肥仔心的个人专页

之前係銅鑼灣分店已經食過一次，覺得魚同小食都唔錯，今日去開天后見開左分店，所以就入去再食。我地兩個人唔係好肚餓，所以無叫到酸菜魚，因為酸菜魚真係超大兜實食唔晒。今次就散叫餸：脆炸雞翼，清炒窩荀絲，泡椒鳳爪，雨露均沾，每人一個白飯，兩個人加埋350蚊埋單，唔算好平，價錢不過不失。脆炸雞翼超級好食！必食！剛炸起超香口，點少少辣粉真係食到停唔到口。我特別欣賞佢係單骨雞翼，容易咬清炒窩荀絲爽口清甜，中和返雞翼既油膩泡椒鳳爪非常入味，味道亦係特製的，係其他地方食唔到。最後甜品雨露均沾炸得煙煙韌韌，都做得好出色環境坐得好舒服，服務又好好，不停加茶和介紹食品，抵讚！…查看更多

同老婆黎慶祝生日，叫左個龍蝦，一半做刺身，一半做蟹膏甲羅燒。員工會先比隻龍蝦你睇，好生猛刺身上到枱都幾多，大大舊肉，點d wasabi 豉油食堅正！另一半甲羅燒就比較濃味，有兩食效果感覺幾好！另外叫左個刺身船，非常新鮮，拖羅肥美，唯一美中不足係有三文魚。應該選擇其他更名貴食材，依家香港人都唔太食三文魚啦仲叫左d小食，雞泡魚干，芝士魷魚，沙津等等。埋單1700蚊左右，我覺得唔算好抵，但食材靚，對得住個價錢…查看更多

兩個人食，每人9百幾蚊埋單。包前菜一碟，刺身一碟 (4款刺身)，天婦羅一碟 (5款)，日本飛驒牛可揀sukiyaki or shabushanu (連一隻蛋和一兜菜). 一邊食一邊有個staff 響隔離幫你煮服侍你。我地揀左sukiyaki, 味道中上，個staff 都好細心，一邊煮一邊問我地要唔要甜d or 淡d, 服務不錯。刺身一般，天婦羅都係一般，每人9百幾價錢偏貴。同埋飛驒牛每人有三大片太多，好漏，建議每人少一片，平返兩舊水…查看更多

今日晏晝咁岩係西營盤揾食，天氣超熱所以淨係想食凍野。本身上Openrice 見到有間叫森沃日本料理食高級刺身，點知去到先知原來佢淨係開夜晚:(跟住就求其搵左呢一間代替。睇到呢間價錢平好多，其實都估到唔會好高質，但實在估唔到係咁差…. 身水身汗終於行到去，一坐低睇餐牌，發現完全無壽司刺身… 一問之下佢話真係無…. 主餐牌都無壽司刺身我好熱呀淨係想食凍野，全個餐牌得一樣野係凍：三文魚子溫泉蛋冷麵，所以我就叫左首先黎左個沙律菜同個湯，個沙律真係剩係得菜加左少少醋，d菜唔係好新鮮，我食左一啖就無再食。湯就唔知咩湯，侍應都無介紹，我飲完都唔知係咩，酸酸地，同埋食到好多一粒粒好硬既野，一路食一路lur 返出黎，一般，唔係幾好飲期待已久既冷麵終於黎到，不過好失望因為三文魚子同冷麵真係一d都唔夾，成個味都好夾硬黎三文魚子都幾腥，唔太新鮮… d麵硬硬地一舊舊…. 隻溫泉蛋唔夠流心，d蟹柳食得出係街市買果d平價野，青瓜絲都唔係好新鮮，食到有渣… 玉子無乜特別如果個餐係$88, 我覺得還可以接受。但而家埋單$152，真係非常唔值，因為全個餐都好似爭鮮咁既質素小店來講呢間真係好無誠意…. 同埋有位男侍應 (疑似老闆) 黑口黑面，女侍應比較有禮貌，不過佢無戴口罩最少30分鐘同客人傾偈。本身我係諗住今日食高質壽司，而家變左食垃圾，心情好低落…查看更多

