笑爺仔的个人专页

初心食堂 | 🍜 極濃超正喇沙 | 葵芳美食📍地址：葵芳美芳街2-14號昌鴻大廈地下9號舖朋友介紹下去搵食，去到見好一條長長嘅人龍，再上網睇先知原來餐廳係不定時營業。所以做足功課真係好重要😅排左30分鐘左右，第二輪成功入座。小店沒有餐牌，店員會同你講有咩食。我地點左三樣野，一共204蚊。雞扒煎得好香，但肉質都仍然嫩滑多汁。豬軟骨炆得好腍，而且好入味。喇沙湯底超級濃郁，但係唔係太鹹，食完都唔覺好口乾。五花腩煎得好香入味，肥瘦適中，都值得試下。🍜 雞扒喇沙🍜 豬軟骨喇沙🥓 五花腩…查看更多

牛魔 ｜🥩綜合CP 值極高烤肉店｜尖沙咀美食呢間烤肉店位於尖沙咀棉登徑，位置非常方便。星期六中午同朋友係K11 Art Mall 逛完，就去牛魔食烤肉。店內環境都算幾舒服，抽風系統都唔錯，唔會成陣烤肉嘅味道。最後我地決定揀100g 最平同最貴嘅套餐一齊share黎試吓。100g 最平超值套餐係「牛五花套餐」，有10片牛肉，配御飯、牛骨湯同沙律。100g 最貴係「日本A4 和牛西冷 牛板腱套餐」，但我地加配左蘭王紫菜月見拌飯！另外，我哋都叫左份黑毛豬頸肉！最值得推薦嘅係蘭王紫菜月見拌飯，橙紅色蛋黃賣相好吸引，將佢同珍珠米撈埋一齊，彈牙嘅米飯充滿蛋香！🤤A4 和牛西冷當然係最好食，不過經過幾次嘅試驗，發現只要時間控制得好，牛板腱同牛五花都會得到質量嘅昇華！笑爺仔建議大家中火兩邊烤3秒左右，真心牛肉味同口感都非常唔錯😌醬汁方面就試左6種，而我推薦嘅「黑椒鹽醬、焙煎胡麻汁、檸檬鹽」。和牛呢度級數，我就覺得點少少檸檬鹽，享受下牛肉嘅原汁原味就最正。牛五花同豬頸肉配其他兩個醬汁，唔錯！不過食烤肉，每個人都有自己口味；有啲朋友鍾意焦味，有啲朋友鍾意五成熟。講到最尾，都係要認真睇住塊肉，唔好掛住玩手機😂餐廳位置便利、裝修環境舒適、服務態度良好、食物又唔錯，呢個價錢真心好值。西班牙黑毛豬頸肉 100g $42牛魔蘭王紫菜月見拌飯 $32牛五花套餐 100g $48 日本A4 和牛西冷 牛板腱套餐 100g $128📍牛魔 (尖沙咀)尖沙咀棉登徑8號地下5-6號舖…查看更多

Goldfinch｜👨🏻‍🍳極具創意餐廳 | 中環美食今日為大家推薦一家由90後藍帶大廚主理的法國亞洲Fusion 餐廳，小店位於中環善慶街，主推以亞洲食材融入西式料理的創意菜式。主廚 Yat 喜歡旅行，亦對身邊的新事物充滿好奇心，經常在日常生活中尋找到靈感。🌶️極具創意嘅 「麻婆豆腐」🦀 蟹肉沙律脆球脆球外脆內軟，口感非常有層次。🐟 拖羅小金杯大廚好巧妙地，將不同材料釀在乳鴿之中，以火槍高溫火燒外表，令乳鴿皮更香更脆；其中材料互相搭配，令口感和味道得到昇華。🐦 八寶釀乳鴿🐥 菊普湛江雞由於湛江雞多處理半放養，肉質有雞味而不會太老。🍛 白鱔意大利飯甜品亦係呢間小店的一大特色。腐皮拿破崙極具創意，龍井士多啤梨慕絲高貴而美味！🍓 龍井士多啤梨慕絲 🌼 桂花菊花雪糕🍰 另一創意之作！腐皮拿破崙除咗料理創新好味，呢到嘅服務態度非常好！笑容真摯，非常細心地隨時為你服務！呢到提供嘅酒，以小眾好飲為主！可以向店員詢問，搵一只最啱自己口味嘅葡萄酒！笑爺仔非常欣賞主廚的創業精神，放棄高級餐廳的待遇；艱難創業，為嘅就係將自己喜歡的食物呈現俾大家！好可惜，餐廳將於5月15日後結業😔📍 Goldfinch (中環)中環善慶街2號地舖…查看更多

