pay1982的个人专页

傳統茶記的裝潢,售賣的也只是傳統冰室的食品,沒有甚麼新穎食物,也能吸引那麼多人光顧,這便是實力的證明~一個常餐,牛肉通粉+菠蘿油+餐茶=$29,這條方程式好像已成各大茶記冰室的公式;牛肉通頗有誠意,清湯裡加入了薑絲,味道更清新,此為坊間已很罕見的做法;牛肉有肉味,且為數不少,誠意可嘉;菠蘿油也算不錯,牛油頗香,但與金華相比似力有不逮...奶茶非常好,茶味香口,非常突出;$29不算便宜,也不貴,但見到收銀姐姐滿口笑容及答謝,便覺很值得了~…查看更多

與友人吃下晚飯,心血來潮到跑馬地品嚐甜品,從未在此吃過甜品,友人誠意推介,非試不可,便由他吧;地方小小,不太多人,坐下便有服務生招呼,友人推介蓮蓉西米焗布甸,熱呼呼的,蓮蓉熱吃,很好味,甜而不膩;西米布甸也軟,這配合真要直豎拇指!!!$22便能吃了一頓美味甜點~…查看更多

國難當前,匹夫有責,更何況涉及下一代!?更要站出來!!!但出來發聲前,先要好好裝備好自己...地方不大,有點狹窄,服務生很殷勤;要了下午茶餐中的焗肉醬意粉,份量適中,肉醬味道不俗,意粉也不硬,兩者混在一起叫人滯足,若再多點芝士會更好;加上餐茶,$34,不俗的價錢~吃飽了,向政總出發!!!…查看更多

一行三人,到東江晚飯,正值7:30,頗多人,雖找到一張三人桌,但由於地方不大,太擠迫了...坐下後二話不說,即點了半隻東江雞,炸大腸,梅菜扣肉,豉汁涼瓜;東江雞雞味十足,且不太鹹,肉質很滑,不愧為招牌菜;炸大腸很脆,香口,佐酒一流;梅菜扣肉乃客家菜精髓,扣肉有了梅菜味,兩者配合非常好,單是此菜已叫人吃了兩碗飯;涼瓜甘而不苦,豉汁味十足;這裡的姐姐不時問我們會否太迫,懂照顧客人感受,每人$120,抵!!!…查看更多

與友人飯聚,要了個晚餐,牛肝菌汁雞扒飯,紅湯頗淡,嚐不出味道;雞扒尚可接受,肉軟有味,汁伴飯也見不錯;奶茶尚算可接受,茶香奶滑;友人要了西多士,他最早先來到先點菜,但到我吃完整頓飯也沒來到,超過半小時也沒完成,最後友人忍無可忍,待我把茶喝完便憤而離開,實在太差了...…查看更多

到香港仔工作,午餐時到了森記;非常多人,很不容易才找到位子;要了咖哩牛腩撈丁,牛腩很腍,質感不俗,但咖哩不夠味,丁硬度適中,但由於咖哩汁不濟的緣故,有點浪費了牛腩與丁的感覺...奶茶一般而已,味道較淡...共$38,略貴...…查看更多

有事要到東頭村,見時間尚早,只是11點左右,就去吃點東西...大牌檔格局,見位便坐,先開茶,香片,普普通通,不算太香,茶味不突出...想吃燒賣,鳳爪,奶皇包其中一樣,但統統售罄...鳳爪排骨飯呢?沒有鳳爪,只有排骨...最後要了一盅排骨飯及一籠鮮竹卷...排骨飯不俗,但肉汁不夠...鮮竹卷大大條,料多,味道也不錯,但芡太稠...整體而言,此等小店值得大家支持,但自己也要爭氣才行...…查看更多

一間舊式茶記,座落於觀塘舊區,冇華麗裝潢,亦冇多花款食品,但都可以屹立不倒多年,應該有其可取之處...睇到餐牌,價錢都唔算平,可見香港地物價上漲得幾咁嚇人...要咗沙爹牛肉飯,唔算好大碟,牛肉幾稔,但就冇乜肉味,沙爹汁都算唔錯,幾濃;奶茶係精髓,茶香奶滑,正!!!盛惠$30,希望仍佢地可以繼續屹立多幾十個十年啦!!!…查看更多

與同事lunch,去太子冰室,午飯時間好多人,好彩有位,係逼咗啲...服務算唔錯,唔會坐好耐都冇人理...要咗焗豬扒飯,個紅湯好普通,平平無奇...個飯...豬扒好差,好似冇味咁,同就咁喺雪櫃拎出嚟解凍直接放入去焗一樣,勁淡,飯有少許硬,好難食...奶茶都只係普通而已...一句講晒,唔合格!!!…查看更多

以前喺外國讀書幫襯過,一路都好懷念,而家進駐香港,正!!!一杯85度C咖啡,只係$14,但質素好好,好滑,咖啡味濃,唔太甜,飲得出各樣比例配合得好好,真係好值得推介!!!唯一要彈,就係地方唔夠整潔,否則會更好~…查看更多

一早到竹園工作,搵早餐食,見有類似冬菇亭嘅物體,決定一試~入到金大班,叫返個快餐,將脆豬改厚多,火腿奄列+沙爹牛麵+凍奶茶;厚多幾脆,牛油香,奄列都唔錯,幾夠蛋香;沙爹牛略嫌牛肉太老,麵太稔...杯茶都過得去,普普通通...11點冇乜人,地方夠大,好多位,坐得尚算舒服,如果啲阿姐多返少少笑容會更好~…查看更多

要去尖咀見客,成2:30都未食lunch,就去食個tea先...上到去,揀咗張近水吧嘅卡位坐,但唔多夠冷氣...坐咗好耐都冇人落單,揮晒手佢地見到,但一個推一個,好耐都冇人嚟...卒之等咗一排先有人落單...肉醬意粉,係唔錯,肉粒都幾多幾大粒,焗得幾香,又唔會太多芝士,正!!!杯奶茶就麻麻,唔滑,又淡...$33,食物OK,如果改善下服務會好好多囉...…查看更多

去慈雲山工作,趁11點見仲有早餐,就入去...唔算多人,好多位,坐低即時有人落單,沙爹牛麵+餐蛋+凍奶茶,麵稔得滯,牛肉夠晒沙爹味,餐蛋就冇乜特別,杯茶就幾好,茶香奶滑,盛惠$24,抵吖!!!好,食完,開工喇!!!…查看更多

入屯門見客,見客前醫醫肚...喺華都見有間茶記,就去試試...地方細細,有啲逼,叫咗個咖哩牛腩飯,有湯&奶茶;湯飲得出冇味精,青紅蘿蔔豬骨,唔錯;個飯幾大碟,咖哩幾香,唔辣,略嫌牛腩唔夠稔...杯茶好香好滑,掂~呢類街坊小店,她值得支持!!!…查看更多

約咗FRIEND喺旺角食LUNCH,佢揀咗佳記;同一條街有兩間,約人時要講清楚...LUNCH時間,超多人,好不容易先搵到兩個位;友人話燒味出名,聽佢講要個四寶飯;有叉燒,燒肉,紅腸,燒鴨,仲有鹹蛋,都尚算大碟;燒肉幾好,皮脆;反而鴨就太鹹,叉燒太瘦...杯奶茶普通,平平無奇...凍飲要加成$3,盛惠$43,都幾貴...唔好望坐得舒服,更唔好望乾淨...總括而言,普通而已...…查看更多