chuchu9的个人专页

佢一開始上菜嘅時候漏咗個個炸雞😂😂我哋搵咗好耐，喺度諗唔通個主菜入面淨係得幾片炸薯片😂 講番個主菜本身， 如果唔係好食到肉騷味嘅話，呢個炸雞應該都食唔到， 因為我本身係受唔係好到比較騷嘅肉，呢個炸雞一切開係迎面而來一種好原始嘅雞味 冇記錯呢個好似係前菜類，食落去比較其他菜清新 👍🏻芝士餃子 一邊係芝士所以都幾漏下， 不過呢個只係我哋叫錯左😂 最好食！一人一塊餅，有魚料芝士乳酪葱， 畀你自己揀加幾多， 超級超級好食， 但我竟然唔鍾意食佢嗰魚籽，鍾意加好多乳酪芝士同重就咁包黎食😂😂 仲有叫到佢一個朱古力蛋糕， 係屬於舊式蛋糕，味道頗為甜 鋪頭裝修好有特色， 不過遲到就冇細心欣賞～～…查看更多

呢間舖頭連發哥都有食～ 佢有三款面係逢星期日先有得賣，我哋去到嘅時候都係十二點前 ，但辣雞同埋蟹個款已經賣曬lu，聽時應該話因為係咁啱我哋前面有個客打嚟留咗十幾碗😢😢 唔緊要都食到佢一款特別面嘅，蕃茄湯底入有雞豬手，啲雞好滑， 湯底都好多蕃茄， 比起某啲以番茄做招牌嘅面鋪，佢呢個可能仲好食過某夜鋪頭，食過就知點解出面會排曬隊😂 冇得試佢嗰款蟹檬真係好可惜😢😢 另外叫咗一款平日menu都有嘅撈檬，撈檬都唔錯 …查看更多

入到梅窩食海鮮， 本身以為會同南丫島或者西貢嘅海鮮一樣，即係有少少呃遊客feel😂😂 結果又唔係喎都好抵食喎😂仲可以坐喺個海邊，勁有風味👍🏻 要咗個套餐，入面跟住炒蟹，椒鹽尿蝦，豉椒炒蜆，湯同菜 ，兩個人已經係食到飽到不得了 ， 價錢冇記錯好似同西貢嗰啲餐差唔多，但有食過西貢嘅就知道， 佢嘅蟹唔係真係一隻蟹，而呢度嘅炒蟹係真係一隻肉蟹👍🏻👍🏻未上菜前我都驚緊會唔會係呃人雖然啲海鮮啦唔係話好大隻嗰種 ，但佢勝在夠多餸， 瀨尿蝦都係細隻瀨尿蝦…查看更多

黎開九龍城，lunch諗唔到食乜， 好多年冇食過小曼谷，諗住老字號無死叫咗個鐵板煎蠔仔蛋冇諗過原來而家小曼谷會咁伏😂個底成幾匙油係到😂😂個炸蛋本身油到不得了， 仲唔知點解冇調味🤦🏻‍♀️🤦🏻‍♀️ 蠔係完全冇味， 蛋係dd 咸味都食唔到🤦🏻‍♀️🤦🏻‍♀️ 最後竟然食唔曬， 我哋兩個人嗌咗兩碟餸， 都食唔曬就知味道真係………… 另外叫咗個海南雞飯， 不過食曬啲雞先記得影haha 味道係正常好食嘅海南雞飯，油飯唔會話太油👍🏻👍🏻 仲叫咗個椰青 記得以前九龍城嘅小曼谷門口係勁多人食排曬隊， 出名好食又抵食，可能即係過咗太多年😅😅…查看更多

期待已久嘅可麗餅店～焦糖肉桂 朝糖蘋果下面有啲吉士醬，餅入邊就有cream ， 唔知係咪因為本身好期待，食嘅嗰一刻又好似覺得還好😂😂唔知係咪我食唔到太甜我覺得佢好甜，甜到好似牙痛嗰種，可能鹹食會好食少少 ，下次試下食佢咸嘅可麗餅先$88…查看更多

