daisyholidaytrip的個人專頁

觀塘酒樓眾多，估唔到呢間有質素兼大份星期六晚諗住酒樓食晚飯一定多人啦，所以我都book定枱先，但又估唔到全場少於一半，仲安排我地坐邊邊自成一閣，傾計認真一流由於我地一行六人，試叫半圍餐，每碟餸都好足料， 仲要真係 慢慢逐碟逐碟上 ，食完一碟先再上另一碟， 唔會趕頭趕命，讚連傳菜嘅姐姐都識做 ，會主動提出幫手搬走已清空碟，仲有上菜又出奇大份，一點都唔馬虎，不過最令人回味一定係皇子乳豬，超掂掂呀 到結帳時，又送咗幾張$100coupon下次食， 條件係食夠330可用一張，不過要一個月內使用，只限晚餐，限制多咗少少comment:會再來幫襯，好味1. 手藝皇子乳豬一擺入口，肥瘦適中， 食完嗰下仲齒頰留香，令人回味，想再食多一件，超讚2.翡翠蚌仁玉帶子3.紅燒鮑參鯊肚翅足料裝完六碗都仲有一半餘下，十份大份4. 百花炸釀蟹鉗5. 天白花菇 瑤柱甫6.原隻鮑魚扣波蘭大鵝掌7. 清蒸金花尾龍躉，8. 一品蒜花脆皮雞9. 瑤柱蛋白炒飯10.流沙包，［無哂 壽包，轉做流沙包］即叫即蒸，熱辣辣雖然唔算好流質，但真係十分新鮮…查看更多

觀塘早排新開咗間燒味飯店，但好似上星期五開始，外賣店推出$10 叉燒飯，今日試一試佢lunch大約12：34排隊，已經好多人，排咗大約15mins買到，算係咁啦，當然正價買既人係唔洗排隊既，呢間餐廳可用八達通俾錢講返叉燒飯先，$10係免切一舊叉燒，咬落唔肥唔瘦，肉質juicy, 其實一啲都唔敷衍，以呢個咁樣嘅價錢，絕對係超抵，真係 窮人恩物1：50pm再經過，職員話下午4：30pm先再開賣，暫未知優惠做到幾時？暫時呢排仲有…查看更多

食物ok, 不過如果唔係會員既話唔會去食，其實折咗都覺得唔太抵地點：旺角站上去就係，算好方便讚既地方：坐得舒服，同朋友傾計一流食物質素：都算大份，魚柳好食估唔到星期日，都少人…查看更多

肉醬意粉，不過不失，有野飲送但 面係一pat pat，可能自己擺耐咗先食不過最估唔到外賣要加一，又唔一早講,等我俾完錢先講:(，呢樣有少少唔滿意，不過新年就由佢啦，如果職員一早講名好d, 餐牌無提…查看更多

淘大附近甜品鋪選擇多，隨意㨂一間入去試店內menu 都有好多選擇先叫了1. 黑糖芝士奶蓋吐司 x 網紋瓜 $58吐司做得非常好，新鮮炸到脆，切落去果吓就聽到清脆的聲，個人認為個吐司比 Teaxxxx 好，當然份量無Teaxxxx 咁大啦配上雪糕，食落去果吓冷熱口感，非常正，就算唔落芝士糖醬，都已經好好食密瓜只係配角，存在價值不大2. 加 $9 芳香 aroma 提子味，不過味道一般3. 戀上椰子王 $49有芋圓。紅豆沙。配上椰漿燉蛋白。仲要暖泣泣，感覺好養顏，食到最底，仲可以好容易用匙"畢"起邊的 "椰子漿"…查看更多

到晚飯時間約7點，經過呢間門口超多人在外等，應該不錯，拎咗飞發現仲要等成3x 個，心想咪有排等？ 好彩行咗一圈返黎，發覺無乜人，可能怕等得太耐，約半個鐘就入到去一試又想叫Pizza, 又想叫意粉 同小食，倒不如叫個二人餐試，咩都滿足哂1. 南瓜湯 ~ 好濃的南瓜味2. 香草雞肉凱撒沙律 3. 香辣蕃茄濃汁煮青口青口無沙，配上辣味蕃茄汁提升青口鮮味4. 溫泉蛋蒜香磨菇鮮製意粉 本身d 意粉質感係ok, 但可惜無乜味道，整體較差的一味5. 明太子忌廉芝士海老Pizza, 剛焗好的Pizza, 內有一粒粒芝士溶入裡面，口感一流6. 水果茶7. 甜品Tiramisu ，超softpizza 係咁多款做得最出色菜式整體來說，二人餐份量超多，啱哂大食的朋友仔，不過如果係食量少，建議叫個Pizza 同小食，唔夠先再叫較好價錢合埋，下次會再試其他Pizza 款…查看更多

