followmyfoodstep_的个人专页

又係一間近期去過好高質嘅居酒屋😚超值得推介!位置上嚟講路痴的我們搵咗一陣🤣店內嘅裝修好喜歡🎎成個環境勁似瞬間帶你身處日本居酒屋嘅感覺-✨味醂魚乾 | 牛舌芯 | 鹽燒雞腿扒 | 帆立貝刺身 | 威士忌黑糖菠蘿 | 牛油果蟹肉沙律 ✨基本上所叫嘅嘢食都非常高質素😚以上呢幾樣印象都好深刻✨味醂魚乾係我近期食過最好食!!調味好出又剛好!好難得魚乾質感做得剛剛好 唔會過硬過乾 甚至乎帶一點濕潤 一口接一口好快清晒😍菠蘿超多汁超香甜 同埋真係有好淡淡的威士忌味道🥃居酒屋有得食菠蘿好多 但whisky配搭好特別 好少見~沙律份量勁慷慨 完全冇諗過咁大兜🤣每一啖都好多餡料 好滿足🥗牛舌心切得偏肥厚 燒得剛剛好唔會靭 好食！雞腿扒啖啖肉🐣雞肉肉質嫩滑 只係簡單薄鹽調味都已經好好食 不過如果更加大嚿嘅話我會覺得更加滿足🤫🤣🤣除咗燒物外 刺身一樣幾出色!帆立貝刺身好厚切(我最愛!)食落好鮮甜 好新鮮🤤好喜歡加配三文魚籽 一齊食會增添一點魚油鹹香🥳整體嚟講非常值得一試 係我會想再去嘅居酒屋🍻但佢highball麻麻哋🤣都係飲返生啤好啲🤣…查看更多

位於九龍城好高質必定要推介嘅居酒屋🍻除咗嘢食質素全部都好好之外 店員亦非常有善 服務態度勁好 好親切😚重要最後有一個好驚喜嘅生日surprise🎂一定會再嚟💛地點上亦好方便 勁近地鐵站步行出口後步行2分鐘就到🤪-全部嘢食質素我覺得都屬於中上 所以我揀咗其中一啲我自己好喜歡嘅食物覺得特別需要推介🫶🏻💛味醂雞泡魚乾 | 松葉蟹肉蟹籽沙律 | 蟹膏豆腐 | 牛舌心串燒💛雞泡魚乾味醂調味非常之剛好 質感做得剛好 唔會太硬太乾 送啤酒一流 係一個非常好嘅下酒小菜 一口接一口😚個沙律簡份量非常慷慨 蟹肉蟹籽份量都好多 為成餐飯帶點清新感🥦蟹膏豆腐我覺得係最特別嘅 本身以為佢就咁豆腐配上蟹膏 點知佢直頭係將蟹膏打入豆腐內 所以個豆腐係淡黃色 口感嫩滑 重點係食到淡淡嘅蟹膏鮮味同埋鹹香🦀牛舌心厚薄剛好 軟腍又帶點咬口 不過唔會靭咬唔開嗰隻😆另外一提 好多謝店家嘅生日驚喜甜品 係一個自家製嘅開心果雪糕 大大球嘅雪糕外皮爆滿左開心果仁 非常有口感 入邊係濃郁嘅開心果雪糕 超滿足好開心😚❤️…查看更多

又黎食勻香港居酒屋系列！串燒黎講 燒雞串都係我數一數二最鍾意食😚呢間淨係睇名都知道主打日式燒鳥串🐣一定要黎試吓🫶🏻順帶一提餐廳座位安排得好闊落 坐得幾舒適同埋樓底頗高！-當日都試過好多款 外貌都幾唔錯 但整體質素覺得就冇我想像中咁高(可能期望太高😆)試咗好多款嘅雞串 雞軟骨 雞胸軟骨 雞腎 雞腿肉 免治雞肉棒等等~由於佢主打雞串 變咗期望都比較高🤣但我覺得佢哋嘅肉質唔算做得特別出色 有某幾款都唔係特別滑😗喺其他嘅居酒屋食過更加出色!反而有幾款菜式我覺得更加突出 比如係味醂魚乾有驚喜!! 本來我自己好怕食呢啲魚乾會好硬 但佢嘅質感係剛剛好! 唔會太硬之餘做得入味 係我食過比較出色嘅🫶🏻另外明太子燒山藥都值得推介！比較特別之餘 明太子嘅鹹香配底下烤過嘅淮山味道好匹配🥰但串燒嘅話只係屬於中規中矩 香港有其他更加好嘅選擇~😆…查看更多

