JH1128的个人专页

係ig見到有人tag 呢度, 就決定一試, 一入到門口已經覺得好靚, 打卡影相啱晒, 此外仲好啱同朋友或者情侶嚟, 靜靜地嘆下, chill 下, relax 下.紅咖喱軟殼蟹配雪糕筒+薄餅點呢個原因係覺得雪糕筒呢個term 好得意, 唔知佢咩玩法, 食物到枱, 原來真係有雪糕筒軟殼蟹唔係一二件, 係比晒全隻你食. 而且炸得好脆, 仲有好多蟹膏比你食,  紅咖喱裏面有好多配料, 最開心係食到新鮮菠蘿, 仲要係好多. 雪糕筒係比你放咖喱汁食, 好有創意, 但我地都係鐘意配薄餅食多d. 薄餅2整塊, 配咖哩一流.雞肉乾炒河粉好好味, 好夠味, 炒得啱啱好, 雞肉滑身, 河粉好有獲氣, 雖然邊食咖喱邊食河粉, 但咖喱的燶味絕對没有覆蓋河粉的惹味串燒三串我地叫左牛, 雞同豬肉丸串配沙嗲汁, 三串都好味, 但我覺得最為特出係豬肉丸串, 佢分開一半, 好爽口, 而牛同雞唔會燒到好乾身, 沙嗲汁好惹味最後亦都係今晚的重頭戲~~~~芒果乳酪疊疊冰打咭一流先, 好震撼. 好大杯, 好靚, 份量超多, 足夠2-4個人吃. 上面以為佢係雪條, 原來佢係真芒果, 而且仲要勁甜勁有呂宋芒味. 下面就有芒果棉花冰同白糯米 , 可配上棷汁.  係炎夏食呢杯真係超爽.PS: 每日得10份, 要食記得order定同留肚, 唔好食太飽, 否則會後悔. …查看更多

記得之前同事請食散水餅, 佢買晒全部蘋果批, 我本身好憎食老麥的蘋果批, 因為覺得好甜, 本身一d 興趣都冇, 諗住唔食, 但同事講到一定要試, 包有意外驚喜, 試了一口, 覺得係用真蘋果整出嚟, 好好味, 所以呢, 今次無意中經過yoho 見有呢間嘢, 好記得佢個蘋果批, 所以就同老婆試下佢的其他口味.我地買左佢一個菠菜酥同一件朱古力蛋糕, 但由於晚飯太飽關係, 我地決定第二日至食.菠菜酥由於第二日至食的關係我地焗返熱佢，期間已經聞到好香的牛油味. 食落發現酥底好香脆，中間夾住忌廉菠菜, 好香, 正. 當早餐簡直一流.朱古力蛋糕雖然唔太大件, 但佢絕對好味過美x, 東xx 的大型餅店, 冇得同佢地比, 佢好重好重可可味, 糕身同忌廉都充满可可味, 蛋糕本身仲好鬆軟唔散, 每口都有可可味溶在口中, 好幸福的味道.此外佢個裝好靚, 細細盒, 見老婆拎住好開心呢.  …查看更多

朋友話想食雞煲，我二話不說揀咗去大鴻輝嘅18樓雞煲。雖然今日係閒日，但係當我哋上到去攞位，7點唔夠就差唔多坐滿人，所以想嚟食嘅真係建議要預早訂位。我哋都比較細食，A餐既邊爐可以任食肥牛，再加D配菜已經夠晒飽入座之後微辣雞煲好快就送到上枱，侍應亦自動自覺幫手炒一炒個雞煲，雞煲既香味馬上提升一個層次雞件多肉又滑，而且個汁好濃郁，加埋啲紫洋蔥/香菜，真係非常惹味，分量兩個人啱啱好，留肚食埋個邊爐呢度係以QR Code 叫嘢食，廚房出食物既速度都好快又無漏單，每碟嘅分量適中，方便我可以食多幾款唔同既食物，鍾意食果幾樣又可以叫多幾碟特別有幾樣想推薦嘅食物：海蝦 - 彈牙有蝦味，有竹簽串住，方便食用豬潤 - 厚身無腥味，而且新鮮多汁 響玲 - 夠脆，同好香腐皮味是日海鮮（蜆）- 雖然細細粒，但係無沙有鮮味而菜類同埋調味料就需要自己去拎，仲有雪糕櫃添，飲品方面就按自己喜好拎，除咗最基本嘅可樂/烏龍茶/檸檬茶之外，呢度仲有自家制嘅冬瓜茶同桂花烏龍，味道淡香唔會過甜最後以杯綠茶雪糕作為結尾整體黎講，呢度好多卡位坐，環境寬敞舒服，完全無壓迫感，亦都好乾淨。侍應們都好有禮貌同主動，佢哋一見到有吉碟就會即收，唔會成張檯都係碟，讚！到最後埋單，人均幾200蚊，性價比高，下次再黎試下辣少少既…查看更多

