揾食肥華的个人专页

2025年9月5日係，贏梗馬會投注集團成立日子，所以集團主席，揾食肥華，是晚在此店宴請.兩位集團金主，靚媽及細仔仔，在此店食晚飯慶祝此盛事，並邀請大仔仔呢位特別嘉賓出席，見証這歷史時刻。而今晚呢餐晚飯食品，無論係餐前小食及主食餸菜，此店都有出色表現其鎮店名物，即烤三黄薯片雞，更贏得肥華，一家人嘅一致好評，個個對此隻雞嘅評語，都係有讚無彈，更獲揾食肥華破天荒給予，六星級爆燈評分。而其他食品，翡翠炒南非飽魚，白灼新鮮魷魚，涼拌半殼花甲，都係攞高分食品，加上其他水準不俗的菜式，呢餐係近乎完嘅晚飯⭐️⭐️⭐️⭐️⭐️⭐️.…查看更多

8月28日遠道由英國回來的，乘契姪女一家人，為揾食肥華補祝8月壽星宴，因知佢兒子即肥華，契姪孫喜愛食片皮鴨，所以肥華就選擇咗呢間位於官塘，以片皮鴨作為招牌菜的酒楼晚饍，品嚐此店名面。可能希望越大失望越高，此店呢隻片皮鴨嘅味道，佢唔講得差，但同都以片皮鴨作為，鎮店名物招來客人，已結業的沙田(富東閣)及啟德(五匠六釜)嗰隻片皮鴨一比之下，就明顯質素及味道都低於，此兩店一班至班半，而今餐其他食品水準亦不高，除咗另肥華失望外亦得不到，細仔仔及靚媽好感，衹給予此店一般評語，所以呢餐由契姪女做東的8月壽星宴，祇值。⭐️⭐️⭐️…查看更多

8月23日細仔仔女友提議到呢間，位於官塘工業區，一間酒店内嘅中式酒楼食午餐，揾食肥華和靚媽，到達此店方知此酒楼，逢星期六日由早上11：OO至下午14：45嘅茶市做梗，點心半價優惠，計起上嚟若在呢段時間在此酒楼飲茶，淨食此店嘅特價點心，消費仲平過喺一般屋苑嘅街坊酒楼，但食到嘅食物質素，用餐環境及侍應員工，對顧客嘅服務態度，又遠勝那些屋苑街坊酒楼数倍，所以肥華不得不讚一吓，細仔仔嗰女友真叻女，識得在週六日到此酒楼，飲餐平，靚，正，早茶加午饍，呢餐低俾此店。⭐️⭐️⭐️⭐️⭐️…查看更多

8月初揾食肥華和靚媽到此酒樓飲早茶，忘記咗食此店過咗早11：OO至有得供應嘅食品，紅燒花膠海皇翅所以在8月2O日肥華和靚媽，再一次到此店飲早茶，目標就喺要食呢碗翅。冇令肥華和靚媽失望，呢碗海皇翅嘅味道和份量，都令人滿意用$5O凌蚊價錢食呢碗翅可說是抵食，可惜今餐呢碗翅嘅熱度祇有微温，影响咗口感，確實犯咗食中式，羹湯唔辣口嘅大忌，呢一點實在要扣分。而今餐最出色嘅食物，依然喺個碟山竹牛肉，而最差嘅食物就喺碟，翡翠鮮蝦腸，呢碟腸粉主角啲蝦肉雖然夠爽但淡而無味更有蝦殼相連加上配角腸粉皮，口感亦差肥華將呢碟翡翠鮮蝦腸，評為負分食品亦問心無愧，今餐早茶食品整體值。⭐️⭐️⭐️⭐️…查看更多

自從上環正街嗰間，源記甜品店結業後，揾食肥華就食唔到一碗，合心意的，桑寄生蛋蓮子茶，近日得知呢間，座落土瓜灣獲米芝蓮垂青嘅甜品店，有呢写款肥華和靚媽至愛糖水供應，事不延遲在8月9日，肥華即拖靚媽去此店，品嚐此久違至愛。過此店呢碗，桑寄生蛋蓮子茶，嘅水準真喺同(源記)有天淵之別，個桑寄生茶底無味，隻蛋又浸得唔夠時間，啲蛋肉仲喺白色嘅，成碗嘢唯一可取就喺啲蓮子，尚算食得吓，整體嚟計此店呢碗桑寄生蛋蓮子茶，真喺唔食好過食。而今日肥華在此店，卻又食到碗比在新蒲崗另一間，米芝蓮名店(華園甜品店)個碗鎮店名物芝蔴糊，更出色嘅芝蔴糊，所以今餐肥華俾。⭐️⭐️⭐️…查看更多

