chito991的个人专页

最近同朋友去咗沙田搵食，見到呢間Butlery西餐廳，裝修簡約，坐得舒服，啱晒慢慢chill住食😉🥗 Buttermilk Chicken Salad沙律入面有烤雞扒、牛油果、煙肉、溫泉蛋同羅馬生菜，配埋蛋黃沙律醬，好豐富！雞扒嫩滑唔乾，煙肉香脆，牛油果滑溜～🍔 Maple Bacon Cheese Burger & Chips安格斯牛肉配埋楓葉漿煙肉同芝士，鹹甜交錯，味道好有層次～炸薯條仲係外脆內軟，食完超滿足😛🍗 Spicy Wings脆炸雞翼炸得好脆，配埋牧場沙律醬同燒烤醬，整體唔會好辣🥰🦑 Baby Cuttlefish Squid Ink Pasta墨汁意粉嘅芥末忌廉汁香濃而不膩，配埋蕃茄莎莎同新鮮墨魚，酸香中帶鮮味，幾有創意！🍋 Iced Lemon Tea凍檸茶茶味夠濃，啱晒解膩…查看更多

位於尖沙咀，裝修走文青泰式風，唔會太浮誇但又有啲小心思，坐得舒服，啱晒同朋友chill住食🥰🍤 脆炸軟殼蟹米紙卷配牛油果醬（3件）米紙卷包住炸得香脆嘅軟殼蟹，咬落去有層次感❗️配搭牛油果醬，整體唔會太膩，反而有啲清新感☺️🐷 炭燒泰北豬頸肉條配青芒沙律豬頸肉炭燒得啱啱好，唔會太乾，油脂分佈平均，食落juicy😛 配埋青芒沙律，酸酸甜甜🥖 香草蒜蓉焗包條包條焗到外脆內軟，蒜蓉味濃但唔會搶晒香草味😍🦪 勿洞脆脆炸蠔餅香辣炒通菜蠔餅外層炸到金黃香脆，口感一流😉入面蠔肉份量都幾多，仲大大隻❗️餅身唔會太厚，比例啱啱好☺️🥬 香辣炒通菜炒通菜口感爽脆，味道夠辣但唔會辣到搶晒味，仲有啲蒜香味😳🧋 泰式泡沫奶茶泡沫厚滑，茶味濃郁但唔會太甜…查看更多

🔥 最近去咗旺角牛站（駅）麻辣火鍋放題，試咗佢哋嘅【特上牛小排放題套餐】😋餐廳雖然喺旺角，但入到去環境夠闊落，坐得舒服～啱晒同朋友聚餐或者慶祝！一坐低就即刻開波，SRF極黑和牛油花靚到好似雪花咁，放落湯底幾秒就熟，拎起嚟仲掛住湯汁，入口即溶！牛小排啖啖肉，食落有牛味又唔韌，食完一片又一片！海鮮方面都好有誠意，蠔夠大隻又鮮甜，大頭蝦爽口彈牙，鮑魚切片後放落湯底煮一陣，口感啱啱好～講真，火鍋放題有乳鴿任食真係少見！外皮香脆，肉質嫩滑，上枱速度快，唔會等到餓親～我食咗三隻都唔覺膩，真係抵讚！🍮飲品選擇多，甜品方面芒果布丁好滑好清新，食完辣嘢嚟返一啖，完美解辣！最後仲有Haagen Dazs雪糕任食，真係完美ending～🍨總結：極黑和牛 + 靚海鮮 + 乳鴿任食 飲品甜品選擇多，芒果布丁+Haagen Dazs雪糕超加分 環境舒服，服務快手 旺角地段方便，行完街食返餐飽…查看更多

元朗「麵麵俱到」主打日式烏冬，最近去試咗幾款餐點，整體感覺唔錯，價錢合理，份量夠。🥚 壽喜燒牛肩胛溫泉蛋湯烏冬牛肩胛肉切得啱啱好，口感軟腍之餘仲帶少少油香。溫泉蛋一撈開，蛋黃即刻流晒出嚟😍烏冬煙韌彈牙，唔會煮到爛晒。加$15可以配埋沙律同飲品😉🐷 豚骨濃湯烏冬配醬油慢煮豚軟骨及香脆豬皮湯底夠濃但唔會過鹹，豚軟骨炆得好腍，醬油味滲入肉裡面，幾惹味。加$25仲有唐揚炸雞同飲品，炸雞外脆內嫩☺️🥟 燒汁雞皮煎餃餃子外層用雞皮包住，煎到金黃香脆，咬落去仲有肉汁流出！…查看更多