數一數二book mark咗好耐(以年計🤣)由佢舊址嘅時候已經想去 但真係有啲遠 一路未去直至佢搬到新店舖都已經好一段時間終於有機會去🤪嗰日好好彩 被安排到樓上嘅榻榻米座位 同下年截然不同 係有種和風嘅感覺🎏坐得超級舒適~雖然去到嘅時候都多人 但排隊大概等左20到30分鐘就入座😚-🍞金沙軟殼蟹三文魚子海鮮沙律盒子吐司($108)呢個基本上係必叫嘅菜式😚樣子超吸引 餡料非常十足 大大隻金沙軟殼蟹 薄薄嘅炸粉 唔會油膩 而且比我想像中多肉😆內裏仲有滿滿滑蛋 好喜歡佢搭配類似千島醬嘅沙律醬 酸酸甜甜好匹配😋盒子吐司烤到金黃色 外脆內軟 鍾意食麵包嘅人表示完全抗拒唔到 每一啖都好滿足❤️附上嘅番薯條都好夠香甜🍠唯一美中不足就係唔夠脆身 如果再取啲嘅話會更加滿足!-🍞雙重三文魚芝士滑蛋盒子吐司 ($88)既然盒子吐司係主打 一於叫多一款試吓🤭佢哋嘅盒子吐司認真每一款都好吸引 仲有啲係期間限定!呢個煙三文魚份量多 內裏同樣係滿滿嘅滑蛋🍳味道都好唔錯 但特色來講嘅話就一定係軟殼蟹更特別 同埋口感更豐富🫶🏻-🍘日式芝士年糕酥炸雞軟骨小食拼盤($58)食開咁多熱氣嘢就熱氣埋落去🤣發覺佢哋嘅炸物真係做得幾出色 個年糕同埋雞軟骨嘅炸粉都好薄 不油膩😋-💚開心果特調 ($56)咁多樣嘢 最驚喜嘅我冇諗過係呢杯嘢飲!!開心果濃度簡直係好似落咗10噸開心果濃郁😍係我食過或者飲過開心果味嘅嘢最濃!質感好濃稠 帶點張口 內裏仲有滑捋捋豆腐~成杯嘢飲飽腹感好重好似甜品咁😆每一啖都感受到強烈開心果嘅存在 喜歡開心果嘅朋友一定要試吓!!!!🫶🏻💚-🍳招牌奶蓋咖啡 ($48)超可愛嘅蛋蛋咖啡又係打卡必點😍含有些少酒精因為加入咗baileys🤎呢個配搭簡直畫龍點睛 咖啡酒嘅香甜同埋咖啡嘅平衡拿捏得剛剛好🫶🏻面頭厚厚一層嘅奶蓋係帶芝士鹹香 同個咖啡好夾令味道又多一種層次😋成杯除咗樣子好可愛之外味道亦值得一試!!…查看更多

車仔麵我會稱之為香港人嘅浪漫🇭🇰🇭🇰耐唔耐就會好想食返一碗🥰嗰次咁啱去完大埔唔知食咩好突然間就好想食車仔麵 見到呢一間嘅舊香港裝修非常有特色 店內空間雖然不大但係整潔 店員都好友善🫶🏻-個客唔算好肚餓淨係揀咗三個餸 (平時會叫到放題咁🤣)揀咗豬紅 蘿蔔 糖心蛋🫶🏻湯底方面揀咗蕃茄湯🍅但我覺得有少少偏甜 同埋油咗啲~餸嘅份量都幾多 特別蘿蔔超大嚿 豬紅佢嘅秘製汁係甜甜地嘅 🥳好鍾意呢度嘅汽水係好少見到嘅玻璃樽裝 我成日覺得呢啲好飲啲🤣🫶🏻不過呢度車仔麵嘅配料選擇真係比較少 特別好多牛嘅部位都冇😗如果有多啲嘅話會更加開心😆…查看更多