V Point 個view 好正，我經常去嗰度食飯，今次試下隨變火鍋。呢間唔單止有得打邊爐，仲有雞煲，乾鍋，串燒，好多元化。加埋個靚景，真係超級relax 同盡興！今次我同老婆食左半隻麻辣雞煲，我地已經叫微辣，已經夠晒麻夠晒辣！(平時我食譚仔係食二小辣) 個雞煲好入味，d雞又滑又好味。食完雞煲我地叫左火鍋配料打邊爐，手切牛頸脊好香牛味，手打丸都好彈牙，其他配料就不過不失，好可惜今日無晒手打蛋黃豬肉丸。價錢方面係偏貴，預人均$400左右，叫海鮮的話會更加貴。但質素同環境都係滿分，都值呢個價錢…查看更多

新年期間買左幾個小食加餸，好食！XO醬海味絲撈麵 - 好香XO醬味，麵就煙煙韌韌咁，份量剛好花雕豬手 - 豬手肥瘦適中，非常入味。有4,5舊大大舊，我覺得算抵食萵筍 - 平時比較少地方食到萵筍，有時煮得太耐會好淋好難食。但這間煮得剛剛好，清甜爽口，略嫌份量太少XO醬花枝丸和魚蛋 - 這個普普通通無乜特別雞腳 - 有點太咸，但個味其實好好吃的！我地送飯食就無咁咸，有待改善整體來說都好滿意，地點亦方便，職員態度良好，會再幫襯！…查看更多

其實我本身麻麻地酸菜魚，但呢間真係好好食。酸菜魚非常滑！！魚肉好彈牙，又大兜！👍🏻我地加左寬粉超級正，d寬粉好煙韌，有口感，十分推薦👍🏻👍🏻👍🏻除左酸菜魚，我地仲叫左個上上簽同埋麻辣豬耳。上上簽好特別，入面有奄春蛋，蓮藕，窩筍，鳳爪等等，咩都有d可以每樣試下。個汁係秘制，好好味，夠晒麻辣！但粉量較少，唔多夠喉麻辣豬耳就比上上簽大兜好多，但我覺得無上上簽咁好食。不過我d frd 話好食，所以見人見智。總括黎講我覺得非常唔錯，環境亦坐得十分舒適，誠意推介！！…查看更多

一個人的刺身飯，男人的浪漫平時見好多人排隊，一直想試但唔想排。今日下午茶時間經過，無人排，即刻入左去。叫左個雜錦刺身飯，咩都有d可能好餓，個飯黎到覺得好細碗..... 兩隻蝦最好食，好大隻好新鮮，多膏。飛魚子夠多，帶子和左口魚都新鮮，但味道唔突出。海膽就唔太新鮮，有d味，而且份量少。食完唔飽，唯有叫多個小食。叫多左條烤魷魚，魷魚就夠晒大條，好食！下午茶黎講315蚊埋單，有d唔抵.... 唔洗排隊就間中食下…查看更多

今日同老婆經開西環，隨意入左這小店晚餐。我地唔太肚餓，所以開頭只係點左個川辣伴麵，一個炸物拼盤，一份鹵雞胗，鴨舌和秘制什錦菜。伴麵份量不算多，麵條口感煙韌，辣味適中，非常好吃！鴨舌係我地最愛，38元有5條都幾抵食拼盤係我地推介，裡面每一款都好好吃，二人份量剛好什錦菜是酸酸甜甜的幾特別，鹵雞胗的鹵水略嫌不夠入味。食完開左個胃口，我地再叫多round! 再叫左隻糖心蛋，炸排骨，牛蒡絲和甜不辣。炸排骨係比較軟的質地，跟平時食開的不太一樣。甜不辣係第一次食，非常煙韌，味道有d似咖哩魚蛋整體感覺都不錯，會再來…查看更多

