由入門口一刻開始，到坐低落單，所遇到嘅兩位侍應都係不情不願地做嘢同對應。後來無論係放低張單定放低啲食物，都係一句聲都唔出，全部就咁「拍」一聲放喺枱面。食嘢嗰陣仔細觀察舖頭內幾位侍應，佢哋不論係落單、收銀、送食物、行過望人嘅態度，都係串串貢，黑晒面咁，而且收碟放嘢都係大大聲，都令人幾煩躁。真係隔住口罩都感受到佢哋嘅服務態度有幾咁「好」，基本上坐低喺呢間舖頭食嘢一啲都唔pleasant。叫咗兩個午餐，一個係雜錦壽司拼烏冬，烏冬湯底無味，烏冬質素麻麻，咬落去已經係浸到發脹左，壽司亦唔算新鮮。另一個係面試雞扒木魚湯烏冬，雞扒煎得好香，但一啲味都冇，湯底同烏冬質素都同上，試飲咗一啖湯，只得少少鹹味。另外加咗隻流心蛋，味道還好，但個樣真係令人汗顏～整體來講，食物係燒鵝髀嘅價錢，服務可以話係蔗渣嘅質素，仲要收加一，大家入嚟之前真係要諗清楚～…查看更多
