桐桐公主的个人专页

我們這天去荃新天地換領雞蛋仔 :)這一期新假期真的很抵! $12雜誌送$20薄荷雞蛋仔!!! 如果在雞蛋仔和格仔餅中二選一, 我一定選多醬甜膩的格仔餅, 媽媽就特別對雞蛋仔情有獨鐘.跟隨媽咪, 吃雞蛋仔的機會自然多, 慢慢都對乾脆方便的雞蛋仔有少少好感. :)雞蛋仔其實是在五十年代已經出現, 是香港地道街頭小吃之一.一般都以雞蛋、砂糖、麵粉、淡奶等造成汁液，倒在兩塊特製蜂巢狀鐵製模版的中間，放在火上烤成.成本低, 一般市面上賣$8、9一底.個人偏愛吃半空心半實心的貨色, 鬆脆富蛋香, 較全空心的實在, 也比實心,類似雞蛋糕的雞蛋仔沒有那麼飽滯.而位於荃新天地地下的古法烘焙, 開業已有三個月, 一直都久仰其名.當中名物主要有夾心雞蛋仔, 蛋捲, 杏仁批 和 低糖鳳梨酥等. 雞蛋仔以薄荷口味最為創新吸引, 但每底索價$20, 價錢偏貴.現正好有張免費券給我有機會品嚐一下. 不過上次經過店鋪, 試食了一粒原味雞蛋仔, 凍冰冰, 軟腍無味, 無蛋香, 差過街邊貨, 失望極了!是日店外人們照常熙來攘往, 店員將一分為二的杏仁批派給人們試食,吃下鬆脆可口, 有七層酥皮, 加面層蛋白脆糖, 少甜不膩, 幾健康. :)亦有多款曲奇售賣~ 雜錦禮盒可以滿足多心的人「古法」並不是指用碳爐, 而是指「外層酥脆可口，而內則像蛋糕仔的鬆軟彈牙」聽聞店家還以啤酒取代發酵粉混入蛋漿內, 特別香脆.五分鐘後, 一底暖烘烘的薄荷夾心雞蛋仔就送上手了~ 一粒粒金黃色雞蛋仔漲卜卜, 小巧可愛.送上手後急不及待影呀影~剛好免費的口味是薄荷味, 是我喜愛的味道.無論是薄荷朱古力雪糕、薄荷涼粉、薄荷朱古力、薄荷特飲, 我都鐘意. 雞蛋仔用上比利時提煉薄荷原粒, 分佈不太平均,透出奇特的深綠色斑點, 或許很多人會說怪異恐怖, 大叫醜陋.但我覺得幾特別. 快試一粒雞蛋仔, 的確做到外脆內較的效果. 外層香脆, 蛋邊都好有蛋香, 內裏注滿蛋漿, 是軟綿綿的蛋糕餡, 好鬆軟, 又不會太膩太滯, 蛋味適中配上粒粒半溶薄荷夾心, 好fresh,好清涼, 甜度恰好, 好像薄荷朱古力般美味. 一個接一個, 好快就食完!! 這個真是很好吃呢!!! 今次免費,,超值~ **留意雞蛋仔最好即買即食, 最多30分鐘內食~否則水分蒸發, 雞蛋仔會變得軟腍鬆透和帶煙韌口感, 就好像我上次試食那粒~ > <…查看更多

