KeepCalmEatCarbs的个人专页

性價比：8/10人均消費：$220美味指數：❤️❤️❤️❤️以前一直食開銅鑼灣嘅定食 Doraya，尖沙咀反而未幫襯過。今次專程拜訪，7:45pm 到達，派隊排15 分鐘就入得。😋藍鰭吞拿魚大腩&魚腩蓉丼定食 ($198)以5片大腩+ 魚腩計，價錢相當合理，質素不俗，基本上冇筋。如果喺高檔少少既日本餐廳食，估計要貴一倍。😋炸豬扒 ($98)水準雖然未去到專門店級數，但炸粉相當脆口，即叫即炸，份量分到7件。喺肚餓嘅狀態下，推薦食呢樣。😅鰻魚玉子燒 ($48)玉子燒係好食嘅，但鰻魚實在太多骨。🥲牛舌 ($48)呢個價錢竟然有9件，理應好抵食，但確實真係硬到喊，用4至5分鐘先咬完一件落肚。而且已經係即時食，但肉質硬到要放棄。😐芝士蛋糕 ($20)一般貨仔，唔使特別去試。…查看更多

性價比：8.5/10人均消費：$120美味指數：❤️❤️❤️❤️❤️其實我好鍾意食肉餅，但要搵好食嘅肉餅唔容易。機緣巧合之下知道「公子茶座」呢間餐廳既招牌菜正正係肉餅飯，於是捉埋朋友一齊試。夜晚唔想食咁多飯，於是一律叫小菜，每碟介乎 $68 至 $88。兩個人食三個餸，超飽肚！👉🏻招牌生煎肉餅 $68生煎肉餅一共有8件，無睇錯，係8件！每件都有手掌心咁大，厚度超過成吋，仲要係即叫即整，有鑊氣🔥煎炸火候控制得好好，外層脆口有焦香，裡面係揼鬆咗嘅肉，中間滲咗油香，堅係高質👍🏼唯一建議係可以落少啲鹽，因為食完之後確實有少少頸渴。👉🏻滑蛋炒蝦仁🍳🍤 $78有水準嘅滑蛋，足料有蛋香。蝦仁用上中型 size，完全冇雪藏味，而係有蝦仁香味。👉🏻西蘭花炒鮮魷🥦🐙 $88西蘭花係軟硬適中，有咬口。炒鮮魷係正常。整體相對普通，屋企都可以煮到。結論：招牌生煎肉餅係 must-eat，真心推介。$68 八件呢個價錢自己煮既成本都唔止。…查看更多

性價比：7.5/10 (但燒鵝飯9分!)人均消費：$100美味指數：❤️❤️❤️ (燒鵝飯係❤️❤️❤️❤️❤️)突然好想食燒味，但只想食有質素嘅燒味，於是決定試吓傳說中話燒鵝好食既新強記，大圍站G出口一分鐘就到。👉🏻 #燒鵝飯 ($68)OMGGGG!!!! 係近年食過最好食既燒鵝之一，皮脆得嚟有保留少量油脂，每一啖都係滿滿既鵝油香，撈飯一流。本身預期只係鵝肉六至七件，但竟然發現另外舖上六片鵝皮，成件事超抵食～呢碟性價比滿分👍🏼👉🏻 #蜜汁叉燒 ($68)之前睇 IG 食評表示叉燒唔錯，但今次發現有三分一既肉係硬到咬唔到既，蜜汁亦唔夠香。叉燒都係要幫襯大圍小館至得😂👉🏻 #炸雲吞 ($28)有三粒，正常發揮，純粹過口癮。👉🏻茶芥 ($12 一位)茶既質素唔好要求太多🤣…查看更多