粉制良品｜👨🏻‍🍳手工河粉 | 深水埗美食呢間由90後主理的手工河粉店，小店位於深水埗桂林街，主推筲箕手工河粉，現蒸現切。笑爺仔很欣賞老闆的創業精神，在現今社會，又有幾多人願意埋頭苦幹，堅持手工製作呢！🥣 火鴨絲碗仔翅🥘 鹵水大雜燴🍗 手撕雞筲箕河粉🍜 鹵肉筲箕河粉與平日的河粉相比，這裡的河粉採用純米漿製作，口感較為軟綿，米香味也較為濃郁。河粉粗幼可以根據自己喜好選擇，落單前同老細講好。較粗的河粉配鹵肉汁，每根河粉都可以掛上一層鹵肉汁，適合重口味的食家。手撕雞配有青瓜絲，味道較鹵肉河粉清淡，建議配幼身的河粉。鹵水大雜燴炆煮時間可以再長。蘿蔔唔夠腍，鹵水都唔夠入味。小店不提供座位，買完可以係旁邊食嘢，順便了解下製作過程😉📍 粉制良品 (深水埗)深水埗桂林街143H號地下F3號鋪…查看更多

浮生｜🪵日系精品Cafe | 大角咀美食今日為大家推薦一家由90+00後團隊努力經營的一間日式精品咖啡店，小店位於大角咀晏架街，主推日式料理及各類日式飲品。相對其他日式料理，浮生的整體味道相對清淡，以食材原本的味道為主。關東煮的湯底能夠味嘗出廚師的用心，詢問下才知道小店在湯底中不添加味精或雞粉調味。食物整體不錯，個人認為份量再多一點點就完美！🍲 鰹魚湯關東煮🐟 鹽燒鯖魚🍗 照燒雞排飲品方面比較有驚喜，鮮奶焙茶的茶香味濃郁，配上玫瑰拉花，完美開啓新一天！鮮奶抺茶（千歲之雲）其實都非常不錯，不過和焙茶對比之下，難免會有點失色！🍵 鮮奶抺茶（千歲之雲）☕️ 鮮奶焙茶（島根出雲）整體感覺很好，值得再來！📍 浮生 (大角咀)大角咀晏架街8號地鋪…查看更多

One Poke Bowl｜⛱️夏威夷蓋飯| 大角咀美食呢一家係由美國回流的年輕人主理的一間夏威夷蓋飯小店。小店位於大角咀博文街。年輕店員散發著藝術氣息（個人感覺），店內無咩客嘅時候同店主傾偈，先知道小店咁多野。店主有著對食物和藝術的執著，每碗蓋飯都整到好靚，而最重要係味道亦非常不錯！新鮮食材配合特製醬汁，唔經唔覺就食晒成碗飯，是最近比較有驚喜的小店！而呢個驚喜可能係我本身無咩特別大嘅期望？所以建議大家抱住試下心態黎，可能都會感受到我嘅喜悅！😌😌🥙 攻殼部隊🍱 八鱈公主 🧋高蛋白黑芝麻奶昔🥤雜莓乳酪果昔📍 ONE POKE ROCK (大角咀)大角咀博文街 19號地鋪…查看更多