我發覺 好似好多好出色嘅Pizza店都係喺中環🤣🤣上次食嘅fiata pizza已經好正 冇諗過呢間又再一次令我驚喜左! (不過我覺得佢哋係兩款唔同嘅正😆❤️)繼續睇埋落去就知⬇️⬇️⬇️-🍕Stella ($198)幾乎個個嚟到都會叫呢個最signature嘅星形Pizza⭐️🤩外型已經係特別吸睛 本身以為係打卡為主 點知超有驚喜🥰中間嘅批底係超級薄同偏軟身 鋪滿面嘅餡料有火腿 蘑菇 芝士等等~而且佢係蕃茄醬 變咗整體增添左清新感冇咁膩!不過佢呢個Pizza最!重!點!!!係個批邊!!!!!有冇人同我一樣其實好鍾意食Pizza邊🤣🤣pizza麵團質感係sourdough 煙煙韌韌的~然後竟然係內有乾坤!!🤩入邊有黑松露ricotta cheese🤩🤩超級香 滿滿嘅芝士超級香濃🥹每一口都好滿足🥹❤️大家叫呢個記得千祈唔好浪費唔食批邊!👿-🥟Spinach Mezzelune ($218)每間餐廳食到嘅意大利雲吞變化都可以好大 佢呢隻個皮做得好唔錯 厚薄度適中👍🏻保留左pasta嘅咬口 內裏放滿滿嘅菠菜芝士餡🧀有種肥仔嘅感覺但係唔會太膩~芝士味幾濃郁 同埋好鍾意佢面頭配黑松露 嗰種香氣簡直係畫龍點睛🤭❤️…查看更多

位於些利街梯級 扶手電梯旁邊一間好有格調嘅西餐廳 早前經過留意到已經默默book mark左😆內裏氣氛非常好 座位好闊落 都係聚會唔錯嘅選擇🥂-🐟Ora King Salmon ($278)個三文魚係有得揀熟度 揀咗medium rare 肉質超級無敵嫩滑🥹🤍而且鎖住肉汁好juicy~入邊未完全熟透 有些少入口即溶🥹其實煮得好高質 超級喜歡 可惜以份量黎講 索價真係太高 有啲唔抵🤣🦞Lobster Bao ($128)又係另一個我覺得定價太高嘅嘢🤣份量偏小 只係一個普通饅頭size🤣不過幾有創意 有別一般嘅龍蝦包 用咗中式包 有點兒似刈包/饅頭嘅概念😆龍蝦餡料用咗牛油同檸檬汁去煮 味道唔錯 但係食完有點食咗陣風嘅感覺🤣-🌮Fish Tacos ($98)呢款好惹味🥰用咗脆炸龍躉班塊 而且好喜歡佢仲用咗大量芒果粒粒做配料 酸酸甜甜令到整體味道更加清新🥭-另外值得一提嘅係每台都有一大兜好香脆嘅炸魚皮做前菜 連我唔鍾意魚皮嘅都覺得幾唔錯 而且送酒一流😈其實成餐飯味道整體唔錯 唯有性價比較低🤣…查看更多

其實原本係想去Gladys cafe 可惜去到嘅時候已經太晏 咩都冇晒😮‍💨就轉移陣地去呢間都幾出名嘅Cafe ~不過佢嘅位置有啲特別喺馬路中心咁🤣唔係咁容易行過去🤣幾喜歡嗰度真係有種好慵懶嘅vibes 🦭🦭靜靜地過一個下午都應該係一個唔錯嘅選擇😙-🥯Smoked Salmon Bagel ($94)老實講佢哋嘅定價都幾高😂雖然整體食物質素都唔錯 不過個人覺得就真係有啲太進取🤣bagel比一般cafe食到嘅細 但紮實有咬口 好喜歡面頭充滿芝麻顆粒 令到口感豐富😝煙三文魚大大片增添鹹香🐟嗰個忌廉芝士完全係散畫龍點睛嘅部份⭐️質感比一般更杰身 揸落bagel令到整體味道有啲似香草pizza嘅感覺🥰-🥑Smashed Avocado & Egg with Sourdough toast ($94)朋友呢款呢個都唔平🤣不過叫做有些少擺盤🤣牛油果都打得綿密下😆…查看更多

