emily_8181的个人专页

平時早餐都鍾意嚟韓樂食，原因好簡單，就係又平又抵食，今日下午茶時間小m話好肚餓，又怕佢食食吓眼瞓，當然揀最就腳嘅地方，睇睇餐牌，有新嘢喎，通粉多士餐$19😍，比幅相阿囡睇都話ok，即刻叫先，自己因為想飲即磨啡，所以叫多咗個炒粉絲餐$26（跟紅豆冰），炒粉絲用外賣盒帶走，其他堂食，個通粉多士味道。。。ok啦，不過不失，無乜驚喜，味道其實唔差，不過自己口味比較重，如果沙律醬再多啲會更好，食得有啲狼狽，一路食通粉一路跌🤣，不過咁嘅價錢味道唔差又飽肚，仲想點先，其實又真係好抵食，雖然話係下午茶餐，但份量係大嘅，而且環境好，閒日早餐成日爆場，會keep住嚟幫襯，一日四餐大把選擇，朋友都鍾意嚟幫襯😆…查看更多

一想到食牛扒，好自然會諗到金鳳，舊式嘅鐵板牛扒餐唔係度度有，佢無靚靚嘅裝修，門面又舊，但係你嘅扒係好味嘅，每次都係叫鐵板牛柳餐5成熟，有牛油餐包，羅宋湯（帶辣）/忌廉湯，有紅蘿蔔＋椰菜＋薯條墊底，仲有杯餐飲（可加錢加大），每張枱都有茄汁/喼汁/鹽/胡椒粉，食得蒜蓉嘅朋友仔記得記得記得加蒜蓉，我食嘅時候鍾意加埋喼汁，舊式食法，別有一番風味，今次叫多咗一碟燒蠔，又幾多味喎，介紹咗朋友一家嚟食，攪到佢仔仔每星期都話要食🙈…查看更多

三個女人一個墟，七個女人圍埋一堆，約埋一齊食飯吹水開吓會，食吓講吓唔覺唔覺3個鐘，朋友話呢個係高流灣嘅分店，喺寶勒巷間馬會隔離，今晚我哋人多，比咗間房我哋坐，房都坐得舒服，仲有埋電視睇，食3個鐘都換咗2次碟，我囡囡食飽咗就四圍走，捉住班侍應係咁玩，啲食物好新鮮，牛肉好鮮，囡囡係咁追住食，象拔蚌好快清晒，刺身都勁新鮮，魚頭仲幫我哋攞去椒鹽兩食，手打墨魚丸好好味，好彈牙，勁正呀😍…查看更多

朋友話返通宵無啖好食，咁就約佢收工去銅鑼灣嘆個早茶，去到皇室堡有3間酒樓，景逸軒我就多數食晚飯，稻香都試過，見到彩福皇宴未試過喎，就揀呢間啦，我哋閒日11點左右到，無乜人等位，5分鐘就入得，即刻點幾個點心先，一睇到呢款勁想試，裡面有蝦米、蔥粒，嚟到果陣已經加晒醬，一啖攪掂，方便又好味唔食辣醬記得叫果陣叫走辣醬呀，蝦餃王菜乾咸瘦肉粥 $16 抵食仲叫咗梅菜干蒸牛肉同埋棉花雞，兩個人計埋茶位埋單 $147，係全單$147，勁抵食呀👍…查看更多

9月15號係我男朋友媽咪生日嘅大日子,起初都有兩個選擇,一個係去酒樓晚飯,另一個係酒店buffet,最後都決定咗去酒店食,因為太耐無食過buffet,所以上嚟search一下,見到呢間酒店嘅buffet食評都唔錯,而且自己嘅朋友喺果間酒店做都有介紹,所以我哋一行11人(9個大人2個小朋友)book枱去食.....雖然果日落大雨,但都無損我哋嘅心情,我同男朋友6:15pm已經去到,門口個女仔話要到6:30至可以入,最終企喺度等到6:25至入到去(無橩坐),一入到門口位就見到左邊已經係放海鮮冷盤嘅bar,再入d就係日式冷盤,之後就有少少甜品,再入d就係sushi.牛扒.天婦羅嘅吧,因為9月嘅主題係泰式食品,所以入到最埋果度有個位係專門放泰國食品嘅,放食物果條吧真係好長,仲要分咗兩邊,一邊係熟食多,另一邊就係冷盤同甜品,真係每樣揀少少嚟食都有排食呀,auntie見到咁多款嘢食都食到停唔到口......我哋最終食到9:45至埋單,整體嚟講都好滿意,而且種類又多,唔會好似出面d酒店咁樣樣得少少揀,basic嘅生蠔(麻麻哋).牛扒果d一定有,但就多咗藍青口.長腳蟹.天婦羅,梳乎里,嘆紅酒食嘅芝士都有,而且每樣嘅款都多,腸仔冷盤都有6樣選擇,而且全部都係獨立一盤,唔會好似出面果d 2-3款拼埋一齊,而且雪糕仲係用Haggen Daz,正呀!而今次因為有朋友喺裡面做,discount會多少少,所以無用到openrice張coupon......…查看更多