KarryMO的个人专页

《簡約而不失韻味》呢間餐廳係經過嘅時候發現嘅，當時，一行兩人雖然行都好攰，但都想搵到一間啱心水嘅餐廳，而呢間餐廳就好似沙漠嘅綠洲，向我哋招手，遠處一望，就已經決定，我要食呢間！我哋叫咗牛肉粒拌飯 $70入面有半熟牛肉粒、一啲蘿蔔、青瓜、粟米，同埋一隻溫泉蛋，下面就係白飯，份量夠多，半熟牛肉粒有牛味得黎又嫩滑。炙燒三文魚丼飯 $70三文魚份量好多燒得好靚，食落有油脂感，內容都係有蔬菜同溫泉蛋，不過整體感覺味道較啖，調味可以重啲。鹽燒牛舌 $60上菜個份量少到嚇親，但有兩個飯食，所以份量都算足夠，牛舌好有牛味又夠彈牙，食多兩舊就覺得好飽～Supreme Steak & Grill (深水埗)深水埗福榮街161號永邦樓地舖…查看更多

《西式小店》一行四人黎到九龍城嘅一間西餐廳食夜晚，黎到呢間The Yell-Owl Seafood and Grill，入面環境好舒服、好靜，服務態度都好好，侍應隨時stand by 幫你換碟。食完發現呢度嘅食物質素真係好高質，係值得嘅體驗。我哋叫左龍蝦牛油果蟹肉醬沙律配多士 $148龍蝦肉鮮甜彈牙，同牛油果好夾，沙律醬酸甜清爽，份量又大份！墨魚汁帶子大蝦意大利飯 $178帶子同蝦都幾新鮮，個飯調味都幾好，但食耐咗好滯，入面有啲蕃茄，但都唔係好解滯。澳洲頂級肉眼牛扒 $238肉質鮮嫩，好冧又多汁，仲有特制嘅醬，一大啖食落口，好滿足。The Yell-Owl Seafood and Grill (九龍城)九龍城福佬村道5-9號地下C號舖…查看更多

《韓式炸雞》朋友介紹之下試咗旺角嘅Yadllie Plate，有興趣去食係因為覺得呢一間餐廳啲嘢食好吸引，又好啱打卡，所以放飯就順便試下，餐廳裝修好似真係去咗韓國咁，而且好乾淨舒適，入面嘅餐牌有好多唔同嘅選擇，但係我哋嗰陣唔係好肚餓，掙扎咗好耐之後叫咗：蜜味芝士粉無骨雞 $108 炸雞脆卜卜，對我來講好好食，特別係我呢排食得多好韌嘅炸雞，有好大對比，芝士粉同蜜糖醬包住每粒炸雞，超級好食！黑糖珍珠奶茶雪冰 $78啲冰刨到好綿蜜，但係味道就唔係好特別，就好似食緊一杯凍嘅珍珠奶茶，而且啲黑糖珍珠唔夠甜，口感都有啲奇怪，亦都唔夠彈牙。Yadllie Plate (旺角)旺角西洋菜街1號兆萬中心11樓…查看更多

《隨心午餐》主打新加坡菜嘅靚靚餐廳，我哋叫咗：無骨海南雞飯 $85飯有油香味，但米飯屬於黏黏濕濕嘅類型，鍾意粒粒分明嘅人可能未必咁鍾意海南雞都嫩滑嘅，雞皮唔會太多肥膏，但係呢個價錢黎講，就唔算特別驚艷附贈湯就係一般嘅味精湯帆立貝叻沙 $95上到黎，有三粒中等size嘅帆立貝、幾塊魚蛋片、一粒雞蛋、幾粒豆卜同蟹柳麵底係米粉溝類似瀨粉嘅半透明粗麵條，食落唔係特別掛湯入味湯底唔算特別濃郁，淡淡椰奶香、少少嘅微辣，適合鍾意溫和味道嘅人豆卜吸收曬湯汁，食落標汁惹味主角帆立貝就普普通通，甚至煮得有啲老隨心 (鰂魚涌)鰂魚涌海光街12號地舖…查看更多