Quiero Más ｜🇪🇸頂層西班牙菜| 中環美食呢間位於中環M88 頂樓的西班牙餐廳環境舒適，服務態度很好，服務員臉上總掛著真誠的笑容！同朋友食飯傾偈，或者招呼下外籍朋友都係一個唔錯嘅選擇！🇪🇸西班牙小菜Spanish Ham & Manchego Cheese PlatterCaesar Salad with Ibérico HamGambas AI Ajillo, Garlic - Chill PrawnsIbérico Ham Croquettes Truffle & Cheese Bikini Pan-seared Foie Gras 🧑🏻‍🍳主菜QM Signature Suckling PigDry-Aged Wagyu Bavette食物擺盤精緻，整體味道不俗。招牌乳豬外脆內軟，油脂入口超正！相對之下，呢到嘅牛扒就比較遜色少少！🍰甜品賣相一般，無影到相，不過味道都幾好！Basque Burnt Cheese cakeChurros with Raspberry Dip📍 Quiero Más (中環)中環威靈頓街2-8號威靈頓廣場M88 20樓…查看更多

兩草係小紅書爆紅一段時間。係老婆不斷推介之下，終於帶左我同朋友去食兩草！兩草據說靚靚同Chilam 都好鍾意去，咁真係滿心期待！下午2點左右都仲要排隊，前面排隊都係遊客，連姐姐叫位都直接用純正普通話問我：「幾位？」入到餐廳，發現大部分客人都係遊客。餐廳內部裝飾都富有懷舊風味，真係幾適合遊客打卡。所以，如果要排長龍嘅話，我都係建議將呢啲機會留俾旅客先啦。🌼菊花茶：其實淡淡地唔太甜，都幾啱我嘅口味。🍤鮮蝦胡椒湯：濃郁嘅胡椒味加上蝦嘅鮮味，確實都幾好味。不過就唔推薦俾唔食得辣嘅朋友啦。小籠包胡椒湯：雖然小籠包應該係預製品，不過味道都唔錯，配上胡椒湯一齊食，呢個組合都唔錯。咖央多士：咖央真係好薄，絕對係用心製作。椰香味都幾濃，加上脆脆地，都算可以。脆香魚餅：唔推薦大家食啦，因為口感真係好一般，唔太識得欣賞。蛋炒豬腸粉：味道無咩特別，腸粉有少少太油，所以都不太推薦。…查看更多

Sawadee Chef 餐廳的樓底好高，令到整體的感覺非常舒適。餐具的色彩都鮮艷多樣，富有東南亞的感覺。服務員的態度都非常唔錯，見到枱上的濕紙巾，先發現原來餐廳係 LUBUDS 集團旗下的餐廳。炒「真係」泰國通菜 （少葉） - 食泰國菜都習慣會叫一碟通菜，所以都無細心留意菜單上的備注。上到菜黎，發現真係好少葉；我同朋友都唔係好識得欣賞，所以食唔晒做左大嘥鬼😖泰式香草烤鮮魚 - 雖然表皮有少少燒焦，不過唔影響魚肉的鮮味。而且魚肉都唔會太乾，魚肉點上唔同嘅醬油，真係諗返起泰國旅行嘅時刻。不過當時一條烤魚20蚊，依家貴少少🤏姐。餐廳整體感覺不錯！雖然價格唔係非常親民，不過係咁嘅環境加上友善嘅服務態度，都算可以嫁啦！…查看更多

望月樓｜🥡氣派高級食府 | 九龍塘美食位於又一城的望月樓定位中高檔中菜館，內部燈光有點幽暗，但整體感覺高貴有氣派，適合同家人朋友來聚餐。由於早餐吃得比較豐富，我們只簡單點了三份點心。百花鮮魚籽釀魚肚的口感特別，爽脆的魚肚蝦膠配上魚籽，鮮味十足。黑糖古法馬拉榚的甜度適中，口感鬆軟軟綿。黑松露野菌脆皮腸粉的餡料豐富，黑松露和野菌味十分濃郁，皮薄餡靚！🐟 百花鮮魚籽釀魚肚🥧 黑糖古法馬拉榚🍄 黑松露野菌脆皮腸粉📍 望月樓 (九龍塘)九龍塘達之路80號又一城G樓G-25號舖#香港美食 #笑爺仔雜食記 …查看更多