🫘 元朗石磨樂豆 Jollibean主打豆乳同糖水系列，啱晒鍾意健康又唔太甜嘅朋友～今次試咗以下幾款：🍡 拉絲麻糬面煎糕（加茶記菠蘿脆）+ 微甜濃豆乳 SET 麻糬面煎糕入面好煙韌，咬落去仲有拉絲麻糬嘅口感，幾有趣！加埋茶記菠蘿脆，甜甜地又有層次～配埋微甜濃豆乳，豆香濃郁但唔會膩😊🥭 香芒金露芒果味超清爽，甜度啱啱好，唔會太膩。西米煮得啱啱好，煙煙韌韌，成個口感好滑～夏天飲一杯真係透心涼☀️🌿 燒仙草茉莉花茶豆乳 燒仙草加茉莉花茶豆乳，豆乳香濃之餘又有花茶清香，燒仙草口感滑溜💡 其他系列都唔可以錯過：🌸 山藥百合系列例如准山百白豆腐花、西米露等，糖水唔會太甜，啱晒想養顏又唔想食得太heavy嘅人。🍚 紫米露系列紫米露、紫米豆腐花、紫米西米露都好有港式糖水嘅味道～…查看更多

最近見到莆田搞緊鰻魚節活動，有好多新款嘅鰻魚菜式，心思思黎試吓新菜式，仲好彩咁抽中咗鰻魚節菜半價券❗🐮小炒黃牛肉牛肉切得啱啱好，炒得香口又唔韌，啖啖都好惹味，送飯一流！🐟普寧豆醬焗鰻魚鰻魚焗得好入味，豆醬鹹香中帶少少甜，完全唔會搶味，反而令鰻魚更突出。魚肉滑溜溜，啖啖膠質感😛🥬金湯時蔬蔬菜吸滿金湯汁，健康又滋味！🐟砂鍋黃花魚湯黃花魚煲到出晒味，湯底清甜又有魚香，仲有啲豆香味濃郁嘅豆腐做配料，飲完成個人都暖晒。…查看更多

尋日同屋企去紅磡崇潔街搵食，見到呢間由韓國人主理嘅「韓兄弟燒烤」，決定試下！一入到去環境好整潔，坐得好舒服! 韓牛燒肉塊牛肉個花紋真係靚，望落就知新鮮！燒完之後肉質好淋，咬落去仲有滿滿嘅牛肉味!章魚拌生牛肉我之前喺韓國都未食過生章魚架, 仲要咁生猛！章魚咬落好爽彈，生牛肉好鮮味，兩者 mix 埋一齊真係好夾，口感好豐富！海鮮煎餅煎餅煎到金黃酥脆，入面嘅海鮮好多，夠晒香口，食完一塊仲想食第二塊！招牌雜錦刺身拼盤有足足五款：海菠蘿、鮑魚、海參、拌熟大章魚同埋燙海螺。其中鮑魚最正，鮮味又爽口；大章魚甜甜地，好美味；海螺口感都好爽彈，每款都好新鮮！原條比目魚刺身成條魚起出嚟，份量勁足！魚肉色澤通透，味道繫淡淡嘅鮮甜味。師傅刀功一流，切得厚度好適中，最正系魚腩位，肥瘦適中!比目魚魚骨湯個湯真係好鮮甜，繫正宗嘅韓式魚湯，仲帶少少辣味，飲落好開胃。入面嘅魚好大條，好多魚骨，魚味好濃!…查看更多

