平坦飛機場的个人专页

之前朋友推介話呢間鐵板燒性價比高，心思思想試好耐，今日終於嚟咗😙今日揀咗$398呢個套餐🥰前菜三小點好豐富，個煙燻雞肉同埋味增茄子都好出色😋沙律係木瓜柚子，清新爽口🥗，仲帶小小酸味 幾開胃🤤個茶碗蒸好特別，用咗鰹魚汁同埋魚子係表面，個底仲有啲木耳絲，多重口感，食落去好鮮味🥰蟶子皇肉好彈牙，用香草牛油煮，食落去好香，而且唔會蓋過本身海鮮嘅鮮味，側邊有啲檸檬汁可以食到另一仲清新味道🤩🦐虎蝦係重點推介，廚師煮到成隻蝦都可以享用到，個蝦頭係煎到香脆，亦都拎咗蝦頭嘅膏出嚟做佢嘅汁，令到成隻蝦每一部分都可以品嘗到👍🏻主菜揀左黑毛豬蔬菜卷，豬肉香濃唔乾身，卷住茹好香口，另外仲有三個汁可以俾你加埋一齊食 蛋炒飯飯粒乾身有鑊氣，粒粒分明，仲有豆乳味噌湯暖胃又清新炒雜菜都好用心，炒得好香口，有淡淡既手油味道👅甜品係抹茶紅豆大福，外皮軟糯唔甜膩🍡，完美作結環境乾淨企理，師傅手勢好，食材質素對得住價錢，服務幾好，會再encore！👍…查看更多

🥰今晚突發燒味癮，果斷鎖定大壹燒鵝外賣！打開盒蓋那刻，燒腩仔的焦糖香氣撲鼻而來，絕對是視覺與嗅覺的雙重暴擊—— 😋😋🔥燒腩仔（半斤）肥瘦分層如藝術品，琥珀脆皮咬下那聲「咔嚓」清脆到隔住口罩都聽得到🤤肥膏甘化不膩，瘦肉鹹香透汁，蘸少少芥末醬更將油香瞬間引爆。最驚喜是外賣回家後脆度依然堅挺，證明師傅斬件時機精準！🤭💛芥末牛柳粒以為是普通茶餐廳貨色？一入口就被溫柔芥末香驚艷——不是攻鼻嗆辣，而是用蛋黃醬調和成綿密奶香，裹著嫩滑牛柳粒在舌尖融化。外層微焦鎖住肉汁，咬開後粉嫩肉芯完美展現火候功力，忍不住一粒接一粒掃清！💙外賣包裝值得一讚：燒腩仔與醬汁分裝，紙盒透氣孔維持脆度。整體份量足秤，半斤燒腩足夠兩人分享（但我自私獨享了～）。若硬要挑剔，就是牛柳粒稍嫌少貴，但為這質素絕對回購！🥰結論：深宵罪惡指數爆燈，但滿足感足以抵消減肥計劃！推薦燒腩必點，芥末牛柳適合作佐酒小食～…查看更多

見到轉左新餐牌入嚟食，啲餐具好似冇洗過咁，仲有食物殘渣喺上面茶餐廳都唔係做到咁另外有個企收銀既tb,態度差，我叫佢落單黑口黑面，唔想做生意就唔好做，仲要請埋啲咁嘅人，倒公司米，入嚟簡直係貼錢買難受之後叫咗個海南雞，啲雞勁柴，賣相唔使講，但點都唔值呢個價錢，仲要喺雞中間食到鐵絲，簡直係不知所謂呢間嘢真係睇佢幾時執笠，我真係好少比差評，呢間真係唔會再幫襯，亦聽到好多街坊反映比起以前差咗好多，員工服務態度尤其是門口個…查看更多

之前經朋友介紹知道位於旺角有一間幾抵食同埋選擇都多嘅韓燒個地點都幾方便佢呢度成幢都係唔同嘅餐廳，入到去裝修好韓式而且座位嘅設計係可以放手袋喺張凳下面，好方便因為最近天氣都好熱所以一坐低就去咗飲品櫃，佢啤就係任飲我首先飲咗解渴嘅飲品，我揀咗竹蔗茅根，唔會好甜而且都清熱佢呢度有自助式嘅調味，有六種唔同嘅醬料，我揀咗蒜蓉、韓式辣醬同埋烤肉醬之後侍應上咗幾款唔同嘅前菜，有我最鍾意嘅泡菜另外仲有芽菜同埋海帶，之後佢又件蘿蔔，係俾我哋用嚟如果個鑊有小小燒焦可以清理，好細心當然亦都可以叫佢換過個新嘅爐之後我哋點左唔同嘅肉，而且呢度有好多海鮮可以選擇，有芝士生蠔、帶子、扇貝、海蝦、魷魚，生蠔好大隻而且食落去唔會有腥味我推薦牛仔骨因為佢嘅肉質好淋，易入口另外我仲用生菜包豬肉再加泡菜，咁樣嘅食法唔會好油膩而且好爽口另外仲叫咗啲即食嘅小食，有炸雞，全部都係即叫即炸嚟到都係熱辣辣，而且肉質都好鮮嫩💙絕對唔係炸完又炸而且我都幾推薦溫泉蛋紫菜飯🥰再加埋啲肉落去食真係一流，而且都好足料…查看更多

