KinKin6993的个人专页

昨天因有事在身由元朗出到長沙灣，剛好想找午飯吃，，路經呢間伏店，這店不是很多人，二人於是就推門入店，二人叫了一碗牛腩米粉及一碗雲吞水餃麵，二杯凍檸茶，茶是一般，而牛腩米就小得可憐！有相為証！牛腩只有三舊米粉就只是外邊正常牛腩麵店的一半，可能沒有一半，夠膽死收我42元一碗牛腩又冇牛腩味，米粉又小到暈，湯頭又淡蒽都冇嘅牛腩米，雲吞水餃麵都是境況都是一樣，D雲吞入面只有一隻半隻虾毛連肉都好似冇嘅雲吞，水餃亦是一樣D餡料小到暈！水餃雲吞又是沒有味道，就收我48元！今次真係伏到上天花板再跌落地再上天花板來回幾次，奉勸大家呢間野勁伏！想食就諗諗先！我就永不幫襯！…查看更多

今日山長水遠諗住出去試食呢間咁嘅車仔麵，一入到去想揾位坐低，我本身一大袋嘢在身上，呢度D員工完全唔理會你可否坐底食到你個碗咁嘅車仔麵，唔通叫我一隻手攞住袋嘢，一隻手揸筷子食？後面枱有張四人枱一個人霸三個位，仲放埋手袋落坐位唔比人坐，我有2個人佢得一個你都好叫吓呢位客攞起手袋安置我2個人坐底，侍應係完冇反應囉！唯有外賣走人幾好食有下次！香港飲食業唔好怪人北上消費，九流服務食到一肚氣，叫人點留港消費呀？飲食業沒落都係你D飲食業員工自己一手泡制出來！唔好怪人！…查看更多

今早到呢間餐廳食早餐，坐咗成個幾兩個字都冇侍應會理吓你行埋來同你落單，有個後生D女待應我舉到手軟，佢睇到跟住望你一眼我行去睇到當睇唔到，咁嘅服務態度,一世都唔再幫襯，奉勸各位荃灣街方工友，如唔想食到唂住氣走就最好不再幫襯.週邊都有好多餐廳.何必食到唂氣受氣呢？如果你你荷里活餐廳老闆.睇到呢段嘢.你D員工同你倒緊米！知道未呀？香港飲食業係自己搞死自己，唔係香港人唔想在香港消費，而係比呢D又貴,又冇服務又差嘅餐廳迫上北上消費,上面起碼服務好過香港百倍！再唔改遲早玩完！…查看更多

睇到宣傳老字號再新開舖,心想支持一下傳統小店特意由元朗出到佐敦幫襯,入到食店後沒有細枱,只有四張打橫座座位.我見有位老伯已打算結帳離開於是就想等一下,等伯伯結帳才座,因為我二人身上有很多東西,三大袋,如果座橫枱會霸佔了其他位.所以就等細2人枱.那時老闆就叫樓面招呼我2人座橫位.我入舖時已話給樓面知等一等位,於是樓面回答老闆佢2個要等位禾！跟住這老闆反白眼,甚麼意思呢？一個樓面講2個要等位禾,語氣甚不禮貌,一個就反白眼這樣對待顧客態度？顧客都只是唔想霸佔你其他位才等位,可否睇諒下顧客多東西呢？香港飲食真係自己搞死自己,真的不願意再在香港飲食用多一分錢去買氣受！…查看更多

坐得好好哋想舒舒服服D食餐飯!唔該唔好將D客掉來掉去好唔好呀!呢D食市真係最乞人僧!真係最谷鬼氣!尊重下個客啦!!以後唔再幫襯!唔怪得咁小客，咁做法想多客幫襯都難!…查看更多

這間餐廳每一朝早都有一班大約五六個怪獸家長到餐廳食早餐，嘈到拆天，我以為一大清早入了酒吧一樣？想安靜食早餐都不可，當中談話講這學校那老師，最有趣當中夾雜了粗口，大嬏全餐廳人不是想聽你班人講甚麼事情，也不想知!可否不再騷擾到其他客人呢？請安安静静可以嗎？再是這樣嘈雜環境再不會幫襯你這餐廳，其他餐廳環境安靜很多!希望餐廳注重環境!😵😵…查看更多

今日放假上網睇吓有冇食點心好介紹，結果搵到這間海雲天.心想酒店應該有啲保証.之後就訂枱二點入座.叫食物是用QR code 落單.頭一轉二個人叫了四款點心每款二件一人一件.一碟腸粉一碟鳯抓就慢慢食，之後相隔七個字之後再叫了四五款點心.等到要叫我埋單比錢都還未來第二輪叫的點心.於是在比錢時問服務員還會到食物嗎？服務員態度好差答會有!之後只是來了一碟炸苦瓜同一碗粥其他之前叫甚麼也沒有到來!真的直到走一碟也沒有来！這就一人二百幾元吃了四粒點心和一件甜點.我不是想食你二三拾碟點心回本，需然一個人二百幾不是很多錢，但你都唔好比你啲客食三四粒點心和你間酒樓叫做送了幾款(小小小)小食比你個客餓住個肚走啦！這就叫放題?這就叫任食？總之一肚氣!冇下次🤬🤬🤬😓😓😓…查看更多

今晚2個人叫咗兩個火窩，食到一半 ，隔離枱入了三個小童兩個大人， 而我 側邊有一張櫈， 因為身上有好多嘢剛好用來 放手袋背包， 想安好咁食一餐睌餐，侍應已經幫佢哋兩張枱拍埋一齊佢哋都話唔夠坐 ，還要攞我放袋嗰張凳坐， 等佢一家安安樂樂食飯 ，而令到我要好狼狽咁夾住背囊同埋手袋食一餐晚飯 !而佢哋張枱已經係全店最大張 ，有一個小童喺我身邊 踎喺度 畫畫仲放咗幾個書包， 咁可唔可以叫個小童唔好霸住個位 畫畫，書包放好啲就夠坐，根本唔需要 攞我張凳， 如果真係唔夠坐攞走張凳係好小事冇所謂， 事實就係夠坐都要攞我張凳 令到我食得好辛苦咁食一餐! 呢啲係咩服務？以後我都唔會再幫襯! 喺度奉勸各位 想食一餐安樂飯， 又唔會將個位調嚟調去 遷就其他客 就唔好幫襯呢間! 呢啲咁衰嘅食評，都係我第一次寫!冇下次!…查看更多