性價比：7/10人均消費：$255美味指數：❤️❤️❤️金鐘嘅餐廳選擇其實唔多，要搵高性價比嘅更加難。最後決定試吓 Apinara，雖然價錢係泰國嘅四倍😂但起碼裝修靚靚，環境優雅，整體食物質素亦正常，部分甚或偏上。小食👉🏻蝦餅 ($18)估唔到咁脆咁大塊咁好食，不過係有啲鹹嘅。飲品👉🏻椰青Young Coconut ($55)原來係大嘅椰青，所以變得好抵飲🤣👉🏻Coconut Smoothie ($58)都幾大杯，係用新鮮椰汁整嘅，好香好滑。食品👉🏻泰式雜錦沙嗲串燒拼盤 ($128)一共有九串串燒。雞肉/大蝦/牛肉各三串。雞肉串燒真心嫩滑，好出色，好似泰國食嘅咁。大蝦正常。沙嗲醬幾入味，亦都唔辣。👉🏻黃咖喱大蝦🦐 ($208)一共有四隻大蝦，尚算合理，有少量鹹蛋黃喺面，但可惜唔去殼就炸，以致要一邊食一邊剝殼，比較麻煩。黃咖喱落咗大量滑蛋，口感勁似日式滑蛋丼飯既滑蛋，加配 roti 一齊食特別正。最重要係微量的辣度接近食唔出辣，好啱我。👉🏻薄餅 ($32)一共有兩塊，熱辣辣送上。油膩程度適中，酥皮相當酥化。👉🏻泰式菠蘿🍍海鮮炒飯 ($138)呢個實在太普通，基本上就係炒飯還炒飯，雪藏海鮮另外炒，之後放所有嘢入菠蘿殼。呢個可以 skip。👉🏻炒通菜 ($88)掛住食其他邪惡嘅嘢，冇食。用既係燈籠椒，朋友們表示唔覺辣。👉🏻芒果糯米飯 ($88)芒果🥭非常普通，接近唔合格。椰汁糯米飯反而好好食😋食完之後基本上係有口乾既情況，證明嘢食係偏鹹嘅。但整體質素係可以嘅。…查看更多

性價比：9/10人均消費：$138 + $10 轉 Tiramisu 再加一美味指數：❤️❤️❤️❤️💕午市套餐雖然加咗價，由 $118 加到 $138，但依然抵食到一個點，所以繼續係心目中性價比最高既 pizza 店✌🏻👉🏻前菜：Lettuce Salad～呢個冇咩特別👉🏻薄餅：Gorgonzola e Fichi～Gorgonzola 藍芝士同Fior Di Latte水牛芝士融為一體，非常 cheesy，再加上無花果甜甜地，口感配搭新鮮唔會膩。餅底厚薄適中，有小麥香味。不過由於薄餅份量多到喊，一共切開四件，其實食完兩件已經好飽，剩返兩件需要打包，之後叮微波爐或者用焗爐翻熱一樣勁好食。👉🏻甜品：Pici Tiramisu +$10～由於餐廳驚大家唔知道佢係 Pici 既姊妹餐廳，所以刻意喺餐牌寫明 Pici Tiramisu🤣🤣 質素的確係同 Pici 食開既差唔多。結論：由於餐廳位置喺正 PP3 對出，絕對適合喺金鐘返工嘅朋友行過去食。而且金鐘大部份餐廳都係較貴但質素參差，所以行多幾步食正野仲好。食飽飽之餘，仲有得打包，連晚餐都慳返😏…查看更多

性價比：9/10甜品控表示，每隔一至兩個月就要幫襯一次😂 呢個品牌係旺角老字號餅店「開心餅店」既二代創立，主打即日製造日式卷蛋，採用0卡稀少糖及少油少糖配方，可以經 Instagram 或者 WhatsApp 落單。基本上每次都係預訂「開心果 x 原味牛乳 竹炭卷蛋」😌好味指數：❤❤❤️❤️❤️✅開心果醬濃厚濕潤，佔餡料四分三，牛乳佔四分一。食落自然，唔會好甜。濃厚程度係出面任何一間果醬都做唔到。如果以濃度計，係 SAKImoto Bakery 開心果醬既三倍。✅卷蛋長 15cm，切到六至七件左右，即係 $26 一件，好抵食。✅任何時候都要食甜品！開心果卷絕對係 comfort food🤣…查看更多

性價比：9/10呢個套餐包括：1️⃣美國牛肋肉🐮：有4片，雖然薄切但肉味都濃2️⃣日本鹿兒島茶美豚梅肉🐽：同樣有4片3️⃣蔬菜盛合🥬：一共有粉紅蘿蔔、菜心、生菜、鴻喜菇及雲耳5款4️⃣是日鍋肴(2款)：包括貢丸2粒及年糕3粒，食完必定飽肚5️⃣麵食：㨂咗蕎麥麵6️⃣飲品：熱柚子蜜，不另收費湯底方面建議加 $10 轉壽喜燒湯底，因為包埋生雞蛋🥚，好抵食！重點係：望住窗外咁靚嘅維港景色，藍天白雲，呢個景真係好難用 $149 食到🤪…查看更多