突然有啲想食韓國嘢就去韓國街道睇下， 平時排曬長龍嘅鋪頭竟然walk in去唔使等位😂 雖然舖頭叫oppa但係入面係冇oppa 😂 本身有少少期待………小丸子炒飯 勁得意，有一筒飯一杯蛋漿 （我本身以為蛋漿係粉漿即係日式小丸子嗰種😂第一次唔識整整到災難級😂我仲以為啲飯係要post曬落個面度架勁多蛋漿，原來係不一粒粒落個窿度😂 第二轉整就靚好多😂 不過平時好似係有限時， 我哋整呢個小丸子大概整咗三轉到， 如果平時限時嘅話可能就食得好急趕， 要趕住整又要趕住食咁樣， 因為整呢個小丸子需要用幾長時間三色煎餅呢個少伏，佢三款煎餅都麻麻地, 好多蔥係面嗰個同中間嗰個都冇味道， 一定要點汁先得，但佢嗰個醬汁調得太鹹 卡邦尼炒粉絲想像中嘅味道，唔係太合我口味 ～粉絲炒得過淋軟曬好易斷 總括嚟講不過不失，畢竟入嚟之前都大概估到味道上唔會話好好食🙈網紅店嘛～你懂的…查看更多

今次黎到壽司郎見佢轉咗新嘅期間限定壽司😍緊係要試下 野菜可樂餅新嘢，入邊係薯蓉咁，一如以往壽司郎嘅炸嘢都係超好食， 冇記錯字係12蚊一塊咋呢個唔算新嘢，好似係新年開始已經有～ 佢個三個炸魷魚超超超好食，個墨魚拌麵本身就冇乜味， 期間限定嘢試過就算今次期間限定嘅壽司都有叫到，不過冇逐個逐個影相， 今次新款壽司冇乜特別驚喜，冇咗巴斯克蛋糕，變咗大人味焦糖卡達拉娜蛋糕 ， 食落去又好似咖啡味唔知點解😂我都係鍾意巴斯克多d🙈🙈 總括嚟講我都係鍾意上次期間限定入面嘅壽司多啲， 今次唯一要做好食嘅係得長鰭吞拿魚腩， 但都唔係啲咩新嘅因為佢本身固定menu入面都有一個長鰭吞拿魚…查看更多

今次嚟食呢間好出名嘅海南雞飯，我哋到嘅時候早少少， 原來佢係兩點先開門，所以我地係外面排隊 ，未夠鐘開門外面已經係排咗長長嘅一條人龍😂😂😂有少少覺得好彩因為做嘢咁啱黎開呢頭😂 入到去好快就咁樣揀咗要食咩，因為佢出名都係得海南雞飯我哋就要咗一個二人餐 二人餐有半隻雞，兩碗飯，兩個小食，兩個湯， 特別一提佢個湯，係椰子雞湯勁好飲，我仲叫多咗一碗，外賣咗三碗😂😂不過外賣就好唔抵飲，外賣碗係人哋麵豉湯嗰個大細，有啲可惜😅雞超好食 ！！好滑！有雞味 ！ 食完就知點解咁多人排隊其中一個小食我哋叫咗墨魚餅，質素就還好 ，普普通通油飯都好好食唔會太油膩，好怕有啲海南雞飯嘅舖頭個有份係超級油…查看更多

喺佐敦行咗好耐想搵餐廳食嘢， 因為疫情好嚴重所以睇黎睇到係得茶餐廳，行咗勁耐終於見到一間cafe，唔使諗即刻坐低咗，其實佢個位有啲搞笑，喺廟街嗰邊，但間餐廳裝修畀人感覺就係好chill ，如果唔聽出邊街外嘅聲音，感覺其實好好😂講番嘢食我哋嗌咗一個黑松露蘑菇pizza，意外地重料，上面好多好多芝士，蘑菇都好多， 而佢個餅底唔係軟身煙韌嘅餅底，係硬身又輸似脆餅嗰種餅底， 但係唔係薄嗰隻係厚厚地嘅，價錢上嚟講都還可以，冇記錯128，另外加一 總括嚟講，都幾好， 因為大多數cafe都係得裝修靚嘢食係好難食😂😂仲要好貴，相反呢間嘅價錢同埋分量嚟講都唔錯👍🏻…查看更多

