐呀 .........佢身為經理都咁無禮貌 , 有無攪錯呀各位 如果去幫襯 就要諗清楚呀 .........經理 ~~~ 男子 , 年約30，無戴眼鏡，大約5尺5-6吋 高，瘦身材，著黑色西裝 
