我訂大閘蟹加小籠包加蟹粉三樣野3025年10月25號送貨佢承諾係25號12點至7點送貨當日下晝2:30嘅時候，我經WhatsApp聯絡呢間公司想睇睇個訂單出咗大概咩時間到當時佢哋有用WhatsApp回覆，我話見到有個訂單，跟住話送貨時間都係12至7佢話幾點數係司機自己排單WhatsApp 服務嗰邊唔知喎. 之後就叫我自己等電話司機會打俾我，我等到差不多夜晚6:00都未有司機打電話俾我咁於是乎我又喺返WhatsApp度查詢返叫佢幫我睇吓張單啦，點知佢check咗好耐都冇覆過我啦.於是我直接打俾佢哋提供嗰個手提電話. 打咗四次都冇人聽電話… 真係激鬼氣如是者隔咗20分鐘，有一個六字頭嘅手提電話號碼打電話俾我係呢間鋪頭覆返我話佢未搵到司機喎. 話個司機冇聽電話，聽到呢個答案真係啤一聲… 完全呢唔知想點囉，佢哋安排出貨未唔知. 司機幾多點送到唔知. 送咗未唔跟住又話司機揸緊車揾唔到咁你講晒啦！ 最後喺呢個時候又有第二個六字頭嘅手提電話打俾我，佢話佢差不多到我屋企樓下. 之後我就叫佢直接送上嚟啦，佢話我加咗$170係唔包送上門要我落街自己.真係已經成肚氣啦，仲要買咗我1300蚊.. 上網啲KOL成日講到呢間嘢好好食。嘩我食完之後覺得佢啲蟹完全蟹味囉，佢個小籠包個皮厚厚過佢塊面皮.佢之後仲好意思WhatsApp我叫我俾返個評語佢喎，幫佢喺社交平台度post返佢哋喎… 既然你叫我俾評語咁我就俾個劣評你
…查看更多
…查看更多