附近好多餐廳，揀咗一輪決定試下呢間喇沙麵～～呢度嘅喇沙麵同平時大部分食開嘅喇沙麵唔同， 唔係有加椰奶嗰一款， 係古晉喇沙麵， 一邊有蛋絲牙菜， 不過我唔係好好彩我嗰碗麵嘅蝦係未煮熟生嘅😂 咬落去個陣腥味好嘔心😂但我朋友見我冇食到隻蝦一野拍咗入口，想同店員講換都冇得換😅😅我朋友嗰碗就正常熟嘅 ～講番佢個麵先， 呢款喇沙麵冇平時食嗰款咁漏，個湯底紅卜卜咁， 個味道都幾好食～，入嚟之前冇諗過都幾好食，有啲驚喜 ～…查看更多

第一次食好出名嘅德昌魚蛋粉，今次好好彩入面冇乜人，直接walk-in就即刻食得到 ， 睇餐牌之前問咗個阿姐有冇魚片頭佢話有， 咁就嗌咗個魚片頭河粉，等緊嘅時侯睇餐牌見到餐牌上面冇魚片頭， 嚟到見到佢呢個應該係魚蛋而唔係魚片頭😂😂 不過都唔係啲咩緊要嘅，黎到嗰粒魚蛋超大粒好似長洲魚蛋咁大粒，味道就梗係好食過長洲魚蛋啦， 食得出粒魚蛋係好新鮮嘅， 佢仲好細心咁將你幫粒魚蛋切片，粒魚蛋真係好大， 河粉都係好食唔會話好唔新鮮煮到斷曬，不過有時候經過見到佢排曬長龍， 如果要排隊入去食碗魚蛋返我就覺得唔係好值得，雖然佢係一本好食魚蛋粉但係佢係一碗好普通好食魚蛋粉😂唔使特登話黎德昌要排十幾分鐘隊都食得到， 價錢方面冇記錯好似40蚊有找， 係出名嘅舖頭嚟講已經算好平， 下次如果唔使排隊可以直接食嘅我都會再嘗試另外佢隔兩間舖都係同一間德昌佢嗰個炸魚骨超好食，打邊爐當小食嗰個定要買嚟食 …查看更多

見好多好評～滿心期待呢到呢間餐廳，諗住佢嘅串燒水平應該都唔差啦～但真係好唔掂哈哈🙈🐟🐟🐟 叫咗一個刺身拼盤嘅但我冇影到相有三文魚蝦同埋帶子其他唔係好記得 個帶子唔知點解要放喺塊檸檬上面😅搞到有浸檸檬味，成件事都好奇怪講埋其他刺身，係唔多新鮮嗰隻個三文魚我咬咗啖就放低咗，真心唔得囉- 簡單啲嚟講佢成個刺身拼盤都好差，咁我以為佢專做串燒咁刺身就會差啲啦係咪， 食埋串燒先發現其實佢普遍水平都係麻麻地😅😅燒豆腐正常好食 👍🏻👍🏻仲有一個燒飯糰我又唔記得影🙈🙈但嗰個係好食，係高質㗎燒飯團 ！！嗌咗佢四隻生蠔🦪兩隻燒兩隻刺身 我肯定呢間餐廳整刺身個邊個師傅係真係麻麻地😂佢只係就咁開過生蠔，生蠔入面都可以有幾舊殼😅😅😅😅衰過我自己開燒個個好唔錯👍🏻👍🏻加左清酒去燒 再嗌咗一個燒牛油果，好似餐牌寫住係多人叫推介嘅味道就冇乜驚喜冇乜特別試過就算燒白鱔又係等勁耐～佢燒得係ok但係調味太重手 好明顯係落多咗有啲浪費咗 好記得依個雞翼，因為等咗勁耐， 一坐低就叫等到埋單先出現～～～ 而佢都係燒到柴曬乾曬冇汁嘅😅仲嗌咗好幾款嘢嘅但係冇影相，同埋都唔好食就由佢啦佢仲有一個強制性要你嗌嘅番茄冷盆，個蕃茄都ok嘅但係我本身唔特別鍾意食蕃茄😂 至於環境就麻麻地嘅，同埋佢啲職員都唔主動唔helpful，好多嘢都要我哋問先有，餐具熱水，甚至連食生蠔個枝叉都要我哋自己問總結；唔會再嚟好伏， 收咁嘅價錢質素超差，兩個人食唔開酒，價錢到千中嘅串燒一定有更好選擇🌝…查看更多