岩岩去咗荃新天地一門町市場入面呢間日韓fusion小店，試咗幾款牛肉料理，CP 值真係夠晒高😛🥩 黑椒蒜香牛肉飯呢個鐵板飯一上枱就香氣撲鼻，黑椒同蒜香完美融合，牛肉份量唔係講笑，係「極量」🥰 每啖都係牛肉，仲有啲飯焦，我仲加咗蒜蓉醬撈飯食😆🍲 日本宮崎縣和牛壽喜燒鍋配烏冬呢個set真係好豐富，唔止有靚靚和牛，仲有蔬菜拼盤、泡菜、蘭王蛋等，烏冬吸晒壽喜燒汁，滑溜又入味❗️和牛油脂分佈靚，仲入口即溶😍🥩食完宮崎和牛都唔夠喉，忍唔住加咗澳洲和牛一碟，肉質厚身啲但都好嫩，牛味濃郁🤩🥚 蘭王蛋蘭王蛋蛋黃濃郁得嚟唔會太膩，拌牛肉一齊食就岩晒😝…查看更多

喺元朗廣場行街行到攰，唔使諗太多，直入「桂花小幸」🤣 呢間台式小店主打紅燒牛肉麵同滷肉飯，食物質素仲唔錯！🍜 紅燒半筋半腩台灣麵牛肉湯底微辣，紅燒湯香濃，牛筋牛腩煮到啱啱好，台灣麵條掛湯一流，食完暖笠笠！🍱 鹽酥雞排滷肉飯鹽酥雞炸得香脆唔油膩，滷肉飯鹹香夠味，配埋白飯真係冇得輸😋🥣 跟餐送：- 是日燉湯（每日唔同款，夠晒滋補）- 上湯浸時菜🧋 加配優惠：- 滷水蛋 +$8（滷得入味，蛋香十足）- 紫菜珍珠雲吞湯 +$16（雲吞細細粒但好足料）- 凍檸茶 +$8（夠凍夠爽，解膩一流）🍹 飲品方面：- 黑糖珍珠奶茶：黑糖香濃，珍珠煙韌，甜而不膩- 蜜桃烏龍多多：蜜桃香配烏龍茶底，加埋多多，酸酸甜甜好refresh…查看更多

屯門市廣場最近新開咗日式放題"御滿屋"分店，終於唔使再成日跑去市區食放題，喺屯門都可以任食高質日本料理😆！👭 我同朋友一齊揀咗個 A套餐，話明有 80款食物任食，由刺身、壽司、燒物、天婦羅到一品料理，連乳鴿、鮑魚、榴槤都包埋，真係好豐富😳！📱 坐低掃QR code就可以落單，揀完唔使等好耐就有得食，出餐速度好快👏！而且餐廳外面仲有個自助區，前菜、炸物、點心、壽司、海鮮、甜品、飲品樣樣齊，實有一款啱食！🍦 最驚喜係有 MOVENPICK雪糕任食，而且仲有其他款式嘅雪糕雪條！⏰ 如果係Lunch時段去，仲可以坐足 3個鐘慢慢歎，唔怪得大排長龍🤣…查看更多

喺香港想搵到地道嘅肉骨茶，佰古爹絕對值得專程黎一趟🥰呢間主打馬來風味嘅餐廳，從湯底到配菜都認真製作，尤其「細滲」無限refill嘅設定💖🌟 細滲（肉骨茶）濃郁嘅藥材香混着肉香直衝鼻尖。排骨選得夠厚身，燉得軟糯，肉縫裡吸飽了湯汁😋最驚喜係可以免費續湯，續上嘅湯依舊濃稠夠味❗🥬 玻璃生菜生菜脆嫩多汁，解膩又爽口🐮 姐姐牛丸牛丸彈牙多汁，底部居然藏着細細嘅粉絲，吸足了即日熬嘅牛骨湯底😍湯頭清澈醇厚🥪 咖央多士烤得金黃酥脆的多士，抹上厚厚的咖央醬，外皮脆內裡軟，甜度不會過分🍢 馬拉沙嗲串燒雞、牛、豬三種肉串齊晒，肉質嫩而不柴，烤得帶點焦香🍗 芽菜雞雞肉嫩滑，雞皮帶點膠質，底下墊的芽菜爽脆，好有馬來街頭風味🥰☕ 特色拉茶 & 美祿恐龍拉茶必須點！茶味濃郁帶着奶香，口感順滑不澀🤩美祿恐龍上面有厚厚嘅美祿粉，巧克力香超濃…查看更多