饒宗頤文化館，好似有一條結界，入面寧靜嘅空間同出面嘅鬧市形成強烈嘅對比，係一個逃避煩惱嘅世外桃源。我哋順便試咗入面好出名嘅coffee shop 「coffeeflow」呢個係黑松露蟹肉醬多士配沙律 $78黑松露嘅比例啱啱好，蟹肉醬啖啖肉，真材實料，兩種食材配搭好夾，多士份量好多，可惜佢嘅質地偏硬唔脆，食起上嚟都幾辛苦，所以味道來講好好食，但口感係一大敗筆。而呢度嘅環境好靚，每一個位置都係打卡位，佢哋嘅餐點同埋擺設都好用心，係一個好舒服嘅地方。…查看更多

阿木台灣麵，想食好耐次次經過都要排好耐所以食唔到，今次食到係因為下午茶時段冇乜人，入到餐廳坐低，先發現餐牌原來有咁多選擇，選擇困難嘅我哋最後都係揀咗下午茶套餐，價錢真係好抵，份量又多，食到好飽。我哋揀咗下午茶餐A $36肉燥飯肉燥飯好大碗，好多飯，啲肉煲到好軟身好入味，可惜真係太多飯，而顯得肉醬唔夠，我覺得肉燥飯其中一個好食嘅地方就係每一啖飯都俾肉醬包住，先有滿足嘅感覺，既然係下午茶餐我覺得可以將飯嘅份量減少，咁個比例就會好啲。配菜一個餐有三份，我哋揀咗台灣腸仔、鹽酥雞、豬耳、牛肚、滷水蛋同貢丸，呢一啲小食都好有水準！最令我哋驚喜嘅係杯珍珠奶茶，佢用嘅茶好明顯同平時街上飲嘅珍珠奶茶好唔一樣，好特別，好好飲，而珍珠都好Q彈。…查看更多

《工廠大廈》工廠大廈嘅餐廳其實有好多好多，入去搵嘢食，好似尋寶咁唔知揀邊間。我地揀咗一間台式小店，入到去燈光昏暗，環境格局闊落，但啲枱櫈就有啲舊。我哋叫咗鹽酥雞滷肉飯 $63鹽酥雞好香酒味，比起以前食嘅鹽酥雞重酒味好多，個飯就係普通嘅滷肉飯。紅棗水（跟餐）太甜小食（跟餐）麻辣豬耳涼拌海帶呢兩款小食都用同一種麻辣醬，小小麻，豬耳爽脆，海帶就偏硬。刈包 $32呢個真係必食，一大舊肥豬肉夾係中間，一啖咬落去，好！幸！福！…查看更多

酸辣海螺湯米線，五小辣食之前喺度諗佢係咪會同螺螄粉一樣味，出到嚟我覺得都差唔多，不過螺螄粉好食啲，湯底太酸，隻味好奇怪，我個人接受到螺螄粉，但係都覺得譚仔嗰隻好奇怪，而且啲海螺肉好腥，係大伏。…查看更多

《港女下午茶》唔知點解將野食放係三層架上面就特別吸引！當見到呢間有咁平民價嘅港女下午茶，就急不及待黎試下，間野環境好靚，每一個位置都係打卡位！Savory Crepe Brunch Set $158入面有三文魚薄餅、田菜沙律、仲有甜品，種類都算多，但係味道就普通，不過呢個價錢呃下一張打卡相都值得嘅！唔知點解將野食放係三層架上面就特別吸引！當見到呢間有咁平民價嘅港女下午茶，就急不及待黎試下，間野環境好靚，每一個位置都係打卡位！Savory Crepe Brunch Set $158呢度真係好舒服嘅休息地方～…查看更多

