raspberry souffle的个人专页

喺等人嘅星期六傍晚，就去咗呢間一直bookmark咗好耐嘅cafe試試。啲人成日話去cafe食ADB呢啲自己都整到嘅嘢百幾蚊一個唔抵食，但我最鍾意就係食ADB，越簡單先越表現到間cafe對食物嘅要求。如常嘅 All Day Green 就係一個有追求嘅 ADB，仲有啲流心嘅水波蛋、烤得脆而唔燶嘅西蘭花、調味適中有菇香嘅磨菇、甜甜綿綿嘅南瓜、唔會太生太熟嘅牛油果帶有少少香料香、爽脆嘅沙律菜dressing份量啱啱好、輕輕烘過嘅乾果果仁多士微脆唔會乾硬化、雜莓乳酪唔係落急凍嘢或果醬，為咗口感仲會加少少早餐脆脆，成件事簡單而豐富美中不足係份量只夠舔舔脷，所以又叫多咗個TiramisuTiramisu又係一件要整勁多嘢砌埋一碟嘅甜品，所以我都好耐無整過 aka 無食過。呢度嘅Tiramisu係即刻砌出嚟嘅，唔似平時食開入口濕潤啲咖啡同酒味咇出嚟果種口感，手指餅食落仲係脆嘅，咖啡同酒都勁香，多啲口感係幾得意嘅，私心覺得如果上面嘅sabayon mascarpone 再多啲就更好總結嚟講係值得一試再試嘅cafe，寫完我又開始期待下一次…查看更多

上年老公生日食過覺得幾好味，所以今年又返嚟回味下牛魔王就梗係叫和牛盛宴，估唔到今年味道同用料都升咗level！先嚟前菜5品盛，店員介紹返每樣係啲咩，然後介紹埋食嘅順序。淨係靚靚擺盤已經賞心悅目，由青梅凍同番茄開始清清個口先，鮟鱇魚肝甘香綿滑，再去到鬆脆嘅牛肉鬆盒、香脆嘅和牛多士，每一樣都好似輕輕同味蕾熱咗個身咁，如果再配返支香檳或者sparkling 就一流喇！然後係A5和牛肩胛肉刺身，伴黑松露及魚子醬。黑松露唔係醬而係即刻喺你面前一片片咁批落嚟，食之前已經聞到好香！本來我覺得油分多嘅肉係要燒到香口先好食，但估唔到俾呢個配搭下嘅和牛驚艷到我！和牛軟滑嘅油脂香、加上魚子嘅鹹香、再加埋松露嘅菌香，真係非常出色！然後係和牛紫菜脆餅，舊年都有，一食驚為天人。雖然今次天人去咗刺身度，但呢個脆餅仍然勁正，魚子醬、山葵、海膽、和牛、飯同紫菜，有無得再夾啲？🤤然後回歸基本嘅煎和牛柳，用靚靚嘅和式器皿裝住，牛脂香即刻出晒嚟，配搭旁邊蒜片蕎頭青椒仔食用又即刻無咁漏。跟住落嚟上嘅牛肋骨辛香煮味道開始加重，甜甜地，少少刺激，牛同配菜都炆得好冧，好入味跟住嘅炙燒內裙燒得香口，口落非常好肉味，齋食已經好好jap，配搭黑醋汁又係另一個境界。最後大佬嚟喇！壽喜燒和牛，會有一塊西冷同一塊肉眼，好似塊面咁大，呢個時候都已經八成飽，真係有啲心虛唔知食唔食得晒。可以揀跟稻庭烏冬定飯，兩樣都係好值得一試，但要舔盡壽喜燒個汁就一定係揀飯，何況飯仲跟漬物同麵鼓湯。第一片肉會跟埋蛋漿上。和牛本來就滑㗎喇，加埋蛋漿加持真係好食到喊，就咁就食晒成碗飯咁滯，已經飽咗🤣第二片就原鍋連埋配野菜五品盛上，同上年有啲唔同，可能想keep住個熱度？但就唔太靚仔囉⋯⋯其實到呢塊真係開始飽，畢竟和牛油脂唔係講少最後甜品係生果，可以解一解膩。預約嘅時候講係生日，店員好細心咁問埋壽星個名，放生果嘅碟就會變咗做 birthday plate，俾壽星吹下蠟燭咁總括而言每道菜都用咗唔同部位嘅牛肉，配唔同處理法，有唔同嘅香氣同口感，勁有心思，果然係盛宴，牛魔王食得極滿足。話香港嘢貴咩？但我覺得真係一分錢一分貨。就算去日本本店食，因為匯率關係，半價好似好抵，但又邊有咁癲嘅course？…查看更多

