ct716的个人专页

第2次黎呢間餐廳，兩次黎都係得一兩枱客非常冷清，門口長期有個外藉叔叔彈結他唱歌，其實成個環境裝修同氣氛有啲格格不入🤔唔知係咪因為咁，所以無乜客，不過其實價錢唔係貴，食物質素雖然唔係好高，但都唔差嘅。我地叫左2個豬扒意粉，加40蚊轉餐，有龍蝦湯，吞拿魚同鵝肝醬多士，餐飲同甜品。 個湯都幾夠熱，多士上面嘅醬係厚搽唔吝嗇，至於個豬扒一啲都唔鞋，不過個汁就咸左啲，甜品就應該係現成不是自家製嘅🤣另外呢度有好多款生蠔，下次有機會會試下…查看更多

訂左枱食飯，行到攰攰地又未夠鐘，諗住搵間cafe飲杯野坐下，行過見到呢間餐廳，唔多人就入左去，本來就黎食飯都唔敢食其他野，但俾佢menu上啲小食吸引到，最後都係叫左個炸魚柳薯條過下口癮，另外叫左杯english breakfest tea同earl grey latte點左餐搵個位坐低左，睇佢外面以為好細，原來入面仲有好多位，仲有部洗手機可以洗手添。等左陣就可以出去拎餐啦，個炸魚柳薯條熱辣辣好正，英式早餐茶就正常茶包沖嘅茶咁啦，至於個伯爵茶latte個都味幾香唔錯。…查看更多

本身尋晚訂左枱同男朋友慶生，但打風改左今晚，訂左枱7點，黎到果時都已有8成滿座。我地原先都驚打風關係啲食材會唔會唔夠新鮮，點知又無問題喎😋我地叫左個嵐刺身盛，2件生蠔，1客清酒燒蠔，螢光魷魚，原條秋刀魚刺身，大拖羅壽司，燒吞拿魚鮫。首先刺身非常新鮮肥美，尤其係厚切大拖羅刺身，入口即溶👍秋刀魚都非常鮮甜，生蠔就正常不是太特別，而燒吞拿魚鮫唔會燒到好乾，仲好滑好juciy。整體都非常滿意，下次會再黎…查看更多

夜晚專登搭車過黎呢頭搵食，但度度都好多人要等位，行到街尾發現有間新開餐廳，但呢個位置比較偏，門口仲要完全唔起眼，無乜人，見餐牌價錢都算抵，所以入去試下。我地叫左個2人餐，個湯好濃南瓜味，雞翼好脆夠晒熱（不過略為重味，我用叉撥走多餘調味都ok嘅）個餐主菜揀左個扁意粉同慢煮黑毛豬鞍，意粉好creamy，都幾鍾意呢個味。 至於個黑毛豬鞍果然係慢煮，食完個意粉都等左半粒鐘先黎（雖然個menu都有註明），如果趕時間就唔好揀呢個，不過講真都值得等下嘅，佢個肉好juicy，一啲都唔鞋，味道岩岩好。最後再上埋個甜品奶凍，奶味夠濃👍埋單3舊水有找，都幾抵…查看更多

好多年前仲讀緊書，一有朋友生日或者慶祝都會黎三木食佢個牛肉鍋，果陣覺得好好食，前菜又多款式，4至5個人叫一個鍋都已經夠飽。今日再黎諗住同個朋友黎懷緬一下，不過今次唔係叫牛肉鍋而係試下佢嘅燒肉，叫左個牛併盤同埋豬腩肉，黎到已經睇到啲肉係雪到好硬，一燒已經發覺唔係好對路，啲肉好鞋，好難食，叫左2樣野加罐汽水埋單都8舊幾水，好唔抵！ 另外啲service都係麻麻地，同以前簡直兩回事，唔會再黎囉😑…查看更多

買左團購，見啲介紹好吸引本來滿心期待黎食。點知食物款式小，食物質素真係一般到唔一般。叫左第一轉已經唔想再叫，完全擇唔到食咩。服務態度又麻麻， 見隔離檯個先生同個侍應阿姐理論緊last order個時間，個阿姐又大聲態度又差，但其實位先生係好冷靜同佢講野， 完全唔知想點😟寧願俾多幾十蚊食間好啲。。。。…查看更多

今晚同屋企人食飯，諗住搵間特別啲嘅餐廳食飯，結果係openrice搵到呢間餐廳，呢度氣氛好好，老闆非常nice,中文講得好好， 同佢好好傾呀。 第一次食土耳其菜，覺得幾特別。羊肉幾好食，好軟熟，土耳其乳酪好正! 唯一係甜品同飲品太甜，整體都ok …查看更多

收工約左媽咪食飯唔知食乜好! 見呢度有位就入去食。8點鐘同我地講set dinner賣晒! 無辦法啦， 最後我叫左個卡邦尼意粉$118，媽咪叫左個豬豚肉定食$118從未食過咁難食嘅意粉! 一黎完全無味， 二黎唔知點解會濕立立，仲要啲意粉淋到好似食緊米線咁! 大佬， 百幾蚊你俾啲咁嘅野人食! 出面求其搵間幾十蚊都好食過佢!我媽個定食都係麻麻地， 算叫食得落價錢貴唔緊要，但唔好俾啲咁嘅質素囉!最後想講， 啲女侍應好似未訓醒，夢遊咁。。。做咩呢！?…查看更多

係荃灣住左廿幾年，雖然荃灣好多餐廳食店，但都食到唔知食咩好。星期日訓到好晏先起身，同阿媽落街搵食，發現開左間食點心嘅餐廳，一於入去飲啖茶食個包先! 平時睇食評就睇得多，除非間餐廳好差好唔掂都唔寫出黎分享。但今次呢間食店真係有驚喜，食物水準同高級酒樓點心有得fight, 不過價錢相宜好多! 當然環境就唔及酒樓架啦！下次會再黎食! 希望一路keep住水準!…查看更多