增煇藝廚｜🤤 米芝蓮推介 | 深水埗美食連續六年獲得米芝蓮指南推介，餐廳的食物質素真係有保證‼️ 笑爺仔最鍾意個胡椒蘿蔔蝴蝶腩，蝴蝶腩炆得夠腍又入味！沙嗲魷魚嘅沙嗲汁好濃郁，不過又唔會遮過魷魚嘅鮮味！豉油雞嘅肉又滑又嫩，唔會太鹹，又帶小小甜味！荷葉飯吸收左荷葉同魚嘅鮮味，魚肉軟滑，值得一試！💯 胡椒蘿蔔蝴蝶腩🍗 頭抽龍崗雞🪷 木盤龍躉荷葉飯🦑 沙嗲玻璃魷魚🥓 脆皮炸大腸🦪 椒鹽廣島蠔📍 增煇大排檔 & 增煇藝廚 (深水埗)深水埗石硤尾街31-33號地舖…查看更多

金華冰廳｜🍞經典之選 | 太子美食金華冰廳係經典中的經典。雖然服務態度被好多人詬病，但係今日經過見人唔多，就入去食嘢。鮮油西多士非常邪惡，又香又鬆軟！番茄薯仔唐排湯比較有驚喜，番茄味非常濃郁。黑椒汁金華豬扒就一般般，相信豬扒係現煎嘅話應該會比較好食。黑椒汁就正常操作，黑椒味可以稍微重啲。豬軟骨肉質比較硬，但係咖喱汁的椰奶香味十足！買左雞尾包返屋企食，椰絲餡十足，啖啖都係椰香味。食完飲返杯茶，舒服！😌🍛 咖喱豬軟骨配絲苗白飯 $56🥓 黑椒汁金華豬扒 $50🍞 鮮油西多士 $22 🥖 雞尾包 …查看更多

Veggie4love | 💯人氣素食店 | 中環美食中環人氣素食店！美式懷舊裝修，有多國菜式選擇！午餐揀左越南撈米粉，入口酸酸甜甜，十分開胃！炸豆腐嫩滑香口，豆香味濃郁！星州喇沙雜菜飯的椰香咖喱汁超濃，配上香脆的腰果，配飯真係一流！中環返工的朋友仔，得閒都可以黎試吓‼️😋🍜 越南撈米粉 $138🍛 星州喇沙花生椰汁咖哩雜菜飯 $148📍 Veggie4love (中環)中環士丹利街11號Stanley 11 10樓…查看更多

流口水重慶麵館｜🍜自選麵食 | 尖沙咀美食係K11 Food Playground 行左一陣，最後揀左流口水麵館。點左蕃茄湯配重慶小面，個面底認真講就一般般，湯底就還可以，酸酸甜甜都幾開胃。不過豬腩肉就好似有少少雪藏嘅味道。豆卜就正常操作，吸左啲湯再食就正啲！吃完聽到隔離枱不斷話麻辣湯底好正好好食。可能我揀錯左啦，下次有機會再試吓麻辣火鍋湯底啦！不過就應該唔會加豬腩肉啦！腩肉都係雲桂香正啲😋📍 流口水重慶麵館 (K11 Musea) (尖沙咀)尖沙咀梳士巴利道18號維港文化匯K11 Musea B2樓G號舖#香港美食 #笑爺仔雜食記 #尖沙咀美食 #流口水麵館 #蕃茄湯重慶小面 #午餐 #面食 …查看更多

魚事者｜🐟米芝蓮推介 | 炮台山美食餐廳以魚作為主要材料，提供創新的料理。裝飾幾清新，感覺幾舒服。餐廳出品確實係幾新穎，炸魚無薯條同魚米粒粒確實幾煙韌彈牙，不過笑爺仔就唔太識欣賞，覺得如果炸魚無薯條比較油，而且主要係食醬汁嘅味道？魚米粒粒就真係唔識食🙃相對而言，蝦頭油炸蝦球魚麵撈就比較好食。識食嘅你方便就留言教吓笑爺仔啦！多謝😊🍟 炸魚無薯條🍤 蝦頭油炸蝦球魚麵撈🍚 魚米粒粒。扮意大利飯📍 魚事者 (威德閣) (北角)北角炮台山宏安道14-28號威德閣地下14號舖…查看更多