荃灣離我屋企不遠, 所以大多假日都是去了荃灣行街.:)在荃灣, 荃興徑一帶可算是食街, 有好多野食.而豪大大雞排是台灣過江龍雞排店, 試過幾次荃灣, 都不是吃大雞排, 覺得不錯.「豪大大雞排」打正旗號是賣大大件的酥炸雞排($25), 索價台幣一百大元, 而且網上評語一般, 食過幾次都是貪大件, 但味粉重、炸漿厚、皮肉分離, 等等缺點仍吸引眾人排隊購買~店內都是賣熱氣香口的炸物, 千年油實屬無可避免.某一次食脆皮鹽酥菇, 新鮮炸起, $15一份份量不少, 全部採用杏鮑菇, 我們要小辣, 熱辣燙口, 每一件都大大件, 因為炸菇菇的粉漿實在太厚, 粉漿外脆,內軟帶少少煙韌, 杏鮑菇不細塊, 爽爽的, 有清甜菇香,加上有少少辣的味粉, 都OK的~ 媽咪說上次好吃點(我不在場>-<)最近有次好口渴, 我突然想起一個划算又好味的組合: 去豪大大買任何食品, 就可加幾塊錢換購冰凍解渴的飲品. 正好店外人少, 買份香口小食~而最便宜的脆皮雞塊就成為我們屋企的愛將, 配上一杯酸酸甜甜的梅子綠茶, 都只是$14.脆皮雞塊熱辣辣, 每件$6($25/5件), 件頭不細,炸漿灑上少辣味粉, 薄脆可口, 雞肉不嚡又juicy, 愈吃愈惹味, 很滋味. 三個人爭吃一件雞塊, 真不足夠!…查看更多

那天, 我們在晚上的時候, 就乘MTR到了旺角.爸爸就提議到沙嗲王吃Dinner. 我們都等了幾個字,才可入去.餐牌上的小食款式繁多. 最後我們點了: 脆蝦棒 $22 入面係蝦粒, 爽爽脆脆, 依然不錯. :) 海鮮忌廉湯配蒜蓉包 (小鍋) $29 蠻多料, 有蝦,魚,蜆,蟹柳,海帶. 忌廉湯味道濃郁, 還帶有陣陣海鮮鮮味. 可以分到四碗. 而跟湯的蒜蓉包比湯更美味, 蒜味濃濃,牛油超香,好好食. 蟹粉豆腐鍋 $32 份量適中, 還有蟹肉. 再看看, 蟹肉頗多,料下得足, 豆腐不滑,不過挺有豆味. :) 而蟹粉味,就吃不到, 不過蛋黃味很濃,相信下了不少蛋黃取代蟹粉. 整體不錯, 只是$32, 無疑是撈飯之選! 這裏的白咖喱豬扒飯也是我們每次必叫的菜式! $37 不過又加價. 白咖喱味道多年不變,一樣美味依然. 撈飯一流! 豬扒有三塊, 經香茅醃製,香茅和香料的味道濃郁,好惹味, 肉質鬆軟又腍, 棒! 侍應說所有飲品半價, 我們就要了兩杯. 榴槤飄香 $22 > (半價)$11, 即是榴槤奶昔Milkshake, 有榴槤味,但不太突出, 仲越飲越淡, 不合格, 失望. :( 桂花荔枝梳打 $22 > (半價$11), 桂花味很強烈, 荔枝味酸酸甜甜, 配上QQ的蒟蒻, 很不錯! :) 白飯 $8, 無咩意見 本來想吃榴槤飄雪($6/件,$10/2件), 可惜肚子空間已滿, 好飽啊! 結帳$160多, 附送沙嗲王的XO辣椒醬,很惹味呢!撈麵炒餸都不錯.還送$16的現金券 ( 惠顧$20送$2現金券 ) 和四粒薄荷糖.今次D嘢食幾好味, 特別個蒜蓉包. 環境: 餐廳有不少海盜(公仔), 隨時被它們嚇倒. ha ha! 而服務一般, 十問九唔應. :(下次試其它小食. :) …查看更多

在30/7,我和爸爸看完反斗奇兵3後, 就好餓.我們就去了鳴門吃下午茶. 不用等位.不過牆上有污漬,不多潔淨呢!下午茶的款式不多,但尚算便宜.我本來想吃三文魚中華冷麵, 不過驚不飽.所以就要飯. (芝士焗海鮮飯+凍檸茶$32, +$12蟹肉忌廉餅)先來的是凍檸茶, 味道甜甜,OK.:)一,兩分鐘後,就來蟹肉忌廉餅, 有兩件,外面炸得香脆,吃下去很燙口, 感覺很新鮮. 內裏的蟹肉忌廉有少許蟹味, 有很濃郁的忌廉和鮮甜味,非常creamy,很滿意呢! 點一點甜甜的蛋黃醬,味道更特別.而芝士焗海鮮飯, 飯面鋪上又厚又大塊的芝士, 芝士味挺濃. 炒飯底乾身, 都有不少海鮮料,有蝦,蜆,帆立貝等等. 整體很香口, 也不錯. ^-^我們首次吃這間鳴門的食品, 覺得都幾好.而我看過餐牌, 覺得甜品比較吸引.不過九龍灣太遠.…查看更多