8月9日揾食肥華和靚媽，往土瓜灣食糖水前，因利乘便先到此間麵店，食碗傳統廣東麵食，打打個底先。今餐肥華喺柯打咗個，雲吞麵餐，内有一碗雲吞麵，一碟腐乳通菜及一杯凍荳䊢，講真此麵餐内三款食品，都非常味美，質量都對得住，顧客所付出嘅價錢。而靚媽點嗰碗，牛筯雲吞麵，亦喺高水準之作，由湯底到幼麵及牛筋和雲吞，都獲靚媽稱讚。本來今餐真喺，低食又好食，都冇乜可彈，但此店美中足喺，枱面上嘅調味醬料，竟然欠缺咗食廣東雲吞麵嘅最佳拍檔，個款橙色廣東辣椒醬，就喺令肥華對此店呢餐唯一不滿嘅評語，今餐值。⭐️⭐️⭐️⭐️⭐️…查看更多

唔知喺唔喺受到，有綠悠咭人仕全日祇收$2蚊茶錢，或是早市飲茶有特價時段產生嘅效應，在8月8日揾食肥華和靚媽在早上10：30到此酒楼飲早茶，被此店内高朋滿座，客似雲來嘅情況真喺嚇咗一跳，好不容易才揾到座位，坐底飲茶。今餐早茶令肥華和靚媽最開心嘅事，就喺在此店食到，多年來近乎絕跡酒楼嘅甜品點心，花蛋球，而且味道正宗，真喺有驚喜感覺。而今餐肥華在此店食到，所點嘅其他點心，除咗個時菜鯪魚球較為失色外，其他食品都俾收費同級酒楼優勝，唔怪得此店有爆場盛況出現。不過此店人手嚴重不足，雖然各楼面員工個個做到冇停手，但肥華在1O：4O落單柯打的點心，要等到11：53才送齊到枱上，所以若各位唔喺好似，肥華呢個閒人一樣，乜都冇喺得時間多，就唔好到此店飲早茶，今餐值。⭐️⭐️⭐️⭐️⭐️…查看更多

8月6日揾食肥華牛一翌日，同靚媽到佐敦道，攞咗每年特區政府，送俾肥華嘅生日禮物，就齊齊到太子呢間酒樓飲茶，此店非常爆場，肥華和靚媽，攞咗號碼筹都要等咗十多分鍾才獲安排入店内就座。而今餐肥華兩人在此店，食到最好味嘅食物一定喺嗰碟，山竹牛肉球，因肉質和味道都有高水準，到此店飲茶，喜食牛肉者一定要點此款點心，否則就真喺走寶。至於今餐其他食品，味道亦有不俗水準，尤以個點心拼盤内嘅，五榖粗糧糕和蟹籽燒賣，及另外叫的嗰兩個南瓜煎堆仔，表現最佳，而其他食物，欖角蒸排骨，潮州粉菓，叉燒包和枸杞豬潤湯，都喺一般水準，不過此店勝在交通方便，行過路過到此店，飲餐茶都唔錯。⭐️⭐️⭐️⭐️…查看更多

在7月頭揾食肥帶與一班，相識多年老友，到此店敍餐初嚐此店食品，驚為天人，大家一致讚好。8月1日靚媽為8月之星，肥華及大仔仔在此店慶祝生日，雖然在短時間内翻啅，但此店小炒菜式，依然保持水準，冇令肥華一家失望。肥華今餐在此店嘅多個小菜，除咗嗰兩隻炸乳鴿，味道及質量都強差人意，獲低評分外其他各款小菜，嘅質量都喺屬高分食品，就連個在此店食晚飯，奉送俾顧客享用嘅餐後甜品，都非常好味，呢餐由靚媽找数嘅8月雙星餐，值。⭐️⭐️⭐️⭐️⭐️…查看更多

7月31日揾食肥華和靚媽，首次到此店食下午餐，甫入此店揾到個卡位就座後，此店侍應員工奉上兩杯白開水後便服務其他顧客，没有企在肥華枱旁，有催促顧客儘快落單嘅感覺，令肥華和靚媽有時間細閱餐牌揀取食物，呢個動作真喺窩心。至於食物方面，今日肥華和靚媽都喺柯打此店嘅下午茶餐，肥華點個碟，豉椒炒牛河，味道一般但份量和熱度都OK，加上一杯有濃郁茶味嘅熱奶茶，呢個下午茶價豉椒牛河餐，肥華絕對滿意欣然收貨。而靚媽今餐所點嗰個，䓤油豬扒煎蛋飯，就更有驚喜，塊豬扒夠大塊外再配上煎双蛋，和軟硬適中飯量又足嘅䓤油白飯，及一杯跟餐熱檸水，呢個餐真喺有近乎完美嘅感覺今餐肥華和靚媽在此店，付出OK價錢座得舒服，侍應員工又貼心，食物味道和份量都令人滿意，所以呢餐值爆燈評分。⭐️⭐️⭐️⭐️⭐️⭐️…查看更多