就到中秋節，所以決定帶我女朋友去食餐好嘅，我女朋友好咀刁，所以帶咗佢嚟愉景新城嘅CHEF'S STAGE。 入坐嗰陣都未到七點鐘，但係餐廳啲位已經坐得七七八八，一坐低侍應就過嚟推介下個MENU，都幾有禮貌，而枱同枱之間有適當嘅距離，地方闊落又舒服。 點餐之後，餐包/脆包好快送到，點埋個醬汁，酸酸哋食落幾開胃。 頭盤我哋嗌咗 法式香煎鵝肝配焦糖菠蘿&紅酒蘋果蓉，鵝肝好肥美，入口即溶，配埋塊多士食落口無咁油膩，而菠蘿上面嘅焦糖甜甜哋又脆口，好味之餘又可以平衡返油膩感。 主食揀左個橄欖油蒜香紐西蘭海鑽蜆扁意粉，海鑽蜆分量幾多而且隻隻都好大隻，一咬落去蜆肉仲有汁咇出嚟，食得出啲蜆好新鮮，微辣嘅橄欖油汁配意粉，味道好夾，好惹味。另一個主食我哋要咗碳燒美國頂級1855肉眼牛扒，我食牛扒最驚就係血淋淋，所以叫咗七成熟，肉質好淋好嫩口，好容易就切得開，唔多筋位，最重要係塊扒厚厚哋又多肉汁，真係好好食。另外伴碟配菜都有茄汁炒過，用心之作，而焗薯望落細細舊，配埋酸忌廉，都夠晒飽！SUN FLOWER，好Fresh，味道好夾接骨木玫瑰花茶，無糖茶，減肥必點 到埋單，餐廳都幾有心思，有個煎plan仔同煎蛋磁石，好得意。…查看更多

今個星期五終於可以放早，咁難得當然要搵間西餐廳同老公慶祝一下,順便食返餐好嘢！本身都知道元朗一帶好多好餐廳,見呢間餐廳好多人like，就決定一試.餐廳環境唔算大，好彩當日放早，唔使等位就可以直接入去坐。我哋叫咗一個七成熟的肉眼扒加一份炸魚薯條同兩杯凍嘢飲。首先講咗飲品先，唔知係唔係因為兩杯都係朱古力底嘅關係，（老公嗰杯係凍朱古力，我個杯係香蕉朱古力奶昔），兩杯味道好似。不過我都飲得出我個杯有香蕉味，加上cream滑d, 好飯d炸魚薯條好抵食，而且唔細碟，薯條係粗條，脆卜卜。炸魚切開之後炸粉同魚唔散開，似外國的Fish and Chips。值得一題，佢仲有好多沙律菜，感覺好似健康啲.主菜到啦，肉眼扒，好香。好有牛味，油脂分配好平均。牛扒仲配有好多配菜，包括有我最愛嘅蘆筍紅蘿蔔仔，火箭菜同勁多滑溜溜薯蓉，賣相好靚！…查看更多

今日同媽咪去油麻地. 佐敦一帶睇裙掛, 最後一間試完冠南華後就好肚餓, 就係附近搵好嘢食. 行前2步見到呢間小印度餐廳座满一半人, 環境光猛, 價錢親民就同媽咪食薄餅, 咖喱.由於我同媽咪都好鐘意食薄餅, 所以就叫左2份, 一份蒜茸naan, 另一份係薯仔薄餅, 先講蒜茸薄餅先, 一嚟到就聞到好香好香的蒜茸味, 佢上面仲有好多香草, 乾身, 唔係油淋淋果款, 配上咖喱一流, 相反地, 另一款好唔同, 可能有薯仔做饀, 所以冇咁乾身, 但都好味, 如果大胃的你, 食呢個一定會飽肚.咖喱雞, 好味, 雞都頗多, 唔肥, 好香, 雞入口軟滑. 咖喱汁一d都唔少, 我地點完2份薄餅仲淨左好多汁.仲有我地叫個前菜咖喱角, 如果唔點醬食會有點乾身, 如果配合佢的甜醬食會好味好多.…查看更多

