美食的孤獨家的个人专页

世界級早餐見係33蚊份早餐，香港地都冇乜，炮台山更加唔洗講，真係好少有。膽粗粗入到去，想搵個位都幾容易嘅搭枱就得啦，入面有好多圓枱好多街坊喺度食緊早餐。揀咗一陣，想食嘅蕃茄通就冇啦，求其食咗個早餐呢，即係火腿鮑片通粉加杯凍檸茶。另外再嗌多個沙嗲牛麵。等咗10分鐘終於到咗個沙嗲牛麵，哇真係不得了，好老式嘅沙爹牛麵，牛肉霉晒，仲要係凍嘅，要沙嗲味冇沙嗲味，要牛味冇牛味。真係好耐未食過咁難食嘅沙嗲牛麵。跟住到火腿鮑片通粉，諗住呢啲實冇死難食極都有個譜掛，點知又係凍，又冇味，啲通粉變晒型，擺明烚咗喺度好耐，唔知有冇幾日幾夜，真係世界級難食。已經冇招呼，又等得耐，雖然平，唔代表要俾啲咁難食嘅嘢客食㗎。下次比多幾蚊去隔離間茶仔食仲好。…查看更多

經過唔使排隊，大約5分鐘就入得，叫咗兩碗招牌鯛白湯拉麵，炸雞，糖心蛋，盛為$339環境衛生，非常闊落，仲可以睇到廚師即刻處理拉麵，都幾賞心悅目。拉麵好快就上咗，魚湯非常之濃，味道偏鹹，麵質幾好，湯可以掛到面，但係食到一半就覺得好膩，唔係太想食，所以碗邊有啲柚子醬可以加落個湯度，帶返少少清新嘅味道，特別嘅體驗。炸雞層衣好薄，咬落好juicy但略嫌唔係幾夠脆，味道不過不失。糖心蛋同平時嘅唔差唔多，唔洗特別試。…查看更多

第二次食呢間餐廳坐得幾舒服 環境木材做主題職員有禮貌叫左Flat White , cappuccino一份泡菜炸雞、一個帶子魚肚長通粉、一份chesse cake兩杯咖啡都好味 味道醇厚 不會偏酸泡菜炸雞有d hea 就係無骨炸雞下面墊啲炸雞不過炸得好香 唔肥 泡菜又鹹又辣 有個source 似係芥末醬帶子魚肚長通粉茄汁底 煎帶子熟度岩岩好 通粉唔會太淋 彈牙但因為有魚肚 所以好快腥 一定要熱食cheese cake好正常 配搭生果都ok …查看更多

星期日晚上特意外賣自取一碗楊枝甘露一碗榴蓮3.6牛乳蛋白🥚店鋪位於天橋下，但不太顯眼，店舖內沒有太多客人，在門口觀察感覺環境亦頗為整潔。買回家後，立即打開享用，楊枝金露貌似很大碗😻但原來只有10粒芒果😿、30粒西米，大約一茶匙的柚子，其他就只有花奶和芒果汁，花奶比例較多，實在十分失望榴蓮3.6牛乳蛋白，有很多的榴槤和柚子，但是牛奶蛋白的味道相對較清淡，就算用上3.6牛乳🐄，味道亦不太濃烈。…查看更多

食過幾次 水準依然幾款其實都食過幾次 每次都覺得好好味青醬雞扒意粉 真係同台灣分店一樣味 very good酥炸小食拼盤 炸得岩岩好 夠香口 薯角雖然好多地方有得食 但真係好好味仲有炸甜不辣 香港真係唔係好多地方有得食 係就係冇咩特別 勝在夠台灣味仲有就係鹽酥雞 與其話係台式口味 不如話係泰式口味因為用左d類似香茅嘅香料一齊炸 仲冇台式炸物咁甜甜地 真係幾好食架甜品真係好味嘅係略嫌呢度嘅飲品比較甜不過呢度d staff真係麻麻地啦…查看更多