7月9日,我同爸媽到了荃灣行.因之前有雜誌報導依間爭鮮迴轉壽司,到晚上六時就大排長龍先可入座. 所以我們下午4時多就到了爭鮮吃晚飯. 等咗一陣,就可以入座. 依間有限時50分鐘享餐, 唔太適合傾計.:(入到去,係冇餐牌的,大多食物亦不設order. 所以大家不妨在門口先看看餐牌.茶包,壽司醬油和芥辣都是獨立包裝, 質素不錯,也比較衛生.:) 唯薑片不是獨立包裝. 所有壽司刺身甜品碟碟$8, 我們吃了...燒三文魚骨腩: 吃下,才知是冷盤, 冷冰冰,一點不好吃.海膽軍艦壽司: 聽爸媽說,海膽貨色一般. :( 赤貝壽司: 赤貝肉大肥厚, 爽脆又甜美, 屬新鮮貨色. 希靈魚籽釀魷魚仔: 好特別, 希靈魚籽脆脆,甜甜, 魷魚爽爽, 兩者很配合呢! 帆立貝壽司: 抵就抵,但不太新鮮. 爸爸未食過,所以要多碟. 甜蝦刺身: 一客5隻,賣相不錯,但吃下黏口, 一般. :( 三文魚壽司: 肥美,有鮮味,去爭鮮必食. 我哋都食咗幾碟. 櫻花魷魚軍艦壽司: 一般芒果牛奶大福: 冇咩芒果味,入面完全冇芒果,只有忌廉, 失望.:( 仲有綠茶紅豆味, 都想試.鮮魚味噌湯: ( 嗰日買一送一, 需向店員order ) $4就有一大碗, 抵! 材料有海帶,紫菜,豆腐, 還有三文魚. :) 不過三文魚腥. 因為抵,所以要多兩杯. 今次好足料,好滿(見圖), 飲完湯,飽哂. 三文魚籽軍艦壽司: 都OK.北寄貝刺身: 爽脆鮮甜,幾好.:)希靈魚壽司: 蠻大塊,又脆又甜,好好吃.:)整體都OK好食, 不過嗰日只有好少款式, 新鮮貨每次出幾碟,好快冇哂.而甜品,全場得我哋食. 見到大部分人都係食三文魚sushi多,我哋都係,ha ha!爭鮮勝在價錢便宜, 碟碟$8, 我哋食咗$160多.D粟米沙律,青瓜sushi就唔抵, 所以要識揀.環境: 紅,白兩色, 天花板有好多魚魚(公仔) 服務: 一般我哋食完,5點幾, 都係唔駛排隊.…查看更多

在銅鑼灣流連了很久，都找不到合適的餐廳進膳，爸爸看見此店有海南雞和下午茶食，考慮了一會，就入去食嘢。:)店內有海南雞午餐和下午茶餐，下午茶餐較便宜，但店員說午餐的海南雞份量較多，所以媽媽選午餐。 而爸爸點了下午茶餐的瑞士汁炒牛河。:) 先來媽媽的海南雞飯午餐 $35，份量OK，但某些雞件呈透明，滲出很多血水，要換!!! 換過的另一碟海南雞沒有那麼多血水，肉質嫩滑，有雞味! 而且無骨 是必食的!!!香茅雞油飯 : 陣陣香茅味，帶有淡淡椰汁香，可惜飯粒未夠分明。:)醬汁更是海南雞飯的靈魂! 泰式酸辣汁 : 酸味強烈，頗香辣，很不錯!!! 秘製薑蔥茸 : 香氣撲鼻，而且不太鹹，很讚! 惹味黑豉油 : 不像出面苦苦的，香甜濃郁，回味中 附送的湯水很一般，:(另加$2轉凍飲: 西洋菜蜜過甜，一般 爸爸的瑞士汁炒牛河下午茶餐 $25瑞士汁炒牛河 : 沒有甚麼瑞士汁! 只是普通的乾炒牛河吧! 牛肉夠腍，河粉爽滑，只是太油了! :)另加$3轉凍檸賓不太凍，還超甜!!! 此店的食物味道不錯，希望海南雞飯可以保持水準 …查看更多