啱啱搬入朗屏住, 知道元朗有大量好食的餐廳, 經過呢間覺得氣氛唔錯, 就決定一試.我地當日坐係室外, 可能11月天氣不太熱, 有少許秋意, 而且裏面是開住冷氣, 所以感覺好舒服.室內播著音樂, 聲量啱啱好, 同朋友傾計可以用自然聲量, 不用大聲說話, 有一種感覺好似去左外國的泰式餐廳咁, 好正! 氣氛相當好. 好relax除左氣氛好, 食物質素也是好好, 好啱我的口味, 如果要比較的話, 我覺得不論賣相或食物的味道, 都係我係香港食過最好味的一間, 好味過九龍城的泰菜.當日叫左咖哩大蝦, 薄餅同串燒加2支泰啤.咖哩大蝦冇得輸, 大蝦超大隻, 仲大隻過我的手掌, 雖然得2隻, 但佢一開2 , 其實食完半隻都已經好飽, 咖哩面仲有好多配菜, 包括紅青椒, 洋蔥等等, 好香, 配上薄餅一流. 值得一提, 薄餅的賣相也放得好靚, 似一朵花呢.串燒可以雞牛豬各2串, 我地叫左半打, 串燒大大件, 啖啖肉, 肉質鬆化, 配或者不配上沙嗲醬都得, 唔配已經好入味, 配上也有另一番滋味.食到濟濟地, 可以食下佢的前菜, 係酸甜青瓜, 或者飲下泰啤, chill下, 慳正!…查看更多

琴日由澳門好夜至返到香港, 就係附近叫賣, 誰不知平時食開冇開. 就試下對面的茶餐廳. 平時如果我係堂食, 就應該唔會入去, 主要的原因係我覺得環境較為弄髒. 有時還要坐出面, 很怕小強的我, 夏天一定唔會坐出面.叫了黑椒雞扒飯, 好大盒, 雞扒有2大塊, 煎到脆卜卜, 好味. 第一啖品嚐飯時, 覺得黑椒汁好惹味, 夠辣, 而且好多汁, 啱晒要汁撈飯的朋友. 但越食覺得越辣, 辣到出晒汗. 本身我都算係好得辣的人.. 但佢的黑椒係好多, 仲加左小紅椒, 所以更加辣. 如果唔太食得辣的人, 一定要叫少辣或其他汁.…查看更多

由於冇訂到酒店早餐的關係, 所以就係附近找好嘢食.呢間餐廰好多人收藏, 就叫左佢的推介: 花生奶油方塊+凍啡花生奶油方塊有6-8件, 佢除左花生醬同奶油外, 仲加左鬆化脆, 由於勁多花生醬同奶油的關係, 我吃到第三塊已經覺得好飽, 但麵包真係外脆內軟. 但絕對建議呢個方塊要多人分享, 因為一個人真係食唔晒, 浪費食物就唔好.炭燒咖啡本身諗緊叫奶荼定係咖啡好D, 但最後由於餐廰的店名係咖啡, 所以就叫左咖啡. 凍啡對於本人的感覺真係麻麻地, 佢係有咖啡的香味, 但唔夠香濃, 偏苦唔夠甜, 奶都比較少. 個人覺得同普通茶餐廳的冇咩分別, 絕對冇得同即磨咖啡比. 相反地, 我覺得3合1的還較為好飲. 但佢$20一支, 唔貴, 都可以接受.…查看更多

又一次惠顧呢間小店, 出名的芒果拿破崙我唔再多講, 因為好多食評都介紹過, 餅鬆脆, 吉士同芒果都好甜好味.今次反而想用長少少的篇幅介紹下佢的朱古力拿破崙, 拿破崙的皮同芒果, 士多啤梨的係一樣, 都好好味, 唔同之處當然係用左朱古力做饀, 我今都係分開3層嚟食, 因為好難可以有儀態之餘又一啖過食得晒3 層, 每層朱古力饀都好厚, 而且比我想像中更甜同多, 食完第一層已經覺得好"流", 有少少渴喉的感覺. 相比係芒果拿破崙同士多啤梨拿破崙, 我覺得生果拿破崙為好味.…查看更多

