KennyTam411的个人专页

個名太橋口, 讀出黎除左得啖笑外, 亦令人印象深刻....環境係非常特別 例如坐位係罐型..仲可以將女仕手袋放落去 夠哂貼心既設計試左D招牌野 芝士奶奶雞, 真露湯蜆, 芝士年糕首先芝士奶奶雞 我地選擇左要少辣.....呢個等待需時, 落單時 店員都有同我地講解, 盡早決定落左呢個先..因為都要等一陣子....  呢個奶奶雞 首先講下佢個醬汁 濃濃既少辛辣醬汁 入哂味落D雞到 再加埋面層香滑芝士 當辛辣醬汁同芝士mix埋一齊 非常配...而且雞肉食落夠嫩口唔會鞋口...亦冇雪藏味 非常好再加埋深藏不露於底下既薯粉 佢將d醬汁精華 完全吸收哂後 非常入味  食完個個lam lam脷 真露湯蜆.......... 雖然蜆唔係大蜆, 但每食一啖肉 都感覺到 海鮮個種鮮甜味 再加埋好重真露酒味既醇香湯底 你會忍唔住一路食一路啜埋d 湯.... 唔錯!芝士年糕..................香滑既芝士 加埋 煙煙unun既年糕 真係好好味 …查看更多

與女友利園逛街後於附近順道醫肚, 靈機一觸, 想起之前路過數篇, 未能品嚐的拉麵味, 於是乎 趁此機會, 入內品嘗, 不樂亦乎?此店位置屬非人流多的街道上, 我們入內時間約7時半多, 店客人數不多 約6-8位而已, 我兩手抽一二袋, 而鋪面亦有充足座位, 唯沒有提供4人枱好讓我們放置附身物. 這裡的拉麵湯底基調以豬骨湯為主, 再加不同醬料中衍生出另外幾料款式. 點菜方式以餐桌紙埋為菜牌, 然後用水筆把桌紙埋一側內空格勾選挪出再交由店員即可, 唯此店是不能自行選擇麵與湯底軟硬度及濃度.枱上擺放各類調味料, 其中一種為辛味高菜, 嗜辣的我淺嘗一口, 有花椒籽加韓式辣醬伴酸菜的味道, 這個加在拉麵味調味也不錯吃 (我後來也加了不少於拉麵中).另外還有 大蒜蓉, 淺嘗了點, 不重濃味, 可惜!國豬骨拉麵 - 此拉麵以豬骨湯為基調, 配以辛辣味醬及黑芝麻油合成. 配料有 : 筍乾, 蔥碎, 菠菜, 鵪春蛋, 一片叉燒, 另外加$11配料蔬菜 (芽菜+椰菜絲)先啜一口湯, 先入口是香口芝麻油味, 接著而來開始湧現豬骨湯味, 湯雖味濃但不會掛湯, 可謂濃而不膩.特松味噌豬骨拉麵 - 此拉麵以豬骨湯為基調, 配以紅味噌醬合成.配料有 : 筍乾, 蔥碎, 菠菜, 海苔, 鵪春蛋, 4片叉燒此豬骨湯味比前者拉麵更為濃郁香滑, 口含小啜, 滲出筍乾甘甜及味噌芳香.由於是特松, 故海菩, 叉燒會有所增量, 另多一隻雞蛋.另想一說明, 此店拉麵採用為粗麵, 且軟硬度為偏硬, 彷似未熟透的口感, 對喜愛吃麵較軟身的我兩略帶為失望. 另外叉燒片薄身偏乾但不算硬, 可接受餃子 - 一碟5隻, 外表皮一般, 不厚不薄, 餡以豬肉為主加少量菜絲, 肉質一般, 沒有太大感覺…查看更多

