Foodie_lhm's Profile

今次已經係第三次食呢間餐廳啦～真係極推薦俾想食韓國菜既朋友仔🤤雖然佢已經都幾出名，大約7點都已經有人龍排緊，所以每次黎都要早啲黎先唔洗排咁耐😌落單後，店員會先送上三款前菜：芽菜、泡菜&豆角。全部都醃得好夠味，最鐘意都係泡菜，夠曬辣😋土豆煎餅（$99）呢個真係出乎意料地好食! 佢係將土豆刨成絲，再煎到脆卜卜嘅一塊薄餅，食一啖食緊好多條薯條咁樣，但又唔會覺得好油膩，下次會encore😍燉豬肉陪飯（$138）天氣凍就最啱叫下熱湯類，個湯清清地，可以另外自己落調味，我就鍾意原汁原味多少少😌食住其他辣辣地 有調味過嘅菜式，然後返返嚟飲吓清少少嘅豬肉湯，好夾🤤仲要入面其實有勁多韭菜同埋豬肉，好足料，食到勁飽🤣炒年糕（$85）呢份炒年糕味道好正宗，甜甜辣辣，又煙韌，不過我最鍾意都係入邊啲魚糕😝韓式炸雞（$120）食韓國菜點可以唔嗌炸雞😙呢間餐廳嘅炸雞炸得有水準，外皮薄脆，唔會厚粉，而中間嘅雞肉仍能保持佢嘅嫩滑juicy，完全唔會覺得油膩，配上甜辣醬食就更開胃啦😆 濟州柑橘生米酒（HH$105）趁着夜晚7:30前係happy hour，會平小小😌呢間餐廳有好多款米酒，呢款清清地幾易入口，酒精度數應該唔係太高，啱晒女仔飲啦最緊要係呢度環境都幾舒適，兩個人去食都唔會坐得太迫，可以好好享受好味既正宗韓國料理😌…Read More

放工同朋友去尖沙咀食飯，早小小想搵個地方chill chill 地傾吓偈，就嚟咗食串燒😌餐廳裝潢十分日式，早啲開始食，避開繁忙時間，坐得舒服，氛圍唔錯～🌟 A5和牛薄燒（$168）呢個係我最期待嘅一個串燒，好耐冇食和牛。以呢個價錢食到三塊高質嘅和牛，性價比唔錯👍薄薄既和牛經過燒烤後，可以食到滿口既牛肉油脂感，好幸福🥳🌟 炸芝士年糕（$48）呢個係我嘅最愛🤤一咬落個年糕，就感受到年糕外脆內煙靭嘅口感，入面啲芝士仲好熱，好流心添～不過食嘅時候要小心啲啦😝🌟 露筍豚肉串（$32）雖然只係簡單用豚肉片包住蘆筍，但係味道意外地夾😋豚肉片厚薄適中，燒得均勻，食到微微嘅焦香味，配上爽脆露筍嘅清香中和返，唔錯唔錯🤓🌟 煙肉蝦卷（$32）煙肉蝦卷同樣係一個好特別嘅配搭，平時好少見。外層嘅煙肉同樣燒得十分鹹香而脆，食得出本身煙肉嘅油脂味，包裹著鮮味彈牙嘅蝦肉，好味！層次豐富🤤🌟 帆立貝（$32）帆立貝燒得啱啱好，外面小小脆，內裏十分鮮味，配上特製醬汁👍🌟香蔥吞拿魚卷（$98）唔好以為剩係得吞拿魚同飯，呢個卷物同樣值得一試架！當然我最鍾意都係上面鮮味既吞拿魚蓉既😝…Read More

