gigi2004的个人专页

第一次食韓國刀削麵，去咗呢間屋企附近新開嘅韓國麵館食，其實我本身麻麻哋鍾意食麵，但係呢度裏面好好食，又大碗又有前菜任食，地方好乾淨，送食物都好快，食完返屋企都冇口渴感覺，證明冇乜味精！我食嗰個蜆麵，好多蜆，老公食嗰個豬骨湯佢話好辣，不過好好味。…查看更多

尋晚夜晚去咗太古吉之島食，二人餐$359。呢個係food court，坐得麻麻哋舒服，丼好新鮮好好食，啲飯都好好食，但係沙律麻麻，個龍蝦我老公話麻麻哋，我覺得都OK，鱈魚好正，好大好肥美。個湯好多料，不過唔知點解食完之後好口乾又口渴，我覺得差一個飲品！食完之後夜晚返屋企要飲好多水先得！服務來講，就真係冇服務可言，我問佢邊度有得坐，佢話等人哋走就有得坐，但係我已經俾咗錢啦。我見OpenRice個個都話好正，我就給60分。…查看更多

今日同8個同事一齊去食，等左半個鐘頭先有得食，午飯時間先得一個鐘頭左右，上菜超慢，本來輕輕鬆鬆嘅午飯時間變得好緊張！下次去食都係好得閑先去。環境不錯，食物質素都幾好，幾Cute，不過我哋12點半鐘上到去，一開lift，竟然未開門，嚇死人，一開門係鐵閘出唔到去！我仲以為執咗笠，但明明已經book咗位！…查看更多