今晚同baby係cwb行街街睇床褥行到肚仔餓，咁於是就係皇室堡裡面揀野食。 揀左coco 見佢環境裝修都好舒適 又未多人 可以坐得靜靜地咁兩個人食餐飯。我就order左個紅酒汁牛肉磨菇飯，baby就炸蝦扒咖哩飯 要5分辣 最辣...另外 我地都加左$15蚊 可跟兩樣野, 我就飲品同甜品, BABY就湯同飲品....先講下BABY個湯 係麵豉湯加洋蔥... 我試左一淡 麵豉醬味唔濃 似即沖劑沖出黎 湯裡亦冇洋蔥味... 似係D熟透洋蔥後期係咁意加落去....  至於我既飯 - 紅酒汁牛肉磨菇飯  紅酒味唔出  冇乜味 變相D牛肉唔入味 另外D菇冇菇腥味 可接受 反而之前試佢紅酒汁係蛋包飯上就好食好多...... 另外BABY既飯 - 炸蝦扒咖哩飯 開頭我地落單時 BABY 明明已經同店員講得好清潔 重覆左兩次 係要"5分辣 最辣" 但個店員好似未訓醒咁... 落單照落左唔辣... BABY一見到隻咖哩個色 就覺得唔對路... 拎隻叉點一點D汁試... 冇辣味既...  為左公平起見  就等我呢個完全唔食得辣既人 都黎試下味... 真係完全唔辣架喎... 即將叫返頭先落單個店員黎 同佢講返我地係要5分辣... 之後佢就換返比我地一試 哇真係好辣... 佢個種辣 並唔係落辣椒油... 而係感覺得 當佢煮咖哩時已落埋D辣椒籽粒 辣椒粉落去煮, 所以D辣味係完完全全溶入係咖哩裡... 我試左舊炸蝦扒  食落同炸蝦無分別... 不過值得一讚係  個炸蝦扒分量都算大塊 但佢成塊舊舊都係足料蝦肉.. 唔會過加左好多麵粉去將貨就價...   食落表面亦好脆口 而內裡亦有蝦味... 加埋D咖哩式一齊食 真係十分香口, 難怪BABY碟飯咁遲先黎 都可以一啖一啖不停扒 食得咁快.... 見到佢食得咁滿足 我都好開心....…查看更多

 同baby食晏, 因應佢食既份量唔算多, 就揀左食越南野我地點左個火車頭招牌湯河,炭燒沙爹雞串 同牛油雞翼先講一下個湯河, 配料多 有淋肥牛, 羅白, 同d 香草菜, 銀芽湯底係濃濃既牛湯底, 加埋塊薄荷葉落去, 好好飲 又濃又唔會偏太咸同飲完渴口河粉都算滑身 同薄.. 唔會太厚 口感唔錯 連埋d 湯一齊啜落入口真係好好食再講下個雞串, 本身已經d沙爹夠入味..又唔算辣 唔食得辣既我 都食得到牛油雞翼 一黎到已經聞到好香既蒜味...而且仲好大隻下 一咬落去 外面好脆 裡面多汁 唔會炸得太老 d肉仲係嫩口不過食完好熱氣好口渴 整體黎講 食得滿意…查看更多

之前追baby時 已經想帶佢食呢間... 一黎自己想試下 二黎又知佢鍾意食拉麵但次次帶佢行到黎到呢 都發現冇開今日收工接左baby後 心血來潮 過黎望望 門口個燈籠有著 終於見到佢開喇即刻拖baby過去試款式同其他拉麵店一樣 唔會有太多揀 不過佢都有好多小食湯底 唔算濃既豬肉湯 有D稀....既感覺, 麵冇得揀軟硬度 食落偏硬 份量正常 配菜偏少 總括來 算ok 每人平均100baby都算食得滿意 …查看更多

同BABY行完九展 上面個運動展 行到有D累就搵個地方嘆個TEA 抖下 由於我唔係好肚餓 而BABY就好想食碗麵所以叫左花枝丸 同一碗白菜肉雲吞撈麵....佢個麵 口感好特別 好好咬 又唔會覺得好厚粉 加埋D撈汁 正D白菜肉雲吞索左D撈汁 亦都好好食花枝丸 炸得脆口珍珠奶茶正常唯一缺點係 碗麵等左好耐 隔黎同我地一齊入座落單 都食完 我地等左7個字都未到 仲吹左三次單真係呢到要扣分…查看更多