其實大角咀真係好多好高質素嘅小店!有少少喺度搵餐廳搵上癮😆近半年突然好喜歡居酒屋🍻周圍去試 而呢間居酒屋都算係近日我食過數一數二喜歡🥰如果講價錢同性價比嚟講係第一⭐️整體食物質素認真唔錯 餐廳裝修都幾日式風格 同朋友一齊嚟聚餐氣氛幾好🥰-💫特別推介💫鮟鱇魚肝 | 日本長洲雞胸脆骨 | 大蔥雞肉串 | 明太子雞肉串 | 自選關東煮-所叫嘅嘢食整體食物都好好食💕其中呢幾款特別推介😛自己私心最鍾意個雞胸脆骨(我係第一次食但係勁驚喜!!😍)叫左幾串都覺得唔夠喉🤣比起雞軟骨 佢更有口感 更加爽脆 送酒係一流🍻另外鮟鱇魚乾都一定要叫!!本身呢樣嘢已經唔係度度有得食 而且價錢都唔平🤭但佢呢度好抵食之餘 仲要味道好好 香氣濃郁 未去到入口即化但係質感都幾creamy🤪佢地嘅雞肉串質素都唔錯~~大大舊嘅肉 肉質好嫩滑 鎖住肉汁🐣叫左兩款雞肉串都好出色😌呢間餐廳另一個特色 就係佢有自選關東煮🍢選擇好多啊 基本上你想食嘅關東煮配料都有 可以按着自己嘅喜好去揀💕仲有一樣嘢想特登讚賞吓嘅👍🏻係佢嘅啤酒好有誠意 即使只係啤酒 都一定係冰杯上 飲落去超爽 嚟到一定要啤啤佢♥️呢間整體真係好值得再嚟٩(˘◡˘)۶…查看更多

西環真係個充滿好西小店嘅地方🤭bookmark咗呢間好一段時間 終於嚟到🫶🏻餐廳內設計同裝飾好有驚喜 亦坐得好舒適🥰氣氛好 食物選擇多 配搭特別💕飲品都好唔錯🍸晚上黎食返個chill dinner最好不過🥰會想再嚟😌-🥪Philly Steak and Cheese Bao ($108)中西fusion嘅蒸包🤪由蒸籠上好特別!牛肉片配埋芝士嘅鹹香 夾住軟熟嘅蒸包食落好滿足😚-🌮Bulgogi Beef Taco ($150)Taco入邊牛肉份量好多😍重點係個牛超級juicy!一啲都唔乾而且牛味頗濃郁🐄仲特登搭配左啲菠蘿蓉🍍增添清新感同埋味道上嘅一點綴💛-🐟Tuna Tataki ($178)外皮係沾滿左黑白芝麻粒增加口感同埋香氣🫶🏻吞拿魚完全不帶筋 有種入口即溶嘅感覺🤪柚子豆瓣醬汁同個吞拿魚味道好夾 而且好開胃🍋-🍣Spicy Tuna and Mango Roll ($158)呢個壽司見好多人叫 不過我覺得味道稍為遜色🤫飯粒有啲乾同有啲硬 個吞拿魚嘅辣味唔出 配搭芒果係個唔錯嘅選擇 但係整體味道偏淡 可以再更好😗-🍢Yakitori Skewers ($68)🐙Octopus Skewers ($88)串燒都好值得推介!!個八爪魚超級彈牙 好新鮮🐙另外個燒雞肉串都好出色 肉質嫩滑 又能夠鎖住肉汁 好好食🤤…查看更多