性價比：10/10🤩NINETY’s 一共有三款半價飯盒，逢星期一至五 11:00 - 17:00 都可以外賣自取。第1️⃣款➡️「春雞」$64 👑= 半隻但份量勁多肉質勁滑既慢煮春雞 + 焗芝士+蘑菇粒+煙肉粒+紫椰菜絲+甘筍絲+青瓜切片+日式珍珠飯+蘭王蛋😍次次食呢個飯都飽到食唔曬，要分兩餐先食得完，所以 $64 係包午飯+晚飯既價錢，實在太抵食🤣 性價比滿分💯 上面兩張圖係兩次唔同日期買既餐，賣相都一樣吸引☺️第2️⃣款➡️「鮭魚」$84= 香煎味噌三文魚+紫椰菜絲+甘筍絲+青瓜切片+日式珍珠飯+蘭王蛋煎三文魚放入外賣紙盒容易有做成水氣，拎到返公司既質素較為參差，而且價錢比雞肉貴啲，所以性價比相對之下無咁高。第3️⃣款➡️「沙律」$59= 蘑菇 + 香橙 + 柚子 + 海帶 + 洋蔥沙律係唔飽肚嘅嘢，所以未試過，但沙律愛好者可以試呢款。…查看更多

行開中環想食下午茶，但諗唔到食咩，就行入當文歷餅店食甜品😛性價比：6.5/10 (包括打卡元素)腐竹糖水軟雪糕 ($50)好味指數：❤️❤️🤍🤍🤍軟雪糕係腐竹味，偏甜，好食～但其餘配料基本上冇咩味，純粹只係賣相吸引。A bite of the Big Apple HK$68好味指數：❤️❤❤️‍🩹🤍🤍算係少數食材同外貌一致既甜品。最外層係偏甜既白朱古力，紅色都係一模一樣既白朱古力但只係變咗顏色。蘋果啫喱正常，底層係牛油曲奇但偏乾。…查看更多

性價比：10/10呢個午市花膠扒套餐包括：1️⃣滋味燉湯：足料冇味精，平時叫都要 $48 一盅2️⃣蠔皇原件花膠扒：比手掌仲要大嘅花膠！大大啖咬落去，非常滋補！3️⃣高湯浸時蔬：蔬菜份量係一碟正價份量既一半4️⃣瑤柱蛋白炒飯：一啲都唔油膩，炒得相當乾身5️⃣$98 已包括加一及茶芥🤩 呢度嘅「白桃烏龍」茶本身係 $14 per head，依家 free 埋真係不得了。茶本身帶有清香既白桃味，勁高質，絕對唔係一般酒樓嗰啲劣質茶葉。更難得嘅係，餐廳座位寬闊，無論係同朋友食飯定係見客食飯都非常適合，絕對係私心收藏🥰…查看更多

性價比：9/10人均消費：$88 加一好味指數：❤❤❤️❤️💕尖沙咀一帶想食正宗印度咖喱，咁梗係要去重慶大廈～但一個人唔識路點算好？當然係問門口嘅保安叔叔啦！原來沿着佢身後嘅樓梯上一層，轉左，再行去角落就到達餐廳。平日中午 12:30 到達，全間餐廳係冇人既，好似包場咁。午市套餐好抵食，$88 加一已經包括：✅Butter Chicken 牛油烤雞😍：香濃香滑惹味，一啲都唔辣，燈色好吸晴。✅Naan 薄餅：熱辣辣好食!✅白飯：一上枱見到咁大碟嚇親，於是同侍應講唔需要，以免浪費✅Mango Lassi 芒果奶昔：由芒果、乳酪、牛奶及砂糖伴制而成。今次第一次飲，非常驚艷，原來係咁自然鮮甜既🤩結論：食物高質，價錢又抵，可以多多支持呢類小店💪🏻…查看更多