平時好多cafe都化得個環境 但野食就真係麻麻地今次一行四人黎左嘅間度試因為早幾日打黎已經full booking 不過店員話都有幾張枱留比walk in客嘅 當日6點鐘上到去都仲有枱 不過要7點半交枱 都合理嘅我地叫左一個軟殻蟹pizza呢個味道唔錯 pizza上係千島醬 薯仔 同菠蘿 咁當然仲有軟殻蟹幾樣食材嘅配搭非常match蜂蜜芥末雞翼 一開始諗住會係honey mustard點知食落去係 蜜糖加wasabi😂個味就普普通通咁啦呢個就係鰻魚滑蛋飯最岀色就係滑蛋 鰻魚就普通啦 不過份量就岩岩好嘅呢間cafe除左影相打卡外 食物都可以員工服務都好nice 不過通風較差 廚房煮野野嘅油煙會飄到岀黎 可能今次張枱近岀菜位啦所以都會再戰嘅…查看更多

今日同朋友食生日飯搭lift一開門就係好幾張枱而個reception就係另外一邊 所以坐近lift嘅枱感覺相信麻麻地好彩book左位 坐左個比較靜嘅位 幾好叫左一個mussel同一個意粉野食嘅份量其實都好多兩個女仔真係食唔晒份青口有薯條同塊包仲拌菜薯條香脆岩岩好 而塊包點青口嘅汁都好好味青口嘅味亦岩岩好 唔會太鹹 大細適中而意粉亦掛滿醬汁 非常creamy軟硬適中 略嫌味道較淡 加返粒鹽會好食d呢度環境氣氛非常適合happy friday同友好知己飲返兩杯就fit晒…查看更多

見星期五 呢間店又有駐場歌手見幾有氣氛就去試下啦上到去 都已經有八成滿不過枱與枱嘅距離幾近下 聽到隔離枱講野又聽未必聽到歌😂😂😂同朋友叫左一人一個意粉 芝士粟米片 每人一杯野飲不得不讚 意粉嘅硬度岩岩好 每條意粉都會掛到汁 perfect不過個粟米片就令我好失望 係惠康買嘅粟米片再加兩塊芝士拎去焗 個醬係fish n chips醬 有小小覺得hea待應都好nice 服務都幾好不過有個長髮女待應就真係令人滴汗 長期保持黑面 落單表現不耐煩:(:(…查看更多

難得閒日又唔洗排隊 緊係要試下先其實都開左好耐 不過經過親都好多人今日同朋友叫左個片皮鴨 羊肉麵 加多壼茶第一個上枱緊係片皮鴨 加埋配料京葱 青瓜 仲有海鮮醬 睇落去非常靚包好食落去 個鴨味唔係好濃 鴨皮唔係太肥 不過唔好落咁多醬 唔係就搶晒鴨味就咁食d鴨肉 食得岀隻鴨係無用任何醃料醃過所以味道都係天然d 同埋隻鴨就比較乾身 食落去唔太多肉汁羊肉麵黎到 個湯睇落好深色 但其實唔會好濃味嘅 如果驚有騷味就唔洗擔心 係無咩騷味兩道菜嘅味道都比較天然 唔會話落左好多味精好濃味 都唔錯…查看更多

lunch hour黎到 就黎full晒 差小小無位叫左個冬蔭功湯河同龍眼冰不過因為好多客 廚房細細 所以野食就耐小小完之黎到睇個色水好似都幾冬蔭功 聞落去都好香一飲啖湯 飲得岀係改良過適合香港人口味無泰國正宗酸同辣嗰種味 椰味比較重:)當夾起d河粉嘅時候 d河粉仲係痴埋一餅野好難夾得起幾條睇黎師父太忙 粉就一早淥定擺埋一邊 有人order先滾熱d湯 再淋落d粉度不過杯龍眼冰真係正 唔會死甜 而係有龍眼嘅清味 熱辣辣飲杯 真係好正架…查看更多