店舖係前身Cafe Relay 雖然入邊面積唔大 但係高樓底 再加設計上做到空間感好強 仲有懷舊歐陸風嘅擺設 整體坐得好舒服😌好適合加weekend黎chill下🍃-🍞Mini Focaccia Art ($65)雖然話係Mini 但個份量都幾大😆麵包質感好鬆軟 單單用咗迷迭香 鹽同橄欖油調味但係已經勁香😛面頭有蕃茄乾🍅同埋醃酸瓜🥒外貌上更加吸引 同埋更開胃好食🥰-🌱Super Green ($98)onion | kale sauce | oat milk | sun dried tomato | fried kale | cashew | fregola 第一次試呢款食物超得意!!而且長知識🤣雖然有啲其貌不揚 但估唔到越食越鍾意食🫢就咁睇個樣都睇唔到有咩 所以決定列晒出嚟🫢醬汁好濃郁 係偏稠忌廉質感😋用咗羽衣甘藍同燕麥奶去做 素食人士都可以食🌿重點係個珍珠麵 嚟到嘅時候我真係懷疑究竟係咪嚟錯咗🤣因為完全見唔到麵狀嘅物體🤣等我都同大家簡單上網總結下珍珠麵究竟係乜東東黎🤣/珍珠麵(Fregola)係古老時代就存在喺薩丁尼亞島上嘅一種種義大利麵🍝傳統上係使用杜蘭小麥麵粉，加水經過手工揉成一個大麵糰再搓揉成2-3cm直徑嘅小顆粒，最後烤箱烘烤完成🙌🏻/　　　　　　　　　　　　　　　樣子真係超級似米飯或者大薏米🤣口感好有咬口！配埋個忌廉醬 雖然素食但味道一啲都唔單調 炸過嘅羽衣甘藍都好好食😍值得推介😋-☕️Why Not Both ($60) | Single espresso & Piccolo 做大人嘅抉擇 就係兩樣都要😚齋啡同奶啡都試 咖啡濃度剛剛好 帶點果香但係唔會太偏酸 自己都幾喜歡🫶🏻-🍰Earl Grey Burnt Cheesecake ($62) (from Lucycoffeenfood)放咗一陣先食 入邊變咗軟心 最鍾意係伯爵茶味好突出 質感好creamy 甜度適中好喜歡🍰💕…查看更多

位於文化中心地下嘅牧羊少年分店🏝️空間感超十足 今次係第二次嚟 其實幾鍾意去呢度 氛圍好悠閒 座位好闊落坐得好舒服❤️食物食物質素雖然好 不過定價真係頗高🤣-🐟照燒烤挪威三文魚柳配辣根蛋黃醬及烤日本南瓜呢個份量十足嘅三文魚柳超出色 做得比想像中更好食🥰烤過嘅外皮有少少脆 但內裏係鎖住肉汁超級juicy🐟肉質嫩 嗰種魚油香係會留喺口腔入邊🥰蛋黃醬令到味道更加特別 而且呢個配搭比較新鮮🍳旁邊嘅烤南瓜都好香甜 質感係比較粉粉糯嗰隻🎃整體好推介🤤-🍅水牛芝士配青提及小蕃茄呢個前菜都好精緻 有種甜點嘅感覺😆水牛芝士波波好可愛🤣質感好輕盈 但係一定要配埋佢底下黑醋汁食 如果唔係冇味道的😆…查看更多

近排真係超鍾意去居酒屋🍻😆周圍發掘邊度有啲性價比比較高 而且高質素嘅🥰今次去呢間位置幾方便 食物種類幾多 而且整體質素唔錯 都幾推介🫶🏻-👍🏻推薦菜式🤤大蔥雞肉 | 日本番薯串 | 牛柳串燒 | 赤身壽司 | 蟹肉蟹籽沙律-大蔥雞肉嘅雞肉非常之嫩🐣其實我真係好鍾意食肉類串燒配大蔥 有種畫龍點睛嘅感覺🤣大蔥好新鮮 食落仲有少少汁唔會乾晒 好正🤫日本番薯超級香甜🍠如果再厚切少少就更加正😻另外沙律好似好簡單 但係蟹肉幾鮮甜 撈埋啲蟹籽青瓜絲口感十足 為成餐飯增添清新感🌱最鍾意嘅係當日嘅赤身壽司🍣❤️個吞拿魚超級新鮮 完全不帶筋 有點入口即溶嘅感覺 好好食😚另外有叫個特別嘅泓卷 但我覺得還好 係炸嘅卷物 但味道一般唔特別推介~另外仲叫咗啲海鮮類嘅都發揮得唔錯好似個燒帆立貝同埋廣島蠔都幾新鮮🦪食物整體質素唔錯 而且坐得幾舒服 值得再嚟🫶🏻🫶🏻…查看更多