我同男朋友真係好鍾意食日本餐廳🥰又比我哋發現到呢間位於兆萬中心對面嘅日本餐廳，地點好方便，我哋今次冇book位直接入去就有位，建議如果七點後去嘅話都要訂位，入到去服務員態度都好好好熱情咁招待同介紹餐廳嘅特色食物同埋佢餐廳裝修得好靚好有日本風格，最近冇得去旅行喺度打卡都可以扮去咗日本首先叫咗杯西班牙檸檬啤酒，因為呢個味道喺外面都好少見到，飲落去好清新而且唔苦嘅味道，好啱女仔飲😉最後叫咗個頭盤三文魚刺身，肉質好新鮮而且肥瘦適中之後叫咗個牛油果軟殼蟹卷，我最欣賞佢嘅地方係裏面嘅軟殼蟹係新鮮炸出嚟，熱辣辣又脆口，配搭上面嘅沙律醬口感味道一流呢度最值得推介嘅係鹽燒三文魚頭，唔單止份量大，而且魚嘅肉質真係好鮮嫩，肉嘅份量都多，大家如果鍾意食魚一定要叫之後叫咗雞軟骨同燒牛舌，雞軟骨就同外面嗰啲差唔多，正常嘅味道，燒牛舌都唔會好硬，調味都唔錯最後叫咗我最鍾意食嘅烏冬，因為外面天氣都熱所以今次叫咗個冷烏冬，配合Wasabi同埋醬油一齊食好開胃，又唔會太滯🥰…查看更多

今日同男朋友仔又去撐枱腳，呢間好近地鐵站，之前一路都經過見到好多人排隊，今次就特登訂咗位過嚟試下餐廳裏面嘅環境都好舒服，燈光柔和，同朋友或者情侶都好適合之後我哋叫咗兩個套餐，因為佢好鍾意食扒類嘅嘢，所以叫咗個石燒安格斯翼板牛扒，同埋係一個蝦汁海鮮意大利飯，一齊share 食一開始就會有餐湯同埋沙律，每日嘅餐湯都會唔一樣，今日呢個係蘑菇忌廉湯，佢嗰日好滑，唔會太鹹，又唔漏👍🏻🥰因為我好中意黑松露，所以叫咗個黑松露薯條🍟，好鍾意佢黑松露嗰個醬，好香，而且啲薯條炸得好脆意大利飯海鮮好足料，帶子、蝦同埋青口，播返吸晒蝦嘅精華❤️‍🔥好鮮甜，飯亦唔會煮得太硬個牛扒亦都係一個重點，可以自由咁樣燒到自己想要嘅成熟度，牛嘅肉質好嫩💙半生熟係最好最後我仲叫咗杯熱情果沙冰，份量好足，好大杯，我最鍾意佢就唔會太甜，好fresh …查看更多

好耐冇食過雞煲，今日同事放工即係話去，咁就諗住去返之前都幾出名嘅18樓雞煲，咁我哋就揀返個基本嘅A餐我好鍾意佢呢度嘅環境，裝修係用7.80年代嘅風格，好適合我呢啲鍾意懷舊嘅人，我仲影咗幾張相可以Instagram 打卡我哋六點幾就上咗去，所以都唔使等位一坐低就會問你想要咩辣到嘅雞煲，我哋揀咗中辣，之後就用QR code落單佢嘅飲品種類都好多，有冷泡茶、各款汽水果汁，亦都有罐裝涼茶，仲有自家製嘅冬瓜茶 10分鐘左右個雞煲就到，全部雞都好入味，而且越食越辣好惹味，加埋啲洋蔥好足料🔥之後有叫到雪花肥牛，肥瘦適中唔會太油膩另外丸類都好多選擇，墨魚滑好值得推介，都幾爽口彈牙最後仲有個自助甜品嘅位置，可以自己整乳酪呢個價錢可以食到咁多嘢，真係算唔錯…查看更多

