美女够钟食饭的个人专页

今日約朋友走去尖沙咀名店牛魔 Yakiniku More晚餐。這次是第二次同朋友去，印象依然咁深刻。我地揀咗二人餐單，美國prime醬油牛肋骨 $198厚切豚肉五花腩 $130香蔥牛舌 $85一客櫻花餃子 $65日式炒烏冬 $65柑橘soda特飲，鳳梨soda特飲。。。其中美國prime醬油牛肋骨份量十足，一人一大卷厚厚的見到就心動，剛好人客未full，所以廚師有時間好有心機咁介紹點樣烹調先夠火候。我們都虛心學習，邊看邊試試如何點鹽跟醬汁配搭肉食。餃子醬油配搭櫻花餃子，入口彈牙多汁，上面好多紅海蝦乾包圍住餃子，幸福感滿滿的啊！各款肉類份量很豐富，夠食又不太油膩，燒烤爐剛好把過多的肉油擠出，留下一陣甘香的油封住肉汁吖！五花腩豚肉燒8成熟味道最佳最安心，油脂豐富，又香又彈。豚肉五花燒到兩邊上下香噴噴，適合加鹽用生菜夾住一次品嘗牛肉就6成剛剛好，廚師教路可以拆筋肉出來獨立處理，非常細心。牛舌薄片稍微烤一兩分鐘。大火烤到少脆，入口又濃又香。最後埋單是一大驚喜，竟然300蚊也不用，完全收貨啦！…查看更多

偶然放題下都會有好心情， 剛好人係旺角就揀一間叫做神戶屋日韓放題來開心下，  位於萬兆中心八樓，  行入店內看見廚房布置就充滿左濃厚日本風情環境，空間闊落感覺舒適。餐單已經跟上時代使用手機QR code點餐方式， 好豐富更方便有效率 。未開始點餐坐落寺應就好用心咁為我點左個魚生拼盤，相當精采個樣靚到唔捨得食， 竟然系放題咁新鮮美味肯定要再叫多一分。呢份韓式雞軟骨炸得有水準， 熱辣辣間香喷噴酥脆唔油膩。自助茶水吧都好多貼心選擇，都有數款特色韓式野飲出面系唔容易搵到既。份日式牛舌都係相當抵讚，非常入味好彈牙，口感十足。紐西蘭羊架份量十足吃不出任何腥味，香嫩多汁。再來一份黃金芝士燒廣蠔，  有芝士既香搭配新鮮既蠔非常有滿足感。呢個系日本芝麻雞雞翼炸得皮脆內軟， 推薦之作。跟住又有招牌炒蜆，  鍋氣夠配搭上多樣佐料相當完美。鹹蛋黃金蝦裡面帶有鹹蛋既味道竟然可以食出好滋味好令人難忘。日式麻糬凍凍地甜甜地，相當精緻好食。呢個系日式溫泉蛋簡直系蛋食之中既經典作，濃湯中既蛋味一流啊。…查看更多

最近真係好想去泰國行下，而加呢個時勢相信暫時未有可能，所以不如食下泰國餐過下乾癮先啦，今次特定揀左一間位於新蒲崗既泰船麵來感受一下泰國風情啦。店內泰式氣氛濃厚，好用心既佈置裝飾，充滿視覺享受。看見餐牌就知精彩，好多泰式選擇非常豐富，樣樣都想食，除左拿手既船麵都有椰青咖喱，小食，串燒，蝦餅等等。豬肉船金邊粉湯身熱辣辣，粉絲吸入湯汁彈牙好食，唔好睇小d蘿蔔都幾入味，  通菜芽菜都好新鮮， 連豬皮都好有特色！正常size椰青咖哩雞飯咖喱充滿椰青香，咖哩辣相當適中容易入口，當然系要將咖哩撈埋鬆軟美味既白飯裡面一齊享用，啖啖都係經典好食，雞份量足料，雞肉皮滑鮮嫩，浸咖哩汁裡面完全吸收曬d 精華， 仲有濃厚椰香味， 食完始終都想再食， 充滿幸福同滿足 ！黑松露芝士炸蝦餅充滿泰國特色既蝦餅一上場就帶住可口既溫度同個靚樣，上面帶住黑色既黑松露真係令人難以抵擋，咬落去除左充滿蝦香之外仲明顯感受到黑松露既味道，加上濃厚既芝士味脆脆地熱熱地好令人賞識，份量十分足夠而又好精緻！最後每人84蚊落樓，好味抵食，收貨了！…查看更多

