hongkongergdfoodie的个人专页

爆辣冷麵（元朗）冷麵簡直就係我既童年回憶，以前細個食一包冷麵就當一餐，依家識得賺錢就緊係要食得豐富啲！見到呢間咁出名，忍唔住要食下！好有心既小店💛即叫即整！1. 爆多蟹籽冷麵：真係名副其實嘅爆多蟹籽！撈完之後，都真係每一啖都有仲有好多蟹籽！口感一流！真係好鍾意食蟹籽！2. 爆炒雞軟骨：冇諗過一盒嘅份量多到咁樣，平時去食串燒，呢一個價錢最多只有兩串，呢一盒野我覺得係最抵食嘅嘢！配啤酒簡直係一流！重點佢係炒得勁香之餘，唔會覺得好鬼油！3. 蟹籽沙律：呢個沙律令我好驚喜，因為其實我唔鍾意食青瓜，但朋友係咁話要食沙律！多蟹子粟米同埋一啲餸都唔係重點，重點係竟然佢咁樣撈埋一齊，再加埋啲沙律汁，我竟然唔討厭食青瓜，仲係咁食！4. 爆辣炒飯：辣得好惹味，有好多唔同既餸係入面，每一啖都好似開緊盲盒咁，唔知會配到咩餸嚟食！好好食！仲有…炒到好乾身，正！5. 袋裝撈麵：撈麵汁好唔好味，完全搵到童年嘅回憶！我揀咗中學嘅時候最鍾意揀嘅腸仔、蟹柳、粟米同紫菜，重要嘅嘢要講三次，正！正！正！6. 賽螃蟹杯麵：好鍾意食賽螃蟹，完全冇諗過可以賽螃蟹撈冷麵，及落去神奇地好食，甜甜地鹹鹹地，力推呀！食完覺得自己做返中學生！…查看更多

去到尖沙咀，諗唔到食咩，咁岩向上望見到香香宮煮，好似幾特別就上左去！由於我係下午茶時間黎，無咩人，可以比我慢慢食！正！位置好闊落！仲有門面好特別，好靚，成個宮殿咁，仲有衫比係著黎打卡影相。坐低見到個餐牌，好特別！第一次餐牌都忍唔住影！以為自己接左聖旨！醬油都有心思，又係好靚！我叫左個卜卜蜆鍋！一黎到有啲失望，因為我唔食芫茜，點知成煲都係！眼見得幾粒蜆成煲茜！好彩同伴都唔好茜，大家好落力咁夾起哂啲茜！之後好驚喜！因為成個底都係蜆，多到最後係食唔哂！呢個湯底真係抵到喊！叫左個安格斯牛，又係驚喜之作，啲牛味好重，好嫩口，同伴腸胃唔好，食牛要碌到成個湯底都滾先敢食，但塊牛依然好好食，好嫩口！真心推薦！之後叫左魚唇，其實第一次食，黎到以為花膠啲fd，有啲失望，點知佢令到成個湯底勁鮮甜，口感仲好正，以後打邊爐都要識叫呢樣野！餃子拼盤預左係正野，因為手工餃子都唔會差，果然無錯！啲蟹肉餃係真係見到蟹肉，雲吞係成隻蝦！好好食！唯一無乜驚喜係個鴨血，係乜味！但都係好嫩滑！好似唔係叫好多野食，但最後係食唔哂！非常滿足既一餐！！！…查看更多

成日去荃灣都係食路德圍，雖然好多野食，但已經食到厭！今日行去行左南豐紗廠，決定喺呢頭附近搵吓有乜好食，網上面見到呢間都係幾高推介！🍵抹茶鮮奶：口感豐富，抹茶味濃厚，唔會好甜，飲完都唔覺罪疚☕️天然蜂巢咖啡：佢地好細心將咖啡奶同蜜糖都分開，因為奶同咖啡都係熱，如果太早加蜜糖，飲起嚟會變酸，諗得非常之抽到！🍛烤慢煮豬肋排配飯：豬肋排啖啖肉，配上烤汁非常惹味！本身唔鍾意食飯嘅我，都將所有飯食晒！🐟蒲燒鰻魚滑蛋飯：啲蛋仲可以好嫩滑，配上紫菜同鰻魚汁，好好味！而且呢條鰻魚都好大條，又好夠厚身，非常之滿足！對我黎講，最重要係價錢方面好合理，環境又舒適，會再去嘅餐廳！…查看更多