記得好耐之前嚟過一次，不過咁啱滿座，所以淨係買咗冷泡茶就走。今次好彩有位，終於可以堂飲。以前去啲茶室都係自己沖，估唔到呢度係店員沖埋，一個公道杯咁滿嘅份量，仲可以再冲多轉添。我覺得咁樣幾好，有時都驚自己沖得唔好浪費咗啲茶。叫咗心心念念嘅古法鐵觀音，因為一直都想搵返回憶中嘅味道，而呢隻終於有啲似！香、甜、回甘都好好。能夠搵到又一間啱飲嘅茶舖實在係太好喇！而家又心思思想去試其他茶喇！…查看更多

平日夜晚行airside行到有啲餓地諗住過mikiki壽司郎但又排晒隊咁，就試下呢間唔駛等位嘅90分鐘任食火鍋店。原來呢度係一人一鍋，同frd嚟就可以唔駛就住其他人口味，但我有少少擔心個鍋咁細唔知夠唔夠位淥嘢（事後證明係夠用，水又快滾過大鍋）第一次嚟叫咗個平少少嘅價位試下水溫先，出去夾咗啲菜同菇，返嚟就見到店員擺低一個鍋同四盤肉！無諗過一個人要食咁多肉有少少失算⋯唯有既來之則食之⋯可能平時我食得清淡，食刺身連豉油都唔點果隻，個昆布湯對我嚟講都幾鹹，唔駛其他醬料舊肉已經好夠味，最估唔到佢配料有芫荽可以揀，係芫荽控嘅福音！幾隻肉我最鍾意豬，唔會有臭豬味，又爽口唔肥；雞都幾好，唔鞋口；牛舌係薄切，淥一淥就好快熟，幾爽口但我都係鍾意食厚切；美國牛就麻麻，有少少騷，夾埋辣蘿蔔蓉食就唔覺，下次有機會再試個和牛睇下會唔會好啲。終於消滅完枱上面所有嘢，仲有少少時間諗住食多個甜品，凍嘅有自斟軟雪糕，兩隻味；唔凍嘅有芝士撻同brownies呢啲飽肚嘢。太飽之下只能揀觀音茶軟雪糕，茶味都OK有。其間有兩個小插曲：一個係有客整跌咗嘢飲機個牌，諗住擺返上機，店員就眼明手快截停咗佢，拎返個牌入去廚房清潔完再拎返出嚟；另一個係到就嚟10點果陣店員就會續枱問客仲要唔要咖啡，唔要佢就清機。清咖啡機！知唔知出面幾多舖頭部自動機係萬年唔清？即刻又多咗啲好感。下次我會去試下個啡。總括嚟講呢個價錢呢個質素嚟講有啲唔上唔落，無乜賣點，但勝在唔駛等位又幾好坐，如果咁啱喺呢區又想瘋狂食肉肉肉嘅時候係個唔錯嘅選擇。…查看更多