今日六點幾同朋友約咗食飯慶祝生日呢間餐廳地點都幾方便喺朗豪坊附近我哋安排坐到卡位都幾闊落因為我好鍾意食刺身，叫咗個和牛刺身同埋三文魚腩🌟三文魚腩好肥美，完全冇腥味💁🏼‍♀️和牛刺身加嗰個特製醬汁，和牛係油脂分布平均，食落去唔會好漏之後我叫咗我朋友好鍾意食嘅大阪燒，佢裏面都好足料，所以食完呢個都幾飽肚我覺得幾值得推介嘅係燒茄子🍆因為性價比高 😍$38 而且都好大條 蒜味同嗰條味道好正真心一定要叫另外仲叫咗個牛油果軟殼蟹卷，裏面嘅軟殼蟹都炸得好脆呢度上菜嘅速度都幾快，而且每一份都好足料，人均都係二百幾蚊食得好飽去到七點幾嘅時候人都幾多所以建議要訂位…查看更多

放假起身，落街行搵間餐廳，見好耐冇食呢間，喺旺角都有好多年歷史平時都食開鐵板牛扒，今次想試吓佢啲焗飯，叫咗芝士肉醬焗號牛扒飯，等咗大概15分鐘，芝士同肉醬都覺得好香，牛扒都淋，而且份量都好足，係個羅宋湯比較淡，有待改善而且侍應態度都唔錯另外仲有其他焗飯同埋焗意粉，下次都可以試埋另外佢可樂都唔使加錢幾啱我🥰🥰同埋未試過佢嘅晚餐下次可以過嚟試吓，佢嘅份量都算大份餐廳裝修雖然有啲舊，但都算有feel…查看更多

今日同兩個朋友約咗去食牛扒，6:30去到門口已經好多人，等咗大概10分鐘就有位一坐低就已經俾咗麵包我哋，好快咁我哋就落咗單，呢度上菜嘅速度都幾快🥳我揀咗羅宋湯，呢間真係傳統得來而且個湯都好足料，好濃郁呢間始終都係舊式傳統嘅牛扒店，裝修都好簡單，好有懷舊嘅味道😎之後我叫咗個五成熟嘅西冷牛扒，汁我就另上，因為我怕啲薯條會林晒🤪如果鍾意食蒜嘅朋友都可以架蒜佢嘅牛扒唔會太韌，有適當嘅筋位同肥肉位置，而且肉質都唔錯，唔似其他外面餐廳求其煎，佢哋真係煮到五成熟另外最值得稱讚嘅係，服務員嘅態度都好好，佢哋唔會因為外面好多人等位趕住叫你走，仲好熱情咁拎我哋需要嘅嘢俾我哋，全部都有禮同埋有耐性少少建議如果大家真係想去食一定要早啲去排隊拎位因為外面長期都keep住好多人等位…查看更多

🍡呢間串燒一早就想試，因為之前疫情關係一路冇晚市，終於可唔可以開頭男朋友去食呢間好多人排隊，好彩我哋一早6:30就到咗，唔使等位就入去😝裏面嘅座位唔多，所以大家記住提早訂位😉呢度串燒可以就咁放上個爐自己轉，方便啱晒我呢啲懶人👍🏻飲品提供嘅種類都唔小，有支裝嘅凍檸茶、凍檸蜜、菊花蜜同多款唔同嘅汽水🥤牛肋腩同埋牛舌都好值得推介，唔會好硬，有適當嘅肥肉混合雞軟骨都燒到好脆佢個Menu上面好好有寫每一樣嘢燒幾多分鐘同埋都有幾款唔同嘅調味料可以自己加，可以加辣椒同埋燒汁我覺得最正嘅就係燒棉花糖同埋雞蛋仔雞蛋仔裏面有朱古力🍫唔會太甜，外脆內軟同埋店員啲禮貌都好好，一去到坐低都有教我哋用邊啲醬料會比較好食😋，但記住一定要早啲book位…查看更多

上個月同男朋友去咗一間泰國餐廳慶祝我哋拍拖紀念日，7點左右到達，餐廳係開放式燈光偏暗另外餐廳裏面都會播着音樂，好有情調浪漫係約會既好選擇餐廳都有提供一啲開胃小食我哋叫咗兩杯特飲，一杯西柚味嘅corona,味道唔會太甜，又唔會飲到好苦嘅啤酒味另外一杯就係梳打利賓納我哋嗌左一條泰國青檸魚，魚嘅肉質好滑，而且唔會好似外面有啲肉質餐廳會好實另外菠蘿炒飯同埋馬拉盞炒芥蘭我好鍾意既，個炒飯裏面啲料好足，啲飯又唔會濕立立最後仲有一個雜錦嘅小食拼盤，最出色嘅應該係個蝦餅同魚餅完全冇油膩嘅感覺…查看更多