依家六點後禁堂食所以想食放題都要晏晝去食😂但冇計啦即係突然之間好想食放題😢 大喜屋好似係分好多等級嘅，而殿好似係最高級不過我都唔清楚，我都係求其揀一間近自己附近嘅就book咗咁樣去食 而家去食呢超抵因為呢好似第二位係半價，我都係見到呢個優惠先至食😂叫咗好多次身佢有吞拿魚，油甘魚，劍魚腩，池魚，甜蝦， 帶子呢幾款都係出面平價放題冇嘅嘢，我諗佢殿價錢貴啲就係會多啲呢啲嘢食囉 刺身嘅質素都唔錯，我兩個人如果出去食居酒屋，咁樣食刺身企埋單都係千零蚊所以有時食放題都係一個唔錯嘅選擇，放題都未必係劣食，有時畀貴貴去啲日本居酒屋都未必好食㗎😂佢仲有海膽手捲食，不過呢個呢就冇得手機點，要行出去拎嘅 實話實說佢啲海膽就麻麻地，不過講真畀咁嘅價錢，有海膽你食仲想點，有已經好好， 喺個海膽口感有啲搞笑似鼻涕嗰啲核突😂食得出係好渣同埋真係好麻麻嗰種，但我覺得完全可以接受😂 仲要係任拎唔限拎喎呢個價錢另外仲有嘢食就冇影低度～值得講嘅都係刺身呀海膽其他熟食就冇乜特別～…查看更多

已經唔係第一次嚟呢間水門雞食飯， 因為就係我做facial隔離，之前食過一次佢嗰個招牌雞飯覺得麻麻哋，雞都幾老下，今次食佢呢個雞麵， 全名唔記得好似係冬天限定～ 今次呢個就幾好食，唔知係咪因為加咗湯呢令啲雞感覺上冇咁鞋口， 我本身想食河粉但係冇曬咁我就轉咗金邊粉～ 個湯麵個湯底都幾好食少少辣咁樣，我諗我以後呢都會食湯麵多過雞飯，因為湯麵真係好食好多 😂😂同咪有樣幾搞笑就係佢而家只係收現金， 我咁啱得幾十蚊現金😂 差少少唔夠錢畀😂收銀本身都同我講話個幾蚊由佢啦😂好彩喺個袋度搵到五蚊銀啫😂…查看更多

第一次食依種刨冰即刻叫錯味😂本身係想叫成個都係朱古力味個種， 呢個寫住薄荷朱古力，我以為係朱古力味😂不過唔緊要依個都好好食😋 枱邊有食刨冰嘅教學，未嚟前仲諗緊點解釋刨冰都要教？黎到就知真係會跌架😂😂要由高食到底，外食到入～ 側邊仲擺咗個朱古力醬， 食到中間唔夠味可以加朱古力醬， 但我覺得其實唔使加個刨冰本身都好好食😋唔知點解我覺得呢個刨冰有啲似以前讀書時候好興嗰隻綿花冰定叫綿綿冰😂不過唔係一個碗同埋一坐山咁大，同埋依個刨冰靚勁多😍 下次上嚟試埋嗰個朱古力咪同榴槤味😋 佢頭殼頂嗰嚿係一嚿豆腐花好搞笑…查看更多