平日傍晚經過，正巧肚子餓了，看這裡貼在門外的餐牌，全日早餐選擇很多，加上不用等位，便決定試試。這天已喝了很多咖啡，所以選了茶中最保險的Peppermint Tea。原以為餐飲也就不過一隻茶杯和一個茶包，端上來卻是一小壺讓人自斟自飲！開初喝一口覺得味道不錯，濃淡得宜，心裡還怕浸太長時間會變得過濃，不料放到最後，還是那種柔柔的甜甜的輕輕的薄荷香，禁不住好奇揭蓋一看，裡面原來竟是一個立體茶包，餐飲卻有如此質素，好感又加了幾分。全日早餐端上來的時候，其實有點失望，因為賣相實在平平無奇。沒有沙律菜，也沒有磨菇或者烘餅，麵包也不是甚麼麥包酸包有機包，豈炓吃進口裡，卻意想不到的好吃！每件食物火候恰到好處，連薯餅也沒有一般坊間的油膩！簡單，但味美。大滿足 ♥…查看更多

食買玩完歸家去，卻發現這家在嘉蘭圍的小店過了營業時間仍在營業中。擇日不如撞日，毫不客氣走進去，請店主介紹他喜歡喝的口味。小心奕奕地挑選了這款具平衡感的Guatemala Yellow Catuai。作為第三波入門我覺得他挑得很好，不會過於刺激，有著輕柔而圓潤的口感，同時可以嗅到花果香，嚐到微微的果酸，淡淡的甜味留在口中久久未散。如果不執意於咖啡只能香濃醇厚，這類有不同味譜和個性的咖啡其實也很美味。下次再去試試店主口中的西柚和布冧吧。…查看更多