好掛住日本，未去到當地食之前，就唯有係香港發掘好味日本餐廳～呢間居酒屋裝潢十分出色，一入去就好似置身日本，好有feel。居酒屋食物選擇都好多，主食、刺身及串燒等全部都有齊，我地就每樣試下。🌟海產細味六杯子（原價$341，折後$239）呢款主打三種海產：海膽、生蠔及拖羅，盛在小酒杯上，再加上美輪美奐嘅燈光效果，真係好靚！😍好啱影相打卡！每種海鮮杯一式兩份，兩個人share食啱啱好！全部海產都十分鮮味，我尤其鍾意生蠔， 真係好滑好creamy！😚🌟巨無霸蟹蓋飯（原價$527，折後$369）真不愧為稱巨無霸，隻蟹同個碟差唔蟹一樣大，真係好驚喜！啖啖肉，仲有蟹膏，好滿足🤩而炒飯亦炒得唔錯，粒粒分明，配搭之下進食，十分惹味。😉🌟鴛鴦翠玉瓜（$22）簡單既燒翠玉瓜上加上明太子醬及芝士，好新穎既配搭，但亦如預期中咁好味，而且燒得好出色，翠玉瓜依然保留到佢嫩滑清甜既味道口感👍🌟豚肉年糕（韓式辣醬）（$48）外層豚肉燒得好軟腍好入味，帶有鹹香，而中間就包裹住軟而煙靭既年糕，nice match🥳🌟蜜桃烏龍熊茶（$58）蜜桃烏龍茶加上「熊」冰，靚靚打卡之餘，望住個熊仔慢慢溶化都幾有趣，😍最重要係熊仔冰都係用蜜桃烏龍茶製成，溶左都唔洗驚飲品味道會變淡🥳烏龍茶味清香，加上清甜既蜜桃味，好refreshing😋🌟北海道士多啤梨牛乳乳酸（ $48 ）朋友呢杯就酸酸甜甜，好開胃，佢都好鐘意😉…Read More

平時成日去連鎖餐廳食炸雞 ，今日咁啱見到長沙灣有另一新選擇，一於試下新口味。🤣餐廳沒有堂食，只做外賣，不過選擇都唔少，有多款炸雞、小食及飯類，亦有set 可以揀，唔洗$50就可以試齊雞+飯+飲品。 😍不過我地想食多啲雞，今次就淨係單點左炸雞加小食！最驚喜係唔洗等太耐，大約10分鐘就拎得。👍🌟雙重享受炸雞（無骨雞件）（$166）第一次食當然想試多啲味，我地揀左雙拼半份甜辣味&半份蒜香醬油味。炸雞即叫即炸，拎上手仲係熱辣辣既，要快啲趁熱食！炸雞份量都唔少，仲要每件雞件都大大嚿，好正😽而且炸得水準出色，外層炸皮鬆脆，而內層仲仍然保持到嫩滑嘅質感，唔會乾/鞋，加上大量醬汁，所有雞件都好入味，🥳甜辣味甜甜酸酸，唔會太辣，而蒜香醬油味偏鹹香，兩款都十分惹味！😋如果一定要比較既話，我地都覺得蒜香醬油味係必試既！🤤跟餐仲有得揀一罐汽水。🌟芝士酥炸魷魚（半份）（$38）魷魚都係即叫即炸，同樣炸得出色！🤩香脆外層包裹住彈牙既魷魚，十分有咬口～加上外層既芝士粉，十分滋味！😚整體而言，呢間店既炸物都十分出色，炸得有水準之餘，份量都足，性價比高，🤓如果係附近買飯，平平地買個唔洗$50既豐富set，真係好抵食！😉即使外賣返屋企亦都方便，見到店舖仲有加入到外賣平台，唔洗落街都訂到～😆…Read More