呢間餐廳係半自助餐, 每人一款主菜再加出面的冷盤, 燒烤, 甜品同飲品BAR, 包你一定食飽~~首先好想講佢的冷盤有凍蟹食, 因為掛住食, 唔記得影相~ 但我好想講凍蟹好好味, 好多膏, 好多肉, 我自己一個食左2隻, 應該都值回票值凍蝦, 青口, 蜆都好味, 但始終最好味都係凍蟹~~~主菜我叫左半膝配薯菜, 羊膝好淋, 好入味, 好好味, 薯菜都好味, 但唔敢食咁多, 因為怕太飽.燒烤BAR, 大家記得食蟶子, 好好味加鮮甜, 大家見到出面好多人排隊的時候, 就係差不多燒熟之時, 大家記得出去拎, 否則又要再等下ROUND, 大約10分鐘....最後值得一值係汽水方面, 佢係用支裝可樂, 飲慣可樂的人, 一定知我點解會提支裝呢2個字. …查看更多

趕住返公司做嘢, 求其係對面的譚仔買左碗豬肝加豆卜清湯米線食.米線好講求湯底好唔好味, 所以一開始, 我試左啖湯, 但比我平時食開三哥的淡, 唔鮮甜之中偏咸, 感覺上好似加左好多水再加鹽去加味.至於米線, 我覺得係正常, 同平時食開的差唔多, 配菜同豬肝都不少, 但好可借我叫左豆卜, 豆卜將湯底的淡味索晒入去, 正常如果係好味的湯底加豆卜係最佳組合, 因為可以把湯的精華吸晒入去, 但好可惜今次個湯底......不過好彩有加辣油, 加左辣油去調味, 感覺上好味好多..但外賣等得偏耐, 眼見後過我入去的客人也有米線, 但我等了10-15分鐘至出單... 有點兒慢呢.…查看更多

有魚有雞有飯有嘢飲都只係百幾蚊, 去邊度搵呢?今日中午食得太飽, 3個人晚上都唔知食咩好?! 突然醒起同事講過太興做緊優惠, 就一於試下, 我地去到好早, 5:57分, 3個人叫左佢的孖寶, 加$19轉套餐~魚抵魚~ 酸酸甜甜, 魚身仲脆卜卜. 呢條魚本身如果要煮都幾煩, 又要走油, 又要整醬, 仲要加配料, 呢度只係$59就食到雞都好特別, 真係有少少茶香的味道. 而且夠味, 唔需要再加薑蓉等. 但唔算滑至於服務方面就.....話說一入到去, 見到枱面冇水壼, 問waiter 可唔可以比水我地, 誰不知講左2次, 每次都隔左5分鐘, 佢都係冇比. 最後要自己去吉枱度拎壼水. 放嘢飲時又倒瀉落客人身上, 雖然唔係發身係我身上, 但都鄧果位客人慘.總括: 食物, 味道, 價錢ok, 但服務就…查看更多

還記得呢間廳個名由我細個時已經成日聽, 但由於佢的位置唔太方便之餘, 每次經過開都會被周邊的食店所吸引, 所以永遠都冇食過呢間小店...而家搬左嚟荃灣住, 決定要試下, 叫左個開心套餐, 好抵食, 有2件麥樂雞, 一件炸雞, 一件pizza, 好多薯角加汽水都只係$40. 佢係即叫即炸, 感覺上好新鮮, 但唔好處, 係好熱氣, 不過食得炸嘢都預左係會熱氣.. pizza比我想像中更為好味, 唔知係唔係新鮮焗, 厚底麵包好鬆化, 芝士加沙律醬味道好夾, 好味.炸雞都唔細件, 但如果有張隔油紙會好d..薯角都好味, 不過如果佢換成薯條可能會更受歡迎呢. …查看更多

成日聽講呢間小店用心經營, 仲要好文青感覺, 值得去試下同慢活一下.Fish and Chip ~即叫即整, 魚同薯條都係熱騰騰, 但炸粉比較多, 感覺炸粉同魚的比例係1:1, 完全唔似外國食開的感覺, 不過味道都算可以, 但上菜的時間真心耐, 由叫到真正上枱等左15分鐘至有主菜, 不過都明白, 因為佢地係即叫即整同眼見廚房唔多人, 而且11點幾, 應該都多order.凍朱古力 ~~凍朱古力, 等左35分鐘至上枱, PS:係同一時間落單, 不過店內的待應都算細心, 佢叫我差唔多食完, 連枱面的水都飲晒, 就問我飲品係唔係未嚟...  最後真正上枱要45分鐘, 至於杯朱古力我覺得唔甜, 冇朱古力味, 唔好飲~PS: 眼見好多人排隊, 如果佢送餐的效率快些, 咁一來佢可以做多幾單生意, 二來顧客也不需要排隊排咁耐.…查看更多