Duckduckde的个人专页

已經訂左位，都要等多半個鐘不但止，門口個 “派位員” 不知所謂，我已經話左見住你比曬其他人我唔出聲JAR，等左半個鐘終於有位！  點知我地八個人，居然比張六人檯我 ， @＃＄％％&％＃後尾我等的屋企人坐低，再出門口同許理論，後尾我出到“唔該你叫你經理出來”， “派位員”先不情不願比張窗邊海景位10人檯我 ！！！！我依然同“派位員”講：我好好聲氣同你講是無用的。食物方面，都是一般飲茶食品，叫了排骨、腸粉、逢爪之類的，不過不失，D野來的幾快，可以話，場外場內是兩個世界，裏面的招呼不錯，但是因為太（男女男），食龍肉都無味！結論是： 唔是熟客唔好去飲茶…查看更多

午餐同同事食，呢度午餐係套餐形式，有7-8樣餸揀,，一飯加一湯無餐飲，我地一齊叫share黎食，整體感覺真係好似屋企開飯。入去差唔多未坐低先奉上每人湯一盅，是曰餐湯青紅蘿蔔煲唐排，呢挺家庭湯都幾正，清清地。:)唸真啲個店名改得勁貼切，菜都未點就有湯飲，仲唔係＂頭啖湯＂！環境端莊實在,沒半點浮跨, OK乾淨,座位不算多, 我地5人通常要稍等位套餐啲餸主打都係家庭餸，睇下你就知水蛋蒸得幾滑，肉碎較少，屋企煮嘅話實會落多啲，唔係嘅話梗係嗰個月唔記得俾家用牛肉炒白菜仔，呢味菜呀媽最鍾意整，南瓜芋頭排骨，賣相一般，但汁香甜，有南瓜味（呢句評語由我唯一FANS， NESTA87提供）炸菜蒸排骨，不過不失，如果屋企整啲炸菜會切碎啲鹽焗龍江雞，算有雞味整體黎講，家庭餸得黎水準幾穩陣，唯一最大問題係份量偏小，連細食小妹同事，平曰一定食唔曬自己碟飯，係呢道都要食晒碗白飯先夠，大家要就住就住咁挾餸，好似屋企經濟欠佳，唔太夠錢買餸咁！其實呢幾次大家考慮食唔食呢間嘅時候,主要考慮點都係驚唔夠食......如我上一篇食評, 唔介意加價幾蚊,加大D餸份量, 咁樣會多D去食呢度.…查看更多

主打係車仔米線，標榜曰式豬骨湯底，無味精呢間係一家好普通嘅食店，但伙記之間好熟，有人情味車仔餸有好多選擇，豬肝、魚片、豬手、等等，我今晚揀左好普通嘅魚餃、羅白、腩肉三併，盛惠$29，再加碟油菜及豆漿，加$9呢道湯底比較濃，有好多洋蔥，葱花放響匙更上，放幾多悉隨尊便係呢個高通漲時代，有食肆唔加價，但就減少份量，我呢啲大食怪會唔夠飽，我寧願好似呢間鋪咁加小小價，食得飽好過總結：曰常一餐，要求不多，乾淨、食得飽，啱晒！…查看更多

上個月左右去過, 個日咁啱係新鋪開張, 見人頭湧湧就忠左入去, 點知老細話當晚六點先正式開業, 可以請我地食件燒肉, 好NICE!今次終於食到喇!之前細鋪食過一次,感覺良好...只係太逼, 新鋪就闊落好多湯嘅水準KEEP到, 好正, 料亦足:), 飯係煲仔飯, 有飯焦, 但始終呢道主打係湯, 款式亦多D值得一題嘅係電視播嘅并非電視台, 而係中央台製作嘅中國名勝影碟, 好特別, 好貼心, 但美中不足嘅係聽唔到聲, 又無咩字幕, 都唔知介紹邊道仲有個雞翼攪錯左, 叫"老"水俾左酒糟, 不過肚餓, 所以照食!仲有一煲飯係隔離枱嘅放錯左俾我地....總評: 兩個人埋單2佰幾, 有靚湯有菜有飯, 好滿意. 食物水準高, 猶其D湯, 服務細節有改善空間.…查看更多