or#Tm66301826的个人专页

之前返大陸玩都食過農耕記，知道香港都有農耕記之後一直都好想試，但就一直都冇機會經過，之前同老婆一齊返沙田探屋企人，終於有機會一試，發覺味道同喺內地食有啲分別，可能因為要迎合返香港人口味！一家四口嗌咗五樣嘢，價錢雖然冇內地咁平，但都係偏抵食，而且味道亦都好好，性價比十足👍🏻小炒豬肝，冇內地食咁辣，但豬肝味好香唔會腥，送飯一流！鮮炒黃牛肉，牛肉嫩滑，亦都係冇內地咁辣，同樣好開胃，有佢食飯都食多碗大碗花菜反而有啲失色，冇內地咁好食，而且菜亦比較硬身，份量唔算多蒜蓉粉絲蝦仁值得推介，之前喺內地冇食過，今次食有驚喜，蒜蓉味好香，蝦仁好鮮，粉絲勁入味長沙臭豆腐，冇喺內地食咁出色，但味道都屬於中上，呢個就會比較辣，唔係個個都食到一家四口嗌咗五樣嘢，但四個人都夾埋食到六個飯，餸真係開胃好味，價錢亦唔算貴，性價比高，唔抗拒內地嘢食嘅朋友絕對值得一試…查看更多

成日見到有人食8色小籠包，今日終於有機會食去沙田新城市廣場嘅樂天王朝，平日都好多人排隊，等位最少半小時3個人加埋甜品嗌咗六樣嘢招牌8色小籠包，每一隻都唔同口味，而且味道唔錯，又新鮮又特別！辣子雞值得推介，雞唔會炸到好乾身好硬，但味道好足夠，臘味亦都恰到好處！紅油抄手非常香，皮薄餡多鍋貼反而冇乜特別，而且外皮有啲乾豆沙鍋餅好好食，唔會太甜，紅豆味好重，外皮唔會太厚唔會太燶，食過返尋味宮廷驢打滾唔係好多度有得食，味道好吸引，煙韌唔會黐牙總括嚟講，價錢中位，味道好好，服務態度都好好，唯一係排隊真係比較耐，有機會都會再嚟…查看更多

之前上網見有人推介呢間餐廳，話班尼蛋同埋牛扒好好食，於是就上去試吓，但幾失望，仲要係女朋友生日飯我同女朋友就淨係叫左班尼蛋同牛扒，首先上菜既係班尼蛋，唔知係咪啲沙律菜有水，搞到班尼蛋個麵包濕嘅，食落去有浸生水味，唔討好牛扒就正常味道，不過不失，叫咗個七成熟，唔難食，但亦唔要特別好味，肉質係唔差嘅，但又唔會令你留下深刻印象！由於訂枱嘅時候都有講慶祝生日，所以餐廳都好好咁送咗個蛋糕俾我哋，係傳統嘅紅蘿蔔英式蛋糕，女朋友對呢種蛋糕麻麻哋，我反而還好，不過蛋糕好漏好滯！環境係唔錯，不過我相信唔會再係第二次…查看更多

今日同屋企人行尖沙咀，突然想食韓國菜，又唔想食太大路嘅，就搵到呢間唔算好傳統嘅韓國菜佢菜式嘅味道同做法同大家食嘅韓國菜有少少唔同，感覺上係加入咗少少中式元素一家四口加個BB ，我哋叫咗五樣嘢，每樣一份量都唔算少，最後有啲食唔晒，但味道唔錯嘅牛肉飯卷就同傳統韓國飯卷冇乜分別，味道尚可泡菜豬肉煎餅，平常食開嘅泡菜煎餅都冇加豬肉，今次呢個加咗豬肉，相對地泡菜份量少咗，反而冇傳統泡菜煎餅咁好味，不過口感就冇咁散！佢另外配咗一碟醬，係好似辣椒油咁嘅辣汁，感覺上韓式加中式混合！松露油炸醬麵同平時食嘅炸醬麵味道好大分別，松露味好香，面嘅質地亦都好容易入口，不過就唔會好似平時嘅炸醬麵咁濃，唔會咁滯分享拼盤好抵食，$100都唔使有4樣嘢，仲要佢嘅餃子同埋芝士豬扒都係四件，一家四口啱啱好！雞胸軟骨有驚喜，味道好香，唔會炸粉太多，食落去口感十足！薯條亦都好香脆好好味，唔使加茄汁食都一流！最鍾意係呢個卡邦尼炸雞，佢係辣嘅，但同大家平時食開嘅韓式辣炸雞味道好唔同，唔食得辣嘅朋友應該會覺得好辣，但我覺得味道啱啱好，而且佢嘅辣醬好香，有少少中式感覺！佢配有一個忌廉醬，直頭係好似忌廉汽水咁嘅味道嘅，幾新鮮！價錢中位數，唔算太貴，亦唔係特別平，但我好推介俾大家試吓，同傳統韓國菜有少少分別！…查看更多

早幾日同朋友突然好想食大排檔，就喺附近搵咗間大排檔試吓我哋四個人叫咗五樣餸沙拉豬扒好入味，而且肉質好好唔會硬，好開胃！椒鹽鮮魷，鮮魷好鮮甜，粉同魷魚嘅比例啱啱好，唔會食到一口炸粉！啫啫豆苗係一個意外，餐牌係冇嘅，本身係想食啫啫通菜，但咁啱冇晒通菜就轉咗豆苗，落完單冇幾耐，老細就過嚟話原來豆苗無得整啫啫，但最後廚房話唔緊要照整，先會意外有呢味餸！又估唔到幾夾幾好食！沙薑雲英雞我係覺得最好味，啲雞好淋好香，雞味好重，唔會比沙薑味蓋過！贊！最失望反而係最貴嘅薑蔥焗蟹飯煲，飯應該唔係一齊煲，因為完全冇痴底冇飯焦既，所以個飯完全冇蟹味，但個蟹味道就唔錯！四個人除返開，每人百零蚊，抵食又好味…查看更多