KenR's Profile

食物味道一般，中至中下茶餐廳貨色。但係服務就真係差到一個點，永遠不會再光顧。事源係咁，我同朋友去食 lunch，我哋一人叫咗一個餐。餐飲首先好快咁送到，跟住就我朋友叫嘅飯。我之後就一路㩒住電話咁等，無為意時間，到我見朋友個飯已經差唔多食完，先發覺點解我個飯咁耐，只係一個免治牛肉飯。但係望吓時間，我又真係夠鐘等唔到，所以就想取消咗佢算。點知個收銀阿嬸話計返我杯凍飲錢$20，我話係你哋漏單，無理由咁收我錢，佢反話返我，話我點解唔追單。我再話咁樣以後點幫襯，佢再拋返我一句，「咁樣以後咪唔好再嚟」，點忍😡！…Read More

本身用咗 Openrice 已經好多年，今日卒之有一間餐廳令我忍唔住要寫第一篇嘅食評。之前經過見到呢間茶王冰室都已經想試（我係奶茶控），耐何一直未有機會。今日出開去旺角，專登行過嚟試，點知不試由自可，一試就出事。奶茶，香港嘅非物質文化遺產，可惜傳承至今，真係好味嘅已經絕無僅有。坊間飲到嘅，大多數已經係某啲供應商預先調配好嘅茶葉，所以間間味道都差唔多，無任何特色可言。見到呢間標注「金茶王」得獎奶茶，真係對佢好有期望（多年前喺加拿大飲過一間都係「金茶王」得獎嘅堅好飲，杯奶茶香、濃、滑兼備），可惜一飲都只係大路貨。佢另外有一杯茶王要價$88，莫非要嗰杯先有唔同？之不過連普通嗰杯我都唔欣賞嘅時候，我仲會去試$88嗰杯？試問有幾多人會去茶餐廳飲一杯$88嘅奶茶？本來如果佢普通嗰杯 OK 嘅我都會試吓$88係點（加拿大飲嗰杯HKD$20有找）。再嚟就要講吓令我寫呢篇食評嘅食物，招牌沙嗲牛肉蛋包包。論賣相，係好嘅，沙嗲味道亦係中上水準，蛋上面仲撒上些少茶葉碎呼應返店名（我估），成件事本應係美好嘅。最最最可惜嘅喺成個包只得兩片5蚊銀大少嘅牛肉，唔係啩，我係食緊茶餐廳而唔係法國菜喎，牛肉亦都唔係A5和牛。我相信無人去食茶記，放低$52食個包唔連嘢飲，會估到係咁樣。我平時買開嘅東海堂$25餐蛋治連奶茶都比佢好食同好飲。另外我朋友叫嘅嘢食，味道就一般以下。今時今日出面開咗好多茶記同冰室，係呢間令我一食難忘，唔會再幫襯。…Read More