我和爸媽當時非常口渴，爸爸看見「買任何食品，加$3有汽水」，就立刻排隊買Crispy Hot Sandwich 。我當然想揀$15的Crispy Hot Sandwich，但最近推出了$8和$10的Crispy Hot Sandwich，就要了$8的煙肉蛋Crispy Hot Sandwich。:( 煙肉蛋Crispy Hot Sandwich $ 8微暖 :(，外皮微脆，咬了三、四啖，就看見煙肉和蛋的蹤影， :)煙肉鹹香，蛋像麥當當的，很淡， 不過到魚尾還有蛋，:)還可以! 我想$10、$15好吃得多，等下次吧! :)…查看更多

某某日，我和媽咪行西九龍，因為之前行過8樓food court, 所以想試咖喱飯。於是就買咗份咖喱飯食 銀座二丁目咖喱飯 $15用學生證，仲有得送汽水，都幾抵吓! :)咖喱甜甜哋 有D薯仔同紅蘿蔔粒，OK喎 附送嘅醃蘿蔔酸酸哋，醒胃! 白飯都OK! 服務都OK!…查看更多

我同爸爸、媽咪食完美心，又肚餓:( 所以都係去返宜家傢俬咖啡室醫肚。我哋去到嗰時大約4點, 都有很多人。等咗一陣，等到位，就同媽咪出去揀嘢食，跟住就要咗一盤凍蝦同一碟瑞典肉丸。:) 凍蝦 $22 這盤有22隻，配檸檬和菜 :)凍蝦尚算細隻，不知是否北海甜蝦? 凍蝦背部有很多蝦籽，蝦籽脆脆的，很有鮮味，最愛!!! 而蝦肉都超棒! 帶有海水的鮮味，很甜，:)配上檸檬汁吃，酸酸甜甜，一流! 蝦肉雖然不爽，但仍是超級的必食之選!!! 瑞典肉丸 10粒 $19薯片蠻多! 今次的是原味薯片，還可以，不過上次的香草薯片好吃得多! 肉丸惹味可口，蕃茄汁有蕃茄肉，還不錯! :)但D汁始終沙田店好食好多倍! 吃到一半，爸爸再出去買嘢: 瑞典雞翼同汽水 瑞典雞翼 3隻 $7一般啦 :( 汽水 每杯 $7汽水係可以任斟! 有百事可樂同七喜揀，都幾抵! 食完哂嘢，又忍唔住拎多盤 凍蝦 $22有23隻! 仲依然好鮮 食完嘢，要自已執返枱! :)…查看更多

我同媽咪出來太子，本來去大玩， 就是吃綿綿冰! 現在大玩有特價$9的白雪珍珠奶茶，就放棄吃冰的念頭。我們就向店員要一杯白雪珍珠奶茶，可是店員太少，要負責收銀，又要整飲品，而店內實際只有兩、三個人手，可見真的人手不足。:(店員也只是向我們說一聲「等陣」， 我們呆企了一排，終於得喇!白雪珍珠奶茶 700cc $9茶味幾濃，奶味足，幾好飲! 白雪珍珠即是透明珍珠，QQ彈牙，很有嚼勁，好 ! :)整體都OK! …查看更多

我同媽咪特登出來太子，就是要尋找台式飲品和雪花冰!而小巨蛋就在MTR的旁邊，小巨蛋旁邊都有很多新開的台式飲品店!ニ話不說，立刻買一杯榴槤飄香試吓先! 榴槤飄香 700cc $15賣相幾靚! :) 仲有很多胚芽!入口第一啖榴槤味頗重!可是榴槤味重的味道只是維持短時間:( ，入口挺滑, 我想應該是榴槤雪糕加大量清水打造而成! 還可以的。下次經過，我會試吓招牌的黑糖珍珠奶茶! :)…查看更多