好耐冇食過火鍋同燒肉，今次終於搵到一間可以一次過食晒兩款嘅餐廳，仲要可以一個價錢包100分鐘任食，😍放工後一於同朋友嚟試吓。任食套餐有三款選擇，我哋揀咗價位中等個款（新鮮農場靚牛串串套餐$298），可以試吓啲靚牛同海鮮。😌黎食四川火鍋，當然要試麻辣湯底😜，但係為咗照顧唔係好食得辣嘅朋友，我哋揀咗小辣，另外加$30轉鴛鴦湯底。麻辣湯底麻香十足，最特別係用左茶湯底，感覺上會冇咁膩，🤩而養生雞湯亦十分足料，湯底撈起嚟仲見到唔少嘅雞件同菇菌，十分清甜。😉跟餐既海鮮拼盤十分豐富，有蟶子、海蝦、鮑魚、蜆及花甲！😍最好食係蟶子&飽魚，蟶子十足鮮甜，而鮑魚就鮮味之餘，亦十分彈牙！🤤跟餐仲有牛頸脊及牛小排，兩款同樣油脂分布靚，牛味濃，🤓特別推薦燒肉食法，可以輕易燒得靚，食到更濃牛味及油脂既香味！🙌🏻自助區十分驚喜，估唔到有咁多款選擇，除咗有豬牛羊烤串外，亦有魷魚等海鮮，仲可以任拎豬牛羊肉片、涼皮及蔬菜等等。😻牛肉黎講，當然係跟餐嗰份牛肉最好食，但係自助區嗰啲都OK既，特別推薦薄荷牛肉及香菜牛肉，兩款牛肉都係捲着配料，為香濃既牛肉增添一份清新嘅味道，好夾！🫶成個過程真係可以冇停過，一路打邊爐，一路燒肉，長期都忙着食嘢。🤭店員服務都幾好，間唔中會過嚟幫手收走啲碟，又主動幫我哋換烤肉紙，令我地隨時都ready 繼續進食。😋而飲品方面亦值得一讚！呢度嘅汽水全部都係玻璃樽汽水，氣泡感十足！另外仲有平時少見嘅飲品，例如紅茶花伝既蜜桃紅茶及0脂0卡0糖既汽水，超正！👍…Read More

疫情放寬後又可以去多啲餐廳食下飯，最近咁啱要食生日飯，就一於同朋友嚟咗呢間日式鐵板燒餐廳慶祝吓。🥳餐廳環境十分舒適，空間感十足，坐得十分舒服，如果可以安排到吧枱位，仲可以望住師傅即時鐵板燒～🤓今次第一次嚟，我哋就揀咗個價位中等嘅set（三日月極上一人前鐵板燒 $798），試一試個水準。🧐🌟前菜三小點左邊係煙燻雞肉刺身，真係食得出淡淡既煙熏味，沾上檸檬汁後，更添鮮味，好夾。🤩而中間既茄子味道好入味，有啲甘甜。😋右邊既係絹豆腐味增，質感軟綿綿， 十分嫩滑。🌟刺身三點刺身有吞拿魚、大蝦及油甘魚，全部都十分新鮮，吞拿魚同油甘魚都好厚切，魚油甘香，好滿足～🤤🌟海葡萄沙律沙律菜十分新鮮，配上清新爽口嘅海葡萄，好開胃。😍🌟季節時令生蠔生蠔十分肥厚，質感creamy，海水味較淡，鮮甜味較出。😆🌟鐵板燒北海道帆立貝帆立貝大大粒，師傅燒得好有水準，富有牛油香，放入口中，可感愛受到實淨口感，而又保留到帆立貝本身嘅水分，入口十分Juicy 。😌🌟茶碗蒸茶碗蒸出乎意外地好味！質感超滑！😍內裏仲有大大粒嘅三文魚子同埋木耳，層次更豐富。🌟深海野生白鱈魚鱈魚煎得十分香口，外層脆而內層型十分滑嫩，保留到原有既魚汁，十分鮮味。✨🌟和牛封門柳 & 鐵板燒日本野菜和牛肉質嫩滑彈牙，充滿肉汁，牛味濃，放入口中甚至可以感受到入口即溶嘅滋味，好幸福！🥰可以配合蘿蔔黑蒜汁 、麵豉醬或麻醬食用，又多一重口感！😚而野菜同樣燒得十分出色，鮮味而唔會過乾。🌟鐵板炒飯呢個炒飯應該話係櫻花蝦炒飯，啖啖都食到鹹香嘅櫻花蝦。炒飯炒得十分有水準，乾身得來又有口感。😆店員提醒我哋食咗一半之後，可以加入高湯，製成茶漬飯，又係另一番風味！😉最後仲可以飲埋個味增湯，食下飯後甜品豆腐雪糕。😎成個食飯過程真係好享受，餐廳上菜速度適中，唔會好快上晒所有菜式，進食嘅速度十分舒適，唔使趕住食，享受美食之餘，亦可以同朋友聊天。🥳…Read More

