快餐刺客的个人专页

專登入港島食豬軟骨咖哩飯，等左5分鐘就有位，先講個咖哩飯，日式甜咖哩唔辣既，而最緊要係佢抽離左普遍日式咖哩既通病，死喊同有味精，佢依個咖哩食完係唔會口渴要人狂飲水，依樣好難得 ！至於個豬軟骨好淋好有味，仲有兩大塊，男仕黎講啱啱好。女伴因為中完流感，剛剛好返，想食得清 d ，叫個蔬菜飯，茄子，蓮藕，南瓜最好食，如果想食素既啱曬。食完飯一定去東岸公園既海邊坐下，閒日去比較小人，在長椅上吹吹海風，很溫馨浪漫。…查看更多

入黃埔，何文田站落車行3分鐘就到，晚飯時間實多人要等幾分鐘先入到，地方淺窄唔好坐就更，但佢地個嫩雞煨麵真係又平又靚，大大碗，雖然 d 雞肉唔似得個名咁叫嫩，頭盡係叫雞粒煨麵，但個湯同麵係精髓所在，牛奶豆乳味，香甜可口，唔似味精野，麵質彈牙好夾，夾埋 d 菜同雞肉，相當健康。兩碗埋單 114 蚊，收貨。食完再行前 d 買埋媽咪雞蛋仔做甜品，再去碼頭海邊散步，欣賞下夜景，吹吹海風，分享下生活既細節，談談心，完滿既約會。…查看更多

晚上八點半右左入去食，餐廳好小人，唔洗等位，我見有羊腩就即刻 order 個咖喱羊腩及千層餅，因為比較小餐廳有羊腩，女伴叫左個牛肉炒紅飯。個羊腩完全唔 un, 而羊 so 味又輕，成舊放入口用條利就可以推返舊出黎，好淋又有羊味，算幾有水準，好食，份量又足。至於個牛肉炒飯，係 d 牛肉過熟，而且有 d 根，女伴有投訴，但個飯夠鑊氣係即炒，我收貨 …查看更多

尋日，本來諗住食紅蟻坐得舒服 d ，但女朋友話要食依間，見唔洗排隊，ok。落單上餐都快，客戶服務好正常，一個普通牛肉飯 LL，另一個係泡菜牛肉飯，但兩個飯上到黎都唔熱既，只係暖，而份量合理，肉同飯既比例都啱，但個味就有問題，泡菜牛肉已經算好 d 因為有泡菜帶個辣味，但 D 牛肉係無味既，我嗰碗仲死，得個喊字，d 肉仲差過佳寶既平價雪肉，個汁好喊，食完飲埋支汽水都未得，仲要飲曬成支 700 ml水，兩個鍾去三次洗手間，有夠誇張 …查看更多