同BABY 睇完戲9點幾 極肚餓 行到落黎地下 見到仲未關門 就衝左入去醫肚由於時間唔早 唔想食得咁飽 所以都係嗌D 小食類我地唔理有幾熱氣地 揀左 炸軟殼蟹 炸魷魚SO~ 同馬拉盞炒通菜一黎個炸魷魚SO 香口到 食唔停.... 唔會太咸太軟 又唔會食到成嘴油再黎埋個炸軟殼蟹 又係香口到不得了黎埋個炒菜 惹味到不得了 如果送埋飯 真係一流...最後黎埋個心太軟 真係大滿足下次再同BABY黎試佢其他野 …查看更多

今日BABY生日, 第一次同佢慶祝生日 緊係比個驚喜佢 帶佢去特別少少既地方之前同佢傾計其間知佢未上過山頂睇過夜景 所以就揀左呢到黎呢到食野 記得一定要BOOK定位, 好彩我有BOOK到 如果唔係 黎到空歡喜 就瘀爆扣哂分了坐低後 發現原來今晚係逢例4既自助餐夜...   同BABY商量後 決定食自助餐 再次先再單點佢既菜式每一期既自助餐主題都唔同 呢排做緊既係 吞拿魚BABY最關心既係冷盤有咩食   基本沙律野外 仲有生蠔 藍青口 蝦 同 少量刺身款式揀另外熟食 中 西 泰 都有 主要黎講 味道唔錯刺身 係立即切 而生蠔就預先開定 有個師父企係到 見到要補貨 就即刻再開 所以都唔怕唔新鮮湯 就 龍蝦湯  BABY話好好味 夠濃龍蝦味 仲飲左兩碗我就試下佢個水餃湯 個水餃好好食 咬落係有肉汁 而唔係齋湯味 而個湯底係清湯 但冇乜味精味....仲有D 巴拿馬火腰 配埋蜜瓜 真係好正太多野食 不能盡錄 但總括黎講 BABY都食得好開心食飽飽仲可以行出去餐廳露台外睇下夜景…查看更多

剛好同baby一個月紀念, 帶佢去黃金海岸酒店玩兩日 山長水遠入黎屯門, 不得不提 三聖村海鮮呢到既特式係 你可以係漁市自己買海鮮 再拎去附近酒家加工 食咩料 都o岩哂自已心水首先同baby 去對面漁市揀海鮮 原本仲怕佢嫌污糟 但出奇地 原來baby 識得揀海鮮 意外收獲 哈哈我地兩個人食 買左龍蝦 鮑魚 大蝦 扇貝 東風螺黎到對面嘉彩... 都好多人.. 可能因為d人慶祝母親節 所以都好爆滿好不易 8點有位一坐低 搵個部長 寫菜先  講比佢知 d 海鮮想點整 佢再每類海鮮以重量去計加工費龍蝦 - 唔使講 整個芝士焗龍蝦伊麵先, 不過黎到 唔似芝士味 似奶油味多d 但都好食 我其實係想佢清蒸 , 叫佢唔好落果皮 最後都係落左果皮...因為baby好怕果皮味 好在唔算太重...佢食得到九節蝦 - 豉油皇蝦 食到係美極味 但好好味扇貝 - 蒜蓉蒸 正東風螺 - 識食 一定係食 辣酒煮東風螺 惹味最後忍唔住叫多個 燒鵝例牌 因為呢間野個燒鵝好似幾出名好食... 所以明知食唔哂 飽住都要一試 最多打包返酒店 睇波做燒夜!…查看更多

有時一個人食晏 到到都冇位....唯有去搵男人的浪漫.....之前聽講 鵝頸橋街市上面有間食咖哩好好味坐位係街市就 一定麻麻地 但我一條麻甩佬 有咩所謂搵左個角落坐呢一間係清真食店 所以係冇豬肉食的有燒味, 雞, 牛, 羊.... 我就叫左個咖哩雞... d雞入好味 而且咖哩汁冇奶味 惹味又重   好鬼好食平民價 好夠飽  一個人食晏 都有佢既好處....!!…查看更多