食過幾次唔同味既過橋米線&小食，今次就黎個心郁郁既小菜團了～五個人、七點、八碟小菜（！！！）五百零蚊埋單～以下好味度只係我個人評分，不代表全檯立場～酸菜水煮豆花魚好味度★★★★☆同四川既水煮魚好唔同，唔紅，唔麻，唔點辣，酸酸辣辣，幾開胃，湯底當然係鮮美了（甜就食唔出了，始終有陣辣味蓋\左）。魚用魚腩，個味道有D似鯇魚，但肉質比較結實，係酸菜辣椒既襯托下非常有魚既鮮味，不過無去到骨，怕骨既啖啖肉人士可能會有D驚。除此之外仲有好有豆腐香味既豆腐XD 幾滑，不過又未去到豆腐花既滑度。底下仲墊左好似粉絲又似米線既QQ條狀物，師傅有介紹過，不過飲飽食醉返到黎就唔記得左了...老實講雖然呢味菜好好味，但我比較鍾情四川風味既水煮魚。不過同桌愛美號非常鍾愛，以潛藏既非凡實力包左底，贏得全檯掌聲鼓勵。食晒之後師傅先同我地講，呢個窩係十人份的...原味鮮雞汽鍋（大）好味度★★★★★本來係有田七既，不過團友中有人唔受得，於是改做無味汽鍋雞，呀唔係，係原味汽鍋雞至真XD內容就係一鍋雞湯浸住一盆雞件（最多落多兩塊薑片），無雲耳無重手調味料，全部都以雞既味道決一勝負，雞湯雞油既香甜，雞既鮮嫩肉味，我覺得非常讚，even食左D比較辣既菜都食得出個香甜鮮=)~ 最後愛美號包晒雞底，某死辮子包晒湯底，分工合作天衣無縫，梗！臭豆腐好味度★★★1/2☆蒸臭豆腐，有食過台菜既蒸臭豆腐第一樣諗起既一定係陣臭味。不過好彩呢味都唔算臭，兼有大量紅椒麻椒鋪面，食落似腐乳既味道（不過無咁鹹）師傅好好心分左臭D同埋無咁臭既豆腐兩種（我諗係指果陣味既濃郁度），大家既結論都係，臭D好味D。仲有就係，襯熱食。滇香金瓜好味度★★★★☆南瓜粒上堆上一堆類似臘腸既物體，兩樣野齋食的話臘腸普通，南瓜香甜，但若南瓜同臘腸撈埋一齊食後，竟然意外地好好食！凍左都好食。愛美號又包左南瓜底了！金腿娃娃菜好味度★★★1/2☆就係娃娃菜上面鋪雲腿，似火腿津白feel，但D火腿邪惡地半肥瘦——上半係透明如冬瓜的爽口肥肉，下半是有點過熟的鹹肉，加埋娃娃菜一齊食味感風味佳，只食其中一樣既話都無咁好味。不過我都係鍾意過橋米線入面岩岩浸起果塊軟滑火腿。雲龍雪山白參好味度★★★★☆所謂雪山白參據說就係雪山上採摘既細小菌類，稀少而且要慢慢用人手除去上面污泥，極考工夫云云。佢\既做法就係將白參混蛋液煎成蛋餅，蛋香一流，白參爽颯颯，不過要襯熱食，唔係就少左陣蛋香了。山珍龍鬚瓜好味度★★★1/2☆龍鬚瓜據說係一種蕨類植物，能吸收膽固醇，非常健康，雖然我地已經食到慢晒落黎，但師傅會走埋黎建議我地食晒佢\。夾埋蒜塊、原條辣椒、雲腿絲同埋其他不知名植物一齊炒，非常惹味，可以送飯用～大理王子炒耳塊好味度★★★★☆大理王子係咩樣就睇唔出了，不過耳塊原來係年糕類物體，同上次食既限量燒耳塊又有唔同感受（燒耳塊係以搓成薄片既耳塊包住一種鹹鹹辣辣既餡料類似北京填鴨咁食法）又係要混埋D肉碎酸菜一齊食，即使已經係最後一碟菜好飽都竟然食得晒九半成！酸角冰沙好味度★★★1/2☆味道似酸梅湯冰沙。最適合飽到咁款時飲用，兼且好多藥用功\效，即管一試～不過我都係比較鍾意上次個皂米角糖水果種清涼冰甜既感受，可惜比較飽肚...總結：我食過既中菜入面，好多都好味，但講到能突出到材料原味既食肆，就只有寧波旅港同鄉會，同埋呢一間，雖然呢處無寧波既細工同賣相。不過一間小店黎講，我已經非常滿意～附註：間舖好有性格，每日材料賣晒就無果款菜，務求材料新鮮，就好似佢\極出色既過橋米線夜D去都未必食到。如果要汽鍋雞更加記得要訂，唔係日日都做既～如果想食小菜就要好似私房菜咁訂法了~…查看更多

mild，after taste很微妙。就是微微的甜和苦，奇妙地舖滿味蕾上。趁熱喝到底都是crema，餘下的咖啡杯裡一如喝光了濃抹茶的碗，形成一層棕色的薄膜。新鮮自家烘焙的咖啡豆就是這樣奇妙。無論你曾經被多少粗獷的espresso狠狠傷過，又或是經歷了無盡咖啡的滄桑，練成了麻木的舌頭，都可以試試到這裡療傷。或者來一杯以奶泡細細劃著圖案的latte，喝到最後一口，都是奶混和著咖啡的纏綿細膩。來到這裡我才發現，咖啡原來還可以如此溫柔而味美。…查看更多

mild，after taste很微妙。就是微微的甜和苦，奇妙地舖滿味蕾上。趁熱喝到底都是crema，餘下的咖啡杯裡一如喝光了濃抹茶的碗，形成一層棕色的薄膜。新鮮自家烘焙的咖啡豆就是這樣奇妙。…查看更多

evening == new york cheese cake + espressonew york cheese cake出乎意料之外的軟熟幼滑，如果以前吃過的可以稱為一舊芝士磚，這裡的new york口感絕對可以以一件軟芝士來形容。Espresso也制作認真，上來就是以小鋼杯盛載，表面是一層棕紅的crema，底下的濃縮咖啡在在cheese cake的襯托下份外甘香。另一方面，吃cheese cake常有的膩感也能藉著espresso消去。兩者確是相輔相乘，缺一不可。唯一美中不足的地方就是，set的配餐飲品劃一americano不能補錢轉飲品，而single espresso不是和americano咖啡粉量一樣還用少一點水嗎？（笑）想不到小小店舖，還是有她頑固的堅持。…查看更多