好掛住仲有得食晚市嘅時候～上年12月嘅時候仲同朋友黎左二鍋頭晚市打邊爐😻諗番起都開心 呢個價錢任食兩個鐘抵到不得了!雞煲好惹味 有得揀唔同辣度～怕辣嘅我地揀左小辣，食落都好有風味👍🏻啲雞唔會咬極都係得啲骨，食落啖啖肉岩哂我地呢啲食肉獸。店員都好好，定時會走黎幫我地炒雞🤣老板都好好人，見我地食得咁滋味就推介埋我地一支舖頭新番做緊優惠價嘅sparkling wine🥂飲落甜甜地好易入口，但同雞煲唔算話好夾🤣不過老板話之後都會繼續番啲唔同類型嘅酒，到時可以再encore~食完雞煲就可以轉火鍋🍲見雞煲比較濃味，我地火鍋就揀左清淡啲嘅清湯豆腐鍋做湯底。各類肉類食落都不過不失👍🏻令人驚喜嘅係連海鮮都可以任叫! 好多火鍋店點海鮮都要額外加錢，所以呢樣野好加分～睇相都見到啲帆立貝都大大隻 食落又彈牙 值得推介👍🏻其他海鮮食落都好新鮮 比一般火鍋店嘅質素高值得一讚 呢度店員服務態度都好好 落單同上菜速度快👏🏻唔怕等得太耐 夠鐘都食唔飽最後當然唔少得用甜品收尾～ 出面甜品櫃有好多選擇 但呢隻黑糯米雪條黎食嘅一定唔可以錯過，好足料食落啖啖糯米味! 同場仲有一款同牌子嘅榴連雪條，中意食榴連嘅都係must try item~睇番啲食物相就好想夜晚可以出街食喇🙈希望疫情快啲完 可以同番朋友放左工出黎食餐好嘅放鬆下喇❤️…Read More

放假冇得堂食dinner，就唯有lunch 食餐好既，好好enjoy 下個海鮮lunch。呢到環境唔錯，坐得舒服，保持到足夠社交距離之餘，因餐廳座落於尖沙咀高層，亦可望出窗外，欣賞城市景色😚⭐️新鮮生蠔Namibian Gigas（$43）質感厚身，味道較creamy🤩Irish rock （$42）就海水味較濃，店員都建議呢款要係Gigas 後食🤓⭐️黑松露三文魚丸（$108）呢個前菜有齊我鐘意食既元素（黑松露&三文魚），仲要外觀吸引，當然要點下啦😍果然真實外觀就好似餐牌上咁吸引！要留意既係呢款既三文魚唔係魚生，而係熟左既～整體配搭幾特別，食落質感外脆內嫩，三文魚調味做得唔錯，加上外層淡淡既黑松露味，幾新穎🥳⭐️香煎刺身級帶子扁意粉（$198）青醬意粉質感軟硬適中，配上三粒煎得微香既大大粒新鮮帶子👍⭐️Seafood Combo A ($318)海鮮袋有三款combo，兩個人其實combo A 三款海鮮都已足夠🤔特意點左店員推薦既鮑魚仔（3件）、扇貝（3件）及翡翠螺（6件），而醬汁就揀左微辣既卡薑蒜蓉汁。😆大大包海鮮袋送上黎後，店員會係我地面前幫手shake，mix好啲醬汁。😉海鮮全部都好新鮮，飽魚仔及翡翠螺口感彈牙，扇貝就最好味，大大粒，好鮮甜！😋而醬汁都好入味，係微微既辛辣蒜蓉味～原來入面仲有啲薯仔、粟米及香腸，配上醬汁食，都好惹味！🥰…Read More