今日係中港城見完客好肚餓，同個同事求其入左呢間餐廳食晚飯。係外面望入去覺得環境好舒適先揀呢間。坐低左之後入Openrice 睇下有乜好食，點知見到有9個劣評.... 心諗大鑊喇會唔會好伏... 但都無計啦，都坐低左咪照食！食完我地都覺得幾好食喎, 唔伏喎！我地叫左海鮮冬陰公，原隻燒墨魚加一碟香辣海鮮炒河，全部都好正，尤其係個冬陰公，味道調較得好好。個墨魚都好多，好新鮮～河粉就好煙韌，辣辣地非常開胃！美中不足係份量較少，唔夠喉。但每人$160 左右埋單，呢個價位性價比好高！…查看更多

之前有friend 話好食，今日專登同兩個女仔friend 過黎試。佢兩個都唔太餓，所以我地叫左唔算好多野食。我覺得全部食物都幾好食，特別係魷魚筒，燒白鱔，燒蠔和羊架。魷魚筒好新鮮爽口，又大條～白鱔好滑好肥美，燒蠔好大隻好多汁，燒得好香口！最好食係羊架，絕對要推薦！好嫩好多汁。其他食物我地試左雞泡魚干，茄子，粟米，金菇，豬頸肉，雞翼等。埋單4百幾蚊，價錢唔算特別平，但好高質老闆都好好人好有禮貌，誠意推介…查看更多

今日lunch 同兩個friend 專誠過黎西環試這間餐廳，可能希望太大，結果有點失望。我地叫左個海鮮沙律，個汁都幾好食，d 牛油果同芒果味道好夾。但海鮮只得雪藏蝦和幾塊八爪魚都幾少.... 講緊$288 其實好貴，份量都偏少。然後叫左海膽意粉，呢個係好食的，海膽新鮮，個底加左韓式辣醬，味道特別，但份量都真係幾少，講緊$388 唔多值咁。我地又叫左個素的千層麵，呢個好普通味道一般，$168 價錢正常。最後叫左個爆谷雪糕$188, 價錢咁貴，我地以為會係d 好好食的雪糕好似gelato 果d, 但食落真係好普通。呢個就份量夠晒大.... 我地3個人埋單$1014, lunch 黎講好貴，味道就不過不失吧。環境就好舒服，好好坐，但食到2:45pm 比職員叫我地走，佢地話3:00pm 開始下午茶時間有其他人book 左.... 入座時又無講…查看更多

今日同個friend 係香港仔揾食，我地都想食雞煲，見香港仔得唯一呢間店有得食，於是試一試。佢係小菜飯店格局，個雞煲黎到既時候好香，本身都有d 期望，但食完都幾失望。首先佢個雞煲得一款，無得揀麻辣口味，而佢既辣味係普通辣椒味咁。然後佢D雞真係好”鞋”，而且偏咸，個味唔好食.... 我地叫左小辣，但出到黎完全唔辣.... 食雞煲唔辣點過癮呢。值得一讚係份量好多，隻雞好夠大囉.... 不過食完我地都覺得no next time…查看更多

前幾日同老婆經過這間餐廳，佢話好靚好想試下。本身我都無期望，通常呢d 餐廳都係得個樣。點知我屈左佢，係好食的！我地一人叫左一個main course, 再加個pancake, 份量剛好，3百幾蚊埋單又唔貴。最重要係老婆影到夢幻靚相，佢開心就掂啦！我地叫左玫瑰蜆肉risotto, 好香玫瑰味，d 蜆肉用d 特別既醬汁炒過，味道幾特別👍🏻然後個漢堡都好食，佢個底落左d 類似酸莓汁咁，酸酸甜甜好開胃～pancake 比想像中細份，不過整體係幾好食！唔錯，會再來…查看更多

前幾日同個friend 係觀塘揾食，兩條麻甩佬揀左任食邊爐。呢間店都幾大，坐得幾舒服。我地有張coupon 每人可減$30，埋單每人200幾蚊都幾抵食！呢度有刺身，海鮮拼盤，花膠冬菇，兩隻大蝦餃，靚肥牛，呢d 係只送一次～但其他任食項目都有好多。我地兩個人勁刷得，叫左勁多。碟靚肥牛勁正勁好食，花膠冬菇都好好食！但d響鈴麻麻，唔太脆。玉子豆腐都一般，唔夠滑。其他食物就中規中矩，不過200幾蚊黎講性價比係好高，一大班人去更有氣氛！…查看更多