講到荃灣呢間燒烤堂，真係幾高質，難怪平日都咁多人❗ 首先個蜜糖燒菠蘿烤到邊邊微焦，咬落去juicy到爆汁，開胃一流😛 香草蒜蓉包外皮烤到脆脆地，蒜蓉同香草味滲晒入麵包入面，咬落仲有少少牛油香，簡直係碳水控嘅福音～ 素菜方面，孜然燒西蘭花苗同牛油蒜蓉焗金菇都好出色！西蘭花苗夠嫩，孜然粉灑得岩岩好；金菇就被牛油蒜蓉包裹住，焗到軟淋入味。仲有牛油蜜糖粟米，烤到粒粒分明，甜香帶住牛油嘅醇厚！ 和牛棒配松露一口飯簡直係奢華享受，和牛烤到外焦裡嫩，肉汁爆棚，配埋松露飯同蛋黃攪拌食，好滋味～ 豚肉節瓜波棒糖嘅豚肉腍滑帶汁，節瓜清甜解膩。 仲有鹽燒和牛牛小排同鹽燒A4宮崎和牛，入口即溶，油脂香在口腔裡面爆炸！惹味蜜糖燒三黃雞全翼都好正，蜜糖烤到金黃色，甜中帶少少鹹～ 欖角蒜蓉粉絲燒蟶子，蟶子肉飽滿彈牙，粉絲仲吸晒啲汁😍椒鹽燒多春魚外脆裡面滿滿魚子，椒鹽味夠惹味。焦糖鰻魚芝士玉子燒，玉子燒軟滑，鰻魚甜香，焦糖味增添層次。味醂魚干同汁燒免治雞肉軟骨棒都好下酒😋…查看更多

平時我最鐘意日式海鮮料理，今日就同朋友嚟到尖沙咀嘅南瀛水產，鍾意佢食材夠新鮮，擺盤精緻😍🍗 珍寶雞腿肉 $38啖啖肉，好厚身，燒得啱啱好，外脆內嫩，唔會乾柴🐷 蔥花豬腩肉 $48肥瘦相間，入口油香四溢，再配埋蔥花嘅清香，真係一流！🔥 甲羅燒 $78即場燒真係特別正，啲蟹膏香而不膩，仲夠晒足料🍣 刺身五點盛 $368高質刺身拼盤，有三文魚、吞拿魚、甜蝦、帆立貝、油甘魚，每款都好鮮甜❗️🌯 南瀛卷 $288 / 三文魚卷 $138南瀛卷係招牌之作，壽司卷面澳門海膽同各款刺身，層次感超豐富；三文魚卷走簡約路線，但勝在三文魚好新鮮肥美！🐙 炸八爪魚酥 $78外皮酥脆，炸粉唔會好厚…查看更多

今日特登黎到元朗形點食「極尚大瀛喜日本料理」嘅日式放題😍 坐定定掃QR code 已經揀到好多野食😝刺身、壽司、燒物、一品料理、天婦羅等, 落完order 都好快有得食❗刺身方面，呢度竟然有得任食藍鰭吞拿魚，仲相當高質；三文魚刺身厚切肥美，入口油潤鮮甜；帶子同赤蝦都好新鮮，壽司款式又多😍熟食方面，燒乳鴿必須一讚！肉質嫩仲多汁，熱辣辣咬落去，個味真係冇得彈～ 仲有酥炸生蠔，勁大隻，外層脆卜卜，入面滑溜溜，好肥美！食到一半記得去自助區掃貨，飲品、燉湯、甜品樣樣齊，最正Häagen-Dazs都係任食😍 水果同開胃小食款式仲好多tim❗…查看更多

太子「甜沁園」主打糖水同港式小食，款式選擇多，真材實料，一定搵到啱心水！🍧 黑芝麻豆花 豆花滑得黎仲帶住陣陣豆香，再加埋香濃黑芝麻醬，特別滋味！🥭 香芒楊枝甘露絕對係夏日人氣王！芒果甜度啱啱好，配上西柚果肉同啖啖西米，食落嚟清爽冇負擔，好refreshing～🥭 香芒西米露芒果肉份量超多，撈住西米食，啖啖都係果香🦑 椒鹽魷魚鬚炸得酥脆但唔油膩，啖啖都係魷魚原味，加埋椒鹽香氣撲鼻，越食越上癮🍗 蒜香雞翼未食已經聞到超香嘅蒜香味😍雞翼炸得金黃，外脆內嫩，蒜香滲晒入肉…查看更多