入到餐廳就見到好有心思既裝潢！好欣賞全院滿座下面嘅酒瓶，威士忌上面嘅貼紙別具心思！感受到老闆同老闆娘幾恩愛，亦感受到對香港嘅愛❤️由於叫主食只需要加20幾蚊就可以有一杯奶昔，於是試咗呢杯櫻花奶昔。本身都喺度諗櫻花嘅奶昔應該冇乜味，點知又真係好重嘅櫻花味，翻起咗我嘅少女心💓 煮食方面叫咗一個MK風鰻魚蛋包白飯，另外一個就係炸魚薯條。我覺得好高水準！MK 風鰻魚蛋包白飯：鰻魚一啲都唔細塊，鰻魚汁配得好好，而且加埋木魚，一上菜就已經聞到好香嘅味道！而蛋包飯亦做得好好，好怕啲蛋整得好老，而佢啲蛋仲可以好嫩，配埋啲汁好開胃！炸魚薯條：炸魚令我好驚喜，我覺得好食過西環名物嘅炸魚，炸粉唔會好厚，而且炸完之後唔會同舊魚係分離嘅，切開完之後依然係融合埋一齊，唔會覺得食緊炸粉同魚，非常之香脆！好值得一試！呢間餐廳除咗見到好有心💛之外，仲好有良心，係山林道開嘅一間小店，價錢非常實惠，食咁多嘢都只係$200！…查看更多

身為阿仙奴嘅球迷，呢間餐廳想去好耐！一入到去已經心心眼😍見到有一家大細一齊著阿仙奴球衣！Set dinner有前菜🥗沙津：好新鮮嘅沙律菜，配上黑醋，好開胃！🥖蒜蓉多士：好香口，蒜蓉咪啱啱好！細細舊，唔會食飽你！🎃南瓜湯：好足料，一聞就聞到南瓜既甜味！🦞波士頓龍蝦配美國西冷牛扒：龍蝦新鮮爽口，好鮮甜，加上芝士焗既，好唔開心只得半隻😫牛扒方面：牛味都唔錯，如果唔好咁熟就更完美！🍝卡邦尼蟹膏意粉：呢個意粉好出色，賣相未算好吸引，但味道簡直顛覆左我對卡邦尼既印象！多左一陣蟹既鮮味，簡直令我食唔停口！🥞疏乎厘pancake：口感有係日本食既感覺，係我係香港食咁多次之中口感最好既一次，不過配菜多啲會好好多，建議唔好慳12蚊加個雪糕球🍨而我就衰在慳果12蚊！…查看更多

濱松町日本料理既德成街，我覺得行果條街都已經幾有feel!🇯🇵CP值超高日本餐廳，兩個人加埋一次$605，但食到超飽！🇯🇵食物新鮮，有好食款式！🇯🇵服務好好，就住你食野速度上菜！抗疫二人前抵食到你唔信，$550加一！有青瓜沙律，不過我唔食青瓜，有刺身，五款，每款兩件！壽司有10件，鯖魚我好欣賞，好香口，又唔老！牛扒就一般般，個汁出事！煙肉卷入面係荔枝，中和左個鹹味，好食，啲烏東好qq,我鍾意食既烏東，仲有甜品！…查看更多

掌門精釀啤酒 #zhangmenhk 🍺有20款手工啤去揀，太多選擇唔識揀，職員好好咁按你口味去介紹，我呢個選擇困難症聽完仲更加1516，佢直頭比我試飲😋🍺叫左杯美梅幾歲，有16%酒精，飲到唔知自己幾歲🍺掌門出招拼盤（二人）睇落唔算多野，但最後二人食剩少少，啲野食好好食，炸牛腩好出色！仲有軟殼蟹，又係好好食！芝士波食到外脆內軟！超香口，薯角就無咩驚喜，正常發揮！真係無諗過咁好食！啲酒都好好飲，一定有下次！…查看更多

雲魅既米線完全適合打卡🍜城景米線，食個米線都可以有景睇！頓時覺得自己高級左！真係好chill既感覺！食住米線，見到人地搭直升機，又即刻覺得自己低級左！🍜成個套餐好靚，有埋打邊爐既感覺！🍜有我最愛既番茄湯底！仲要有咁多配料！我好喜歡番茄湯底，但呢個湯就真係太酸！不過我唔好既，連啲肉燥果啲都掉哂落幾，如果唔係，應該好食啲既！配料既新解度就一般啦！有一樣唔知咩肉，好似炸過，再放落湯到，好奇怪！！！…查看更多

尖沙咀呢間有1969年做到而家，真係歷史悠久。啲野食都好好食！食左個他他，我覺得好好食！呢個ham既意大利，我覺得麻麻地，啲飯嗰啲林得濟，好似食緊燴飯咁！牛扒就煎得好靚！不過牛味唔夠！甜品就甜到打冷震！…查看更多