天氣開始炎熱又想飲咖啡汽水但同時又想食西餐， 咁就搵間大眾化輕鬆坐落既薩莉亞達到我既要求啦， 因為睇到餐牌就覺得好好食所以咩都唔裡即刻叫左份煙肉芝士薯角食左先上餐食入口先發現比我想像中好食得多啦， 精緻無比煙肉分量多芝士汁香濃又多， 薯角埋入其中早已將汁入味， 真係好食到難以置信， 跟住輪到蒜蓉麵包發出陣陣濃烈香蒜味越聞越好食只係諗住食得健康既雞肉沙律估唔到又係一個經典菜色蔬菜葉與雞肉都好新鮮，原味雞翼皮香肉滑真係上等之作！…查看更多

一個美好既返工日早上就需要份美好既早晨全餐，為左讓世界更美好要環保我自己體內都要環保，所以我就因此而選擇大埔麥當勞既新餐肉珍寶套餐。餐點準備好首先食左個薯餅先，熱辣辣薯餅適合慢慢一啖一啖細心品嘗，香酥脆皮實在令人永遠難忘，份新餐肉煎得唔錯煎到好熟又唔會焦曬，份鬆餅好柔軟，加埋提供既花生醬汁，奶油同果醬，多口味好完善嘅配搭，好適合坐低慢慢切慢慢食。個兩塊麵包自己diy夾成一個蛋堡都好有味， 實在太好食又叫多個新餐肉蛋堡， 食完真係令人覺得久久無法忘懷！…查看更多

返工返左成個上晝梗系要慰勞下自己啦，九龍灣展貿裡面多樣選擇，來回快速做個選擇就揀呢間人氣旺既坂上啦，今次就叫左份牛肉飯試下等左一陣就就有得食，牛肉厚薄size切得好，太厚就唔容易咬，煎得好靚唔會過熟，內裡肉質嫩滑，加上牛肉本身有汁，滲落去d飯吸收咗牛肉汁味，啖啖飯有牛香味，真係要在此讚賞下！而且有額外提供牛肉汁可以斟酌添加，味道感覺上系比較清淡偏甜適合唔同口味人士調整口味輕重，值得一提既係只不過系一份配菜既粟米都係非常好味！…查看更多

聞說已久在遠處有一間凍豆腐花，係登山客既摯愛，千山萬里終於搵到呢間位於粉嶺既宋伯山水豆腐花，炎熱天氣都係要快手，買左兩份分別係涼粉豆腐花與傳統豆腐花，兩種唔同口味就要最快速度食落肚兼消消暑，先食涼粉個碗再加上些少糖水相當美味，無諗過涼粉都可以咁好食，加上熱天食冰涼更是一食多得，果然不出所料好快就食晒成碗，再食傳統口味時就算無加任何野都食得出有味， 好滑好細緻配上特製既紅糖慢慢融入其中同時食用效果與美味滿分!…查看更多

連續假期今日唔曬好舒服咁就黎大快活食個下午茶啦， 叫左個洋蔥豬扒包餐加紅豆冰， 麵包烘得唔錯豬肉醃得入味，洋蔥亦都好足料散發出自然香味，同埋真係無骨豬扒熱辣辣，食得飽，大又滿足，杯紅豆冰裡面既紅豆夠淋！足料多豆加上甜甜奶香，相當出色好味，關鍵係攪勻至飲，解渴時可以感受混合涼涼的口感，簡直一流！同咖央西多士加奶茶， 新潮有風味既多士厚度煎蛋味濃容易入口，中間有甜味無須再加糖漿，有杯香醇奶茶作伴更是舌尖上的享受！…查看更多

行到粉嶺想食又想食炸雞唔想食飯,聽講麥當勞出左咩炸雞餐,唔駛多諗就即刻去試下啦，即場叫左份麥炸雞二人餐，出餐時相當豐富豪華擺滿成個餐盤，今次有新款糯米批趁熱食落去好特別味到出眾，又有個蘋果批不失原本優良水平，跟住又有個炸得酥軟惹味既薯角，加埋一份雞塊，配埋酸甜專用醬簡直完美，仲有加埋有兩盒共兩對的炸雞，分別係傳統口味同全新煙燻麥炸雞，煙燻味非常好食juicy仲有陣陣煙燻味同小小辣味既味覺刺激享受，傳統口味亦都如同往日一樣美味，真係好精采既一餐！…查看更多

