最近同朋友揀餐廳慶生，發現日山喺合和酒店開咗分店，仲有包廂俾我哋傾計，感覺好有私人空間，唔似平時啲餐廳咁嘈，真係好正！🥰入到去發現原來係成間餐廳都係房既設計 好有型喎 😍😍我唔算好大食，就叫咗梅套餐，朋友就揀咗竹套餐。梅套餐包括前菜、逸品、壽喜燒牛配飯或烏冬、甜品，飯同烏冬仲可以無限加添，啱晒我呢啲又想食飯又想食烏冬嘅人。烏冬仲有凍熱兩款選擇，真係好貼心！😋逸品入面嘅慢煮A5和牛頰肉味道超入味，令人印象深刻。重點嚟啦，當店員送和牛上嚟嗰陣，已經震撼到我哋！梅套餐嘅A5和牛肩胛同竹套餐嘅和牛西冷，雪花分佈均勻，店員仲好有心機拎埋證書俾我哋睇，令我哋對質素好有信心。😂😂店員幫我哋煮得非常專業，仲問我哋想食幾熟，過程中已經令我流曬口水！見到佢將牛肉同啲菜菇舖得咁靚，已經覺得勁好味，牛香味勁重，忍唔住影咗好多相，但又驚凍咗會影響味道！最誇張係連啲菜同菇都好甜好入味😂本身食烏冬已經好正，見到朋友食飯又好似食得好滋味，於是我都加咗飯，份量剛剛好，超滿足！🍚最後嘅甜品係水果雪芭，粉紅色嘅其實係菠蘿，味道清新，完全冇令我失望，完美解膩，為成餐飯畫上完美句號。🥳🥳總結嚟講，喺香港都可以食到有日本水準嘅料理，去日山嘅感覺就好似去咗日本一樣，環境舒適又有風味，絕對會再嚟！…查看更多
