連加一人頭$2000無論服務、食物質素、食材、味道都唔值呢個價錢。服務：非常普通。坐吧枱，但啲凳好高亦都坐得好唔舒服。真係「啲位有咁迫得咁迫」食材/質素：完全唔見得邊一樣食材對得起呢個價錢。全部都好普通。味道：好普通，唔難食，但無一樣係好好食。最好笑係個主食：「手打」烏冬，個樓面介紹完係手打烏冬之後放咗兩Pack所謂嘅手打烏冬係我面前….去到呢啲價錢，如果唔係現場手打嘅就唔好話自己嘅手打烏冬啦⋯⋯個味道就更加連AEON嘅稻庭烏冬都不如。個open kitchen入邊有7至8個廚師。但見佢好多菜式野都已經預先整定。其實就擺返靚就上菜。第一眼望到啲廚師做嘢個感覺就好似「Hell Kitchen 」理論上就唔係好多嘢做，但係個個都好似好忙咁。真係好唔明米芝蓮係點樣比星星？總之人頭$2000有更加好嘅選擇…查看更多