人難免有時候都會想起兒時記趣，而我總會諗起食既一幕，走在路上憑著童年雞蛋仔的回憶終於遇上大埔地鐵站呢間小食快線完成我呢個回憶小時候既願望，我知道而家外面雞蛋仔出左好多變化眼花撩亂唔同口味，但係我又偏偏只中意原味，我就買左一包好好地品嘗下美食回憶， 黃金色又熱騰騰出爐既雞蛋仔渣係手上有蛋糕嘅香味即時就感覺口水都留埋加上好感動，每咬一啖都有滿足擠出效果咬落口感彈牙，外脆內軟，食落唔會滯，咁簡單一樣野竟然食玩又想再食啊!…查看更多

經過朋友介紹極力推薦，今日就親自光臨二伯士多， 一早入去坐低望完個餐牌之後就揀左個凍豆腐花，即刻坐埋一邊試下先，加左些少黃糖後再按照個人口味加薑汁，仍然食到好清香嘅薑味，豆腐花好滑，豆味幾濃厚，好滿意，相當喜歡，跟住又叫左碗餐蛋麵， 個麵煮到岩岩好午餐肉煎得香口外脆內軟，公仔麵就可以啦， 軟硬適中，裡面幾條菜都好新鮮咬起上黎好爽口，個蛋煎得相當好唔油膩味到清晰全熟透，湯底都算唔錯，清淡而好有味， 有食完就想飲晒落肚既感覺！…查看更多

踏破鐵鞋無覓處，得來全不費功夫，今天終於用開飯來驗證這句話啦，所以特定坐船來到吉澳呢間海鮮館展開美食行動， 店內環境唔錯生意興隆，餐牌選擇琳瑯滿目，樣樣都想食不如就叫個兩人餐再加個魷魚，等左一陣白灼鮮蝦首度登場，相當新鮮甜美開胃，客家鹹雞味道好有新鮮野味感，手打墨魚丸感覺好彈牙好純正，麵醬豆卜蒸排骨肉靚無咩碎骨，郊外油菜都幾大碟煮得認真好食，份椒鹽鮮魷外表靚麗， 熱辣辣炸粉唔厚，炸皮好脆！魷魚好好肉夠厚唔老夠彈性，有時候為左食而遠足系都好值得架！…查看更多

又到左節假日食好野既時候啦，就搵間大快活即係便利優質選擇，入場就即刻揀左黑松露炒蛋炸魚脆皮腸+英式多士+熱奶茶， 食多士類要趁熱爽手整上薄薄一層牛油大啖咬先食得出佢既精華好味，炸魚份量剛好配上醬汁味道可口，脆皮腸外片堅韌內裡鬆軟都值得讚賞，跟住落就係食個清淡火腿通粉緩和下，接住就係用味覺欣賞下鮮甜有味既番茄湯仲有彈牙出色既烏冬麵，裡面既雞扒都係要給予特別讚嘆，基本炸雞扒功夫做得好之外，軟硬適唔會癡牙即使浸入番茄湯裡面依然好食更多左些少番茄甜味，其實簡單都可以好滿足架!…查看更多

大埔有間爭鮮門口經常有人大排長龍，不如就今餐搵出咩原因啦，首先當然系要體會下排一陣隊既樂趣先，餐廳內部環境光猛感覺舒適衛生，迴旋壽司不停移動輸送已經帶起我強烈既食欲，坐低即刻駛出無影手取下三文魚壽司，成塊魚蓋住曬團飯令人十分滿足，入口即化的新鮮感良好，細細一件魷魚壽司都好精彩唔單調好食也，揀左份煮熟過既青口上面有特製配料醬汁一齊入口實在好味，跟住又試下一份勝載成碟既蝦刺身擺放姿態美觀食落好新鮮，再來一份帶子裙邊味道獨特，可以完美體會到咩叫做享受精品美食!…查看更多

想要不斷嘗試新鮮美食始終都係人類既天性，走入大家樂博一搏有無新野推出竟然就俾我發現有樣野叫做黑芝麻西多士啦，梗系要即刻買份試下先啦，今次系搭配上雪菜肉絲米粉打算做個乾溼平衡，出餐時就有別於以往係用一個西餐平底鍋形狀既容器裝住唔系單純一隻牒都幾特別，一刀切開真令人喜出望外，爆漿效果搞到我食慾大增，芝麻味十足又唔會過甜，食完都經常諗返起，食完再享受埋個米粉唔甘心又叫左份雞翼三文治，竟然又係一個驚喜，除左雞翼如常好味之外份三文字裡面既芝士都有慢慢流動催谷食欲既效果，其實食野都可以好事連連架！…查看更多