呢間酒吧餐廳裝潢好有格調，有好多綠植裝飾，亦都有啲鳥籠位，好啱打卡影相！想要靚既位就記得提早預約定！🌟芒果蟹肉牛油果塔 $148底層係Creamy滑嫩既牛油果蓉，中間一層係鮮甜既芒果，而最上層則是鮮味蟹肉，整個配搭好perfect。🤤最重要係蟹肉真係份量十足，足足佔了整個塔一半啲高度，好正！😍🌟薄荷寶雲酥燒澳洲羊架伴法式忌廉焗薯 $288羊架羊味濃而唔會太羶，好味！😚咁啱我地個兩個羊架有小小唔同，其中一個瘦啲，另一個有小小肥，多點油脂味，真係各有千秋～🤣🌟黑松露大啡菇芝士意大利飯 $188呢個黑松露意大利飯絕對係我食過咁多餐廳入面數一數二既！🥇黑松露味勁香濃，芝士份量亦唔少！而大啡菇就煮得啱啱好，菇味濃而保留到汁液，好juicy，好鮮味！🥰🌟荷蘭鐵鍋班戟配新鮮雜梅、楓糖漿及楓糖核桃雪糕 $98今次係我第一次見荷蘭鐵鍋班戟，特別之處在於班戟既邊邊位有點脆，🤔但班戟味道則同平時一樣牛油味香、蛋味濃而口感鬆軟，趁熱食，配上冰冷既雪糕，一冷一熱，真係好正！😋🌟Refreshing Passion $98🌟Eden Garden $88我地今次唔想飲酒，但都特意點返Signature mocktail試下味，兩杯都各有特色，但同樣酸酸甜甜，好refreshing！😉整體而言，餐廳環境舒適而有情調，食物質素亦唔錯，好啱放工後/放假同朋友黎飲杯酒chill下，enjoy 下放鬆既時光～🥳…Read More

最近好想食蟹，見OpenRice可以用七六折嘅價錢食呢個金秋蟹宴二人套餐（$588），真係好吸引！😍餐廳位置鄰近旺角，好方便同人聚餐。而餐廳環境亦十分古色古香，坐得好舒適。😎金秋蟹宴二人套餐包括以下多款小菜，每款小菜都分量十足，兩個人都食得超飽。😚🌟蟹粉小籠包小籠包皮薄餡多，餡料呈黃色，睇黎都落左唔少蟹粉😉鮮甜既湯汁亦都唔少，食既時候要小心熱。😜🌟酥炸蟹黃蓋呢個菜式係成餐飯嘅精髓，真係好驚喜！😍蟹黃蓋外層炸得十分香脆，輕輕挖開外層，就見到入面滿滿既蟹肉蟹膏，十分鮮甜，可以滿足曬我想食蟹肉既願望！🥰🌟雪裡藏龍嫩滑既蛋白雪山中藏有多隻鮮甜鮮蝦，真係名符其實，係雪裏藏龍😂呢個菜式真係有創意，配搭十分新穎。🌟蟹粉豆苗豆苗煮得啱啱好，味道鮮甜。😉🌟臘味煲仔飯煲仔飯用砂鍋呈上，好經典，最後仲食到香脆既飯焦～🤓而臘味份量都唔少，有臘腸、潤腸及臘鴨，最重要係唔會太肥。🌟薑汁湯圓呢個天氣食返碗暖暖嘅薑汁糖水，真係好適合。😆…Read More

