射喱也的个人专页

朋友看了專欄，專程搭車來吃午餐。星期五中午約一時來到，餐廳坐位唔算多但都有一半空位。友人叫了豬頸肉撈丁，我就叫了雞扒撈丁，兩人都叫了凍奶茶小甜。先來凍奶茶，叫咗小甜，張電腦入菜單都打咗小甜，但來到就勁甜:(雞扒撈丁，將出前一丁鋪在一個類似蒸籠的籠上，下面通窿，所以啲麵好快乾了。上枱時丁麵已撈了相信係餐廳自己溝的醬汁，味道類似日式燒汁，但就勁甜，仲以為自己吃緊甜品隨麵上的一碗所謂湯，就超勁胡椒粉味，唔知佢要辟乜嘢味。好辛苦先吞咗碟甜的麵。可以將我至愛的出前一丁整到咁難吃，可謂極高難度。…查看更多

由於 Bonheur 一早爆滿，於是選擇同一大廈又從未去過的Twyst。我同另外兩個朋友都是第一次來，星期五的夜晚出奇地發覺冇乜客，同樓下的 Bonheur 和 Fusion on 5/F 有強烈的對比。我頭盤要煎鵝肝，味道都幾好，但略嫌煎得未夠香口。朋友要左芝士蟹蓋，幾好食，夠真材實料。頭盤後有龍蝦濃湯，味道好濃，不過只得一丁點的龍蝦肉，湯的份量亦嫌太少。主菜我要 prime rib eye，佢唔似平時在其它地方的 rib eye，反而好似燒牛肉，上碟時已經幫你切埋。份量好少，肉好「淋」，唔可以話佢唔好食，但我心目中的 rib eye質感同賣相唔係咁。朋友要左煎野生三文魚，朋友話味道的確同平日吃的養魚不同。三人甜品都不同，爙杏仁卷、自製 parfait 及心太軟，冇乜特別。侍應好有奈性同你講解食物，態度好好。這裏價錢同 Bonheur 不煌多讓，但食物份量及質素就差一截，應該唔會再來。…查看更多

16號同一個朋友在這裏食lunch。兩人頭盤都要buffet，沙律和cold cut 都有好多選擇，味道同質素都好好，結果樣樣食D都已經飽哂。其中一款頭盤好似成個羅白糕咁，原來係薯蓉，幾得意。主菜我要咗海鮮意粉，個意粉沒有汁，只用橄欖油同蒜蓉撈，海鮮有蝦、尤魚及帶子，切到好細，所以感覺料好少。意粉幾彈牙，做得唔錯，但個人就不喜歡沒有汁的意粉。朋友要左 milanese style牛仔肉，order 時唔知乜野係milanese style， 來到先知係好似吉列咁，外面用麵包糠包住塊好薄的牛仔肉炸，上碟並沒有醬點。用這方法做的牛仔肉可以想像好食極有限。甜品要buffet。有西瓜、芝士、tiramisu及蘋果蛋糕。蘋果蛋糕冇乜特別，tiramisu不過不失，落得唔夠mascarpone。我要左杯 cappuccino，幾好飲呀。餐廳環境幾好，涼天時和一眾朋友坐室外聊天會幾寫意。 …查看更多

和三個朋友吃晚餐，全部人要 set dinner。頭盤是煙三文魚沙律，煙三文魚可以，個沙律就係蘋果撈卡夫奇妙醬，茶餐廰的水準。主菜我要咗牛柳配鹅肝，要"七成熟"，來到時發現件牛柳似舊黑炭，表面看來已經好硬，切開後見到入面已乾晒。明顯係過熟，比well done更well done。再看兩個朋友叫的羊鞍，同樣要七成熟，但表面卻仍然濕潤粉紅。找來個看似高級的captain問佢點解件牛柳咁熟，佢望吓件牛柳，跟住佢話入面仲有小小粉紅色，所以係啱啱好"七成熟"。冇錯，件牛柳的入面確仲勉強看到少於十分一體積的粉紅色，但成件嘢有超過九成被燒到似柴皮，冇哂水份。見佢仍死撐，我就話佢餐廰的標準實在與眾不同。朋友跟住就指住自己件的羊鞍，問個captain咁又係幾成熟？個captain話係"medium" (唔同你講幾多成！）。朋友話佢知，牛柳和羊鞍同係要"七成熟"，問佢點解熟的程度差咁遠。個captain於是話可以幫我朋友煎熟D件羊鞍!!! 至於塊柴皮牛柳，佢就仍然話係啱啱好"七成熟"囉！無它嘅！咁就唔洗俾個塊你啦！…查看更多