同朋友係附近收工黎搵食 網上睇到呢間都幾多好評 賣相又靚 就決定黎試下係地鐵站幾分鐘路程就到， 好彩早到左，唔洗等位就可以入坐，入坐一陣門口已經要等位了2個人安排左4人位 坐得好舒服 唔逼夾 主動倒茶 係暖既玄米茶 好解渴，唔洗叫野飲都得我地叫左5樣野食， 啲菜名好特別。柚想蝦你：係款沙律，好足料 又大份，$78 真係幾抵食第一啖入口好fresh, 好重柚子味。 蘋果好爽脆 甜蝦大隻 加埋牛油果同中華沙律令到成個口感好豐富、清新，食完好開胃🤤第2樣野食叫左雜錦天婦羅，包括 大蝦，秋葵同日本小甜薯， 個秋葵係釀左蝦肉， 好特別 有驚喜😋😋，炸粉鬆脆， 唔油膩另外叫左小食，燒牛舌，有5件大大件，燒得唔乾好juicy ，重牛味。呢間店卷物係招牌菜，所以就叫左2款試下，分別係「煙花」同「蜘蛛」。店家放埋左一齊擺盤 好靚，好有心機 ，好似食緊啲藝術品甘。「煙花」有8件，係吞拿魚蓉加三文魚蓉卷物， 上面係滿滿既吞拿魚蓉，飯入面包住辣辣地嘅三文魚 食落好有層次 好好味 好滿足，食啖都係魚生既感覺「蜘蛛」係牛油果軟殼蟹卷 ，有5件，又係大大件，一啖食唔哂🤣🤣。 軟殼蟹上枱總脆既。 2個人埋單4百幾蚊， 菜式特別，冇咩地方食到，而且價錢合理，見到隔離枱叫左牛油果天婦羅同鍋物，好吸引，下次有機會會再黎試下其他菜式。…查看更多