一開始以為係普通舊式扒房打開餐牌 d餐都唔平平均每個餐都要2xx蚊 心諗係咪咁好食🤨我就要左個羊架餐首先上枱係羅宋湯同包個羅宋湯完全唔簡單係好足料 有好多蔬菜 最重要有牛肉碎個味酸得黎有d微辣 飲得岀係有心機煲👍🏽個餐一上枱 嘩 咁大份嘅😱成5舊羊架 仲咁多薯菜😍食落去 一d都唔過火 完全唔會韌 perfect👍🏽西蘭花完全唔會淋晒 係爽脆👍🏽薯角炸得岩岩好 不過就少左d😂食完個餐 仲有野飲同杯啫喱👍🏽👍🏽👍🏽二百幾蚊都值👍🏽…查看更多

一行四人，等左大約15分鐘到，都唔算好耐叫左3款野食share，就係紫菜包飯、素菜冷麵同芝士盒呢個紫菜包飯一定係成餐最好食嘅野黎味道正正常常，同出面韓國餐廳嘅紫菜包飯差唔多味呢個素菜冷麵呢，睇落去好靚架，影相呃like一流有小小泡菜、蘿白絲、半隻溫泉蛋食落去個味就好淡，差左小小咁呢個芝士盒先係重頭戲，足足等左半個鐘先上枱架有炸雞、炸年糕、炸翠玉瓜、仲有幾舊唔知炸咩野炸物其實係比你點芝士食嘅但因為本身炸物已經炸得得夠乾身，再點芝士就變到好膩而個芝士其實比較似係卡邦尼汁加芝士所以呢個盒就麻麻地…查看更多

兩個女仔六點半到好彩仲未有好多人，所以仲有位因為呢度鋪頭細細，唔係好多位我地都係坐係bar枱，都幾好坐架牛肉烏冬窩，好足料個味岩岩好，唔會太鹹太濃烏冬都唔係淋patpat嗰種呢個南瓜沙律見到都o晒咀，因為都好高下食落去啖啖南瓜肉，好正，超級足料，同朋友兩個人都食唔晒好食加洲卷就正正常常都好味嘅幾十蚊有八件，都抵架煙肉荔枝串聽落去個配搭怪怪地，但幾好食架咬落去荔枝好juicy，同煙肉配合得天衣無縫兩個人都係食左2百幾到，好抵，正呀…查看更多

一行四人叫左兩個tea set每個set都有3層嘅每個盒都有盒乾冰，所以拎到黎好靚架好似有d霧係個盒度散出黎咁成個set黎講野食毫不出眾，綠茶漢堡同紅菜頭漢堡個味係一樣嘅香橙慕斯Oreo，塊Oreo係淋嘅最好食嘅甜品就係伯爵茶奶凍炸蘋果配焦糖醬，食落去勁酸唔知原來係蘋果黎但飲品是出色的，幾杯飲品都一致好評！之前其實都食過espuma，但係dinner叫意粉同小食咁比呢個tea係高質好多如果大家想食tea set嘅話就免喇，但係dinner係非常值得大家食嘅！…查看更多

同朋友兩個人，六點黎到居然唔洗點等位cwb店就比較細，不過外面有幾張露天嘅枱，都唔錯嘅兩個叫左件伯爵茶千層蛋糕、紅油蒜片意粉set (包餐湯、飲品)我覺得伯爵茶千層蛋糕係最好味嘅千層蛋糕伯爵茶味香濃，伯爵茶忌廉軟滑，一級棒！餐湯係薯仔湯，如足料，好多薯仔粒，非常有口感隔離嗰個係炸左嘅蟹餅，味道無咩特別紅油蒜片意粉，意粉硬度岩岩好但係唔係太夠熱，如果熱d就好喇不過整體黎講環境幾好，係枱與枱嘅距離比較近待應嘅服務都好好自己個人而言，鍾意cwb店多過tst店…查看更多