人造人間的个人专页

呢間茶餐廳啲食物味道都唔錯，可惜某員工無衛生意識，唔知點解佢經常咳，口罩又經常拉低，佢會接觸由廚房煮起嘅食物嘅，但我見過佢對住啲食物咳，之後交俾傳菜送俾啲客食，我亦見到佢對住盒打開咗嘅外賣食物咳到彎低身，之後包好後交俾我。我本來想叫佢搵廚房煮過盒新嘅俾我，我小人之心，廢事廚房整盒加料嘢俾我，我忍氣攞去掉咗當跌咗錢，以後都唔會再去呢間嘢再幫襯…查看更多

之前約好家人去花水木食團購放題，事前一家人都好興奮，話晒都係酒店日式餐廳，用二佰幾蚊就食到放題，仲唔限時，諗起都開心。終於book咗上星期日去享用，上網查下地圖點樣去，點知就彈咗入嚟openrice，咁我就順便睇下食評，嘩~~唔係咁差嘛，有會員亦係用團購去食放題，但食評極差，令我心情一沉。我決定早D去食，若真係唔好食就早D走！我於六點半就到，等家人期間我先點咗海蝦天婦羅、炭燒雞扒同鹽燒秋刀魚。結果如有D會員所講，等咗好耐都未有得食，大約四個字後終於到，又唔係咁差喎，天婦羅隻蝦好新鮮，家人到達後便叫埋個刺身、壽司拼盤，結果……一家人食到差唔多餐廳收工先離開。刺身、壽司拼盤 - 新鮮，海膽好大隻，不過真係少咗D同無得添食:(南瓜湯、味噌湯 - 前者鮮甜、後者OK牛仔骨、牛肉卷 - 前者唔韌、後者粉咗D燒豬肉腸、羊扒 - 前者唔膩、後者夠淋，不過肥肉多咗少少燒秋刀魚、鯖魚 - 前者我唔怕腥，好食啖啖肉、後者一點再點雜菜鍋、燒扇貝 - 好鬼正牛肉凍、雞軟骨 - 前者唔得、後者OK金箔豆腐 - 金箔就唔覺眼，不過好滑明太子炒飯、拉面 - 前者我自己叫多一碗、後者我唔like，但家人話好食蒸蛋鵝肝、煙燻豬肝 - 好食、好香炸三文魚、白飯魚蛋卷 - 不過不失烏冬 - 真係唔得，散嘅，太淋啦:(…查看更多