好耐冇去西貢chill 下，今次我哋就冇直入西貢市中心，而係喺中途嘅白沙灣酒店享受一個豐富嘅午餐。😎酒店臨近白沙灣，坐喺窗邊位，望住美麗嘅海景及眾多嘅遊艇，真係好舒適，好放鬆～😚🌟精選午市廚師發板套餐（$780）🔸沙律沙律菜十分新鮮爽口，黑醋汁足夠，好開胃。😜🔸前菜3點旨煮蝦十分鮮味彈牙，沾上蛋黃醋，味就更香啦。😌三文魚南蠻漬醃得十分入味，煮得十分軟腍，醃上洋蔥及紅蘿蔔，味道更鮮味，層次亦更豐富。😉最鐘意係第三款核桃小女子，原來小女子係一款魚類，醃得好好，味道鹹中帶甜，完全唔腥，炸過後，咬落十分有嚼勁，加上核桃一咬即可既口感，好酥脆爽口，就好似食緊零食！🤤🔸旬の刺身2點第一次試鮟鱇魚肝，好特別既體會，魚肝十分細滑軟腍，入口即化，味道酸酸地，完全唔腥。而我地最愛既拖羅就更正啦，質感非常軟身滑嫩，油脂味香，入口即溶，好幸福！🥰🔸燒き物燒金雕魚淨係外貌已經好加分！燒過後，魚鱗能形造出立鱗既效果，好啱打卡。放入口中，能食出魚既鮮味之餘，仲食到魚鱗香脆既口感，每一下咀嚼，都聽到咬魚鱗既「索索」聲，好特別😙而附上的多款漬物亦好出色，最鐘意係極鮮甜既日本蕃茄！😉🔸壽司6貫有劍魚、深海池魚、金目鯛、昆布海膽、白蝦及草漬青魚6款，有啲配搭都幾新穎，真係第一次見。劍魚鮮味出，深海池魚油脂味香，金目鯛有嚼勁、昆布海膽味道鹹香，而草漬青魚就味道較清。😋🔸湯味噌湯味道濃郁，鹹中帶甘。😆🔸甜品最後奉上柚子雪葩甜品，酸酸甜甜，好正！😙🌟A4和牛壽喜鍋（$450）呢個Set 包前菜、野菜沙律、溫泉蛋、A4和牛壽喜鍋、白飯、味噌湯、漬物及甜品。溫泉蛋蛋味濃郁，口感滑嫩。而壽喜燒鍋就係成個lunch set既精粹！😍A4和牛十分高質，煮得半熟，質感剛剛好，極之嫩滑，配上日本廣島蛋汁，濕嫩濃郁既蛋味配上鮮甜既壽喜燒牛，超正！🤩鍋內仲有多款索昆鮮甜壽喜燒湯汁既配菜，包括蛙蛙菜、金菇、豆腐及粉絲等，好豐富！🤓🌟大塚園特上煎茶（$58/人）呢間餐廳堅持用白神山地之水作為製作料理用既水，能帶出食物原有既鮮味。而呢個煎茶亦唔例外，比起平日飲開既煎茶味道更清香更鮮甜。店員仲會主動走來幫特地加水添～🥰…Read More

