Hiuchingchan的个人专页

我唔知呢間舖嗰啲員工發生咩事，啲態度可以差到咁樣，唔知以為佢真係唔優做，諗住收工好地地食個麵，明明我先係客人好似欠咗佢哋咁，就算平都唔會再去食，唔知以為全個慈雲山得佢一間粉麵舖…查看更多

最近在尖沙咀日式隱世餐廳林立的赫德道，找到一家cp值高、很值得推介的新鐵板燒專門店京都😍。晚市時段光顧，有供應晚市套餐，價錢不過700-1000，主食有海鮮有肉類，配前菜、蒸蛋、湯和甜品，認真的超值。由於晚市套餐太吸引，所以決定以性價比更高的方法，點選一個二人鐵板套餐，兩人一起分享。可以試到最多的款式。午市套餐先說超值的套餐：我們選了日本鯛魚拼牛薄燒，有海鮮也有肉類。食材由鐵板燒師傅於席前料理，絕不馬虎。即點即煮、新鮮熱辣，味道上佳擺盤也精美，性價比滿分。特別喜歡和牛的味道，配上一點炸蒜片，十分惹味、真的一流。套餐有齊基本的沙津、炒飯、蒸蛋豉湯及精選甜品，份量十足，是誠意之作。👍🏻👍🏻👍🏻另外想稱讚服務態度一流，有賓至如歸的感覺👍🏻…查看更多

我想講我朋友唔食得辣 我哋叫咗BB辣 係BB辣但係大家有目共睹！你睇吓碟野 啲辣椒目測都有五十幾隻 點BB法仲要係三碟都咁辣 本人食譚仔食到特辣 都覺得好辣有圖有真相啊🙂跟住我投訴佢 淨係送咗兩杯桂花膏比我我唔係第一次食佢㗎啦 不過次次食都銅鑼灣 今次第一次喺尖沙咀食🤢我有影埋張單 係冇落錯單嘅 係有打BB辣嘅 辣到冇味架 辣到食唔落口我朋友食咗幾粒 完全冇食過俾咗錢好似食風咁 以後唔會再嚟員工嘅態度唔差 但我覺得經理處理手法有啲問題囉 你換個碟俾我都好丫！…查看更多

首先 我被安排坐吧枱 吧枱係一個木桶黎 隻腳頂住坐得勁唔舒服但真心 蠔係好食 好新鮮 有啲新鮮到係仲識郁嘅但好可惜食到有蟲 侍應話有蟲係正常係新鮮先有😂okay👋🏻 最後都冇幫我哋處理到個螺都好食 但就係好多殼碎 差d咬崩牙蝦就不過不失啦 普通野 佢d Main course真係難食到 我接受唔到🤢佢整豬扒整到好似雞胸咁🤭 個牛同豬扒係同一個質地🤢仲有個豬扒醬係BB食既蘋果蓉 真係難食到啊本身怕浪費唔嘥嘢既我 都食唔落😂個樣似包既豬扒 貌似魚腐既豬扒 如果成四百幾蚊又食唔到好多蠔嘅話就唔值喇同埋佢連水都要收人錢 最差係咁不過值得表揚係所有侍應都好好禮貌！…查看更多

勁多人等位，等咗都大半個鐘，不過都係值得嘅啲嘢好好食呀！又精緻，我覺得最唔好係啲刺身切得太厚，食落去個口感唔係咁好我覺得最好食係嗰個蟹蓋😍食完好想再食多次！不過都偏貴 我哋兩個人都蝕咗差唔多1400蚊…查看更多

Order左芝士四重奏，同呢個焗蘑菇，真心講句兩個都唔好食，不過真係好大碟，兩個都已經好夠飽。因為我係第一次嚟，所以都唔知有啲乜嘢係好食，如果有機會下次再試吓其他…查看更多

真心講句，有芫荽嘅地方就吸引到我，呢間係我暫時食過咁多間最滿意嘅！首先講吓佢個芫荽三文魚三文治，非常有驚喜，好濃烈嘅芫荽味不特止仲要係好夾👍🏻另外食咗佢個芫荽車仔麵，個湯勁好飲！好濃啊！絕對冇偷工減料仲要足料！如果你係好鍾意食芫荽嘅，你真係要試吓！…查看更多

