ข้อมูลส่วนตัวร้าน Dynaman

翠園係我心目中係中價餐廳，食物應該有一定水準，但係呢次真係失望，應該唔會再光顧。1月1號晚，訂咗8:30PM，八位枱。入到去已經奇怪，星期日都水靜河飛，地下都係垃圾紙巾，一啲都唔似其他嘅分店。我哋被安排最入角落位置，碗碟都唔係好乾淨，要再洗。因為飲啤酒，我哋叫咗幾個水杯，點知三個有兩個明顯污糟，同一個看似經理，著粉紅色恤衫嘅男職員反映，對方完全無歉意，攞過水杯就算，一啲禮貌都無！係食物方面，更加差到不得了。我哋點個餐，有翅、龍蝦伊麵、燒味拼盤、魚等等。無一樣好食，份量少。我一定唔會再去，亦唔會推介！…ดูเพิ่มเติม

最近疫情，多咗叫外賣，一直叫呢間都係送上門服務，今日心血來潮，去自取。按照手機顯示時間，準時到達餐廳，已經覺得唔對路，門口超多人，有外賣員，有自取。見到餐廳入面，有幾個後生仔做侍應，手忙腳亂。再望入去餐廳環境，嘩！污糟邋遢！都算，問個侍應我叫嘅外賣，十問九唔應，再問，先問我幾多號外賣，睇完出嚟同我講，叫我等多30分鐘，吓！若果佢哋做唔切，應該通知客人遲啲嚟攞，完全離晒譜！我再等多一陣，見到個後生仔跌咗兩條腸仔落地下，睇都唔睇執返放入外賣盒，嘩，咁我以前食嘅外賣咪有可能係咁污糟？ ！即刻唔要走人！我勸大家以後叫外賣，唔好求其搵，要網上睇下食評先。真係要清楚餐廳嘅衛生情況，先好幫襯！…ดูเพิ่มเติม

已經一段時間無食，以前通常都係旺角店買，但已經無咗。今日心血來潮，走去佐敦買，係白加士街，近以前嘉禾戲院，小巴站附近，最後要咗豬耳同雞翼尖各兩份，但個阿姐可能心情唔好，又顧住講電話，十問九唔應，態度非常差，仲有，餐牌明明29蚊一份，但佢收我$120，算數。因為好想馬上返屋企食。點知期望越大，失望越大！味道只有辣，完全無其他味，雞翼尖更差，無味不特只，仲有好大陣雪味！食咗幾舊就全部扔咗！以後都唔會再想食，永別吧！…ดูเพิ่มเติม

當日一行9人，兩個老人家、四個成人、三個小童。佢最終收咗7個成人，兩個小童，無問題。當燒烤中段，去入口處買飲品，發現其他人有長者優惠，我問明明入塲時你地見到有兩個老人家，點解唔俾優惠？佢話只會數人數。咁我要求退回差價，佢話已經入場無得退。真過分！請大家小心！食物一般，自己去服務台加，提供食物阿姊態度非常差，口罩帶到落鼻哥窿！食物種類小，海鮮得多春魚同魷魚，食完好口渴。其他乜都收錢，而且貴，以後一定唔會去同介紹俾朋友。…ดูเพิ่มเติม