山長水遠嚟到葵芳第一間見到嘅舖頭就係呢間貓麵已經諗好食咩就同姐姐落單 嗰陣時唔使排隊我同佢講唔該想要冷麵加蒜蓉醬 之後佢走咗入後場 出返嚟嘅時候佢就好細聲咁唔知講乜嘢要多蒜定少蒜 但我估到佢應該係問我呢樣嘢 之後我就話我要多蒜 之後佢一個唔耐煩嘅表情再加句說話車埋黎 話： 咩話 我依家問你多蒜定少蒜呀 你帶住個耳機 唉 之後我就有啲莫名其妙 就話： 我咪同你講咗我要多蒜囉 講咗㗎啦之後佢就無視我 問我大約要幾多餸我心諗咩叫大約要幾多餸…要幾多餸就幾多餸啦姐姐自己講嘢都語無倫次 又細聲 仲要嫌客慢 明明自己聽唔到又要怪個客問非所答 佢整完兜面之後比筷子果時好似好燥咁一野落張枱度 仲指住個兜要我將啲錢放上去 真係買個撈麵幾十蚊都好似入咗訓練營好多規矩要跟咁 都算啦 我心諗咁串可能好好味呢 結果一食第一啖 嘩普通到 我唔會話佢難食 但比我再揀 我唔會再幫襯 都係留番啲鍾意俾人鬧嘅人去買
我唔係要求要五星級餐廳嘅態度 其實大家好來好去 用啲平淡語氣去溝通其實已經好好 
不過睇到其他人打嘅食評都有話佢態度差我心理都算平衡返啲…查看更多
我唔係要求要五星級餐廳嘅態度 其實大家好來好去 用啲平淡語氣去溝通其實已經好好 不過睇到其他人打嘅食評都有話佢態度差我心理都算平衡返啲…查看更多