因有晚市半價優惠, 所以一直都很想去江川壽司試試. 當天逛完圓方, 就特意轉乘小巴來尖沙咀TST江川壽司吃晚餐! :)6:30 p.m. 後, 就有半價, 不用等到宵夜時刻! 因客人不多, 不用分鐘便可進入店子! 整間店子、餐具都以墨黑色為主, 感覺很cool! 幸好服務員還OK, 常常主動沖茶 也不會黑口黑面!一入座, 當然先看Menu! 壽司、手卷、軍艦壽司和創作卷物都是半價!小食, 刺身和其它則以正價收費 我們首先點三文魚壽司 $4.5 兩件 ( 正價 $9 ) 賣相不錯, 三文魚頗新鮮! 而且飯粒微暖! 這碟很讚!!! 帶子沙律軍艦壽司 $8 兩件 ( 正價 $16 ) 味道偏淡, 很一般! 蟹一丁 ( 蟹膏 + 蟹肉 ) 軍艦壽司 $10 兩件 ( 正價 $20 ) 我沒有吃到, 只知蟹膏的份量偏少, :( 爸爸說很一般! 辣味三文魚軍艦壽司 $6 兩件 ( 正價 $12 ) 有辣味, 但味道很淡! 媽媽卻說好! 很想再來一碟! 帶子沙律、蟹一丁 ( 蟹膏 + 蟹肉 ) 、辣味三文魚 (軍艦壽司) 都超袖珍, 上枱時嚇了我一跳!!! 帆立貝壽司 $10 兩件 ( 正價 $20 ) 帆立貝非常鮮甜, 很不錯! 吃得我們很滋味!!! 炸風味魚腩骨 $18 ( 這是正價收費 ) 魚腩骨是三文魚腩骨! 三文魚的肉質是很嫩滑, 可是師博下得太多鹽! 超鹹! 很苦! 要喝大量水!!! :( 我和爸爸一直都很期待的A4和牛葱花卷 $10 六小件 ( 正價 $20 ) 期望過高, 沒啥特別! :( 可能因為A4和牛份量太少. :( 三文魚卷 $8 六小件 ( 正價 $16 ) 味道OK! 北寄貝沙律船壽司 $10 兩件 ( 正價 $20 ) 北寄貝爽脆可口, 惹味非常! 加上甜甜的腐皮, 超好吃!!! 再來的一客帆立貝壽司 $10 兩件 ( 正價 $20 ) 依然很鮮甜! 三文魚壽司 $4.5 兩件 ( 正價 $9 ) 因為上一碟三文魚壽司很好吃, 於是再點一碟! 今次真的很「肥」美! 對我來說還OK, :) 媽媽就覺得太肥了, 像吃一堆脂肪! 要吐下來! :( 火武龍珠卷 $17.5 四件 ( 正價 $35 ) 餐牌上, 四件都有海膽, 可是我們這碟只有三件有海膽! 因為半價 ? 還是看我們剛好三個人 ? :( 不過我們沒有向服務員投訴. 味道又如何? 最上的海膽鮮甜, 都不錯! :) 內裏的蝦也不差, 很彈牙! 整體都很滿意! :) 火の蠔卷 $17.5 四件 ( 正價 $35 ) 飯粒暖暖的, 很好吃! 鰻魚OK, 可是蠔不鮮, 不大粒, 像吃蠔鼓! 不過飯粒暖, 已經很好吃! :)加一後約$180這店的加一以原價計算!!! 食物還有改善空間!如果唔想等到夜深食半價壽司, 都可以一試! …查看更多