《復古咖啡店》日式復古咖啡店，裝修真係好可愛！啲野食靚到唔捨得食。我地叫左五品料理 $128我地揀左清酒溏心蛋、明太子富士山飯團、山賊汁雞卷、照燒雞扒同蟹肉汁煮大根。成碟野好靚，但味道一般。肉桂蘋果焦糖布丁 $42布丁整得超可愛！好香蛋味，口感軟滑，食到好幸福北海道牛乳芒果千層蛋糕 $52呢碟係比較失望嘅，賣相普通，味道都普通。如果係追求食物質素呢一間可能會失望，但係如果係想打下卡，感受下氣氛呢間絕對要黎試下！…查看更多

《牛角包窩夫》「不如我哋去食croffle」 「咩係croffle？」「係牛角包整嘅窩夫」🤍🤍🤍🤍🤍🤍🤍🤍🤍🤍🤍🤍🤍🤍呢間cafe好可愛，入到去就好似去緊韓國嘅cafe咁，裝修好有心機，幾乎每一個位置都係打卡位。🤍🤍🤍🤍🤍🤍🤍🤍🤍🤍🤍🤍🤍🤍我哋叫咗Vanilla Latte $35一上枱第一時間覺得好靚，牛奶同咖啡形成咗好靚嘅漸變層，飲落好順滑，比例來講牛奶俾咖啡多，啱晒我呢啲飲唔到苦咖啡嘅人。Blueberry cream cheese croffle $60呢個招牌果然冇令我失望，賣相好靚，食落去好脆、好香，口感仍然係牛角包嘅千層酥皮。而酸酸甜甜嘅乾果，令人成碟食晒都唔會覺得膩。Basque cheese cake $60芝士蛋糕都係好靚，芝士味濃，最上面嗰層係焦香嘅，好似蜜糖嘅甜，完美配搭下層嘅芝士蛋糕同餅底。Kactus Koffee (佐敦)佐敦文英街47號地舖…查看更多

《抹茶》抹茶對於我黎講，從來都唔係第一選擇，炎炎夏日，一杯冰涼嘅果汁更加引人注目。寒冷冬天，一杯溫熱嘅朱古力足以暖上心頭。抹茶好飲，好食。我唔討厭抹茶，亦都唔抗拒抹茶，只係唔會選擇佢。朋友介紹下，去咗旮旯，一間好出名嘅日式甜品店，我哋叫咗抹茶牛奶抹茶牛奶嘅配搭冇我想像中咁濟，反而有實實在在冰涼感，就好似果汁咁有降溫嘅功效，奶香十足，味道亦都算好飲抹茶葛餅我好鍾意食一啲煙韌、有咬感嘅甜品，所以呢個好啱我口味，粉團比綠茶粉包圍着，Q彈得來又可以帶出抹茶香。芝士蛋糕濃郁嘅芝士味、綿密嘅口感，入口即溶，有意外驚喜。小西點雖然都能夠好似其他抹茶甜品咁，有濃厚嘅抹茶香，加上奶油，但係好可惜呢個蛋糕有啲太硬，大大影響口感。…查看更多

生日聚餐。餐廳好有feel，我地坐嘅位置附近有把白色太陽遮，成把遮圍住白色燈串，昏暗嘅燈光，加埋音樂，令你可以享受西式優雅，可惜嘅係，環境唔算好乾淨，餐牌又舊，破壞咗餐廳嘅氛圍。我地點咗皇牌威靈頓牛柳 $358卡邦尼扁意粉 $108黑松露啡菇水牛芝士薄餅 $148先講威靈頓牛柳。賣相幾靚，一切開，一陣菇味撲鼻而來，牛柳肉質細嫩，酥皮脆而香口，但係酥皮同牛柳融合唔倒，切嘅時候容易分離。卡邦尼扁意粉。濃郁嘅芝士味，意粉嘅份量多，好彈牙，溫泉蛋同醬汁好夾，啲醬汁包住每一條意粉，令你啖啖滿足。黑松露啡菇水牛芝士薄餅。呢個pizza 一樣好重菇味，配搭埋濃濃嘅水牛芝士，味道幾好，而pizza 薄得來又唔會硬，反而好脆。整體來講食物質素好，環境可圈可點，價錢偏貴，係食大餐嘅選擇。…查看更多