星野豪豬的個人專頁

這間是位於青衣城二期的 BEANS 荳子。其他分店其實都久不久會去幫襯吓，今次嚟到青衣城搵食，就緊係要幫襯一下。嚟到仲係午餐時間，點咗份$86嘅手撕豬仔骨漢堡，包薯條同一杯飲品。份手撕豬仔骨漢堡 簡直係誠意之作，漢堡中間層豬肉絲，就好似佢地嘅良心一樣滿到瀉、仲有太陽蛋同焦糖洋蔥，加埋個醬汁，簡直一流。唯一嘅缺點係實在太大份，唔可以拎住個漢堡送入口食，一定要用刀叉。大力推介💪🏼…查看更多

今日嚟到九龍灣，又撞正午餐時間，緊係要嚟到試一試大渣哥茶記啦。咁啱係星期三，是日午餐係咸蛋蒸肉餅，包埋杯凍飲埋單 $61。肉餅夠香夠味亦夠鬆，配埋飯份量亦夠足。一流。…查看更多

今日嚟到炮台山嘅響茶，點了一杯原味奶蓋烏龍，價值 $20。呢杯嘢，完全係驚喜啦，主要係性價比超高。齊頭廿蚊杯奶蓋茶邊度搵。當然茶底同奶蓋都係達合格水準的。總結而言，價錢抵、份量足、 味道唔差，路過想飲杯嘢，真係唔洗諗即刻幫襯。…查看更多

Warm UP！早上來一個豐富的早餐，真的能令人元氣滿滿的💪🏼今早來到旺角的SUKIYA ，點了一份牛肉烤鯖魚早餐，追加一隻溫泉蛋，合共$44元，份量超滿足。牛肉和飯不用說，吃下去就覺得「就是這個味道！」充滿在日本吃牛肉飯的感覺。而鯖魚看著這樣的一大條，但卻和想像不一樣，不會鞋鞋的，只是太咸了一點。總結而言，經濟美味的牛肉飯不作他選，另外那家差太遠了。又如果想解解這兩年去不到日本旅行的困苦，來這裏吃牛肉飯就對了…查看更多

食係好食嘅，但若不是飯或麵，這些廚房可以一早整定的，一拎出嚟就可以嘅，要有心理準備等半小時或以上。若很有閒可以一試，但若要上堂、趕時間，閣下或需要考慮一下附近的其他飯堂了。…查看更多

復活節假期第一天，早上去了PMQ走走逛逛。離開時已時下午2時半，一邊向著中環進發一邊找東西吃。走到擺花街發現羅富記，就走進去了。點了一碗皮蛋瘦肉粥，味道不錯，皮蛋和瘦肉也多，夠足料。看到居然有蜆蚧炸鯪魚球，立馬吃了一份小的來吃。送上來時還是熱的，明顯即炸。熱辣辣的吃進咀𥚃、加上夠哂味的蜆蚧、還有彈牙的鯪魚球，完全覺得自己沒有叫錯。這間粥麵店，除了味道不錯，還很有老香港的味道，店子聲稱已有四十多年歷史，果然有相當的風味，值得推介。…查看更多

這是一間在屋邨一角的特色咖啡店。完全想像不到在美孚新邨的一角，會有這樣一間充滿北國氣氛的咖啡小店，一進門口就被環境吸引了。和暖淡黃的燈光，完全切合店名Wolf Den ，閒時晚上來坐坐，一定滿有Feel的。本想叫一杯Cold brew coffe，可惜已經賣完。只好改要一杯鮮奶咖啡。但這杯咖啡喝入口卻滿口的澀⋯反而這個芝士牛肉漢堡有驚喜，滿滿的牛肉味，對得起它的售價。總結，雖然咖啡一般，但美味的漢堡與充滿氣氛的環境搭救，足以讓這間成為值得推介的小店。…查看更多

日日返工都返到死狗咁，適逢啱啱星期六都無神神要開個早，收工緊係搵好嘢食。聽聞中環置地依個黃金地段有間扮中產嘅平民都消費得起嘅食店，當然要去幫襯一下。就係依間位於置地廣場中庭B1 嘅 Kikusan ，係一間主打日本料理，再配合不同東南亞菜式的餐廳。Kikusan 卷食完成餐，非常推介依個卷，青瓜卷上面鋪咗超量嘅吞拿魚、海膽同三文魚子，食落十分有口感。豚肉小籠包皮夠薄、餡足料、肉汁多。小籠包食落，好似仲好食過頂太瘋咁。千層豬扒飯千層豬扒顧名思義就係將啲豬扒薄切再疊起先拎去炸。雖然好似好考功夫，可惜食落件扒鞋鞋地...炸雞炸得外脆內滑，有水準之作。茶燒酎梳打檸檬梳打蓋過了茶和酒的味道，個人而言一般般。總括而言，對中環貴族嚟講大概係Causal Dining，到平民嚟講，拉車邊算fine dining 吧哈哈。…查看更多

成日經過依間十八座狗仔粉，日前終於入去一試。叫了一份大的狗仔粉和小的火鴨翅。狗仔粉的湯底非常夠味，個粉亦有口感。不得不提係個菜脯，冇個菜脯碗粉的美味道起碼減三成。個火鴨翅夠濃，食落幾足料。結論係值得推介。…查看更多