睇雜誌已經好想食叉燒飽, 嚟到又點可以唔食呢？我哋3人好lucky, 等咗一陣就有位.但係我哋坐個位响收銀隔離, 而且其他顧客成日望住我哋, 整到好唔自在, 都唔知影唔影相好?店內燈光仲暗咗D.茶錢$2位, 有壽眉同普洱兩種, 不過我哋一直都飲普洱睇吓點單紙, 首選就係酥皮焗叉燒飽$12,熱辣辣, 好新鮮個飽好鬆化, 幾脆, 單食個飽都好好味D叉燒唔算多, 但勝在惹味夠香, 整體都好好味.之後要咗古法糯米雞$15,抵食夾大件, 料唔多, 但都好味.:)跟住要咗潮洲蒸粉果$10 , 味道OK.臘味蘿蔔糕$10, 冇咩料, 但有一絲絲蘿蔔, 都值得一試:)煎蛋牛肉飯$15, 份量恰好, 蛋煎到半生 D牛肉幾好味, 整體唔錯黃沙豬膶腸$13, 好少, 好細粒豬膶, 不過都好味.:)蠔皇鮮竹卷$12, 勁多紅蘿蔔絲, 好一般至於服務睇收銀員個樣唔太友善, 加個單都驚比佢話, 服務唔太好, 但為咗好味嘅酥皮焗叉燒飽, 都會繼續支持!!!…查看更多

這裏的任點任食有分幾個時段, 我們3人選了第一節: 17:45-20:00 , 有折。店內的燈光忽光忽暗, 有點古怪 一入座, 職員就送上木瓜沙律 ,聽別人說是每人一客, 職員說現在是兩人一客, 但我們3人都給兩客,木瓜幾清甜, 但略嫌蟹柳和沙律醬太少, 不過都好好味 :)辣椒炒蜆都是餐廳另送的, 不過太淡, 不入味, 認真麻麻 :(任食的食物都從餐牌中選擇 , 不用理會價錢 ,只要寫上食物號碼在ORDER紙即可,這裏食物的分量是照人數來給的。每枱都有四式醬汁,辣汁 : 辣辣哋,都幾好味,甜酸醬 : 酸甜開胃,點炸物一流,酸辣汁 : 都不錯,沙嗲醬 : 不算太惹味,但都OK。而飲品類都是任飲的, 有另一張飲品ORDER紙 ,飲品有珍多冰 , 龍眼冰 , 青檸梳打 , 熱薑母茶 , 凍 / 熱柑桔 , 汽水 , 椰汁冰.1. 青檸梳打 : 酸到咪哂眼 2. 柑桔檸檬 : 好濃, 所以太酸 3. 龍眼冰 : 這個就最好飲, 龍眼大粒又爽口, 之後再叫多兩杯 :)4. 珍多冰 : 珍多冰都不錯, 幾香椰汁味 湯有冬蔭公 ,都幾多料, 蘑菇爽, 都夠酸, 幾好味 :)沙律 : 1. 柚子沙律 幾多柚子, 不太酸, 都OK 2. 甜酸鳳爪酸酸甜甜, 都幾多:)小食 : 1. 有必食的小食拼盤 : 炸蝦餅,串燒,雞翼,春卷, 蝦餅彈牙爽口, 串燒惹味,:) 雞翼好香口,D調味料好特別,不錯, 春卷多料又脆。 2. 串燒 ( 雞,牛 )牛肉燒得太老, 雞肉唔錯 3. 炸蝦餅 熱辣辣, 幾香口, 又脆, 幾好味 :)其它 : 1. 蒜蓉青口 舖滿蒜蓉, 好香, 青口細細隻, 惹味又爽口, 之後再叫一碟 2. 咖哩炒蝦 一碟有3隻蝦, 咖哩汁好好味, 好有椰汁味, 蝦都幾大隻, 好入味,又再叫一碟 3. 紅酒汁羊扒醬汁OK, 羊扒較靭 4. 燒魷魚 軟腍OK 5. 海南雞 雞肉有點嚡, 不太靚 :( 6. 明爐燒魚 一大條烏頭, 條魚好肥美又夠味, 再加上芫茜, 肉碎, 酸酸哋,回本首選! 7. 豬頸肉 又腍又爽,好味道！ 8. 紅酒鴨胸肉 這道是冷盤嗎 ? 為甚麼是凍的 ? , 很一般 :( 菜 : 9. 鹹魚炒芥蘭, 沒有一點鹹魚, 而且很不入味 :( 10. 飛天通菜 吃了很多肉, 再吃碟菜, 很入味, 好好食 最後職員再送上一盤甜品拼盤, 有些如橡膠一般,很靭, 有些沒甚味道,不過都OK, 用葉包住嗰D好好味, 好濃椰汁味, 有D西米, 超好吃 ! 服務非常一般, 衛生尚算OK, 未食過都可以一試:)…查看更多

