軟飯花燈的个人专页

難得一大班frd約咗，食斗滾真係冇得輸！一個價錢，先食雞煲，之後飲湯，跟住海鮮，同埋打邊爐。而且雞煲同邊爐可以任添，二百幾蚊黎講喺香港真係cp值好好好高！放心就算打邊爐唔煮麵都一定飽。不過都唔好expect打邊爐會有好多選擇，都係基本嘅菜同丸類。野飲都可以任拎，有涼茶等選擇，可以下火。不過如果要預約嘅話真係要早d，尤其多人嘅話，起碼早一個月就穩陣d啦。同埋環境方面就要有心理準備唔會好舒服，有d逼，不過一大班frd坐逼d都唔緊要啦！最緊要食得開心！…查看更多

同朋友難得一見，見呢間餐廳冇試過，就約咗試下。位置上都唔算好偏僻，大約黎火車站十分鐘。而店鋪員工服務態度良好，環境都闊落舒服。食物方面，有幾項選擇比素食者選擇，不過要留意大部分食物都係辣嘅，唔可以唔辣，所以如果少少辣都食唔到就要睇清楚有冇岩食嘅。果隻辣算麻辣為主。另外食物質素都幾好，而且有d款式融合咗茶嘅配搭，都幾特別。份量上女仔黎講都ok。價錢方面，要留意起碼要一杯野飲，就算叫咗野食都要加野飲，所以略顯唔夠flexible。總結而言，如果有budget的話可以值得一試。…查看更多

放工後去，點知大排長龍，等左起碼三十分鐘，唔知係咪因為星期五嘅關係。餐廳冷氣壞咗，不過可以問店家拎風扇仔吹，都唔算好熱，只係有d焗。食物方面，主打韓式刀削麵，但係口感好似同中國刀削麵差唔多，唔算入味。我地兩個人，叫咗牛肉湯底同埋蜆肉湯底。湯底味道的話都算唔錯，可以話不過不失啦。飯糰都正正常常。而小菜就得一個，比起其他韓國餐廳黎講真係少好多。值得一提嘅係，服務態度都算幾好。總結，如果要排隊就唔值得嘗試啦。…查看更多

在中大來說，the stage算係食物質素不錯嘅餐廳，環境亦闊落舒適，晴天有陽光的時候更是好像在cafe裏面一樣。但是食物價格偏貴，份量略顯不足。至於味道方面，大部分菜式都不錯，例如漢堡、海鮮炒飯、墨西哥卷等。但是部分意粉不夠入味，例如魷魚意粉。至於餐飲方面，不建議order咖啡，很像外面的廉價咖啡，不過果汁等可以考慮。而小食質量亦不錯，可以考慮生果盒、葡撻等等。總體而言，不太肚餓，只要避開雷區，the stage還是值得一試。…查看更多

第一次黎烤魚工房，上網睇等候時間大多偏久，但因為呢間係岩岩新開的緣故，所以六點半左右嘅時間，唔洗點排隊就順利入座。菜單有唔同的湯底選擇，即使唔食得辣嘅朋友都可以揀走辣。而菜式方面有燒烤同小食嘅選擇，例如炸饅頭、蓮藕片等等。如果驚唔夠飽，都可以加碗白飯。嘢飲都可以叫水果茶，不過份量偏少。食物味道方面，魚真係好滑，湯底夠味，其他食物都不錯。而且環境乾淨，服務態度良好。比起其他打邊爐店，價錢中上，值得一試。…查看更多