香港呢間舖頭，覺得一定要支持一下！全部夥計都好年輕，佢哋都會願意解答你嘅問題！本身我都好鍾意食餃子，味道還可以！反而係個酸辣湯有少少失望，好唔酸辣湯嘅感覺！我加$15要酸辣湯，啲湯有啲少，變咗好似食撈麵咁！不過我同啲職員講，想要多少少湯，佢哋都好願意比！…查看更多

新達之無啖口食，去左八番屋食牛舌飯，其實都燒得幾香！不過3去牛舌送一碗飯黎食，係一舊分開左好多啖！諗住食下日本野最後覺得食頹飯like佢fb可以送杯茶😂80幾蚊落到樓…查看更多

呢間野一早訂咗位，諗住準時去到可以準時入座，上到去多人到嚇親，直頭車立都出唔到。終於逼到入去，點知book咗枱都要等位！等緊嘅時候，見到有人等到好唔舒服，就快要暈低，最估唔到嘅係嗰個人繼續等位！咁我就知道呢間野一定好好食啦！見到飲品有好多款，我最鍾意冰糖燉檸檬！真係覺得飲完之後自己冇咁熱氣，飛滋都冇咁痛！除咗冰糖燉檸檬，仲有碟豆花茶，洛神花茶，薄荷烏龍茶！最令我印象深刻嘅，就係啲牛，啲牛放耐左都覺得好好食！食左勁多！啲質素非常之平均，啲碟都咁靚！湯底都幾好，我叫咗藥膳湯底！…查看更多

約咗6:00食晚飯，早咗少少度，打算早啲入，點知職員唔俾，都體諒嘅。點知去到六點再返去嘅時候，門口已經有一大堆人，之後全部排隊等入去食飯，真係好多人。入到去，裝修好好，好舒服，枱與枱之間唔會好近，傾偈一流。去到西班牙餐廳，點可以唔叫Shangria! 自己本身唔鍾意玉桂味，所以有啲怕飲呢隻酒，但呢度嘅Shangria冇乜玉桂味，我直情飲唔到有玉桂味。所以我覺得幾好飲。開始嘅時候叫咗個多士，一上菜以為係叫咗他他，點知原來上面嗰啲係蕃茄，下面有啲油！我鍾意食蕃茄嘅，但覺得味道一般啦！之後叫咗個52個月嘅ham，都諗住會好鹹㗎啦，話晒都52個月，就係想試吓佢有幾鹹！一嚟到見到超級多肥肉，勁多油喺面頭！食落口可能因為好多脂肪，開頭食落去係唔係好鹹，越食越鹹，但呢個行到我覺得可以接受，反而唔係咁鍾意好多根！再叫咗個豬仔髀？味道唔錯，黃色嗰一啲係番薯蓉，我自己覺得幾好食！呢度最後落樓先400多元，幾抵食，其實本身叫咗個西班牙飯，不過最後佢冇幫我哋落到order，所以先咁平！…查看更多

今日晏晝唔係好肚餓，於是去咗爭先鮮買啲外帶壽司。買左10件先30蚊，依家要30蚊食個午餐都難！當然…佢啲壽司你唔會有好高要求，但3蚊一件都算係咁，有咁多選擇！不過今日一揀既時候，發現比之前細舊左，都幾明顯，變相加左價！不過都係果句，3蚊算係咁啦！芝士蟹子係我必要嘅壽司，我覺得口感好好，仲有好濃嘅芝士味！其他其實都係唔係好差嘅，因為有唔同嘅醬料係上面，所以食落去又未去到唔好食。反而啲飯就真係好散，點完豉油啲飯已經跌晒落個碟度。…查看更多

呢間新開既餐廳，好full!因為廚師夠猛料！咁犀利…真係要試吓！環境唔錯！裝修好靚，不過我厭啲音樂太嘈！加埋食客都好大聲，成晚覺得好嘈！叫左唔同既食物！食左個蠔！佢個蠔夠新鮮，配佢個汁都好食既！佢個汁配得幾出色！酸酸地，帶到個鮮味，又唔膩！之後叫左個刺身，呢個真係麻麻地，鮮味唔夠，好淡，加埋個汁，搶哂原先既味，直頭覺得淡味！再叫左個炸雞，好靚咁，但我唔係好食得出個特別位！點完個汁食，都係普通既炸雞，唔抵食！反而，最後碟牛，面頭一堆菇，好唔吸引，但呢個最出色，好香，夠嫩，熟度岩岩好！正！…查看更多