最近,就同爸爸媽咪去試Tea Buffet,價錢唔太貴,D嘢食仲好好味.每枱都有兩種醬,有芥末同蜜糖籽＋芥末,兩款味都差唔多,蜜糖籽＋芥末比較甜,好味D:).咁嘢飲就每人一杯,記得就有汽水,啤酒,蘋果汁,橙汁......揀,我就揀咗蘋果汁,應該落咗好多蜜糖,蜜糖味好濃,不似一般嗰D:),媽媽就揀橙汁,無味,唔好飲:(,因以為啤酒係麥啤,所以叫爸爸揀〝 麥啤〝試吓.首先介紹我最鐘意嘅甜品先!唔算太多甜品,但樣樣味道都唔錯,1.蘋果酥餅,蘋果爽脆香甜,有好多層酥皮,超鬆化,very good!2.麵包布甸,布甸軟滑,麵包非常脆,有咬口,好好味.3.焦糖芝士蛋糕,睇樣有D似虎皮芝士蛋糕,味道中上.4.士多啤梨果醬芝士蛋糕,果醬酸甜開胃,芝士味濃,唔錯.5.藍莓×奶凍×啫喱杯,依道係幾款甜品混合而成嘅創意之作,賣相色彩繽紛,還很好吃,:)最底嘅係青檸啫喱,酸甜,仲有好多水果,中間嘅奶凍奶味香濃,最上嘅藍莓果占酸酸甜甜,而且好有口感.6.朱古力慕絲,有好香濃嘅朱古力味.7.芒果布甸,芒果唔酸,好味.8.焦糖布甸,係綠茶味,雖然食不到綠茶味,不過焦糖烤得卜卜脆,好好味.9.糖餅,超硬.10.香蕉合桃cup cake,上面有D吉士醬,個cup cake好香香蕉味,有D合桃,不錯.11.Pancake,配料有七彩朱古力碎,杏仁片,杏桃,草莓, 醬有奇異果,草莓,朱古力三種揀.12.雪糕,應該係自家製嘅,有呍呢拿味同朱古力味,呍呢拿味唔錯, 朱古力味有好多朱古力粒,好好味.13.生果,印象最深刻就係西瓜,清甜爽口,而且仲起沙,可惜生果食完好少再添新嘅.跟住介紹就是King Ludwig Beerhall 嘅主角---豬手/豬肘,平時豬手一隻要百幾二百元,Tea Buffet 都可以任食,1.豬手,皮燒得脆卜卜,一咬即碎,好好食,肉質嫩滑,咸度適中,超好食!2.烤豬柳,咸咸香香,唔錯.3.香草豬肉腸,一般.4.芝士腸,芝士味濃,好味道.5.粟米,清甜爽脆.:)6.薯寶,薯味濃.:)7.炸薯條,超好食,咸味足,香脆可口,薯味濃,我都食咗幾碟淨薯條.8.醬汁,玉桂燒汁,個人可能唔習慣玉桂D味,所以覺得怪怪哋. 蕃茄醬,蕃茄味濃.依度泠盤少,但都OK,1.火腿麵包小點,火腿咸咸,配上蕃茄食,酸甜開胃.2.蛋沙律麵包,好足料,蛋白香,蛋黃味濃,Good ! Good ! Good !3.肴肉沙律,賣相好似水晶肴肉,依道係中西混合嘅Fusion菜(肴肉＋西式沙律材料).3.吞拿魚椒椒沙律,罐頭吞拿魚味.4.鮮冬菇雜菜沙律,冬菇爽,蔬菜脆,Good !湯有南瓜湯,非常稠,南瓜味超濃,不錯不錯.到介紹意粉,嗰日只有蝴蝶粉同意粉兩款揀,醬汁有紅白兩種揀,配料有蕃茄粒,金菇,冬菇,豆苗, 洋葱粒,粟米粒,蜆肉,煙肉粒,蝦肉,蒜蓉.我同爸媽各食咗一碟意粉,都落得好多海鮮,好好味.:)白汁比茄汁好味好多.依間D嘢食唔錯,實會再食!…查看更多