denature的個人專頁

平時經過已經見到好多人係入面食，又有人係出面等外賣睇到門口窗口個到擺左好多雞 所以我諗都係食雞出名架啦咁岩見有位唔洗等就試下叫左個海南雞湯河，轉脾加左十蚊加多左杯凍檸茶 加九蚊凍檸茶好快到 好甜 下次都係少甜會好海南雞河 有兩款醬比你點不過我就無點醬油 因為啲湯同雞已經好有雞味 同 好嫩滑如果鐘意濃味少少既人就可以點醬食雞份量都多 同拆晒骨 食得好方便最可惜既係河粉份量比較少 食完都唔係好飽大食既人可能要加底或者揀飯食如果下次再經過會再去食…查看更多

沙田雖然大同多野食，不過就比較少越式河食好運個邊開左間就特登去試下大約晚上7點到 唔洗等位 座位亦未算好逼叫左個生牛肉河 加 馬拉盞通菜 加 札肉值得一提既係 依到上菜真係好快生牛肉河 不時不失 依個價錢算係咁馬拉盞通菜 好濃味 不過有要微量既辣去吊味 但係可以接受到既札肉 友人話似佢係越南食既味總括黎講 食物質素對得住個價錢 （唔係好貴）如果咁岩個日係沙田又咁岩想食越式野食都可以試下既但就唔會特登黎食…查看更多

有朋友推介要試個龍蝦濃湯泡飯店面好local好細 入面只得4張枱 一入去就叫左個龍蝦濃湯泡飯友人就叫左海鮮焗伊麵(加左5蚊轉做伊麵)價錢係港島區黎講都貼地既 唔洗等好耐 個龍蝦泡飯就到左 仲好熱試左佢啲龍蝦肉 有驚喜！幾鮮甜湯都好濃味 又唔會好漏但個飯就有少少失望 因為比較黏同林龍蝦肉有多啲就好🤣好食試埋友人既海鮮焗伊麵 好好食！熱辣辣 又好入味 伊麵個質感岩岩好我會建議轉伊麵依個價錢 海鮮份量都算ok 唔會話少依間小店其實仲有好多海鮮食絶對會翻兜!…查看更多

新開張food court都叫易搵位叫左個叉燒蛋飯同叉燒撈麵友人同我都叫左要肥叉燒肥叉燒的確好食 有口感 又唔會好油 叉燒撈麵 唔知點解佢無比肥叉 差好遠 厚得黎好’un’ 咬極都唔斷 又好鞋個麵係生麵黎既 幾好食 比較濃鮑汁味總括黎講 要叫肥叉先好食 依個food court 係要自己收餐盤 所以食完記得要自己執…查看更多

七點幾 兩位 等左十分鐘左右就入得叫左 花雕醉雞， 炸醬麵 追加豬扒，嫩雞煨麵，小籠包一黎個花雕醉雞 幾嫩滑 酒味偏淡 岩唔太好酒既人炸醬麵 麵質都ok ge (依間舖門口會有人拉麵)比較濃味 食半碗已經覺得好”漏”嫩雞煨麵 好食 相對地淡口味啲 小籠包 多湯汁 但要小心夾起 層皮比較易穿最後個豬扒等左好耐 要催先有炸得不錯 但略嫌肉質差啲…查看更多

咁岩係旺角東個邊 就行左黎食叫左個石鍋雞扒蕃茄湯烏冬朋友就叫左個石鍋燒三文魚拌魚籽飯仲夾左個 蟹籽沙律野食等候需時 都幾耐下石鍋烏冬係滾住咁黎 熱辣辣 雞扒係另上好好食又夠熱 蕃茄湯唔會好”傑身” 岩岩好但可以再濃味少少就好石鍋燒三文魚拌魚籽飯有舊牛油 有驚喜! 撈埋食整體都唔錯蟹籽沙津好多蟹籽 成座山咁不過 環境就好迫 迫到郁唔到咁 坐得唔係好舒服…查看更多

今日突然興起食個雞煲 貪佢有得無限refill雞 同 有任食火鍋一開始就會要你撈左醬先 有6款我就唔係好食得辣 所以叫左bb辣一開始上雞煲啲雞係7成熟 所以要等一陣先食得咁上下就要搞下佢 如果唔係就會痴底😣啲雞幾嫩滑幾入味 唔算好辣 都香口既食雞食到悶就可以叫料加湯打邊爐但個湯同雞煲本身隻味唔係好夾 所以麻麻地建議主力食雞煲就好~ …查看更多

行過見無咩人排隊就入去食下啦叫左個鹽焗雞飯 加錢轉左雞脾😋之前都食過幾次 今次隔左一排再食味道同之前食差唔多 質素無下降到即使唔點個醬都夠味鐘意重口味既人可以撈醬食 都幾夾佢有2個size (碗同碟)女仔黎講 碗已經好夠食 加野飲略嫌有啲貴 寧願慳番 出去買台式飲品…查看更多

見佢放晒風就黎結業就去食下啦排左成個半鐘先入得舖頭好細 擺唔到好多人一入到即刻叫野食 叫左佢地既招牌火腿小奄列, 豉油皇雞翼, 炸雲呑, 蛋牛治, 凍檸茶, 阿華田奶昔->奄列 老實講真係名過其實 得個大字 蛋包唔住啲火腿 蛋漿漏晒出黎 有種火腿炒蛋既感覺 連埋包食感覺又ok仲要等成45mins先有得食🤮🤮🤮->同樣要等成45mins既仲有個蛋牛治 麻麻地->炸雲呑 (圖 係 已經食左2隻先影)好好食！入面有原粒蝦 即炸好熱好脆->誠心推介 豉油皇雞翼 肉質好嫩滑好入味 味道平衡得岩岩好單係依個小食都值得係出面排半個鐘好特別係 佢會連埋酸辣醬一齊比你有興趣既人可以試下浸醬食😚->凍檸茶不過不失->阿華田奶昔 有驚喜！係正既 都好多人叫總括黎講 我覺得值得排半個鐘至45 mins既強烈建議 佢派籌好過排隊 …查看更多

一心諗住食烤魚 一入舖就即刻點左蕃茄味魽魚 (細:$188)之後侍應就話入廚房問下仲有無貨出番黎就話 細既就要烤比你 大約等四個字中size就唔洗等 因為趕時間就直接叫左中size ($218)結果 都係要等 同侍應催單 又誅多籍口 話從來都無細size(明明餐單有寫) 之後又話蕃茄味多料要加30蚊 一時一樣我寧願佢一開始話得番中size 依家有種比人搵笨既感覺等左好耐 終於有魚食大失所望！當無食過就算如果真係要黎食垃圾 建議大家企硬食細size 無咁肉赤…查看更多