唔係吹水！我覺得利星係我食過咁多間中菜最好食嘅一間，可能我見識少啦😂但佢啲餸菜真係不得了 首先佢夠鑊氣，然後味道係恰到好處！連普通一個蒜蓉蒸鮮魷都勁好食😋我最推介就係蒜蓉蒸鮮魷同埋蒸鱔！仲有個奇味東風螺都好好食，同埋佢啲餸都幾大碟，我覺得好適合一家大細去食😙…查看更多

今日嚟到呢度慶祝周年紀念其實上網睇過晒啲食評都應該係唔差嘅咁我哋兩個人每人1塊牛扒，好神奇地我嗰塊係勁鞋！又硬又鞋😅，但另一塊又好好食喎！其實侍應有問過我哋兩塊牛扒O唔OK嘅不過基於我唔想浪費食物所以我就話OK 因為我知道退完佢都係會掉啲薯條又冇想像中咁好食 不過佢係我鍾意嘅幼薯條， 同埋最貼心係佢有晒啲醬汁俾你😇所以我覺得如果慶祝係唔錯嘅好選擇👍🏻👍🏻👍🏻…查看更多

一開始坐低侍應已經係咁催我叫雲吞雞，因為佢話好快會冇晒，所以我對佢期望都幾大！咁好啦一開始就order左兩盅雲吞雞，個雞都冇乜嘢，個湯冇味嘅，個雲吞直情難食到嘔啊！可能我食唔慣呢隻雲吞啦不過仲叫咗其他菜，其他菜反而幾好食喎！尤其嗰個黃金豆腐👍🏻👍🏻👍🏻我覺得佢最好嗰樣嘢就係可以order半份 咁可以試好多好多唔同嘅菜整體上係不過不失嘅…查看更多

第一佢服務態度真係超好！第二佢lunch真係好抵 平靚正之餘仲要免+1第三係佢可以book房😍😍好有私人空間$248有雞煲連埋海鮮，鮑魚同某d海鮮仲可以任叫，講緊係任飲任食！仲可以求啲咩？講緊佢啲海鮮仲要巨型係好食！啲牛仲要係超好！我希望佢呢一世都唔好加一😂😂😂咁我就可以食多100次…查看更多

嚟到大圍 誤打誤撞見到呢間好多人排隊心諗應該都唔差嘅就決定食呢間等咗15分鐘到都好快有位其實我都唔係好記得啲餸菜叫咩名😂😂😂不過真係幾好食 尤其係粒燒賣 超級無敵勁大粒炸嗰個腐皮唔知乜嘢 最好食！不過性價比唔高囉 都偏貴…查看更多

去左呢間稻香食係我呢一生人最後悔既事！一開始門口個女人叫我地等等無帶位員工！然後排我地後面個對父子直接走入去搵位！咁請問我地係門口等成十分鐘係等咩既呢？都算 睇都未睇餐牌，隔離個待應啊姐係咁吹叫我地快d落！大佬睇都未睇點快d落啊？然後野食叫左無5分鐘就拎碟鮑魚出黎！一食一睇就知係蒸左好多個世紀！又乾又縮！都算 個雜菜煲直情有頭髮！都算喇！叫個雙蚌黎魷魚？？大佬真係當消費者傻既咩！同番d員工講係咁答我唔知！下？唔知？咁唔通我會知？有圖有真相！我都廢事再講服務差！態度差！食物差！違反商品說明條例！…查看更多

其實d肉真係好一般 種類超級少 食左兩轉都覺得好厭了同埋上菜一次過黎 都唔知邊隻打邊隻肉 飲品又選擇不過最值得讚係服務 在場所有員工都超級有禮貌就算嘢食麻麻都覺得值回票價👍🏻…查看更多

好開心啊！窮人恩物我超級想食麻辣火鍋 之前食過一次覺得個湯底好正！不過晚巿價錢真係偏貴 真係唔捨得成日去食但我發現原來有午巿二人餐 湯底仲要包埋 而且野食種類都幾多 足以夠兩個人食到飽飽😋…查看更多