joeytse36的个人专页

早前跟三位朋友來到觀塘，原本想食車仔麵，但發現新開咗一間專食「冒菜」嘅小店喺巧明街，由於未試過，所以決定親身了解吓什麼是「冒菜」。我哋4個各自選擇咗「清湯」「麻辣」「蕃茄濃湯」同「藤椒」4款湯底嘅米線，一次過試曬四個口味。清湯夠清夠鮮味；麻辣真夠麻，越食越辣；蕃茄夠香濃；藤椒夠香！4個湯底都夠惹味，越食越好味！另外點咗「韭菜餅」，滿滿嘅餡料加薄薄嘅餅皮，炸得剛好，配埋香醋，一流！仲有「話梅苦瓜」，香甜清爽，越食越開胃！老闆娘仲送咗一盒秋葵，跟麻醬，絕配，好好食！怕辣嘅朋友點咗冰粉助陣，讓刺激過後嘅嘴巴即時降溫！原本想點埋醉蝦同醉蟹，但係已經食到肚脹脹，唯有下次再幫襯！一間小店，食到嘅唔止係風味，仲有濃濃嘅人情味，值得支持👍🏻…查看更多