好耐冇打邊爐，心思思想好好享受下就揀症呢間台灣過江龍既養生火鍋，仲要可以無限時任食，既可以有好多時間同朋友傾談，亦可以慢慢進食，完成唔洗趕。🤓餐廳光線足夠，空間感大，枱與枱之間亦能保持足夠既社交距離，咁就食得安心啦～😚呢到既湯底選擇眾多，除左平日常見既湯底外，呢到仲有多款養生既藥膳湯底，不過我地想濃味啲，就揀左台灣沙茶牛肉湯底，真係好香好惹味，入面仲有熬得好入味好軟腍既牛肉👍等緊火鍋既時候，餐廳仲送上一份即炸既地瓜條，熱辣辣，好香。最正係有四款shake shake 粉，不過淨係得一個袋可以用，咁我地每款都想試下，就直接淋左啲粉去地瓜條上試味。😜我地今次食豪啲，就揀症第二貴個個餐，好好享受一下。😍呢個set 包左五款高質肉類：極級SRF極黑和牛肩脊肉、極級Prime Grade 安格斯牛頸脊、Prime Grade 美國安格斯牛肉、西班牙伊比利亞黑毛豬及西班牙無激素豬肉片。估唔到呢到既牛肉豬肉全部都好高水準，油脂分佈平均，肉質嫩滑，肉味濃。最鐘意係和牛肩脊肉，牛味最濃！🤤而其他火鍋配料選擇都唔少，有海鮮、丸類、蔬菜類及自家製手工配料，甚至仲有啲養生既配料，例如蟲草花及花膠等，可惜唔可以試曬咁多款～最推薦都係自家製火鍋配料，可以試到好多新奇美味既款式，倒如嫩滑彈牙既黑松露墨魚滑、鮮甜既蟲草花香菇雞肉胶。😋另外仲有多款台灣火鍋配料，包括台灣鴨血、台灣腸、米血糕、墨汁腸及甜不辣等，好正宗，好懷念去台灣食美食既時光！🤩而飲品亦有眾多選擇，連獨立包裝自家製冷泡茶都有，試左愛文芒果茉莉花茶，好清香鮮甜，好味！😎最後仲有每人自選既一份甜品，有得揀Movenpick、Haagen Dazs & Dreyers，唔錯唔錯😉整體黎講，呢個價錢可以住食咁多高質肉類，任點多款特別既自家製火鍋配料，又可以無限時任坐，真係幾抵。如果想平小小，甚至可以揀個平啲既set，食少三款肉，只係二百幾蚊黎食一餐亦都唔錯。🤓…Read More

聽過唔少人推薦申子居酒屋，今次難得平日放假，當然要趁少啲人流既時候去試一試個午市！😉🌟海葡萄冰菜沙律（$128）呢個沙律既配搭係第一次見，食落好有驚喜！海葡萄及冰菜兩款材料咬落既口感都好脆，冰菜會偏爽脆鮮味啲，而海葡萄就會粒粒口感多啲，😋加上平時既沙律配菜，例如蕃茄仔，再配上足夠胡麻醬，真係好正，係難得高質既沙律，值得encore!👍🌟壽司定食配烏冬（$258）壽司定食有壽司六貫及兩片刺身、味噌湯、前菜及烏冬，十分豐富，一次可以滿足多重願望。🥰油甘魚刺身好肥美，而壽司就更正啦，有鮮味creamy 既海膽、入口即溶既拖羅以外，仲有鮮甜既甜蝦及帶子等！🤩加上煮得軟硬適中既烏冬及鮮甜既湯汁，真係大滿足！🥳🌟吉列三重芝士千層豚肉（$238）呢個好似係呢間鋪既特別菜式，見菜單上既樣好吸引，拉芝效果可觀，忍唔住點黎試下。原來佢同平時個啲吉列芝士豬扒分別好大架。😚呢個係由多片薄切既豚肉片捲起，包住澎湃既三重芝士，再係外層裹上炸粉去炸。未夾起已經見到大量芝士由切件中滲左出嚟，夾起嗰時，仲見到拉絲嘅效果，好啱打卡！😎整體炸粉唔厚，但足夠令外層造成脆脆地既口感，而豚肉就肥瘦均勻，配上鹹香既芝士流心，真係好正！😍不過始終佢份量都大，加上好多芝士，容易飽肚，建議都係多啲人share 食會好啲。😉🌟極上塩燒牛舌芯（$88）牛舌呈厚切粒狀，燒得十分有水準，咬落爽口彈牙有嚼勁之餘，內裏仍十分嫩滑juicy，牛味濃郁，🤩可沾上鹽或檸檬汁一齊食，味道層次就更豐富啦！🤓🌟手作墨魚棒（日本蛋使用）（$78）墨魚棒似係自家製作，食得出入面既墨魚粒，😙沾上日本蛋汁後，可以為燒過既墨魚棒增添濕潤既外層口感，以及濃郁既蛋味，味道口感就更豐富啦～😜整體而言，申子居酒屋既定價雖然唔平，但真係每一款嘢食都令人滿意，好高質，係值得回訪既餐廳！👍…Read More

