or#tm67106034的个人专页

元朗實在太多好嘢食，今次行完街好攰冇特別要求，求其搵啲嘢食醫肚，見到門面都唔錯入邊都坐滿人即管試吓，叫咗四樣嘢，有一樣野冇，係我最想食嘅小籠包😪叫咗個濃湯魚餅米線，一啲都唔濃個湯，而且味道麻麻😞；鳳凰煎糯米雞都幾驚喜，未試過，外面係飯焦脆脆地，裏面糯米飯煙煙銀銀，中間有啲豬肉好似平時糯米雞涵，唔錯🤤；荷香牛仔骨飯，有荷葉香味，呢個平時酒樓好少會食到，味道都OK的。🙂平時比較少去酒樓飲茶，星期日又多人等位間中飲下夜茶都幾過癮😄扣分位：我坐嗰個位正正望到廚房，廚房大佬全程拉低口罩（露口鼻）整點心😥明白喺廚房係好熱嘅，但衛生都要注意下，尤其是而家疫情😷…查看更多

趁消費券未派之前容易book位，整個放題放肆下😄5:30至7:30pm $190真係抵食。Book位安排都好周到，電話中雖然說BB佔座位要收費，只能比4人枱我哋，完全明白的。但說盡量幫我哋安排坐得闊落啲，4大人1BB，去到安排咗六人卡位，讚👍🏻👍🏻好多放題都限定指定牌子每人一杯雪糕，呢度正在任食，雖然唔係有名牌子，但都唔錯，試咗海鹽同椰子味，有Dreyer乳酪雪條，另外又有綠茶味即唧軟雪糕😃熱食羊架、蟹粥、鹽燒蝦、芝麻雞翼都唔錯炒牛肉粒、燒牛脷到枱唔係好熱，呢度扣分刺身都新鮮嘅總括嚟講，$190係值回票價，可以encore…查看更多

黑面都算，態度語氣極差，問攞餐牌，「自己點啦」鬼知咩第一次嚟😡好啦落了order，出餐竟然成個餐劈落張枱度🤬已經忍住度氣，嗌左個滑蛋豬扒飯，啲雞蛋同飯硬嘅，淡而無味道，難食諗唔明點解咁多人坐喺度，係咪好多人都係第一次嚟中伏😖不過咁講，花都雖然多食肆，但多學生同住宅，lunch時間基本上間間都爆曬已經試過兩次，唔會再有下次！第一次當妳心情唔好，第二次都係咁，仲要一齊去嘅朋友都火滾，即係證明人有問題之後發現原來有幾個朋友都有同等遭遇，在依間餐廳受氣，都係個女職員嘅態度，我朋友本身出咗名好脾氣，咁都激嬲到佢真係不得了！粉嶺都大把好嘢食，淨係日本料理，花都仲有間藤津，係地方細細地，但起碼唔使受氣；華明邨有間都好食，夜晚貴啲但lunch都抵食，仲要坐得舒服，服務態度又好，有一次帶埋小朋友，啲職員仲氹小朋友開心，主動攞BB櫈，兩個大人3個BB，比張六人枱我哋，係Lunch繁忙時間，非常之有人情味同愛心👍🏻 除咗澳牛奶公司，呢間野都算經典服務態度…查看更多