聽過好多朋友介紹的韓國餐廳，今次終於有機會一試極具人氣餐廳一到餐廳門外，已見長長的人龍，好在友人一早预先Book 定枱，唔洗10分鐘，我地就入去啦打開Menu, 真係花多眼亂，樣樣都好似好吸引咁，正當諗緊好唔好叫二人餐之際，友人話呢道"溶岩芝士炸雞麵包"係必試，但二人餐個menu 係無既，所以放棄叫二人餐，改為叫自己喜歡食既菜式好啦，睇下我地試咗d 咩先～1. 溶岩芝士炸雞麵包 $148嘩嘩嘩！ 呢個真係超多芝士，d 芝士仲要係可以拉到長長的絲，而d炸雞仲要好嫩滑，好juicy, 配上芝士，簡直一流，食到唔停口，難怪咁多人都叫呢個 大頭芝士麵包，yummy2. 芝士海鮮菜餅 $68 仲以為係似Pizza 餅底，估唔到係用雞蛋做的餅底，上面仲有咁多海鮮材料係面都唔穿，果然功夫菜，考技術，有驚喜，味道仲幾好，正3. 泡菜肥牛炒粉絲 $78韓國菜又點少得叫泡菜呢？ 食d 菜可以中和返既飽滯感4. 糯米滋3.6 牛奶乳雪花冰食埋甜品先叫完美，平時都係㨂食waffle雪糕，今次要試下雪花冰，朱古力味本身會令人覺得好heavy, 但炎炎夏日食一啖雪花冰配上朱古力，口感唔漏之餘，仲透心涼添，簡直消暑大愛加埋一 近$400, 雖然唔係特別平，但真的好好味，會再Encore 返黎試其他款式提提大家，記住最好book 枱，如果唔係真係有排等…查看更多

朋友介紹，抵食甜品之選晚飯後行咗一陣終於有肚食甜品，一行到店外見咁多人等，心想轉食另一間吧，但咁多人等，應該有其特式之處，不如等一下睇情況先雖然店內地方不太大，有d 迫，但人流去得相當快，不用10 分鐘就可以入到去，店內甜品款式十分多，夏天都係選有生果的甜品就應該唔會太漏，果然一試，一d 都唔會覺得好甜，似生果咁食我叫咗個古靈精怪，配合好夾，邊食邊讚，消暑解喝一流，就算食完都唔覺得有罪惡感，最啱女士喜歡食甜品，又唔覺漏會有下次，再試其他款…查看更多

工廈抵食之選，職員友善晚上收工， 因為見有 優惠 -30% off，咁啱觀塘附近離地鐵站只需步行4 分鐘，一於試試先到店內地方唔大，大約可容納 20~30人，其中近一半部份係Bar 枱，個人認為無坐得咁舒服，而店內裝修簡約，野食需要到櫃枱直接購買，職員便會送到好啦，講返今次食物質素先1. 黑松露Pizza 9吋 ($95) 熱沸沸上既，由於有大量沙律菜在面上，食落好Fresh清新，一d 都唔覺好Heavy, 仲有我最愛食香菇係面上，正😋2. 印度辣香雞 ($65）香料足，非常野味，朋友都話拍得住正中的印度餐廳，每件都大大件3. 牛油烤餅 ($15）香雞味濃，配上烤餅一流，加上有汁在烤餅上就唔會太乾，而且佢一d 都唔燶，就唔會覺得熱气，但個人認為再焗多一陣會再香口由於使用EatXX優惠，所以餐牌上頭兩頁可選擇，必需散叫，飲品係正價，而凍櫃上有礦泉水賣，心想應該沒有水供應，店內只有一位職員，我都係抱住一試心態到櫃面問職員，估唔到即刻係廚房準備兩杯水給我，先加冰再加熱騰騰的水中和變室溫，又見我有手受傷又主動幫我拎到餐桌上，十分helpful 又nice , 服務態度真抵讚整體而言（4分），食物質素好，職員態度友善，但環境一般，不過有優惠加DBS信用卡再減$25就好抵…查看更多

熟同事推介Farewell Dinner, 一於去試試一間高檔的居酒屋同事和老闆非常熟，獲老闆送給我們一支美酒品嘗餐單也是專們度身訂造，時令食材店內侍應態度和善細心，不時為客人需要主動加茶水食物質素一流，尢其係刺身非常新鮮，入口即溶，令人回味不過始終價錢偏貴，真係未必再試好耐都未試過咁高質的食市精選晚宴～特製餐單前菜 1 Appetizer前菜 2 Appetizer豚肉芝士薯球 Fried Crispy Potato Ball刺身 Sashimi壽司 Sushi美酒薰物 ～海鮮茶碗蒸 Steamed Dish天婦羅 Tempura雞肉免骨棒 配 溫泉蛋 Grilled Dish 蕎麥麵 Soba Noodle北海道十勝紅豆布甸伴雲呢嗱雪糕Dessert…查看更多

一入去就唔覺得係去食印度菜感覺似去咗西餐廳，好有情調侍應們都好nicekeep 住自動添水俾客人，真細心有50% off 優惠，真心覺得抵食野食不錯，特別推介「大力菜羊肉」，正😋…查看更多