天氣轉涼，係時候要食下雞煲，打下邊爐。😉唔想次次都食重慶麻辣雞煲，今次就特意搵左間特別小小既餐廳，試下佢地自創既芝士雞煲。🙃🌟自創黃金芝士雞煲（小）（$198）原來呢個芝士雞煲係由五款芝士製作而成，難怪芝味十足，完成滿足我呢個芝士控既願望！😚芝士份量可以先行選擇，我地揀左普通已經十分足夠，想再濃味啲，甚至可以揀激量！😜雞件十分嫩滑厚肉，夾起黎既時候仲有小小拉絲效果，捲起啲芝士一齊食，真係大滿足～😋🌟手打五寶拼盤 半份（$58）一個價錢可以食曬五款手工丸，正！🤩手打鮮墨丸墨魚味十足，仲食到粒粒墨魚，十口爽口彈牙。手打鮮蝦丸同樣十分足料，滿滿蝦肉，鮮味十足，質感緊實彈牙。手打鯪魚丸亦都十分鮮味，完全唔腥。而手打豬肉丸及手打鮮牛丸同樣肉味濃而彈牙！🥳🌟哈哈蝦中寶 半份（$69）食完手工丸之後，就特別想encore 蝦及墨魚類既食材！🤓呢份蝦中寶真係好出色！大大粒蝦膠入面mix 左好多蟹子及鮮蝦肉，口感豐富彈牙有嚼勁之餘，味道仲極之鮮美，鐘意食蝦滑既朋友一定唔好錯過！🤤🌟竹笙墨魚滑 半份（$49）將墨魚滑放進薄薄一層竹笙內，真係第一次試呢個配搭，但同樣令人驚喜，我地兩個人都讚不絕口！🥰墨魚滑同手工墨丸一樣，同樣出色，最驚喜係外面個層竹笙吸飽甜甜既芝士湯汁後，一啖咬落去，既感受到竹笙滑嫩既口感，湯汁溶入口中既滋味，以及爽滑既墨魚滑，好豐富！😚🌟金菇（$38）金菇夠新鮮，份量足夠。👍…Read More

難得平日放假，當然要趁呢啲時間去食下高質餐廳既午市，可以以較抵既價錢食西！😉今次同朋友一人點左一個一人自慢燒肉套餐，除左燒肉外，每個餐均包含前菜、白飯及湯，好豐富！🤤🌟和牛特盛三種盛（$168）呢個餐可以一次試到和牛既三款肉，包括A4和牛牛肩肉、澳洲和牛牛五花及厚切和牛牛舌，每款都有幾塊，份量足夠！👍牛肩肉十分嫩滑，牛味最濃，牛五花肥瘦適中，而牛舌十分厚切，好彈牙，有嚼勁！😋🌟More肉盛（$168）而呢set 就更豐富啦，除左兩款和牛外，仲可以試埋全天然豚肉五花薄切和厚切、黑毛豬頸肉及鳥肶肉醬油，一次過滿足曬食肉獸既多重願望。😍豚肉五花有兩款厚度，各有特色，但同樣十分肥美，最推薦既食法係用生菜包全豚肉五花食，感覺會fresh 啲。😚雞肉已經用醬油醃好，輕輕燒熟已經可以即食，又香又滑，味道極佳，估唔到呢間食牛既餐廳連雞肉都咁出色！🥰🌟乳酸梳打特飲（$48）🌟鳳梨梳打特飲（$48）另外，每人點左一杯梳打，味道甜甜地，清爽解渴🤣呢間鋪環境舒適，用既爐仲可以自動抽左油煙，慢慢坐住燒肉都唔錯～而店員亦有介紹唔同肉既燒法，好貼心👍…Read More