性價比：9/10平時食滷肉飯就係滷肉飯，但呢度竟然加入蠔仔🦪同蝦仁🍤而且個配搭仲係非常好食！好食到連續兩星期幫襯一模一樣嘅嘢！👉🏻 #月見海老蚵仔滷肉飯好味指數：❤❤❤️❤️❤️✅蚵仔好肥美，有大約15隻，最緊要係無沙‼️✅蝦仁煎香之後好香好爽口✅生雞蛋🥚✅滷肉飯質素中上，肥瘦肉適中，醬汁少甜👉🏻 #藥膳醉雞卷飯好味指數：❤❤❤️❤️🤍✅第一次食呢個雞卷都幾震撼，勁滑又勁有藥膳味✅一共有五件雞卷，每件約有 1cm - 1.5cm 厚❎但第二次雞卷偏硬，亦冇咩花雕味溫馨提示：1️⃣由於飯嘅份量都幾多，如果同時食上述兩樣嘢，建議留肚食滷肉飯而唔係雞卷飯既白飯。2️⃣餐廳實在太受歡迎，如果星期日幫襯，建議 3pm 打後到達，咁就唔使排隊。…查看更多

性價比：10/10喺銅鑼灣，竟然有呢間又平又好食又有景觀既 hidden gem！呢個「超扺食午市套餐」(餐牌真係咁寫!) 包括以下6樣野，真係好誇張：1️⃣半隻烤雞 (可選有骨或無骨，一共有大約7至8件，全部都係新鮮炸起!)2️⃣魚片湯3️⃣凱撒沙律4️⃣薯角5️⃣白飯6️⃣飲品 (除咗汽水之外，仲有蕎麥茶/玉竹茶/紫玉米茶呢三款比較少見既健康茶飲)👉🏻 #蜜糖蒜香烤雞好味指數：❤❤❤️❤️❤️味道濃郁，肉質嫩滑，烤雞外皮非常脆，忍唔住連皮食晒。由於實在太滋味，成功進駐心目中炸雞排行榜第🥇位🤤👉🏻 #原味烤雞好味指數：❤❤❤️❤️🤍👉🏻 #BBQ醬煙燻烤雞好味指數：❤❤❤️❤️🤍👉🏻 #三重芝士烤雞好味指數：❤❤❤❤️🤍👉🏻 #蜜糖BBQ芝加哥薄餅好味指數：❤❤❤️❤️❤️好在朋友有叫薄餅一齊試。入面有大量芝士營造拉芝效果，亦有唔少BBQ豬肉粒及薯蓉，另有蜜糖點綴，整體配搭非常好食👍🏼平時唔食薄餅批邊既我，亦都主動食哂批邊，因為實在太脆。最後食咗8件炸雞🍗另加2塊薄餅🍕非常有滿足感！就算食唔哂，都可以打包返屋企用焗爐翻熱，一樣咁好食😋一邊食雞既同時，一邊遠望維港景色，$128 就可以享受到，食嘢食景兩相宜，實在無任何唔幫襯既理由😌…查看更多

性價比：8/10～先講預約小故事呢間預約困難店，由朋友負責訂枱，原來 WhatsApp 向餐廳詢問係會自動引導客人打電話。。。最後朋友用咗某信用卡秘書服務先訂到😅👉🏻 勾魂叉燒 ($188)好味指數：😍😍😍😍🙂✅本身鍾意食啖啖肉勁厚切嘅叉燒，呢款好啱我心水。鍾意傳統窿邊叉燒嘅就未必啱食。✅佢既一件叉燒等於出面叉燒飯既一半叉燒份量。食完兩件基本上已經飽肚。✅醬汁都唔錯，唔會過甜✅有表演睇都幾開心嘅…查看更多

性價比：8.5/10巴東牛肉飯 ($72) 另加 $9 轉金貝飯好味指數：❤️❤️❤️❤️🤍✅屬於重香料重口味✅牛肉好𣺉，非常易咬✅金貝飯由檸檬葉、薑黃、香茅等香料所製，佢既顏色同薑黃飯好似，但確係比坊間薑黃飯更美味更乾爽✅免加一餐廳位置👉🏻位係3樓，座位尚算好坐，但有少少逼狹👉🏻由佐敦地鐵站行過去，過條馬路一分鐘就到服務👉🏻較年輕嘅侍應服務較好👉🏻年長嗰位阿姐係冇服務可言既，全程黑面咁👉🏻試過之後幫襯外賣巴東牛肉真空包，真空包已拎咗出嚟，阿姐見到當睇唔到😑等到後生嗰位送完兩個餐俾客人之後，再用膠袋裝好真空包，拎俾我😮‍💨…查看更多