秋天到了，最驚喜莫如在這裡遇到秋刀魚定食。長長的原條秋刀魚在點菜後十五分鐘後上桌，用鹽燒得脆卜卜的外皮，甘香的魚背，既肥美又苦澀的魚腩，襯上微酸的青檸，清甜的蘿蔔蓉，香軟米飯，大概人生百味也不過如此。而人生總又免不了種種錯過與遺憾，一如這頓晚飯——獨欠清酒一盞。…查看更多

九月某天遲了起床，趕不及去吃午飯，在銅鑼灣拐了個圈，便到禮頓道這所UCC 點份Late Tea Set了（選禮頓道分店的原因是這裡的環境最舒適開揚）。本來想要滴出來的凍啡，原來都沒有了，碰巧有限量Sumatra 的Promotion，於是便要了一杯，外加一份藍莓夾餅。UCC 的甜品向來有水準，夠熱辣香脆的夾餅和香滑冰凍的Vanilla Ice-cream 實在沒有難吃的理由，藍莓醬則普普通通，不過有總比沒有好。吃罷夾餅，看著小說等整整半句鐘咖啡還未見蹤影，難道現在才烘咖啡豆乎？明顯是走單了... 幸好姍姍來遲的Sumatra 還挺有香味，味道夠濃郁之餘還帶點焦糖味，竟是一杯有水準的咖啡！是因為限量供應的關係嗎？…查看更多

來Outback當然是為了這裡的大塊肉大杯酒，可惜近年店越旺水準越飄忽。就rib eye黎講上次去可以又老又韌又味無、叫五成變九成，這次來卻又可以香口鮮嫩多肉汁，五成就五成。看來下次買六合前也要來吃一頓試試運氣。…查看更多

想不到現在已成為麻辣川的擁躉！現在的配菜也比一年的份量多了，湯底依然是我喜愛的湯底，既麻且辣又夠香，而辣度方面亦比當初提升不少。不得不提還有他們的雞翼，外脆內嫩，醃得極為惹味，如果吃中辣以上的米線，不妨點味道和酒香較濃的花雕雞翼，清湯和小辣的則可以選香草雞翼。大滿足！…查看更多

老實話，服務，得；環境，唔得；食物，唔得。講服務，一個字：好。勤斟水，勤換碟，永遠好笑容，唔趕客，係上菜真係好慢，扣一分。講環境，麻麻，唔知點解有人覺得好home feel，我只覺得似一般港式日食... 講食物，少少得，多多唔得，全晚最有印象係個咸字，逐樣講，食左：冷麵沙津，賣相幾好，麵幾爽，但個sauce好咸...三文魚＋帶子刺身，OK，帶子幾大隻。燒雞翼，燒得幾香，但無味。醬燒牛扒，個汁好惹味，但個扒（柳？）本身質素麻麻，但呢個價算係咁。饅魚豆腐天婦羅，全晚個人覺得最好食，賣相又好，炸既香口夾豆腐饅魚既軟，幾有創意。湯餃子，餃子皮煮到淋晒散晒，個湯亦係得個咸字。泡菜炒飯，有朋友話唔夠乾身，我覺得OK，但就得個泡菜味....唔知係咪要就返個價錢，所以材料本身質素唔係幾好，所以就用sauce 搭夠，但味道又太單調，兼好多時太咸... 要我行三層樓但只有呢個質素... 我唔會再去的，幾平∕好招呼都無用...同時，牆上有好多保麗萊comment話好食，至今成謎... 或者，朋友多真係好緊要啦... 不過做朋友，都係坦白D好...…查看更多