話說我朋友好鐘意打邊爐，約親食飯都話打邊爐乜乜乜。咁啱今次想食得好少少，結果搵到不倒翁。埋位時醬料架已備好，八樣嘢叫應有盡有。叫了醉雞湯底，手切肥牛 (脊位)、美國肥牛、桶蠔、帶子、珊瑚蚌、響鈴卷、日式菜籃等等等等。海鮮好味唔在講，手切肥牛簡直係亮點，完全高一般任食邊爐幾級。最後直頭要叫多碟食多次，值得推介。…查看更多

是日去完工展會後，想著難得來到大坑一頭，不如去附近吃想吃很久的拉麵來。晚上約七時來到，發現居然不用等位，Lucky～立即入座。在門口發現這間店舖是人類限定的。（爆）店面除了有不少七八十年代的日本小裝飾外，座位上各樣擺設亦與在日本本土的拉麵店十分相似。餐點只有數款，分別是常設的金木水火四款，及土的四款期間限定拉麵。點餐紙亦是十分地道的。最後本人選了熊本黑蒜油豚骨湯麵，雖然配料只有數款，但其湯底十分濃厚、叉燒亦有入口即溶的感覺、而追加的流心蛋亦十分美味。總結來說，是一間不得不推介的拉麵店！…查看更多

開完OT夜收工揾嘢食，唔食又肚餓但係夜孟孟食又食唔得太多，於是諗到去食個粥。入到嚟見到有餐叫，一碗碎牛魚片粥、一碟炸兩、再飲多杯豆漿，夾埋先二十六蚊。叫餐後唔洗三分鐘，食物已送齊到眼前。雖然啲炸兩唔係外軟內脆，但勝在份量夠多，摷摷碗粥，免治牛、魚片、薑絲，咩都有大量，都叫足料。食後感想，街坊粥店，想平平地食碗粥依間真係一流。…查看更多

看到雜誌的介紹後，一直很想到這間在大圍的拉麵店。今日隨意在大圍走著，卻「不慎」來到了這裹。在門外排了約十分鐘隊。等候期間，店員小姐已經向我們派發點菜紙及餐單。分別點了：元祖豚骨拉麵辛口肉味噌拉麵追加：味付半熟蛋、荷蘭五花腩叉燒、及炸雞一客。感想：出乎意料之外，最好食的居然是炸雞。外脆內軟，加上附加的䓤花與醬汁，食落口感與味道均一流。簡直是整餐的亮點。而隻味付半熟蛋（通稱：味玉）亦值得讚賞。味道不錯之餘，十二元給足一整隻，亦值得一讚。拉麵方面，麵質可以選軟、硬和普通。我們點了一個軟一個普通。但比較過後，發現軟和普通都是一樣硬，令人汗顏。另一方面，湯亦可以選濃和普通，結果選了濃的那個，口味亦偏淡。而那個荷蘭五花腩叉燒，根據觀察和進食測試，證實是跟麵來的叉燒。食落，只是還可以。結論：埋單一百九十五元正。只能說是不過不失，以小鋪嚟講，已是一個不錯選擇。…查看更多

氣溫突然暴跌，連日光日白都唔夠十度的情況下，就諗起去食蛇。記得在上海街，日日都經過一間食蛇的，於是今日午餐，便決定前來。坐低就見到桌上餐牌，主題是午餐，目標是食蛇，當然二話不說向蛇王點了這個。先由蛇王端出蛇羹一碗。蛇羹食落足料，亦都好夠味。十分唔錯~正在享用蛇之際，蛇王突然發問，導致發生笑料一則...蛇王：要咩腸呀？本人：嚇，咩腸？蛇王：臘腸糯米飯要咩腸呀。本人：咪臘腸？蛇王：要臘腸定鴛鴦腸呀？蛇王一言，頓時醒悟，原來腸...係有得揀...最後由蛇後端出鴛鴦腸糯米飯一碗。話說咁大個仔，第一次見唔係生炒的糯米飯，食落又幾好食，冇生炒咁難咬之餘，仲冇咁油~雖然與食物無關，但係都不得不提的是，這店子充滿人情味。蛇後放低碗糯米飯時，十分貼心地提醒：「唔洗加豉油，夠味架喇。」而席間亦聽到蛇王蛇後不停與熟客閒話家常，又會與客人開玩笑。更有街坊主婦行過寄放在街市剛買的餸菜，說接送小朋友後回來再拿。只係食一個午飯的時間，已經感受到蛇王蛇後兩夫婦，在此用心經營幾十年得出的人情味。比起多幾間太刻薄的連鎖食店，我更想要的，寧可是多幾間這種小店吧。…查看更多

最近午餐都來這兒吃魚粥，衝著的就是為了那大大碗的粥、滿到瀉哂的料同任吃的蔥絲。座低就叫「腩加卜」，即魚腩粥加魚卜，聽到阿姐復頌，就知道佢已經收到ORDER~由於碗粥係即叫即整，所以入座到有得食，中間都有一段時間。依段時間最好就係去拎配料喇。之後等多三五分鐘左右，主角終於登場：睇埋有咩料，除了上圖已看到的生菜絲外，仲分別有：入面分別各有四五舊。食完真係大滿足。最後不得不提的係。自從毛記電視一個飲食節目團隊拍攝過依間鋪頭之後，依度第二日立馬起價。加幅接近一成。到依家大家去到都可以望到藝人們與店員的合照貼滿鋪面。都唔知係好事就唔好事喇。…查看更多