終於可以試到呢個非常有名氣數一數二嘅香港Pizza店😚之前試過book兩次但都太遲full house了🤣餐廳係食正宗意大利拿玻里pizza 曾經入圍亞太區top 50 pizza🍕👏🏻今次終於食到好興奮🤩餐廳氣氛好好 員工亦好有善 好適合happy friday/ weekend黎聚餐🍾想食嘅記得早啲book🥰-🍕Diavola By Giovanni ($195)先講麵團質感不得了😌拿玻里風味嘅Pizza好有口感 雖然係薄批 但唔會有種食咗陣風好空虛嘅感覺 批邊香脆之餘 煙韌口感尤其突出🥰我揀呢款味道係經典嘅配搭🍕羅勒葉 紅醬 黑毛豬辣肉腸等等🤤bufala cream有點輕乳酪嘅質感 唔會滯膩但又加咗啲順滑嘅口感😌整體好好食 推介🥰-🍕Montanara ($145/4 pcs)Classica | Pistachio | Tartufo | Speck Di Bufalo其實佢係一種拿玻里傳統街頭小吃 一個個炸嘅Pizza小麵團 口感同樣好煙韌 不過係充滿空氣感~可以搭配唔同餡料😌識落嘅味道我覺得似個好似陣風嘅鹹嘅炸冬甩😆叫咗四款口味 當中我最鍾意有黑松露Tartufo嗰隻🫶🏻松露味道比較突出 好香~質感較輕盈因為麵團中央比較空心 但係因為油炸嘅關係油膩就會較為重🤫-整體好高質好滿意!!另外想講係連店員推介嘅白酒都好啱飲🥂下次一定會再嚟🤍…查看更多

位於銅鑼灣商業大廈樓上嘅一間法式fine dining🍴店內環境雖然唔大 但係坐得好舒適 而且氣氛唔錯有情調🍷整體食物質素幾滿意🫶🏻不過係某幾樣上菜速度有待改善 等耐咗啲😆-🍽️Dinner Set: $928/PP🍷Starter: 醬油慢煮挪威三文魚🐟| 法國生牛肉他他🐮三文魚擺盤好精緻❤️慢煮方式令到食落有入口即溶嘅感覺🤤搭配白酒啫喱同牛油果醬 味道好夾🥳生牛肉他他味道都唔錯 加埋啲洋蔥粒增添口感 不過有啲位置帶筋 口感就爭啲啲🥹另外身為愛包之人 都想題下佢嘅餐前麵包籃好好食🤭🥖尤其係個竹炭餐包😆🖤-Soup: 法式龍蝦濃湯🦞 | 法式油封鴨腿大蒜薯仔忌廉湯🦆兩個湯味道都好濃郁 落足料去熬製🥣龍蝦湯正常發揮 對比之下 個油封鴨腿湯更加出色❤️大蒜調味剛好 口感偏濃稠 每一口都好滿足🤫-Entree: 傳統燴海鮮酥脆卷🦐 | 香煎鵝肝🥘海鮮卷有種章魚小丸子嘅味道🤣酥皮外皮好酥脆但唔會油膩 配面頭嘅木魚絲帶點日式和風感覺🎌鵝肝超厚切不得了!!油脂充滿口腔 但又唔會太過油膩成口油咁😛同埋唔會有我接受唔到鵝嘅酥味~配底多士一齊食最好🍞-Main Course: 燴澳洲和牛牛面頰🥩 | 香煎智利海鱸魚🐠和牛牛面頰推薦度101分!全餐飯嘅MVP🥳🎖️食到我每一口都覺得好滿足🥳燴過嘅牛面頰 令到膠質同精華都滲透晒出嚟 用叉一吉落去已經輕易撕開 入口即溶 質感軟糯化口🥹🫶🏻牛味好濃郁 超級好食極度推介🏆由於個牛面頰太出色 相對下呢個魚就會遜色少少🤣但係都唔錯的~不過肉質冇我想像中咁滑🤔魚扒厚身 肉質篇實淨 味道有點似比目魚😆魚嘅外皮煎得好香脆🐟配搭佢底下嘅忌廉汁同埋蔬菜🥦係個好清新嘅配搭🌱-Desserts of the day 🍨甜品好用心 味道出色❤️白朱古力baileys mousse質感幾軟滑🍨比忌廉挺身少少 baileys酒香都幾突出 甜度適中🤍不過食晒成個可能會有少少膩 記得share🫶🏻肉桂蘋果脆卷更係我杯茶❤️上枱已經聞到陣陣蘋果批嘅香氣🍎外皮好似春卷咁薄薄嘅 但係超脆!!肉桂煮蘋果內餡好香甜 好喜歡佢唔係蘋果蓉 而係保留蘋果塊嘅質感🍎配旁邊嘅雲呢拿雪糕一齊食 一冷一熱雙重享受🤍🍦…查看更多