聽人講八幡屋涮涮鍋好好食，所以同朋友終於夾到個時間一齊去，佢7點前離座同埋9點後入座會有買一送一和牛餐，平日只係$368(未加一)‼️不過就唔到時間，所以我哋揀咗180分鐘刺身海鮮火鍋之盛宴，都好彩我哋有訂位，因為門口好多人排隊👍🏻呢間放題可以滿足晒你好多個願望，啱晒啲選擇困難症嘅人食✨因為佢有刺身、火鍋、海鮮🦞炸物又有串燒，仲要全部都任食💯入去之前可以揀咗個湯底先，因為我之前見到網上面好多人對蕃茄龍蝦湯底都好有高評價，所以就加咗每人$20揀咗呢個湯底，個湯底裏面真係會有半隻龍蝦可以食🥰職員仲會幫我哋預先order一份刺身拼盤，海鮮拼盤，咁一坐低呢我哋就好快有得食住先再慢慢叫💖今次我覺得海鮮同刺身都係呢間舖頭嘅一大亮點，好少地方有咁多海鮮任食仲要呢個價錢，任食海鮮有蜆、海蝦、象拔蚌、聖子、生蠔、東風螺、帆立貝，佢送嘅海鮮仲有新鮮鮑魚同埋青口，全部海鮮都好有鮮味，完全唔會好似放咗好耐，亦都唔會食到腥味💓💓刺身嘅選擇都好多，佢嘅三文魚每一片都係厚切👍🏻仲有帶子都好正，記得一定要食佢嘅大赤蝦✨肉質甜美外面亦都有好多自取嘅食物，有火鍋蔬菜類、丸類、甜品雪糕、同埋飲品，仲有啲熟食添，因為佢成個場都坐滿晒人，所以啲嘢食都好快冇晒，但係職員都補充得好快，所以食物都係新鮮…查看更多

上個星期見到附近開咗間新嘅茶餐廳，外面有好多人排隊前兩日放假就走咗去食個早餐落咗兩個餐，一個係沙嗲牛肉米粉，另外一個係雞扒公仔麵🍜米粉就有啲硬，公仔麵既湯底就特別小小，應該係用雞湯做湯底係廚房出錯餐雞扒變咗豬扒，之後同店員講都好好咁幫我換咗佢凍奶茶嘅茶味都算濃，但叫咗少甜都好似正常一樣咁甜😔凍檸茶個茶底就唔係幾好-反茶價錢都幾抵食，枱與枱之間有d窄下次會考慮試吓午餐或者下午茶，因為佢選擇都幾多…查看更多

今日我同朋友去咗慶祝我哋嘅相識紀念日，咁我哋呢就揀咗一間我哋之前都未食過嘅餐廳，呢間好多人老話好好食，佢就係👉🏻👉🏻倫哥私房菜嘅火煱👈🏻👈🏻咁我哋今日呢就book咗18:00，呢度環境非常之闊落，放嘢食嘅地方擺放又好整齊，都係放晒喺雪櫃裏面，感覺到好衛生👏🏻到我哋一坐低嘅時候，店員就好快上前招呼我哋，咁我哋今日呢就揀咗個小辣嘅雞煲，仲有今日特別嘅海鮮拼盤係免費送俾我哋食，海鮮拼盤呢分別有鮑魚、生蠔、蝦、帶子、魚片同埋黃蜆🥰打邊爐食嘅時候都幾新鮮咁個雞煲就好快送到黎，店員仲幫我哋炒咗兩炒，之後仲教我哋每隔一陣就要炒多次，咁好快就食得💕D雞好入味，而且好嫩滑，加埋啲配料洋蔥芫荽芹菜，味道正宗一流，重點係雞煲都係任食‼️‼️食完雞煲之後，我哋就可以換成打邊爐，可以選擇加錢換過一個新嘅煲，或者請店員幫我哋將雞煲嘅嘢全部撈起，之後就到個新嘅湯底落去，佢湯底都有三種，我哋就揀咗蕃茄湯底，佢嘅湯底唔似外面淨係加水，個湯底蕃茄味真係好濃郁😎👍🏻外面有一個調味吧，可以自己出去調自己鍾意嘅醬料佢食物都好多選擇，肥牛同豚肉都可以任叫，仲有丸類同菜類都好多選擇，松露小籠包係一款幾特別嘅丸，食落去有淡淡的松露味，裏面嘅肉汁都好正😆魚皮都係一個打邊爐好好嘅組合,加埋豬皮魷魚落個雞煲度頭就更加入味同好食👍🏻另外佢飲品櫃都好多選擇，汽水涼茶同埋仲有解渴解油嘅茶類飲品👏🏻最後仲送咗個黑糖白玉涼粉做happy ending,淡淡的黑糖味，完全係可以令到淡淡的黑糖味，完全係可以解膩‼️…查看更多