靚媽為咗要用埋最後一張，稻香價值$1OO現金券，所以在7月29日請揾食肥華到，此店飲早茶，適值此店近日推出特價，孖寶點心令此餐早茶更加抵食，今餐食品評語。(一)豬潤肉丸粥，粥底夠綿滑又有米香，豬潤淥得啱啱好，喺全餐最佳食品之一。(二)三式鮮虾餃，三款餃都平平無奇，食過就無須再食。(三)香菇灌湯餃，件香菇夠厚有菇味，隻灌湯餃味道亦佳，亦喺此餐最佳食品之二。(四)山竹牛肉球，牛肉味淡，肉質口感差，要選今餐最差食品，呢碟牛肉球當之無愧。(五)千層糕，有傳統呢款點心風味，值得一試。(六)蒜香紅鮮魷，魷魚配上蒜蓉粉絲，相當惹味，好食。(七)乾貝蟹籽燒賣，食到豬肉味，肉質亦不差。(八)柱候醬牛筯腩蒸陳村粉，好食無佢份，又唔話得難食。總結此餐，用特價食到上述點心再加埋，用有八五折優惠嘅$1OO現金券埋單，呢餐值。⭐️⭐️⭐️⭐️…查看更多

呢間在新蒲崗堪稱，喺巨無霸茶餐廳，生意做得有聲有色，越來越旺場，除咗午市和晚市在黄金時間内，要在餐廳門外排隊等員工，外排入座外，而家連下午茶時段都有，要排隊等店員安排才可入座嘅情況出現正如在。7月3日揾食肥華約咗靚媽，大約16：3O在此店飲下午茶，就要在餐廳門外排咗隊1O分鐘左右隊，才獲店員安排入餐廳内就座，而今餐肥華所點嘅下午茶時段特價食品。(一)叉燒拼豉油雞飯，無論賣相，叉燒及豉油雞，嘅味道和白飯嘅質量都令人滿意加上顧客，可自行加添䓤油，更令此碗燒味双拼飯，變得無懈可擊。(二)酥皮蛋撻，個酥皮好食，但蛋味較淡明顯比早年多前，此店同一產品退步。而靚媽今日柯打嘅食品。乾炒牛河，賣相和味道都喺一般茶記貨色，份量亦算Ok。總結在此店，食下午茶時段套餐，價錢合理又座得舒服，呢餐值。⭐️⭐️⭐️⭐️…查看更多

此店在新蒲崗呢個新食城，落戶不久但憑一個爆汁生煎包，迅刻爆紅，成為此區必食名氣食物之一。7月21日揾食肥華就約定靚媽，收工後到此店，食佢嗰個抵食下午茶餐，目標當然就喺嗰爆汁生煎包。今餐肥華，在此店食到嘅食物評語(一)爆汁生煎包，個包煎得夠香夠脆，包内汁液甚多加上熱度十足，鎮店起朶名物，果然喺神仙放屁，同凡嚮呀。(二)招牌小籠包，湯汁少，做唔到有盪韆鞦嘅效果，包内餡料味道又唔突出，加上欠缺食小籠包應有熱度此包令人失望，枉負招牌之名。(三)排骨湯麵，件排骨甚得，個上海湯麵個湯底和麵條，水準不俗值得一試。(四)老上海粗炒，配料不多，味道平平，講好食冇佢份話難食又唔到佢，唯一優點勝在喺即炒夠熱。總結嚟此店一定要食多兩個，爆汁生煎包，其他食品祇可淺嚐。此餐值⭐️⭐️⭐️⭐️…查看更多

揾食肥華在社交平台睇到此店，在7月的每個星期一，中午和下午茶時段都推出一個衹售$68蚊，就有齊牛，豬，雞三款肉類的燒肉套餐，見到有咁抵食嘅嘢，所以肥華就和靚媽在。7月21日星期一，去德福商場呢個品牌嘅分店光顧，食呢個特價燒肉套餐，過唔食由自可一食就把幾火，事實此套餐内嘅三款肉，都好似係在雪櫃内急凍完就，攞出唻奉客，除咗全無應有嘅肉味，肉嘅質素亦差，如果唔喺靠枱上嘅，多款調味去補救肉類，味道嘅缺點，今餐呢三款牛，豬，雞，燒肉，可以講喺冇樣好食所以今餐，祇值。⭐️⭐️…查看更多

揾食肥華在YT介紹飲食頻道節目中，收到此品牌酒楼，在星期一至星期六，非公眾假期即是日曆紅色日子，持有綠悠咭每位人仕可享有$2茗茶優惠，於是在7月19日肥華和靚媽就衝着，此店呢個茗茶優惠及品嚐其特價孖寶點心餐，而專誠到此店飲早茶，至於今餐此店嘅出品點心，肥華俾嘅評語喺，除咗個又鹹又甜味道怪雞到，肥華無法接受嘅，嗰盅杏汁灌湯餃外其他點心(一)巧手叉燒包(二)蟹籽燒賣皇(三)柱候醬牛孖根(四)豉汁蒸排骨(五)四寶滑雞扎上列五款點心食品，味道都有一般酒楼水準，但用特價孖寶點心價及加埋$2一個茶位來衡量，肥華認為此店呢餐兩人周六早茶，唔講得超值，都一定喺抵食，此餐。⭐️⭐️⭐️⭐️⭐️…查看更多